胡素貞上午多功課嗎

Berry_luk

原文章由 kitbebe 於 08-2-27 23:04 發表
berry,

是否你要求高呢, 以你囝囝的成績, 升三年級時, 必定入到精英班啦, 難道你要他次次都考第一?? 恕我直言吧.

我並不介意妳的直言, 因妳不是第一個這樣告訴我了, 可能我真的是要求高了一些, 因我的壓力都好大, 我上年放棄了工作湊佢, 好似如果我不工作佢啲成績都差過我去工作, 好似有啲過唔到自己.
我也並不是重視分數, 而是佢告訴我佢唔小心, 不是不懂, 我就真的很火 .每一次我都告訴自己算啦, 佢都好比心機架啦, 但佢告訴我又因唔小心而扣分, 我又火了.
所以妳上次說得很對, 如果一開始成績或名次高, 佢跟住的日子或考試會好辛苦架. 我會盡量控制下自己的要求, 希望不會給個仔和我太大的壓力.

DarklingA

原文章由 Berry_luk 於 08-2-28 17:56 發表



我並不介意妳的直言, 因妳不是第一個這樣告訴我了, 可能我真的是要求高了一些, 因我的壓力都好大, 我上年放棄了工作湊佢, 好似如果我不工作佢啲成績都差過我去工作, 好似有啲過唔到自己.
我也並不是重視分數, ...

Hi Berry, 我係住cityone, 個仔讀緊"胡"四年班, 都已經四年啦, 我年年都同啲老師嘈.  第一年我同老師講佢地啲中文教材有問題, 老師話: "我地都知係唔係咁好, 係1,2,3 年級差啲, 4,5,6年級既就好好多. 你知我地訂書係一套咁訂咖啦....."  好啦, 我等....今年, 我問老師: "你地又話四年級好啲既, 點解重差?" 老師話:"係啦, 我地明年唔用咖啦"

對呢間學校非常失望, 教材唔好, 老師教得差 (未教就要學生返屋企做功課, 變相要家長教, 咁我做咩要個仔返學? 不如我自己教啦). 又會響班上公然大大聲話一個學生"黐線".

Berry, 我想講係, 你想你小朋友成績好, 定係想佢明白做事係要盡心盡力? 我唔知道你背景係點, 但係小朋友係要有童年 (眼見而家好多小朋友都冇童年, 好悲哀).  

寧願佢"看多一點, 見識廣一點", 知道何謂君子, 何謂正道.  書本上既知識係一時, 本身既智慧先係寶貴.

Berry_luk

原文章由 DarklingA 於 08-3-4 18:47 發表


Hi Berry, 我係住cityone, 個仔讀緊"胡"四年班, 都已經四年啦, 我年年都同啲老師嘈.  第一年我同老師講佢地啲中文教材有問題, 老師話: "我地都知係唔係咁好, 係1,2,3 年級差啲, 4,5,6年級既就好好多. 你知我地訂書 ...

Hi, DarklingA, 好多謝你告訴我這些, 我也明白做人最重要是品德,就是現在常提到的德育, 但現在讀書競爭太大了, 什麼精英班, 令家長及學生增加了不少壓力, 有時我想知, 如不入精英是否就=將來沒有希望考到一間好的中學, 又或讀不到一間好的中學, 就不可以到讀大學等等....的未來. 有時又有啲担心, 其實緊張小朋友啲成績唔好, 會考到一間唔好的學校(壞學生多的學校,那些學校啲學生唔係讀書的)跟住就學壞, 那我會內疚一世了.
不過我好想知道, 你所提到的教材差, 是指那一方面啦, 可以告訴我嗎? 因我都不大清楚課本的內容及程度, 只知道英文就比較淺了些, 有些家長個女已讀中1了, 但因英文程度不及其他學校的高, 都考不到心怡的中學. 同時原來有很多學校已教了負數, 但我們到小6都未教, 佢讀了一間英文中學, 一來是很多課是英文啦(我們是中文小學), 已追得好辛苦; 二來是因我們的學校啲數學程度比較淺, 所以追得更辛苦. 唉! 佢話比個女讀到band1都勁慘.

DarklingA

原文章由 Berry_luk 於 08-3-4 23:09 發表


Hi, DarklingA, 好多謝你告訴我這些, 我也明白做人最重要是品德,就是現在常提到的德育, 但現在讀書競爭太大了, 什麼精英班, 令家長及學生增加了不少壓力, 有時我想知, 如不入精英是否就=將來沒有希望考到一間好的 ...

Hi Berry,
成績好同入唔入到好學校, 係兩回事.  我識一個女仔, 幼稚園 & 小學都響九龍塘讀, 年年考試一定五名以內, 平均分有九十幾分. 咁佢中學點? 佢左一間band 5. 佢媽媽激到喊.  但冇辦法, 個女都要照讀, 個女話啲同學好差, 做好多壞野. 好彩既係, 個女仔本身好懂事, 有家教.  幾年後去左英國讀.  

無論係你或你小朋友, 都應該放鬆一下, 俾大家都有個呼吸既空間.  考到100分, 同考到85分, 可能都係同一樣入到U. 不過考100分果個讀到嘔, 咁你又會點選擇?  我地會成日話人地讀屎片, 讀死書, 因為果啲人真係只知書本上既知識, 而現實上佢地根本唔識點用返學到既野.

唔好迫得佢地咁緊, 而家九歲就識自殺, 你俾得生命佢, 你都唔想佢受苦. 再講, 有幾多個成功既人, 係細細個俾阿媽迫讀書而成功吖?

天生我才必有用 - 個個人都有獨特既長處, 好好地發掘, 一定有意外收穫.

至於有關教材, (1)中文書既編輯好亂, 完全唔明佢既出發點. (2)用詞過份無必要地深奧/用錯詞語. (3)有錯另字.  而數學書亦都有大量錯另字.  英文方面, 我則覺得係學校問題大於教材, 係學校編制個課程令學生唔能完全掌握這單元內容&要點, 就要跳到另一個完全風馬牛不相及既單元. 叫學生點讀呢?

我唔係教育工作者, 我只係用我以前老師教我既, 同而家比較, 真係退步得可怕.  
或是, 你可以回憶吓, 以前我地既老師/家長係點做而出到現時既我們這一代.  再睇吓, 而家佢地既老師/家長係點做, 去估計第時佢地係點? 我睇到既係退步, 小朋友不懂為自己而努力, 老師只係一份工, 教完就算, 理得你地明唔明.

Sorry, 好多野講....嘻嘻. 請見諒, 因我做寫作既, 所以寫唔停.

Berry_luk

原文章由 DarklingA 於 08-3-5 13:35 發表


Hi Berry,
成績好同入唔入到好學校, 係兩回事.  我識一個女仔, 幼稚園 & 小學都響九龍塘讀, 年年考試一定五名以內, 平均分有九十幾分. 咁佢中學點? 佢左一間band 5. 佢媽媽激到喊.  但冇辦法, 個女都要照讀, 個女 ...

嘩! 原來你是做寫作架, 怪不得你寫的嘢咁流暢啦!
多謝你那麼長盡的告訴, 錯別字我是知道有的, 而英文就不太清楚, 我本身學識並不多. 我知道佢啲同學上課時不太明白, 回家好像沒有上過課一樣, 但好彩的是, 佢的英文老師好攪笑, 令佢哋有趣地上課, 可能課程有時比較亂了些, 令他們都不知道自己學到那裡.
不過其實有時啲老師都好無奈, 教育處及學校的教育方針不停的變, 但佢哋又無能為力, 又不可以出聲, 就像我們出嚟做嘢, 啲老細要咁要咁我哋係無法改變及出聲, 只可以以他們所講的辦事, 如不跟從, 就無得做了. 所以啲老師由滿懷大志想教好啲學而漸漸變成好似我哋打工仔咁, 只為工作而工作. 他們也無講可說.
對不起, 我也講得太多了. 可能我表達得不太好, 但這也是有時我對有啲老師好失望時的一種想法. 嘻嘻......令自己開心些.

DarklingA

原文章由 Berry_luk 於 08-3-5 20:35 發表


嘩! 原來你是做寫作架, 怪不得你寫的嘢咁流暢啦!
多謝你那麼長盡的告訴, 錯別字我是知道有的, 而英文就不太清楚, 我本身學識並不多. 我知道佢啲同學上課時不太明白, 回家好像沒有上過課一樣, 但好彩的是, 佢的英文 ...

嘻...過獎, 我平時都係寫吓故事, 好少寫論文.

我仔皇琴日響學校做話劇, 排左成日, 一堂都未上過. 放學都攰到不得了, 又有八樣功課, 有啲因為冇上堂而唔識做.  不過都好彩做得哂.  佢果班唔知做咩咁多功課, 有次老師重問我夠唔夠? 日日八樣重問我夠唔夠? 真係.....當啲學生冇生活咖.

你仔仔有冇參加校外課外活動呢?

Berry_luk

原文章由 DarklingA 於 08-3-7 17:06 發表


嘻...過獎, 我平時都係寫吓故事, 好少寫論文.

我仔皇琴日響學校做話劇, 排左成日, 一堂都未上過. 放學都攰到不得了, 又有八樣功課, 有啲因為冇上堂而唔識做.  不過都好彩做得哂.  佢果班唔知做咩咁多功課, 有次老 ...

你仔仔是不是讀A班呀, 佢哋話A班好多功課做架. 咁佢昨晚做到幾多點呀? 不過八樣功課真的多了些, 唉! 我怕我個仔遲 啲都係就慘啦, 我啲學識又唔係咁好, 三年級啲題都唔識答點教佢呀. 個老師仲問你夠唔夠呀, 你話比佢知: 少啲就夠(時間).
我個仔好多活動架, 星期一至四都有. 所以我要準備嘢比佢响學校食. 在學校有乒乓球,圍棋, 閱讀興趣班,古箏. 在外面就有游泳,鋼琴,英文,普通話. 都幾忙, 不過, 三年級我就不會比佢參加咁多了, 因我知道功課會好忙.起碼古箏及圍棋就不會比佢參加. 咁你個仔呢? 參加了什麼活動?
你寫什麼故事架? 我勁愛看小說, 不知你寫什麼?

Berry_luk

kitbebe,ShannaMaMa,DarklingA

流感好勵害呀, 你們要小心, 你們啲囝囝囡囡班上有沒有同學發燒沒有上課呀? 我個仔有兩個同學發燒沒有上課, 有個還帶着口罩, 我很担心. 現在流感好可怕, 我聽有個家長說, 有間幼稚園, 有14個小朋友沒有上課, 問學校又沒有講, 說沒有事 , 又說他們有事才沒有上課.

kitbebe

我有問過囡囡, 佢果班得一兩個請病假, 我諗無事掛, 但都會留意下, 聽聞有間同區小學, 有一班試過十幾人請病假

原文章由 Berry_luk 於 08-3-7 21:49 發表
kitbebe,ShannaMaMa,DarklingA

流感好勵害呀, 你們要小心, 你們啲囝囝囡囡班上有沒有同學發燒沒有上課呀? 我個仔有兩個同學發燒沒有上課, 有個還帶着口罩, 我很担心. 現在流感好可怕, 我聽有個家長說, 有間幼稚園,  ...

kitbebe

berry,

你囝囝參加好多活動喎, 讀書成績又咁好, 真係令人羨慕啦
我就無比囡囡參加校內活動, 因為唔方便帶佢食飯, 又要比佢午睡, 怕唔夠時間做功課啊

kitbebe

DarlingA,

我個女一年級咋, 聽你咁講, 高年級又幾多功課做喎, 請多多指教

baby00

原文章由 kitbebe 於 08-3-8 10:12 發表
我有問過囡囡, 佢果班得一兩個請病假, 我諗無事掛, 但都會留意下, 聽聞有間同區小學, 有一班試過十幾人請病假

嘩! 有十幾人請病假呀, 好可怕呀, 什麼小學呀? 我現在常常帶住支火酒液在身, 帶個囝囝上學就幫佢"吱吱", 希望有啲幫助啦, 你有沒有買呀, 藥房有得賣.

Berry_luk

原文章由 kitbebe 於 08-3-8 10:14 發表
berry,

你囝囝參加好多活動喎, 讀書成績又咁好, 真係令人羨慕啦
我就無比囡囡參加校內活動, 因為唔方便帶佢食飯, 又要比佢午睡, 怕唔夠時間做功課啊 ...

其實我同你一樣, 我個囝囝一年級時, 都沒有參加任何學校活動, 因那時我們住在火炭, 又要帶出帶入, 又不放心留他在學校吃飯, 因一年級太細了, 都不知他可否應付得來,又怕他不小心把食物掉在地上, 沒有得吃, 現在搬了在學校附近, 才讓他參加一些活動.
你待她二年級吧! 等你囡囡大一些, 因有很多活動都是到了在二年級才有得玩. 如真的搬近學校, 你就真的可以給她多一些活動了, (不過好多都要抽架), 我為什麼幫囝囝報那麼多, 其實是因怕申請不到什麼也報, 但今年又不知為什麼, 申請好多嘢都抽到. 但不知明年可不可以了.

kitbebe

報紙有報導過, 唔係呢度再講啦

原文章由 baby00 於 08-3-9 15:44 發表


嘩! 有十幾人請病假呀, 好可怕呀, 什麼小學呀? 我現在常常帶住支火酒液在身, 帶個囝囝上學就幫佢"吱吱", 希望有啲幫助啦, 你有沒有買呀, 藥房有得賣. ...

kitbebe

我真的有著同你一樣的擔心, 最近阿女先可以自己食飯咋, 因學校的活動費用比較平, 所以多人報吧!! 到二年級時, 再看看搬了家沒有

原文章由 Berry_luk 於 08-3-9 15:58 發表


其實我同你一樣, 我個囝囝一年級時, 都沒有參加任何學校活動, 因那時我們住在火炭, 又要帶出帶入, 又不放心留他在學校吃飯, 因一年級太細了, 都不知他可否應付得來,又怕他不小心把食物掉在地上, 沒有得吃, 現在搬 ...

choco70

你不用擔心, 我的小朋友也就讀四年級, 也有練習話劇。

他平日做功課用一個多小時就全部完成, 不過他很專心做的, 可能因為這樣所以快一些吧。

ShannaMaMa

berry_luk,

Thank you!

我都好擔心女女呀! 本來今個 easter holiday 去菁菁世界玩, 但因為大陸流感仲勁過香港, 所以取消了.  

不過我會同佢去尋蛋, 仲會去假日農莊玩, Berry, Kitbebe, 你們有什麼計劃呀!

原文章由 Berry_luk 於 08-3-7 21:49 發表
kitbebe,ShannaMaMa,DarklingA

流感好勵害呀, 你們要小心, 你們啲囝囝囡囡班上有沒有同學發燒沒有上課呀? 我個仔有兩個同學發燒沒有上課, 有個還帶着口罩, 我很担心. 現在流感好可怕, 我聽有個家長說, 有間幼稚園,  ...

kitbebe

我plan左去番禺長隆玩3日, 好多酒店都full晒, 應該都係香港人book既多, 又唔驚得咁多喎, 最多小心d食野, 洗多d手吧.

原文章由 ShannaMaMa 於 08-3-11 10:43 發表
berry_luk,

Thank you!

我都好擔心女女呀! 本來今個 easter holiday 去菁菁世界玩, 但因為大陸流感仲勁過香港, 所以取消了.  

不過我會同佢去尋蛋, 仲會去假日農莊玩, Berry, Kitbebe, 你們有什麼計劃呀!




...

kitbebe

thanks. 你囝囝好乘喎, 肯專心做功課

原文章由 choco70 於 08-3-10 15:03 發表
你不用擔心, 我的小朋友也就讀四年級, 也有練習話劇。

他平日做功課用一個多小時就全部完成, 不過他很專心做的, 可能因為這樣所以快一些吧。

kitbebe

4月中又到期考, 睇黎復活節假期, 都要溫下書