崇真教學法

K1

傻妹:

那天晚上的小學座談會，我都有去，現在你是否已決定讀祟小?  我地K2媽咪今年九月就要揀小學啦!宜家都係十五十六，究竟讀津小定祟小好呢?因讀津小就可以慳番D學費來做課外活動費用，真是頭痛!!!!!

LEON

k1，
我一直都想讀津小就可以慳番D學費來做課外活動費用，但想深一層，讀ttk可以掌握英文同普通話好d，有好既語言環境俾小朋友！如果讀津小我都要係出面補英文&普通話，咁補習費跟ttk小學費可能差不多！而且小朋友們仲有冇多餘時間同精力課餘去補習呢？津小每星期只有一堂外藉老師授課之英文堂！

當然我亦未幫小兒下決定，有待4/6結果再算！但我心知小兒很想讀ttk！

傻妹

K1,

其實一日未開學都好難話實你知係咪讀崇小,現階段可以話我地都好鐘意崇真,亦好喜歡佢既教學方法及理念.我地同你一樣覺得學費真係唔少.但亦同LEON一樣,作過比較讀津小亦同樣要俾佢出去學野,而且時間係一個問題;尤其是我地兩公婆都要返工,平日真係再無時間帶佢去學其他野.小朋友體力亦係一個問題.;另外唔讀崇小,重要請工人照顧囡囡.所以開支反而會大左.倒不如將果筆錢用係囡囡身上啦.

所以我地會好大機會讀崇小;好似我囡出面學緊拼音班重有一堂就完喇!其實老師叫佢升讀劍橋,但係因為崇小亦有同樣課程所以我地唔會係出面讀,除非入左小學之後覺得唔夠先再考慮係出面讀.始終乜都係學校搞掂最方便亦相對安全.小朋友亦唔使走來走去.你話係咪?

重有係出面學語言,好多時係一星期一次,但係好似普通話咁;因為中文係主科,日日都要上,咁變相小朋友日日都接觸到普通話,相信同喺出面學比較會幾大差別.噚日同囡囡去冒險樂園玩,有個伯伯行埋我囡身邊用普通話問佢幾歲,我囡囡會用普通話答佢'五歲'.我都幾恗然因為一來我囡怕羞,二來都無諗過會佢會用普通話答.我話:點解你咁叻識用普通話答既?佢話:我係學校有學普通話架!

相信呢D就係成效囉.

ivytang02

hi, 傻女, 我都成日入黎睇你地留言, 我記得我女k3時聽祟小講座老師講一班24-25人為何e+多至33人 , 如果吾係太遠校車要6:30我一定回祟小讀的,我很喜歡祟小的

傻妹

Hi Ivy,

真係好喇,你都會入黎探下我地.兩位千金好嗎?佢地啲相好靚喎.

崇小而家咁多人相信係因為學校受歡迎左.我都唔想咁多人一班;但係學校受歡迎又係一件好事.真係予盾.

ivytang02

傻妹, 無辦法吾入黎探路, 知你d料最多最豐富, 大女重未有學校收呀, e+重等緊教統處編校, 另外直資2間都係未有消息, 如果心目中學校吾收, 就要返祟小, 所以要入黎睇資料, 到時再想方法搭車  

傻妹

Ivy,

我都係硬著頭皮係度問崇小家長咋.
咦,點解你要等教統局編校既?祝你好運.乜直資無話幾時有消息咩?你地搬左啦咩?如果真係讀崇小唔揀果區得唔得?

LEON

ivy，
我唔係好明白你大女點解要搵學校？佢應該讀緊主恩p.1？係咪？問題出係邊？點解要搵學校？

sorry我太多問題因為我係shu想緊津小or崇小！ 講真如果唔唸$$$，我必定選崇小！

ivytang02

leon, hello,你對孖女係咪今年返學呀< 會讀祟幼嗎 ? 係到同你 & 傻女傾計好似返回以前讀祟幼感覺, 我大女e+都讀緊"主愛", 你吾記得我以前講過我要搬去油塘, 主愛只係讀一年炸, 以我女讀左一年"津校" 真係有好多感想架（不是間間都是這樣的，　我想我女吾適合此校就讀）, 讀左一年最大問題係老師&學校呀 ! 我慣左祟幼老師&學校對家長溝通 & 處事分明,處處為家長&小孩行先, 但主愛不會體量小朋友只會埋怨家長不好好教仔女, 我女讀左一年出現過好多次問題, 多到我討厭主愛, 太多例子, 好似初初返學一星期我女係學校廁所同同學撥水 & 幾個女同學同一時間係一格廁所wee wee(無錯小女這樣做不對, 但想想她只返學一星期對那個又大又新廁所真的好好奇) 佢地係被訓導主任發現, 其實佢當時已經責罵左小女&幾位同學, 那晚收到班主任電話長編大輪地講出我女兒將幼稚園壞習慣帶上小學, 最離譜講我女因生得高大會好容易整傷其他小朋友 & 由佢帶領其他同學入廁所玩喎, (後來問小女佢話其他同學一齊小息入去架) 重話佢地學校對紀律好緊要, e+我女開學已經特別比全校老師註意了, 請我好好管教小女, 嘩 ! 聽完嬲得我呀 ! 即係剷獲 金佢地呀! (咩叫生得高大呀 ! 有罪架, 我女同其他同學一樣大炸, 佢地都傻架) 總知我對lee間所謂bank one 小學大打拆扣，現在只好好地完成一年就即刻轉校．．．．．

leon私校就讀$$$一定係重要問題, 津校(我女班主任成50歲la, 佢好似咩都吾想理等住law退休金禁, 我女&其他同學有事佢就好擔心影響佢在校表現, 津校& 私校辦學理念同老師質數實在有太多分別la)

傻妹，　因油塘突然出左好多新屋苑入伙，　所以好多小朋友須要插班，　津校無禁多位須要加班，　學校只好向教統處申請加班, 教統通要統一人數再決定編校，　我要等７－８月先知我女會被安排到邊間小學（十足小一派位），其實我心儀係果邊架優才同臻美（２間直資小學）但插班位太小，機會好微，　所以如果政府派小學太差，　我就要讀回祟小(因想吾到重有咩私小la)，　到時再想辦法返學，　始終６：１３上校巴係一件相當辛苦的事．．．

好長篇悶親你地嗎　？


  

傻妹

ivy,

唔長篇,係度知道原來你咁唔鐘意你囡間學校,真係有d意外;亦提醒左我要好小心選擇學校.
真係人算不如天算,原來油塘突然多左咁多學生.所以你而家咁狠狽;我都戥你辛苦.舊年巳經煩左一次而家又要再煩;而且我覺得重煩過小一派位添.要左等右等.
咁幾時知道直資小學結果?你打去學校問得唔得?追緊d.

LEON

ivy，
主愛好出名好多人爭但結果都係咁，所以點解我一心想讀崇小！現在考慮既係$and孖女將來升小問題！ 佢倆已經幼兒園，亦會繼續讀落去，崇幼現在太多人我唔考慮住！

你既分享亦係我所擔心既！你囡囡有冇話怕怕返學呢？你冇喊呀？

油塘聖安當係咪私校？有冇問過位呢？

Fanny_Lee

Hi 傻妹,

你重記唔記得我呀! 之前曾話過我個女考崇小的三年班.係你鼓勵我, 最後都有去面試; 發覺好多不同級d學生去考插班試, 重有d先生好nice, 學校需然殘d, 但都算乾淨.
今日收到結果,成功左. 但因最近有朋友知道有佢另一朋友之兒子因追不上成績,而係小三轉校, 令到我有d担心. 因為阿女現讀傳統教學之小學,唔係好似你個女由幼稚園升上, 完全未試過全英教學, 尤其係全英教數學.

真係收又煩,唔收又煩惱!!  :-|

K1

LEON / 傻妹，

多謝你地比左咁多祟小訊息，睇完ivy 留言後，都對津小有d戒心添.........


LEON :  你是否第一輪攪珠不理想，所以要等4/6呀?

Ivy :  主愛是在那區?好似幾出名架?

傻妹

LEON,

你有三個小朋友,如果讀私校會好吃力.我得一個囡都左諗右諗,奈何香港既教育制度真係令人擔心;所以都要俾個囡讀私校囉.

Fanny_Lee,

我當然記得你啦.原本應該恭喜你既,但係你有咁既憂慮;真係唔知點講.不過既然考左就即管一試囉.我相信起碼你小朋友會開心D先啦.至於跟唔跟得上我覺得學校老師都會幫忙.而且某D科目係有中文版輔助既.其實我自己普通話都唔掂,都擔心囡囡問我都教唔到佢;但係學校自已有一套光碟輔助既,所以最多到時大家一齊學囉.係咪?其實,數學都係有中英文課本GA.你都唔好擔心咁多,用愉快既心情去迎接啦.係咪九月就開始讀崇小呢?

K1,

大家都係想小朋友好,有咩都盡量同大家分享囉.

衍彤媽

傻妹 寫道:
Planet,

唔使客氣,你講得岩,問學校最清楚.

衍彤媽,

正式上堂時間係8:00;但學校都希望學生可以早少少返去預備上堂唔使咁狼狽.例如佢地可以去廁所先.

傻妹,唔該晒

sneezy

Hi 傻妹,

please check pm. thanks!

ivytang02

ｋ１，主愛在安陰同區ｂａｎｋ　ｏｎｅ　小學

ｌｅｏｎ，　ｅ＋ｇａ聖安當再不是私校了（今年開始變津校），而且已跌落去ｂａｎｋ　ｔｗｏ　了

傻妹

ivy,

呢個時候重有私校變津校?有咩好處?

ivytang02

傻妹, 因為無人讀咪要變返津校law

傻妹

下?乜咁都得.但係而家油塘又多左人想搵私校又無.唉!!真係.......