REJECTED 重災區+打氣區, Never give up!!

AtoZ

我今日做左一件好唔應該的事, 就是將阿女心儀的小學reject事話佢知, 因為我好唔開心, 好想同佢講.

我好傷心的話:"學校冇揀到你"
阿女問: "咁XXX呢?" (是她的好同學, 阿女想同佢一間小學)
我話: "有揀到佢"
佢好唔開心講: "Ah..., 我好想同XXX一齊呀!"

冇幾耐, 佢就瞓左, 我唔知佢情緒如何. 但我好後悔將自己唔開心的事要阿女分擔, 我可能傷害左佢心靈, 打擊左佢自信, 以為自己不及人.

我今日心情跌至谷底, 因為收到2間reject. 另外兩間今日通知2nd in, 但冇收到通知, 相信也是reject了.

我之前對阿女頗有信心的, 沒有想過這場仗會慘敗. 心儀的而家冇行, 二三線未知結果個D機會又細, 因為大部份有自己KG.

我真係唔想等到6月又叩門, 又再玩過interview遊戲, 真係好辛苦.

Peter2880

原帖由 AtoZ 於 11-10-26 23:12 發表
我今日做左一件好唔應該的事, 就是將阿女心儀的小學reject事話佢知, 因為我好唔開心, 好想同佢講.

我好傷心的話:"學校冇揀到你"
阿女問: "咁XXX呢?" (是她的好同學, 阿女想同佢一間小學)
我話: "有揀到佢"
佢好唔開 ...

其實真係唔係個個小朋友條路都甘順暢, 6月叩門咪叩門lor, 總算都係一條路, 可能k區d, 但都一樣到達目的地, 唔好氣餒

無氣同你講

原帖由 AtoZ 於 11-10-26 15:12 發表
我今日做左一件好唔應該的事, 就是將阿女心儀的小學reject事話佢知, 因為我好唔開心, 好想同佢講.

我好傷心的話:"學校冇揀到你"
阿女問: "咁XXX呢?" (是她的好同學, 阿女想同佢一間小學)
我話: "有揀到佢"
佢好唔開 ...

考試係要講下運氣，前面有個家長個女都好勁，學校都冇揀佢，所以冇揀佢唔係代表佢唔叻，即係好似有ｄ好靚既女仔冇人追，因為個個男仔都以為佢有好多男朋友唔敢追。

難過埋今晚好啦, 明天又是新的一天。

ElsaShum

UncleGrand,

多謝您的關心, 是男拔.

Elsa

kitty_102570

You are so funny that makes my day!!My son also got 3 rejected already!!

ElsaShum

Let's add oil!

freesiang

我同大家一樣, 面對小朋友一次又一次的reject letter, 心十分痛.
我亦感到內疚,是否冇俾佢上面試班, 同埋係唔係要報考多幾間, 因為我報左5間, 已有2間reject...........

jimling502

現在我真的很後悔我怎解要讓我仔參與這場遊戲?又唔係沒書讀,且我地呢區的校網都幾好,最差就6月再扣門囉!我相信我仔實得,因佢同年班佢算好標青果個,成績表好靚,校長推薦信都寫得好好,都唔知怎解冇一間收,5歲仔識野了,佢會問,我地唔知怎回答,淨係一路話"未咁快"佢始終會知道 怎算?佢一定會問"怎解XXX同學得既?"我要怎回答好???佢同學有人完全冇參加,依家幾happy?家長冇壓力,仲話我,咁辛苦來做咩??是不是我一開始就做錯???

antonyada

原帖由 jimling502 於 11-10-27 11:19 發表
現在我真的很後悔我怎解要讓我仔參與這場遊戲?又唔係沒書讀,且我地呢區的校網都幾好,最差就6月再扣門囉!我相信我仔實得,因佢同年班佢算好標青果個,成績表好靚,校長推薦信都寫得好好,都唔知怎解冇一間收,5歲仔識野了, ...

你要問番自己最初點解要參加呢類遊戲, 無錯就係同大家都一樣, 希望比仔仔女女有更好的選擇, 係可承擔能力之下, 搵間更岩小朋友學校, 有咩野錯呢...?

至於學校收唔收, 真係運氣佔左七八成, 無須自責啦~ 直資 小一位加起都無二千個位, 呢類遊戲成萬個小朋友參予, 成功率一定唔大囉~ 自有天意安排!!

jimling502

多謝你的認同!正如你所講,當時就係一心希望個仔可以入讀更適合佢的學校,以為佢又醒目,又靚仔,應該冇問題,誰知結果會係咁?

除了要面對仔的感受外,同學家長的關心,亦造成我不小壓力

希望來緊有好消息,亦希望各位等緊的家長都有好消息,大家加油

無氣同你講

原帖由 jimling502 於 11-10-27 03:59 發表
多謝你的認同!正如你所講,當時就係一心希望個仔可以入讀更適合佢的學校,以為佢又醒目,又靚仔,應該冇問題,誰知結果會係咁?

除了要面對仔的感受外,同學家長的關心,亦造成我不小壓力

希望來緊有好消息,亦希望各位等緊 ...

駛咩咁灰心? 英華, DBS果D都未開估...BTW, 你報左幾多間?

babybear

我會答佢：你表現得好好，係因為爸爸媽咪in得唔好，所以....

原帖由 jimling502 於 11-10-27 11:19 發表
現在我真的很後悔我怎解要讓我仔參與這場遊戲?又唔係沒書讀,且我地呢區的校網都幾好,最差就6月再扣門囉!我相信我仔實得,因佢同年班佢算好標青果個,成績表好靚,校長推薦信都寫得好好,都唔知怎解冇一間收,5歲仔識野了, ...

jimling502

多謝大家關心!我會再加油

已3間reject ,WKF及SPCC也差唔多出了,來緊應該有5間reject

我都係盼望英華, DBS有好消息~~~

上海寶貝

明後天應該會收到1-2封，

abioole

希望在明天！

但是失望也在明天.  全因我們眼中有得失, 所以我們在意成功與失敗.    突然間咁禪既?  原來每每係我地最在意既時候, 才知道自己既弱點.  原來我地大人都唔係好經得起考驗!

自問已衰左好多間, 當然有時會好唔開心, 會覺得自己個囝係咪咁差呢?定係人地仲勁d呢?愈諗愈亂, 諗極都諗唔到一個合理既理由去說服自己學校唔收我個囝既理由.  

如果信佛既人, 會諗 "菩提本無樹，明鏡亦非台，本來無一物，何處惹塵埃"!    因為我地個心有塵, 所以我地要擦走d塵.   ((我個心一定好沙塵啦, 所以學校唔收我個囝囉.  我要擦走我d沙塵先得, 有cert都唔好交)).  即是, 我地自己走去報直資, 跟住又要期望學校會收我地個囝, 唔收由唔開心, 收由煩惱放唔放棄大抽獎等等等等......  全部都係自找煩腦.  試問各下買六合彩, 如果唔中, 會唔會咁唔開心呢?  一定唔會.  因為大家都知六合彩係公平, 大家機會一樣.  (但係依家我地選直資一樣好似買六合彩咁, 唯一唔同就係我地唔係買一注, 有d家長買好多注 - 又獎狀, 又cambridge, trinity, enopi,etc, 又音樂, 又interview class, 連去買六合彩都要買件貴既衫去襯, 諗住good luck d, 買下買下, 買左好多注, 諗住機會比人地大啦, 點知們頭來一注都唔中, 安慰獎都無.)  係咪覺得好唔扺呢?  bingo!!! 依個就係大家唔開心既原因, 合理付出預期合理回報?  其實我地成年人, 做左咁耐人, 都知道收鑊同付出係唔成正比架啦.

係囉係囉!!!!講就識講! 我都重係好慶架, 好想打爛d野發洩下, 或者大叫(超級大聲)"係咪癲架!!!!咁多間都唔收, second in 都冇!!!!!回水呀!!!!!"

marrowcream

呢句好正, 100個 like !!!!!!!!!!!! .一針見血 !


"依個就係大家唔開心既原因, 合理付出預期合理回報?  "

原帖由 abioole 於 11-10-27 15:58 發表
希望在明天！

但是失望也在明天.  全因我們眼中有得失, 所以我們在意成功與失敗.    突然間咁禪既?  原來每每係我地最在意既時候, 才知道自己既弱點.  原來我地大人都唔係好經得起考驗!

自問已衰左好多間, 當然有時 ...

gowgowgow

Very Buddhist and Zen which I like a lot a lot. Thanks

gowgowgow

With your kind of thinking, abioole, your kids should be living in a well nurtured environment. I am happy for you and them : )