九龍禮賢幼稚園K3家長請進！

朱古力

penpen,

你囡囡就好叻,記得你講d野,我每次問囝囝你記唔記得我叫你做咩,佢實話有,但就講唔到結果.有時我同佢練習祈禱,佢講講下就會話"好喇!好喇!媽咪唔好再講喇!

littleeva

各位好

原來大家的小朋友都有少少咳, 我仔都有呀. 已和他睇了醫生. 我諗都係在學校傳染到. 其實一返學就預左了.  我仔平時身體幾好. 但是一讀 2 歲班 就會耐唔耐要睇一次醫生. (2個月一次) 今年開學了9月份還未過就要睇醫生.醫生還開玩笑說 係咁嫁啦. 病多幾次就會有抵抗力.

係呢 您地開始比小朋友著長袖衫返學未呀 ?  

我仔而家打開書話比我知老師講左邊頁.  (不順序教)

他也開始講番老師講的故事比我知.  當然不會成個故事講到出來 只是講到故事的中心人物.  

有天仔仔要我幫他畫公仔. (要我畫一個 kitchen) 我應酬他說媽咪唔識畫. 叫爸爸畫比您. (以前都係咁 , 我d畫工好差. 老公就好好多) 點知仔仔指住我話 "您唔識就要學"
比他激死.

gracemami

我還末決定中秋接唔接仔仔, 我就好想接, 但又怕有"後遺症"
唔知學校會否放早呢 ? 真奇怪學校又冇叫我地做親子燈籠.  

penpen

朱古力,
我妹豬冇咩等別好, 唯獨是記性咋~ 妳講好喇夠喇~ 我就諗起有時我係咁鍚妹豬或者叫佢係咁鍚我, 鍚鍚吓佢就會話 夠喇夠喇~  
呢兩日妹豬病我朝早都係煲白粥加烚旦, 又冇俾餅仔佢帶返學, 因為佢咳嘛~ 自己整左D旦糕仔俾佢帶, 佢都食唔厭, 反而今朝響麵包舖買果個卷旦佢唔鍾意食!! 嘔血!:evil:

littleeva,
我妹豬好怕熱架! 所以都未著長袖! 不過我諗過多兩個禮拜都差唔多喇~  親子燈籠,日會再派功課, 可能今日會有呢!!  
接放學?! 我都記得妳上次發生既事, 不如妳問下老師先意見先啦~   中秋我就唔接喇~ 拿拿聲等佢返黎食完飯沖完涼就要去做節喇~  
妳唔識就要學!!  :  :

littleeva

PENPEN


係啦 真係 15,16. 接好唔接好 .  睇下老師有天有沒有寫紙仔比我先. 不過我真係要學忍耐.   ^O^

至於長袖衫方便,因為有次放學 在班房接仔仔, 發覺他手仔冬冬. 但沒有著外套. 所以我諗緊要唔要著件長袖衫 LOH.

littleeva

bosze

我係基督徒但很慚愧, 自從生左仔仔,慢慢沒有返教會了. 而家個仔大了, 我都想再返教會.

您囡囡有沒有讀 2歲班呀 ? 我仔讀了成年. 總括來說已知他的性格, 很內向但很專心. 所以他往往都能講番學校學過的東西給我知. 放心啦. 小朋友好叻嫁, 慢慢您仔仔就會集中投入.

另外小小心得.記得有導師曾講, 專注力的培養.  您仔仔在家玩玩具. 會否 一時玩一樣, 不能集中玩.  導師話最好比一D 玩具是可以廷續玩 eg 砌積木, 玩泥繆, lego.... 父母盡量陪孩子參與, 引導小朋友集中注意力玩同一樣東西.
我的方法是 和仔仔玩 lego 玩具屋. 那時每天都和他玩半至 一小時.  遊戲是由早餐開始玩至 lego 玩具屋內的爸爸媽媽小朋友sleep.  他很投入玩. 一玩就玩好耐.   
從遊戲開始培養小朋友專注力係好好的方法. 不過家長就要陪玩有時都幾悶嫁

當他讀 2 歲班時. 我堅持每天都幫他"溫書" (10-15分鐘)初時他當講故事.後來天天習慣了. 主動的背著書包 要我和他一同溫書.  後來日子有功. 他學會了很多字. 兒歌集的中英文歌也能一一唱出來.  

而家禮賢得一本中文書, 一本英文書 . 而且中文書又沒有字教. 以前我仔果間會有認字教 ( 人, 車, 狗, 貓, 花, 天, ....)  我仔仔天天都要取回以前的書 再溫一次.
幸好我有朋友送了大量 幼稚園 k1-k3 的書給我.  我仔太喜歡睇書了.  可以彌補到禮賢暫時程度淺的問題.

我分享了我的心得. 希望幫到您仔仔, 唔好怪我長氣. 專注力係要訓練嫁. 我仔自 6個月開始 每星期我地一定帶他去圖書館借書. 反而現在大了. 少去了圖書館. 多數都係自己買書回家講故事.  真係好有用嫁.

littleeva

各位:

我想問下禮賢老師會否幫小朋友餵藥呢 ? 因我返下午. 食藥都幾煩.  我而家是這樣. 11時至比他食第一次. 咁放學後食第二次. 睡前食第 3 次. 如果老師肯幫忙, 我想早些餵他食.  在學校就可以食多次.

tks

朱古力

littleeva,
我諗佢地會幫既,不過你要寫清楚D,如:幾點鐘,食咩藥.其實可以既話,不如安排返學前食,放學後再食,因為佢地都係返3個鐘頭,就可以減輕老師既工作.

littleeva

朱古力

我仔返下午班. 雖然係3 小時. 但是加埋 車程係番左 5小時.

他早上多數9時半起身. 如果早上食了.  12時要上車, 跟本食唔到第二次.  所以我唔比他早上食. 惟有食少一次.  早上11時左右至食第一次. 咁在學校就唔會咳.   

littleeva

Hei&Ching

TKS 您.

現在惟有一天餵3 次.  如果他有早起身.  就學您咁餵多一次.
我估學校是唔會幫小朋友餵藥. 因為老師都幾busy , 班又有咁多人.

penpen

littleeva,
我諗妳放多件薄外套響佢書包好d喇~
我都係等阿囡返學前餵藥的, 放學再餵,不過我住得近, 唔同妳, 不如妳問下老師啦~~

bosze,
我囡初時返學都好唔集, 但見佢現在係不斷咁進步, 放心, 我諗你囝囝都會一樣架!  
我都唔係基督徒,講真唔係淨係我老公, 要我每個禮拜晨早起身去禮拜堂我都唔係幾願  

GraceMami

penpen, KW
讀禮賢仍可參加中央派位的, 今年學校都有派表比K3家長參加中央派位.

penpen,
小朋友病的話, 最擔心就是他們沒神沒氣, 如果精神過你就不用太擔心了.
Grace 可能是焗病了, 因為她在冷氣間全無鼻水.  早幾晚, 她跟我一起蓋冷氣被, 但即使開了冷氣, 她到半夜也成身汗, 一定要換衫.  這兩晚, 我都給她蓋大毛巾, 體溫剛好, 不冷也不熱.  本來以為開始秋涼, 早上不用開冷氣給她, 豈料不行.

littleeva,
中秋節, 學校是不會放早的.  不過我公司放早, 而蝦子餅又放假, 所以佢打算接我放工, 再一起去接囡放學, 跟住出街食飯睇花燈.

其實, 小朋友見到爸爸媽媽來接放學一定很開心, 不過, 我一定會告訴囡囡是因為中秋節公司放早才可接到她放學, 免她以為我日日都可以放早接她.  我相信只要我們解釋清楚, 不讓他們存有不必要的寄望, 應該不會有太大影響的.  但是, 如果你心裡有疑惑, 最好與老師談談, 老師瞭解你囝囝的情況, 相信會給你好的建議.

食藥的問題, 我囡囡在早上8:30吃一次, 12:30p.m.上學前一次, 5:30 p.m. 放學回家一次, 睡前最後一次, 但如果她在9:00p.m.前睡, 我就不會給她吃藥.

GraceMami

bosze,
全家只有我是基督徒, 不過, 我之前只跟囡囡返過教會上主日學幾次, 因為每個星期主日學的導師都不同, 她不習慣, 不肯返, 所以我很期待家長班.  

我想, 你囝囝不投入未必與信仰有關的, 因為之前聽好些沒信仰的家長說他們的子女也在禮賢讀得很開心投入.  我相信你囝囝是處於適應期吧.  不用太擔心的.

littleeva

多謝各位指點

我都係試試早上食一次.  9時左右  12時再食一次.  (相隔3小時, 希望沒有問題, 一般是 4小時一次)

仔仔昨天從書包中取出 "上學去" 那本書對我說不用帶回學校, 我懷疑的問他, 係唔係真嫁?
他說我係講真, 老師話會派個本新的, e 本講完啦. 婛婛攝左入電視機, 在電視有得睇.
最後我選擇了相信他, 因為我見下一本書是講 我長大/ 長大了  而老師又話要帶 bb photo　所以我估仔仔沒有講錯野掛．

昨天他又唱歌，"在天上的爸爸, 願人人都尊您的名為聖, ... 的國度.........謝謝...賜我..... "
呵呵他唔記得晒成首. 好好笑, 一路唱一路有動作. 好搞笑.  又要我一齊做.

昨天不知為何開學已來他唱得最多歌的一天, 玩時又唱,訓前又唱.  他唱 "幼稚園真開心, 哈哈笑"

另外一首是 BYE BYE 歌 , 我都唔記得他唱咩.

又話XXX 唔乖搶了老師的東西.  (講了幾次)  他話係西瓜組. 我話唔同您一組您都知道.

littleeva

bosze,

我都認為投入與否都唔關是否基督徙.放心E D 都係時間的問題. 很快就會完了上學期. 到時您會發覺小朋友改變了很多.
大家一同努力.

GRACEMAMI

我都好期望快D開家長班, 雖然要早起身. 不過得益是小朋友和我們. 是值得的. 希望在家長班能和您打個招呼.

我最大教仔問題是 , 仔仔有時都會發大脾氣大哭, 發晒矛咁, 果刻講什麼道理都聽唔入耳. 而自己開始容忍有限, 有時真係會忍唔住大聲責備他, 甚至打他,  覺得他很難教. 又會問心是否縱壞他呢,  這些問題都另我唔知如何.

我希望上了家長班, 從大家的分享中學習如何當父母, 如何建立正確的管教.

penpen

GraceMami,
我個妹豬呢幾日都係下午睡醒就發燒, 第二朝起身返學就冇燒, 呢兩日咳左好多痰同'sun'左好多鼻涕出黎, 不過真係好精神, 食左3日西藥, 今日同佢睇左中醫, 有病出身汗係好架!

littleeva,
我覺得妳囝囝真係好另呀! 唱到咁多句歌, 我囡都係唱下 微微笑,背著書包上學去咋~ 見到妳話囝囝講唔洗帶上學去果本書我都有問下我囡囡, 不過佢就話本本都要帶喎! 既然佢話要, 我都係相信佢, 有需要老師都會另外通知嘛~  今次功課冇燈籠喎! 我諗唔知係唔係佢地太細, 所以唔整住呢?!

朱古力

littleeva,
原來派新書呀!囝囝無講喎.好彩你囝囝講比你知.我都幫佢執起本舊書先.

今晚我在煮飯時,囝囝渣住個玩具電話入廚房同我講,天父搵你呀,你聽呀!我記得之前你地話過,所以我就渣住個電話同天父傾左一陣,跟住就叫囝囝自己同天父傾.真攪笑.

penpen

我好開心呀! 因為妹豬已經好得八八九九喇~ 佢上星期二黃昏開始每日下午至到星期五到會發燒,需然祇是低燒, 但係都好擔心! 到左星期五照舊燒啦~ 點知到第二朝星期六唔係好似之前到朝早就退,跟住我見佢已經食左3日西藥都係咁所以同佢去左睇中醫,食西藥已經食到臉色唔好喇~ 醫師話一劑藥一碗分兩次飲, 佢第一次飲完冇耐可能反胃, 毆返出黎, 跟住我再俾佢飲埋淨番果半碗,一啖藥一啖旦糕仔, 飲晒, 之後就開始痾d爛嗅嗅,因為醫師都話佢燥熱呀!! 可能係帶茶點返學食得太多餅餅啦~ (我問左藥房個人食得多餅可唔可以飲開奶茶,佢話可以同埋一個禮拜飲一次)果日下午已冇再燒喇~ 所以冇擔心, 另外再煲左d鱷魚肉(化痰止咳)湯佢飲, SAT.晚一次, SUN.早午晚各一次,每次半碗, 佢昨晚睡時已經舒服左好多喇~  昨午臉色已經紅潤番,辛苦左兼冇覺好瞓差唔多成個禮拜喇~ 好倦呀~! 不過昨晚我同妹豬講佢好番我妹開心不過好倦冇覺好瞓妹豬即刻攬住我, 總算有安慰!  

littleeva

penpen

好開心知道囡囡已經康復, 孩子有病做父母真係好掛心.
我仔仔D 咳都好番晒了. 不過我怕今天返學又來過.  唉....唔怕得咁多.  今天人傳您, 他朝您傳人.  返學讀書就係咁. 惟有希望他抵抗力一日好過一日. 或許幼稚園的生活其中一個學習項目就是鍛鍊身體. 接觸細菌, 從而使小朋友成長建立自身的抵抗能力. 祝願我們的小朋友從小鍛鍊強健身體.   


朱古力
我唔知係唔係真係不用帶書嫁. 唔緊要啦.  

您仔好可愛喎. 竟然和您說天父打電話比您. 小孩子的心真係好純潔.  相信您仔仔已投入了學校生活了. 他好叻呀. 張所學融入了生活中. 孩子的世界真係奇妙!

朱古力

penpen,

好喇!囡囡終於好番喇,其實D中藥會唔會好苦架,你囡囡都肯飲,我囝囝唔會飲黑色既野架.