香港基督教服務處大坑東幼兒園 - PART II

法子

毅朗爹爹,
毅朗轉校,Bovie就小左個好同學仔,真係唔捨得呀!
到時記得多D約出來玩呀,保持聯絡~~
希望毅朗好快適應新學校,認識一班新同學仔

法子

Pudding,
我囡囡初初返都好似你仔仔咁,我囡囡比較慢熱又"似"身,佢都用左好一段時間至適應到.不過學校0既先生好好,會"乙水"佢抱佢,等佢慢慢平伏.很多小朋友初上學都會喊的,先生都好了解,家長擔心緊張小朋友亦很正常.
適應也要些時間,別太擔心呀
    

法子

總部0既大坑東網頁update左   

http://www.hkcs.org/edcb/dcc/dcc-act/thtdcc/thtdcc.htm

毅朗爹爹

今日係毅朗在大坑東既 last day，一年零七個月真係唔短既時間，當然唔捨得大家。 新學校由校巴接送，冇左日日一齊返學放學既匆忙，但亦冇左日日返學放學既溝通時間，也不會見到咁多家長同朋友。 希望毅朗快快適應，日後大家出來玩一定要預埋我地呀！ 另外朋友們可否PM你們的聯絡方法給我，因為早前我既harddisk crash 左，冇哂你地既 e-mail 地址。 不能逐一同各位說再見，彼此珍重了！

Heather

毅朗爹爹,
你真是一個好爸爸.祝毅朗在新學校上課更愉快,更進步.
請替我問候Steadler.

法子

各位小朋友都升班0勒,真係大個仔大個囡咯.
我睇今年手冊0既校曆表,學校今年有好多活動.
囡囡亦會嘗試第1次0既學校旅行,想起都興奮哦
    

Kammy

Pudding Pudding, 妳喺到嗎？

妳囝囝仲有冇喊呀？ (我有日放學見到佢, 俾面仔好靚喎, 唔似喊過!)

妳唔好太難過啦！ 肚內BB都唔開心架！

可能妳囝囝喺全班最細(啱啱兩歲), 所以需要多D適應時間啦!

法子

Kammy,Kiu0723,
爾立及楚蕎適應學校生活沒有?

Pudding,
我囡囡初初上學都用左一段長D 0既時間適應,如果你有時間,可以搵番大坑東part1 個topic,Bovie比較慢熱,當時佢又唔肯上學唔穿校服唔肯出門口唔入班房情緒轉變.....總知,真係用盡方法佢都唔肯.唉...依個日字真係幾辛苦,自已都流過不小淚..不過過左依段適應0既階段,佢又出奇地喜愛上學.正所謂守得雲開見月明,相信小朋友0既能力.不要太擔心哦.

法子

Pudding,
知道你仔仔已經適應,真係鄧你開心呀!!想起Bovie上年依個時候..唉..都仲係喊包一名咋!
    

Kammy

Pudding,

揚揚鐘意返學, 咁就好啦！ 我都估到佢已經唔喊啦, 因為我阿仔報料我知 -- 早排我問佢學校生活, 問到同學仔, 當我問到: '揚揚呢？', 佢答: '喊..'； 近排我又問佢, 佢就唔睬我繼續玩, 所以我估佢應該冇喊lar。

我阿仔就出奇地由頭到尾都冇喊過, 同埋so far都適應得幾好! (ling ling 老師話咋!) 我真喺好surprise呀, 因為佢响orientation嗰幾日都幾'痴'身, 間中又扭計, 見唔到我又立即喊.... 唔知喺咪佢明知我唔喺學校, 返而會仲易適應呢？

另一樣阿仔令我之前好擔心, 現在又存好surprise嘅, 就喺佢宜家食飯食得好咗呀！(佢之前唔肯食嘢) 希望佢慢慢肥番D啦!

講開又講, 揚揚食飯真喺好快, 又密密添飯, 我睇見就口水流... (好羨慕哩!)

Hi 法子,

多謝妳之前嘅鼓勵呀！ 我阿仔宜家入咗大坑東真喺幾好呀！佢仲講多咗好多嘢添!!
我都好想揾番PART I 嗰topic睇吓, 不過好似冇咗lu!

法子

Kammy,
唔駛客氣呀,這裡學校先生都很有經驗&愛心的,相信得益的是小朋友.(返學校最開心 ) 明天是中秋節,小朋友都會在3樓開慶祝會.場面熱鬧.
Bovie明天負責帶提子,你們選擇了什麼帶回園分享呢?

祝各位中秋節快樂~~~~~

樂兒媽咪

[size=xx-large]帶水晶梨

法子

樂兒媽,
你上來0拿~~~~~我仲以為你上唔到來添

你們明天帶小朋友去邊玩??我帶bovie去公園呀!

Heather

朗齡今天病了,不能參加中秋聯歡會,真可惜!!!

她現在已經是N3了,但她對N1的鳳霞老師還是這麼惦念.現在老師已經走了,她還拿著與她的合照訴說掛念.老師的驚人魅力真是出乎意料.多情自古空餘恨,朗齡這麼有情,我都不知是喜是悲!

法子

Heather,
今日慶祝會,Bovie昨天已叫我今天記得來看她.(好在早有所料,與同事早己調更)所以今早我與位家長在3樓門外"偷偷地"看他們慶祝會.Bovie見到我,更與我笑呢!她還與我說:我花燈得獎,有影相.
朗齡病了,要好好休息呀.我很想看看朗齡得獎的花燈呢.
還有tammy囡~彤彤的冠軍作品

  

樂兒媽咪

點解??????????我個囡囡冇獎攞o既?????點解學校永遠都唔會提起我個囡囡在校的情況,究竟我個囡囡係學校係點呢?

Kammy

Hi Pudding,

喺呀! 我昨天排隊接放學時都見到妳個仔嘅大名响'榜'上呀！

恭喜恭喜呀！！！

法子

樂兒媽,
點會呀,不過你日日都係工人揍放學.你打去school問麻.
冇獎?你有冇交花燈呢?查實,Bovie都好小拿獎,今次小有地拿了創作季軍.其實有冇獎都係其次,最重要親子一齊做0既過程麻,媽咪唔好咁介意呀~~~係咪?Hee...
我係慶祝會見到樂兒,佢帶住D班小弟妹一齊玩遊戲.輪到樂兒玩0既時侯,安安老師仲叫其他小朋友替樂兒打氣:"我地一齊叫加油努力!!~~"樂兒好叻呀,氣氛不知幾咁熱鬧.
反而Bovie豬玩遊戲做左包尾大王呀,最後一個至玩完炸..哈~唔緊要la,小朋友有得玩就開心.
  

法子

Pudding,
恭喜曬!!等我留意下揚揚個花燈先!
  

Kammy

法子,

乜可以入學校裏面睇花憕咩？