我每個月，都會用我女女的名義捐錢比奧比斯，同參加宣明會嘅助養兒童計劃，用嘅系佢嘅利是錢。平時都有參加下D慈善步行啊賣旗仔咁，來緊2015年3月15號，我都會同C6同女女參加一個癌症基金的1公里賽事…我全部用簿仔記低曬，我以後會同女女講，你細細個就已經識去幫助人哋，希望你大個一樣可以。 其實宜家身邊好多朋友，都有參加呢類型的活動，都會叫你支持下捐下錢咁，但系你唔捐比佢，佢又唔會覺得你無義氣。就好似我公司有個同事參加Movember，叫同事捐錢支持，大家都唔會有hard feeling，覺得啱佢理念嘅，咪捐lor，唔啱，咪話精神上支持佢，加油lor。 就連我自己同我C6公司，年年都會有類似嘅活動，捐錢之後，都係以公司名義捐出去架啦，我哋都好開心gar… 有條件，咪做多D善事lor無壞gar…Think positive! 今日收到學校兩張通告，一張系百萬行，一張系交通安全會。 （1）
向百萬行捐錢，請問有咩問題？ （2）
明慧本來就有一個交通安全隊，同交通安全會本來就有聯繫，咁樣support下人哋一年一度嘅籌款，又有咩問題？ 我認為捐錢唔緊要，都係比多D機會我哋接觸到唔同嘅公益機構。我每次捐錢嘅時候，第一時間，系會睇下呢個機構攞錢嘅用途，同我自己是否吻合。只要我覺得筆錢捐咗出去，系有意義嘅，咁多多少少有咩所謂？ 如果總系以“惡”嘅角度出發，樣樣都覺得系有企圖有目的的，咁樣以後你會發覺成個世界都係充滿陰謀。 最後一句，抄今日學校通告嘅一句話，施比受更有福。
| 
發表於 14-12-5 13:27
