有冇小朋友讀緊"公文式"入黎分享下啦

Aries媽咪

fanny,

我囡囡公文剛剛讀6a, 不過有d生字都未讀過, 有時都驚快咗d, 佢記唔入腦

妳都好慘喎, 壞冷氣真係想熱死人咩

妳囡囡公文讀到邊呀?

我有d朋友同時一次過讀公文中,英,數, 好犀利, 我囡囡就唔得,成日都好似無咩時間咁, 都唔知點解d人咁好嘢

fanny_wong

Aries媽咪,

我囡囡宜家讀緊6A既CD2開始左兩個星期, 我叫公文老師只係加多5張, 我都驚佢記唔到咁多, 因為6A既CD2課程係讀一句句子, 所以就只係加多少少

你朋友咁勁一次過讀晒中, 英, 數三科   , 但我暫時都唔會比囡囡讀晒三科, 我想佢數學讀得穩定D先再算, 你囡囡幾多歲學琴? 之前我囡囡係三歲幾時學過不過就麻麻地, 老師話佢太細連英文字母都未識寫最好遲D先學唔知宜家學得未呢? 咁你囡囡係咪每日都練琴架?每次要練幾耐呢?

Aries媽咪

fanny,

我囡囡學琴剛剛一年, 不過先前老師無咩經驗, 最近三個月轉咗老師, 由頭學起, 囡囡對鋼琴好有興趣, 每日都會練一個鐘, 但係有得我選擇, 我會覺得遲少少學會快d上手, 始終小朋友太細, 好多嘢唔明, 但最緊要係搵到個有經驗老師,貴d都唔緊要,  因小朋友時間有限

fanny_wong

Aries媽咪,

我暫時想係k3下學期先會比囡囡學, 不過到時都會睇情況先, 你囡囡每日練一個鐘都幾長時間wor, 咁使唔使迫佢定係佢自已肯去練?至於老師方面我朋友個囡囡學緊都好似幾好咁, 我會搵佢個老師試試, 咁你囡囡係琴行學定係上門教架?係咪上門教會好d呢?

Aries媽咪

fanny,

早晨呀

大d學琴都無咩所謂的, 我朋友囡囡都係六歲學琴, 但不到12歲已經考埋演奏級, 所以幾時學都無咩問題, 最緊要係小朋友自己熱愛彈琴.

我囡囡係去老師到學的, 不過老師好full, 真係一個接一個, 但佢真係可以教到我囡囡, 所以搵到一個夾佢嘅老師, 辛苦d都值得

點呀? 妳近來有咩好去處呀?

fanny_wong

Aries媽咪,

星期日本來想去書展, 我朋友話我多人所以冇去到, 走左去新都城睇"巟失失奇兵", 我囡囡話比我聽好開心呀, 我問佢係咪睇戲好開心呀, 佢話唔係呀, 係頭先係戲院食爆谷好開心呀!
  真係比佢笑死, 咁你又有mud地方去呀?有冇帶囡囡去圖書館呀?我星期六去過不過行到我到兩個死死下係寶林站出都行左好耐先到, 唔知有冇巴士可以過去呢?

stephenietam

各位好
我囡囡而家2歲4個月, 公文教室話2歲可以開始公文數, 但係睇左咁耐, 都冇見有咁細個小朋友學~~~

你地有冇d咩意見比我呀?? thx

Aries媽咪

fanny,

噚日剩係去咗妳樓下食茶餐咋, 想落樓下游水, 但亞女又唔係好舒服, 上兩個星期佢同爸爸游咗兩個鐘水就病到依家, 所以真係唔咁再比曬親.
圖書館我平時都有去, 依家咁曬, 都係搭地鐡去咋, 冬天就會行過去,  巴士好似唔到喎
妳就好啦, 可以同囡囡睇戲, 我囡囡好奇怪成日好驚睇戲, 試過幾次, 開場唔夠三個字就叫走人, d聲大d就話好驚, 死到唔睇   但妳話佢細胆又唔係, 係海洋公園玩滑浪飛船佢又唔驚, 每去一次, 都要玩到濕晒身先肯走

成日都想問妳, 妳囡囡年頭定年尾出世呀?
有無相比我睇吓呀?        

Aries媽咪

stephenietam 寫道:
各位好
我囡囡而家2歲4個月, 公文教室話2歲可以開始公文數, 但係睇左咁耐, 都冇見有咁細個小朋友學~~~

你地有冇d咩意見比我呀?? thx

我自己覺得小朋友太細不應學公文, 因公文比較沉悶, 咁細的小朋友未必坐得定, 公文係不段重覆咁做, 咁細的小朋友未必受落, 不如搵d play group比佢返好過

stephenietam

Aries媽咪
多謝你o既意見呀, 其實我唔知係悶架, 佢(教室)話好有趣架wor, 只係數下數, 連下線咁.....

我今日下午會同囡囡去評估, 順便去睇下啱唔啱feel先....

因為囡囡細, 我想比d野佢學, 但係學琴, 游水, 樣樣都話要大d先...........

係呢個公文數話可以2歲學, 咪唸住比囡囡去試下law....

我都想比囡囡番playgroup呀, 不過我係澳門, 係冇呢支歌仔唱架~~         

Aries媽咪

stephenietam,

咩原來澳門無playgroup架 , 咁我都要去澳門開番間先 (講笑咋)     

其實我都經歷過妳依家的時候, 好想快d比嘢囡囡學, 等妳同佢都無咁悶, 但現在回頭睇, 其實真係唔使太早, 留番多d錢日後先比囡囡學好過, 因太細, 小朋友未必可以吸收到,  妳再等吓啦, 遲多兩年大把嘢比囡囡學, 到時真係小過錢都唔掂     

fanny_wong

Aries媽咪,

咁你囡囡宜家點呀?有冇睇醫生呀?妳囡囡鍾唔鍾意游水架, 我囡囡就好鍾意, 今個暑假只去過一次沙灘都已曬到"黑蚊蚊", 可唔可以介紹防曬或美白lotion介紹比我囡囡呀   , 因為我見到你囡囡幅相d皮膚又白又滑真係好正

我囡囡其實唔係鐘意睇戲, 佢係鐘意戲院買的爆谷咋 , 不過入到去佢都會坐定定都算ok

我囡囡係10月出世架, 咁你囡囡係幾月呀?

我都試過post幅相, 但係整黎整去都整唔到 , 可能我係電腦白痴, 等我再試下先

Aries媽咪

fanny,

我囡囡其實皮膚好差, 好乾, 依家咁熱都要用浴油     

我囡囡3月出世, 所以都幾著數, 自己覺得年頭出世的小朋友, 比較會大d, 學嘢會快d

囡囡都好鐘意游水, 我想明年3月等佢夠六歲比佢學游水, 聽講史丹福都唔錯, 妳又無諗住比佢學游水呀?

如果妳想放相, 要開一本網上相簿, 我簽名個網站好好用的, 妳可以試吓喎

katherinelam

請問各位可否提供中環公文教室地址
Thank you!

stephenietam

Aries媽咪 寫道:
stephenietam,

咩原來澳門無playgroup架 , 咁我都要去澳門開番間先 (講笑咋)     

係咪真先... 係就等你啦~~     

fanny_wong

Aries媽咪,

其實我囡囡d皮膚都係鞋拾拾架都唔知搽d mud好?

係呀大女係著數d架, 學野都快d

我都會比我囡囡學游水, 不過要讀小學先比佢學，仲要搵間好d既，有d媽咪話d教練有d都好咸濕要小心睇著個小朋友先得同埋最重要係安全，其實史丹福都好多人學架，我朋友個囝囝都有學緊，等我得閒問下佢掂唔掂先，唔知將軍澳附近有冇呢？

Aries媽咪

fanny,

以前係黃永樹有得學, 但現在就無, 要去到景嶺書院, 所以真係好頭痛

我都係無比嘢囡囡搽, 因怕成身痴痴立立, 所以用浴油都唔錯的.

fanny_wong

Aries媽咪,

早晨!

景嶺書院係邊到架? 我估近近地學會好D, 因為游完水都會好惓, 最好可以快D返屋企沖涼同休息

你囡囡果間幼稚園係咪都有小學架, 咁你會唔會考慮呀?D人話考小學前要讀多D有証書既課程, 你囡囡有冇讀呀?其實我都唔知邊D課程有証書, 而家只係讀公文英,數咁係咪對考小學冇MUD幫助呢?

仲想問多過問題就係借圖書館D圖書係咪間間都可以還架?因為我星期六會去九龍灣如果得咁就唔使又要搭車去寶林

SFung

我囝囝5歲. 學左公文數兩個月. 由於他寫字慢(但全部答對). 末能在10 分鐘內完成. 所以末能升班. 他以重覆做相同exercise很多次. 我開始發覺他感到沉悶. 請各位媽咪比下意見. 應該讓他繼續. 還是暫停一段時間呢.

Aries媽咪

fanny,

早晨!

景嶺書院係邊到架? 係康盛花園附近, 即翠林村上面.

我囡囡讀的課程係無証書, 自己就覺得唔緊要, 因証書係用錢買的, 但如果係d公開証書又唔同, 好似音樂節及劍橋英交, 公信力就好好多, 有埋學校d優異獎....咩咩獎都唔錯.

之前圖書館d書係可以邊間都還得, 依家有無變就唔知, 妳有無用網上續借呀? 我成日都唔記得還書, 所以用網上續借, 真係好方便