校際音樂節

NoName

原文章由 洛婷 於 08-2-24 00:34 發表




算啦,有時臨場表現真係好難講架,
佢係咪第一次參加 ???
因為有時一緊張起上嚟,真係可以咩都唔記得架,
我諗佢自己都唔開心既:(
唯有叫佢下次小心D啦 ...

佢係第一次呀！

其實，我都預左佢唔會好高分，
因為對比返同樣第一次參賽，
但拎左第三個個學生，
佢地兩個既上堂態度係完全唔同，
練琴既專注度亦唔同，
所以，我一直都諗住佢拎到80分都好夠喇，
都諗佢可能驚，
但我估應該有返75以上呀，
點知，得73.....

好彩佢阿媽冇怪我咋！
呢兩個月，
見佢個小朋友彈左幾百次隻歌，
話極都係錯埋同一樣野，
我都知佢唔係彈得太好、唔係太用心去改正d問題，
所以，我都用左好多心機、時間、耐性去幫佢，
臨比賽前三個禮拜，
我仲應佢阿媽既要求，
每日都抽少少時間聽住佢練琴糾正佢，
相比起另一位學生，
個心機既比例真係1:5呀，
所以，真係好失望囉！

尋晚佢黎過見我，
我雖然失望，
但都冇鬧佢、冇話佢，
不過，有同佢講，
佢真係要改佢既學習、練琴態度囉，
佢自己都知自己低分，
都應承左話會改，
但唔知佢可唔可以堅持到囉！

NoName

原文章由 sofina 於 08-2-24 01:04 發表
No name

你都吾好咁吾開心啦!
有時請幾好既老師都好,自己吾練好d歌都無用嫁.你已經盡曬力啦!

細路仔有時真係好難遘既!可能驚一驚,腦海一片空白都會.下次再接再厲,當比佢一個經驗,下年會淡定些.做得更加好 ...

多謝你既安慰！

佢今次係彈Cuckoo呀！

唉，其實佢平時練琴、覆琴時，
呢隻歌都成日錯拍子，
又成日漏休止符，
跳音又彈左連音，
連音佢有d又彈左跳音，
大細聲又做得馬夫，
大大話話，每堂都同佢執起碼五次！

近呢三個禮拜，
仲日日抽少少時間聽住佢練琴，
佢一錯又提佢，
每日都係起碼聽佢彈五次，
但執極佢都係同一個地方錯，
提一次就岩一次，下一次佢自己彈又錯返咁，
佢好似應酬式改一次，彈左就算囉，
隻歌練左兩個幾月，
佢由始至終都係錯埋同一樣野！

失望除左係個分低之外，
仲對佢既學習態度好失望囉，
隻歌執左咁多次，
都係錯埋同一樣野.....

囡囡媽

洛婷,

多謝回覆!! 這樣我個小朋友就唔使入去等太耐了。謝謝!!

NoName

原文章由 sofina 於 08-2-24 15:06 發表
Hi No name


原來佢係驒Cuckoo呀!以首歌係一級.我仔仔都係驒以首歌攞到第一名.佢有90分.其實首歌仔好輕快,聽洛去好舒服.如果細心去驒以首歌吾係難驒嫁,我仔仔沖涼時都會亨下隻歌.好似好投入咁.
我仔仔初時驒以隻歌 ...

係呀，就係因為隻歌易，
同埋同佢執左咁多次，
又用左咁多心機，
我先至感到失望！

認唔認真學習呢樣，應該同年齡冇關既，
因為，4歲到30歲我都教過，
有d好細個就好認真，
好似我話拎第三個個，
佢小一就跟我，
上堂時好認真，
完全唔講題外話，
好專心上堂，
叫佢改既野，執一次佢就會記住！

相反，低分個個，
成日上堂都唔專心，
彈彈下歌，
佢可以突然間諗到學校有d咩事講返俾我聽.....
之後我就同佢協議，
每次都要彈晒全首歌先可以講少少題外話，
如果彈彈下講左第二d野，
完全同隻歌冇關既，
就罰佢由頭彈多一次！
咁而家先至有d改善！

kam825

NoName,
我覺得你一開始就要紏正佢, 而唔係等佢練左幾百次首樂曲先改正, 佢已經將錯o既o野練左幾百次咯, 邊有咁易可以改到呢?........

你話個小朋友
"呢隻歌都成日錯拍子，
又成日漏休止符，
跳音又彈左連音，
連音佢有d又彈左跳音，
大細聲又做得馬夫"

咁你有冇諗方法去幫佢改?
唔係剩係話呢度錯, o個度錯........
你要自己諗o的方法去幫佢........

你介唔介意話我聽, 你教左幾耐琴?

NoName

原文章由 kam825 於 08-2-25 00:50 發表
NoName,
我覺得你一開始就要紏正佢, 而唔係等佢練左幾百次首樂曲先改正, 佢已經將錯o既o野練左幾百次咯, 邊有咁易可以改到呢?........

你話個小朋友
"呢隻歌都成日錯拍子，
又成日漏休止符，
跳音又彈左連音，
連音佢有d ...

我教左兩年琴！

我從來冇講過我由得佢彈左幾百次先叫佢改正喎！
我由佢第一次試彈呢隻歌，
已經講晒佢有咩錯，
有咩要改，
同佢執岩晒d拍子、跳音、連音，
最後再示範一次佢睇先落堂！
點知佢第二堂返黎就錯返晒之前話佢錯既野！

我梗係一開始已經有糾正佢啦，
點可能佢錯會唔糾正佢呀！？

同埋，佢唔係彈左幾百次都係錯，
係我講完佢錯，
之後佢彈返岩，
跟住叫佢由頭再彈過，佢又係錯返！

仲有，我當然有用好多辦法去幫佢糾正啦，
慢彈過好多次佢聽，
陪佢一齊彈，
叫佢一齊數住個拍子彈，
叫佢淨係重複彈錯既地方等等，
咩都試過晒，
佢都仲係冇改善！

慢彈時好少少囉，
一快佢又求其，
佢阿媽都話覺得佢係好應酬式咁彈完隻歌就算！

kam825

NoName,
我誤會左o者, 唔使咁勞氣,
你教左兩年琴, 話多唔多, 話少唔少,
雖然我都唔係教左好耐, 大約4-5年,
不過我覺得教琴唔係剩係教佢"全對"咁彈哂個譜就算, 佢個心感受唔到首樂曲想點的話, 佢係唔會用心去記住o的拍子, 大細聲, legato, staccato的.........
cuckoo呢首樂曲想表達o的乜o野, 你有冇同佢傾過? 我覺得cuckoo係一首比較容易讓小朋友投入的樂曲來的......
而你本身又覺得cuckoo係想表達o的咩呢??

唔好意思, 我講o野比較直同埋唔識轉彎, 有o個句講o個句, 我只係想同你討論下, 唔好介意........

NoName

原文章由 kam825 於 08-2-25 01:43 發表
NoName,
我誤會左o者, 唔使咁勞氣,
你教左兩年琴, 話多唔多, 話少唔少,
雖然我都唔係教左好耐, 大約4-5年,
不過我覺得教琴唔係剩係教佢"全對"咁彈哂個譜就算, 佢個心感受唔到首樂曲想點的話, 佢係唔會用心去記住o的 ...

你都唔好誤會左我既語氣，我唔係勞氣！

由佢第一堂接觸呢隻歌，
我已經同佢講左，
呢隻歌係形容雀仔既、同埋係一隻幾輕鬆、開心既歌，
叫佢諗一下雀仔好開心咁係度唱歌，
同埋叫佢諗下，雀仔係樹上跳跳下，活活潑潑既模樣，
每一堂都有提下佢呢隻歌係點，
但佢只係會駁咀.....

佢永遠講既野，
都係會同你相反既，
例如，我話雀仔好開心咁唱歌，
佢可能會話，雀仔唱歌唔代表佢開心之類！

又或者我話佢有錯，
之後我會模仿佢錯既野彈返俾佢聽，
一路彈叫佢一路望住個譜，
叫佢講返邊度有咩錯俾我聽，
佢講出左錯處之後，
我又會彈返正確既比佢聽，
跟住佢就會話，
我咪就係你岩個次咁樣彈架囉......
點都唔會認自己彈錯，
咁都算喇，
費事同佢爭辯咁多啦，
叫佢再彈返錯個度俾我聽就算，
好多時一彈又係錯，
我即刻就話又係頭先個問題，
跟住佢會話，咁岩係呢次彈錯者......

仲有，佢好多時上堂都係遊魂，
隻歌彈左幾句，
佢可以突然間停晒手講第二d野.....

有時教新歌，
開始彈之前，我講解d歌既重點俾佢聽，
佢可以一路聽一路駁咀，
又或者未學行先學走，
問定d深d、我將會講解既points，
好喇，講完晒之後，
逐個points慢慢問返佢，
佢可以話唔知既.....

我真係唔知點樣先至可以改善到佢學習既態度，
我都同佢阿媽傾左好多次，
佢阿媽話佢識書都係咁，
佢阿媽都一樣好煩惱......

練琴又係，佢阿媽成日陪佢練，
一聽到我大概話過佢個女有d咩問題，
佢阿媽都有幫手提下，
但佢阿媽話親佢，
佢都唔鍾意，
發晒脾氣咁，又唔改......

[ 本文章最後由 NoName 於 08-2-25 02:14 編輯 ]

kam825

唔........明白哂~
講哂出來係咪舒服哂呢?
其實o個個小朋友鍾唔鍾意學琴o家呢?
佢而家彈咁簡單o既o野都唔肯聽你講,
咁再學上去點算?

成日彈錯又話自己無錯o個o的學生,
我會o係佢彈o既時候錄影低比佢地自己睇返,
咁佢就會無聲出........

要改善佢o既(學琴上)學習態度,
我諗首先要了解左佢鍾唔鍾意鋼琴,音樂先,
再諗方法.......

原文章由 NoName 於 08-2-25 02:11 發表
你都唔好誤會左我既語氣，我唔係勞氣！

由佢第一堂接觸呢隻歌，
我已經同佢講左，
呢隻歌係形容雀仔既、同埋係一隻幾輕鬆、開心既歌，
叫佢諗一下雀仔好開心咁係度唱歌，
同埋叫佢諗下，雀仔係樹上跳跳下，活活潑潑既模樣，
每一 ...

叮鈴

原文章由 NoName 於 08-2-25 02:11 發表





你都唔好誤會左我既語氣，我唔係勞氣！

由佢第一堂接觸呢隻歌，
我已經同佢講左，
呢隻歌係形容雀仔既、同埋係一隻幾輕鬆、開心既歌，
叫佢諗一下雀仔好開心咁係度唱歌，
同埋叫佢諗下，雀仔係樹上跳跳下，活活潑潑既模樣，
每一 ...

咁似我個囝，又係專唱反調，想一步登天。
性格真的很阻礙小朋友的發展，即使有多聰明也好。這個社會，只適合聽教聽話又有成就動機的人。

NoName

原文章由 kam825 於 08-2-25 03:50 發表
唔........明白哂~
講哂出來係咪舒服哂呢?
其實o個個小朋友鍾唔鍾意學琴o家呢?
佢而家彈咁簡單o既o野都唔肯聽你講,
咁再學上去點算?

成日彈錯又話自己無錯o個o的學生,
我會o係佢彈o既時候錄影低比佢地自己睇返,
咁 ...

講晒出黎真係好舒服，
因為，真係想呻好耐，
不過平時上堂，
佢彈得唔好既歌，
我可以唔俾佢pass，
佢又肯，首歌彈一、兩個月唔pass、唔教新歌佢都肯，
咁我都冇咁嬲！

不過，今次見佢練呢首，
加埋返黎呢個分，
真係唔呻唔得呀！

我有問過佢鍾唔鍾意學，
佢又話鍾意，
而且佢有時彈歌，
都好似彈得好enjoy咁，
一路唱下，搖下頭咁......
又唔可以話佢唔鍾意音樂......

真係唔明佢既心態.....
佢屋企經濟環境好差，
佢自己知架，
我又唔覺得佢唔鍾意學，
因為佢上親堂都好開心，
又好似好enjoy d歌咁，
都唔知佢點解可以出到d咁既學習態度！

唔知會唔會同佢以前既壞習慣有關！

佢轉黎跟我之前，
係社區中心學過一年，
唔知係咪佢跟個位導師要求低，
養成佢而家好應酬式既習慣！？

佢初初黎跟我時，
手勢完全唔岩，
彈琴時，手掌幾乎低到貼住琴鍵彈，
手指又平晒既，
落鍵位置係錯既，
d手指仲飛起晒，
彈琴係拍落個琴度，
個d連音、跳音就係分唔清咁......

執返晒佢d野都用左我好多時間、心機.....
到而家都仲未執晒架，
只係有少少進步，
因為佢覺得一路以黎都係咁，
覺得做到少少就係做到，
佢覺得唔係好大問題.....

同佢講咩，
佢咪改一陣囉，
唔夠幾句又回復原狀！

佢阿媽又係好放心機，
成日陪佢練琴提佢，
但佢又成日蝦佢阿媽唔識琴，
一話佢又唔鍾意，
次次都搞到兩母女唔和氣收場，
搞到佢阿媽都嬲嬲地，
唔係次次都想陪佢練.....

NoName

原文章由 叮鈴 於 08-2-25 10:01 發表


咁似我個囝，又係專唱反調，想一步登天。
性格真的很阻礙小朋友的發展，即使有多聰明也好。這個社會，只適合聽教聽話又有成就動機的人。

性格真係好重要呀，
真係幾聰明都好，
唔肯虛心學習既，
學出黎既成果真係差一點點.....

但性格既野，
佢地有返咁大個，
有自己既思想，
真係唔係話講幾句說話就可以改變到佢......

而家唯一希望，
就係佢經過自己今次比賽，
見到自己個分，
佢會有所改善啦......

唯一係驚佢自己以"第一次比賽好驚"為由，
唔改自己既學習態度咋，
因為，我覺得佢低分根本唔係驚所致，
如果平時係俾心機，
彈到隻歌100分既，
比賽時驚極，
都唔會話扣到得咁少啦......
75呢個中位數都唔到......

PANCO

我睇晒d post, 你地d小朋友好叻呀, 我女就6/3去比賽, 希望都有好成績啦.

但係我想問點解無咩人彈 GALOP 呢首歌呢 ? 呀女未考級咁呢首歌對於佢又難唔難呢 ? 我見佢又彈得幾輕鬆...

kam825

你試下比o的鋼琴家彈琴o既video佢睇,
同埋約佢一齊去睇下o的演奏會,
睇下可唔可以激發到佢.....
同埋試下攪下學生演奏會,
等佢睇下其他小朋友彈琴又係點.....

原文章由 NoName 於 08-2-25 12:28 發表
性格真係好重要呀，
真係幾聰明都好，
唔肯虛心學習既，
學出黎既成果真係差一點點.....

但性格既野，
佢地有返咁大個，
有自己既思想，
真係唔係話講幾句說話就可以改變到佢......

而家唯一希望，
就係佢經過自己今次比賽，
...

kam825

我今年都有兩個學生彈galop,
一個4/3, 一個7/3,
你囡囡本身彈緊咩書呀?
其實呢首樂曲都唔係好難o既,
係比較快, 同埋有部份走位比較遠...

原文章由 PANCO 於 08-2-25 12:42 發表
我睇晒d post, 你地d小朋友好叻呀, 我女就6/3去比賽, 希望都有好成績啦.

但係我想問點解無咩人彈 GALOP 呢首歌呢 ? 呀女未考級咁呢首歌對於佢又難唔難呢 ? 我見佢又彈得幾輕鬆... ...

PANCO

Hi Kam825

一個4/3, 一個7/3, 點解呀 ?
我女彈緊john thompson 囉...

原文章由 kam825 於 08-2-25 14:25 發表
我今年都有兩個學生彈galop,
一個4/3, 一個7/3,
你囡囡本身彈緊咩書呀?
其實呢首樂曲都唔係好難o既,
係比較快, 同埋有部份走位比較遠...

Love_dd

[quote]原文章由 sofina 於 08-2-24 01:17 發表
Hi gogochurch,

支flag (旗）是否年年吾一樣嫁?今年係綠白色的.我見都好靚,
以往個medal係點樣嫁?
我都希望今年如你所說會特別些,因為真係一個好好既鼓勵.

_____________________________________



我仔仔鋼琴比賽完, 有幸攞到第三名87分. 我見d琴行會show 支旗,但比賽個日唔見比我, 是否有90分or 第一名先有旗同medal嫁?
因為我個仔第一次搓拿獎, 所以我唔係好清楚.
Thanks

October

可不可以拍攝及錄影.