ADHD食葯問題...請賜教...(急!)

~仔仔媽咪~

原帖由 loklok0104 於 09-7-7 17:51 發表


仔仔媽咪，

謝謝你詳細既解說，聽完你咁講我真係更加擔心!

本身哥哥已有邊緣讀寫障礙，我已花好多心機時間係佢樹，如細仔真係........我諗我都唔知點

由於細Ｂ主要係由工人湊既，可能係雙語環境下，所以佢由1歲到而家 ...

查實有無諗過試下自己湊番細囝?我唔知有無根據,但當年我仔响兩步半入學前,一直多數都係交俾我外家印尼工人湊,雖則印尼工人識講中文,但真係好就個仔囉,個仔未喊只係一指或者尖叫一聲,個工人又唔駛佢講野就乜都俾佢又抱佢,之後到我仔番學我至全程自己湊,到我工人响我仔五歲時番印尼後半年,基本上連外人都好覺得仔係明顯好樣咗好多架!

所以我覺得可以既話,先試下自己湊咗細囝先,再安排做評估,playgroup都好架,至少都多個渠道俾細囝學下講野同玩,同埋都係留意番佢D飲食,盡量都唔好俾佢吸收咁多糖份,嗰D白糖、朱古力、甜既飲品就唔好俾佢食喇,食咗會令佢仲興奮仲失控...


暫時試下呢D方法先,至於屋企人,試下先大家講好唔可以响細囝面前發脾氣或者出負面情緒,因為細囝本身脾氣唔太好,如果又係爸爸一見佢嘈就打同鬧,咁樣可以細囝既情緒會更失控架...

當細囝扭計訓地時,千祈唔好走埋去理佢氹佢,唔好出聲,等佢發現自己點扭點喊點訓地,媽咪都無動於衷,佢之後就唔會再用,只要記住喊係喊唔死既,咪由佢喊個夠囉!唔駛安慰佢或者抱佢,

同埋如果佢有機會係過度活躍既,相信佢等奶飲同等食時會顯得不耐煩同次次都唔肯等一陣就狂扭喊要即刻有,呢下千祈唔好縱佢,俾番個signal佢係要佢等下至有得食既,唔駛因為佢喊而雞手鴨腳咁拿拿聲送上門,呢樣要佢學等,其餘佢嗰D要求,都係唔好有求必應即時俾到佢,要佢至少等耐少少佢又唔嘈肯安靜去等,至會得到.

唔駛太擔心,越早及時發現個問題,及早做番多D訓練,查實大個咗又唔會有太大問題既,至於大仔既讀障,試下搵多D有趣簡化既方法俾佢學習囉...我仔都有學障架,但只要搵到個方法係for到佢個學習style,而佢又一路大個仔又去到某一個level,基本上佢地係吸收到知識既,我仔二年班之前都仲係科科零蛋又唔肯寫字(對手無力),但今年三年班佢已經可以中英文合格囉,查實真係要俾多D耐心去慢慢試,呢D始終急唔黎既. 加油!

~仔仔媽咪~

原帖由 77777 於 09-7-7 18:35 發表
我個仔係bb時就喊倒顛, 佢大d係無時停, 佢係唔多喊架重好鍾意笑, 不過, 佢好曳, 我閙佢, 佢就會咋喊, 喊到嘔, 個c6就會閙我, 話我好閙佢, 阿仔聽見個c6閙我就會好得戚咁笑....佢衰豬而家都重記得架, 佢自己都話係突 ...

不過您仔D脾氣好過我仔好多,我仔真係喊到死老豆老母咁架!都唔知佢為乜咁傷心...我又同佢鬥硬,有幾年我仔好興專登做埋D牙煙野黎等我地買佢怕架~但嗰時我唔買佢怕不特只仲會幫佢一把,佢專登遞隻手作狀响我地面前扮要塞隻手入去煲熱野度,我唔驚佢不特只,我仲即刻捉住佢隻手直接'幫'佢塞入去煲野度!寧願之後同佢擦燙火羔....佢係咁扮跌,我唔呵佢唔怕佢不特只,我仲要係咁雙手大力推佢落地,然後差唔多跌落地時又用手大力咁扯埋佢上黎,好似玩跳樓機咁,嚇到佢話唔敢再跌,我至放過佢...總之嗰時我仔D脾氣好臭又固執啦...訓地已經係小兒科喇.

~仔仔媽咪~

原帖由 77777 於 09-7-7 19:01 發表
我諗返轉頭其實阿仔係做mud野都好心急, 要即刻有.....但佢除左有時出街試過行左出馬路邊嚇c我都無mud其他, 佢響屋企係無時停, 不過又唔覺佢響屋企成日跑來跑去又擒高擒低, 不過係成日攪攪震....出倒街唔鍾意拖住我.. ...

我仔就做乜要乜都係好急好衝動囉,諗都唔諗,等半秒都唔肯等,但唯一佢好既就係好肯拖實我隻手囉,因為我仔都幾細膽,好驚唔見咗我,會俾壞人捉咗去( 估唔到細時講既恐怖故事,可以咁有作用)~!所以我仔到依家就黎十一歲,佢都係拖實我隻手黎行街,唔敢衝出馬路,因為好怕俾車車C~! 不過依家有時行行人路,佢都會急到自己行咗上前面,我要扭計話佢唔要媽咪,佢至拿拿聲走番埋黎氹我,話會理我唔會唔理我... 至鐘意扭個仔計~!佢都扭計扭得多,呢次仲唔輪到亞媽扭佢!

我仔就好為食,細個飲人奶真係飲到唔肯放口,大食到要加奶粉至飽囉!再大D嗰陣,佢就開始誇張,自己唔小心跌咗個包落地,佢都好激動好似人地生意失敗咁喊兼跪地,仲要好快手咁執番地上個包黎塞落自己口裡面吞,仲要係响街邊塊地喎, 捉都捉唔住,好鬼核突,外人見到都唔知會唔會以為我無俾飽飯俾亞仔食呢...係幾失禮架!

~仔仔媽咪~

原帖由 hamburghkg 於 09-7-7 22:54 發表
你哋好, 想請教一下, 小兒今年8歳, 今天到亞皆老街做了評估,屬于智商是:優異智能但有專注力失調及過度活躍症。
要轉介到精神科, 想問 小兒全校考25/96 成績並不太差但上堂不留心, 常唱歌, 發出怪聲, 排隊搖動不定... ...

食葯會好D囉...至少佢個人定D,一黎少咁D投訴少D騷擾到人,二黎會易教好多.同埋佢做咁多怪異動作同發怪聲,查實學校裡面D小朋友把口又唔收,好大機會會笑你仔,咁樣又係好影响佢自信同佢個人形象...

咁葯都分兩種,同埋醫生都係依小朋友响學校既情況同表現而開啱既劑量,我諗你囝囝無打人同情緒失控既問題,讀書又OK,我諗醫生都只會開最細份量俾你囝囝食.

葯嗰方面唔需要太擔心副作用既,嗰D列出黎既副作用只係個別有可能發生而唔係一定會發生.好似我仔食咗年幾葯,佢不但無副作用出現,而且照樣食得玩得瞓得,仲要呢一年佢係明顯又肥咗又高咗好多.除非你係俾囝囝食concerta而非ritalin,否則我聽番黎既結果係有好多小朋友食ritalin係無咩副作用跟身既...但ritalin葯力一過時,嗰下反彈會好大,會仲衰過未食之前,而concerta係長效葯,唔駛一日分幾次食,朝早食一次就足夠,同埋就算葯力過咗,都無咁反彈囉.依家我就係考慮要求醫生轉concerta俾我仔番學食.

~仔仔媽咪~

原帖由 77777 於 09-7-7 22:21 發表
您咪好law, 您阿仔care您, 我阿仔而家都成鬼日fing luc我架, 所以我成日叫佢帶電話響身可以比我急call佢呀...

頭先又同佢同c6一齊出街, 本來落車, c6叫佢拖住媽咪, 點知佢一見倒地下有隻小強, 佢啦啦林fing鬼luc我 ...

我仔响街見到小強都好大反應架!不過佢唔係自己彈開,而係好鬼大力咁扯我同MIT我又大叫...差D搞到我重傷~~!!!有時我唔太鐘意我仔小事情但過大反應囉!小強之嘛,夜晚一街都係,驚得幾多,D小強見我地人類咁大份,咪仲驚我地!我地一個唔小心都踩扁佢地啦.

loklok0104

原帖由 ~仔仔媽咪~ 於 09-7-7 18:40 發表


查實有無諗過試下自己湊番細囝?我唔知有無根據,但當年我仔响兩步半入學前,一直多數都係交俾我外家印尼工人湊,雖則印尼工人識講中文,但真係好就個仔囉,個仔未喊只係一指或者尖叫一聲,個工人又唔駛佢講野就乜都俾佢 ...

仔仔媽咪,

感謝你既教路, 指點及安慰, 我會努力嘗試.

我其實係唔可以唔做野, 真係家家有本難言的經, 我生細仔時, 老公已經好反對, 但因為我既堅決, 佢亦無辦法, 但佢已經常俾壓力我(經濟上), 我仲要俾錢我媽媽, 大仔亦要學野, 補習, 所以我老公係唔會俾我唔做野自己湊細B既.

哥哥係學期尾評估為邊緣學習障礙, 佢唔能流暢地閱讀文章, 時常把字讀錯, 讀漏, 或要想一回才讀出來, 以致不能理解文章內容及意思, 而思維及邏輯亦較弱, 但視覺空間, 感官, IQ等都屬正常. 佢在P.1上學期時有時會出現將字體左右倒轉寫, 但由下期學到而家都再沒有這個情況出現, 佢的字體端正, 取過書法比賽獎. 哥哥係一個脾性較溫馴, 聽話, 怕羞, 沒自信既男孩. 由於他較聽話, 所以他會用比人多一部或更多既時間去溫書. 可能因為咁, 雖然佢有學障, 但佢既成績唔算太差, 中英文默書在80-100分, 測驗考試既成績未曾唔合格過, 而且下學期係唔讀卷, 今次成績進步左7名. 所以我都好安慰, 覺得雖然花好多時間心機係佢樹, 但有成績出離.

只於細仔,可能因為哥哥既關係, 我對細仔產生無疑既祈望, 但我已經開始調節我自己, 明白到佢己正正常常, 會行會走, 我應該感恩, 明白到呢D唔係孩子同我既錯, 只係神給我地既考驗吧!

~仔仔媽咪~

原帖由 loklok0104 於 09-7-8 10:01 發表


仔仔媽咪,

感謝你既教路, 指點及安慰, 我會努力嘗試.

我其實係唔可以唔做野, 真係家家有本難言的經, 我生細仔時, 老公已經好反對, 但因為我既堅決, 佢亦無辦法, 但佢已經常俾壓力我(經濟上), 我仲要 ...

都明白您既,查實我呢十年都係為咗個仔但又同時因為經濟唔好而成日番工辭工又再搵工做...但次次番工無耐,個仔就會有好多問題發生,搞到份份工做唔夠一年兩年就要QUIT,要全時間睇實跟實我仔,咁我仔至稍為穩定番同進步番,,,

或者如果唔能夠全職湊細仔,試下當你放工放假既時間自己全程湊番細仔,把握番多少少時間去訓練下佢,咁樣都會對佢有幫助.

同埋都唔需要俾太大壓力自己,試下當同自己比賽或者學下野咁既心態去教細仔,唔好諗個細囝有無問題先,逐步黎,先解決咗佢講野問題,試下從最簡單既日常事物開始教起,等佢自己又學下試下講,然後至俾野佢,查實小朋友既脾氣,當佢地講野叻番既時候係會明顯好好多,平時如果佢扭得勁時,可以先唔好咁急去抱佢理佢,等佢喊完自己安靜落黎,當無事咁再理下佢同佢傾下偈又玩下,等佢知道佢咁扭計係無人會理佢,佢會用少呢D方法黎引人注意.

唔駛太擔心囉,even我仔有咁多問題,但我仍堅信我仔係神賜俾我既最好禮物,呢個世上有個人仔咁在意我咁緊張我亦咁需要我,查實係一個榮幸黎,至少自己都响呢個世上有作為,有人需要我存在.

如果真係擔心細囝有問題,可以及早搵醫生黎同細囝做個評估,及早發現佢問題所在,早D去做訓練,對佢日後成長表現都好大幫助架.

加油啦~有咩你都可以响度同我地傾,至多我地大家一齊諗計仔去教好你細囝囉~~~唔駛怕!

~仔仔媽咪~

原帖由 77777 於 09-7-7 23:42 發表
我仔見小強就係反應大過龍, 佢係跋腿潛逃, 唔理阿媽.....

您阿仔好好笑, 佢真係好驚好肉緊枉......

我細個時阿媽成日用隻小強同我開玩笑, 佢直情mit luc佢個頭, 我而家諗起都打冷震.....我對小強有恐懼症 ...

小強同米奇查實我都有少少驚驚地,但又未致於驚呼狂叫囉~~~但如果俾我見到嚴蛇,我實癲咗都似~!

~仔仔媽咪~

原帖由 77777 於 09-7-8 21:09 發表
我係最驚小強, 我媽咪就好驚四腳蛇啦.....

我試過初時搬來呢度, 因周圍重好多地盤, 咁有好多小強, 我仔竟然話係雀仔飛左入來, 咁當我好開心準備去捉呢隻雀仔, 一睇原來係小強, 我嚇倒卜左落地, 撞鬼瘀左tim呀, 個次 ...

我仔都係咁架!知我怕四腳蛇嗰D,佢有時响街見到有條,佢會捉我去睇,跟住仲手指指話隻四腳蛇好cutie!我就真係想Kill him(我仔)喇!!!我仔仲試過拎埋部相機影俾我睇添...我淨睇相已經毛管棟~~~!!!

~仔仔媽咪~

原帖由 77777 於 09-7-10 00:09 發表
您阿仔都好鬼鍾意整估您枉.....不過, 通常係如果您好驚一樣野, d人就會拎呢d來整估人....

我媽咪講返比我聽我細舅父知媽咪最驚四腳蛇, 佢將條c左的四腳蛇放左響我塊尿布底, 嚇倒佢c....

我細時媽咪就用小強來嚇我, ...

基本上我怕四腳蛇都係我童年陰影黎架~~~嗰時我細個成日俾我大佬嚇我架!又話四腳蛇條尾會斷,仲要彈入人既耳仔裡面,結果我由好奇變成好驚...到依家都仲未克服到呀...

zater

仔仔媽咪, 77777,

評估方面, c6 揀左兩個地方, 一個係鄧博士 (唔想打晒成個名), 另一個係明x , 鄧博士果度較忙, 7月份可能插唔到期做, 而x愛果度已約到期, 佢地話首先會有心理醫生同小朋友傾計及做小測驗, 憑經驗知道佢地需要做咩評估先, 收 $1000, 之後再做其他評估, 例如讀障, total 收 $4500 會扣返之前收果 $1000, 但如果醫生覺得小朋友根本唔需要再做其他方面評估, 只收 $1000, 而鄧博士果度, 智力加讀障 $4500, 再做埋專注力就收多 $700.

其實我屬意明x做評估, 因為佢地有醫生做左初步評估, 再建議做某方面評估, 好過我自己估估下去做, 逐樣野收錢.  但係我唔知明 x 做得好唔好, 因為唔多覺有人提過.  你地認為點好呢.

另外今日同細仔去健康院驗眼, 眼就無問題, 但成個人 ge 成長狀況比較差, 即係身高體重有嚴重問題, 唉, 我都想佢高 d 重 d, 但係佢真係食得瞓得or得, 淨係唔識高同重, 真煩惱.

[ 本帖最後由 zater 於 09-7-13 19:48 編輯 ]

~仔仔媽咪~

原帖由 77777 於 09-7-10 18:58 發表
原來童年陰影可以咁犀利架, 我係唔怕米奇驚小強, 都係媽咪嚇鬼我咋, 我細時連蜈蚣都唔驚架, 成日捉草蜢, 蝴蝶, 細時去d寺院, 有d水池有時有水蛇, 我差d跳鬼左落去捉佢, 阿妹就跌左落水....同佢一齊游水..... ...

我真係除咗四腳蛇外,其他蛇虫鼠蟻都唔驚~!

我呢幾日忙到爆哂燈呀!個仔星期四買咗小四書番黎,我就開始埋首整定D溫生字紙俾佢溫...因為我八月頭自己又要考試(日文嗰度),我都怕自己呢次會肥佬,,,淨係教仔都唔夠時間俾自己溫日文....好大鑊...!!!

不過好彩音標嗰度,我仔開始識識地點併,呢兩日叫佢試下自己併讀小四英文第一課既生字,我上yahoo check哂D音標,要佢即時試讀,結果有好多佢都識得點併,係無咩自信心去讀出聲啫!不過都真係幾有幫助,依家教咗佢一次D字點讀,佢自己又併埋,之後佢都唔駛再問我,自己已經識得讀啱個字黎抄寫,希望等佢熟咗音標後,D英文字真係會易記入腦好多啦.

~仔仔媽咪~

原帖由 zater 於 09-7-13 19:45 發表
仔仔媽咪, 77777,

評估方面, c6 揀左兩個地方, 一個係鄧博士 (唔想打晒成個名), 另一個係明x , 鄧博士果度較忙, 7月份可能插唔到期做, 而x愛果度已約到期, 佢地話首先會有心理醫生同小朋友傾計及做小測驗, 憑經驗知 ...

明X都有人講架!都算出名,如果你比較呢兩間,比着我都會屬意明X多囉!至少正如你所言,我地唔駛盲盅盅唔知評乜好嘛,有個醫生做決定,始終會好D,我地無咁亂.

會唔會係佢本身唔吸收呢?有無問番健康院醫生?問下醫生意見,睇下有咩方法可以谷番肥佢同整高佢囉!試下留意番佢D飲食,睇下有無得可以改動下,等佢吸收得好D.我老公都係咁架!佢好鐘意食甜食,又成日一餐食兩碗飯又夾好多餸,但就係唔高又勁瘦,,,由我識佢到依家,我老公都係徘徊响110至115磅,淨係响我大緊肚陀住我仔時,佢至試過120磅... 我係完全可以揹住我老公周屋走囉!反之我成百三磅,我隻佬從未抱得郁我...真係!!!

[ 本帖最後由 ~仔仔媽咪~ 於 09-7-14 00:05 編輯 ]

~仔仔媽咪~

原帖由 77777 於 09-7-14 01:23 發表
我係今日先開始執D書咋.....DUM左D舊書.....遲兩日要開始包書啦.....

您好鬼勤力呀, 我重未開始同佢睇, 諗住都係遲D先, 同埋好驚同佢睇晒D書, 佢上堂會更遊魂....我多數同佢拎D 出面的EXERCISE來做下咋....

阿仔呢 ...

真係無得我唔勤力...個仔大把野要我同佢大執,上星期四買書同註冊時收埋下學期考試成績表,原以為呢次我咁樣地獄式同佢溫習,佢會有進步會高分D,點知仲衰過上學期囉!仲要操行跌到得C-(鬼咩,打爆咗同學個頭,唔俾F咪算係咁囉),仲要老師評語嗰度話佢雖則英文有明顯進步同埋有勤力學習,但守規有欠改善... 睇到我無乜心機,問個仔做咩考得咁差,原來條友仔考試做卷做得好慢,份份都做唔哂囉! 呢樣我都研究緊點訓練佢寫快D唔好遊魂遊出公海...大家有乜好提議...?咁多野要我大執佢,我都想C!!!

monteazul

你們好! 小兒8歲9月升小3, 今天帶齊了文件到油麻地排期睇精神科, 但要排到2010年12月。  小兒有輕微ADHA, 如要睇私家精神科又好貴, 但政府又耐!  點算好

zater

原帖由 ~仔仔媽咪~ 於 09-7-14 00:01 發表


明X都有人講架!都算出名,如果你比較呢兩間,比着我都會屬意明X多囉!至少正如你所言,我地唔駛盲盅盅唔知評乜好嘛,有個醫生做決定,始終會好D,我地無咁亂.

會唔會係佢本身唔吸收呢?有無問番健康院醫生?問下醫生意見, ...

依家我地仲未決定到, 再諗多一兩日先.

細佬個身高同體重差距太遠, 差不多有兩年, 已經見左健康院醫生, 醫生建議細佬每日一蛋, 牛奶不能少, 最好再加芝士, 半年後覆診, 睇下進展如何, 希望可以跟返最低條線, 但係計佢依家個身高同體重比例正常, 而家族亦都無出現同樣情況, 所以醫生相信佢係比較遲發育, 比多 d 催谷食物應該可以追到喎.