06年創價K1 ~~媽咪交流站~~

Oscar媽

formula0106,

放左學啦!! oscar 一落校車同媬姆講我好肚餓...都冇其他
我打電話問佢,佢話係學校好開心..

*mimi*

OK 啦..........
mimi  仲睡覺......未起身...
可能今早返學玩得太開心.........

syc2003

Oscar媽 寫道:
formula0106,

放左學啦!! oscar 一落校車同媬姆講我好肚餓...都冇其他
我打電話問佢,佢話係學校好開心..

我個囡今日放學都好開心, 仲話俾我聽食左4個手指餅.食完飯後,仲不停重複話 "歡迎返黎創價幼稚園,今日係 2006.......",我諗應該係今日開學禮上校長/老師的說話
仲有,佢個書包入面有個紅色寫住 "創價幼稚園" 的環保袋,通告話係池田先生送的小禮物,呀囡不知幾鍾意,係都要孭住來食飯,俾佢笑死

syc2003

*mimi* 寫道:
OK 啦..........
mimi  仲睡覺......未起身...
可能今早返學玩得太開心.........

哦!呢個囡囡就係你個囡呀! 我認得佢呀,我個囡仲成日指住你囡囡隻髲夾話係 "狗仔"呀 (因為佢認唔到果隻係兔仔)

Oscar媽

syc2003,mimi

你地係全職媽咪,我係在職媽咪未見到 oscar,我都係打電話問佢野但係又唔問得咁多,要放工湊佢先知道佢書包裡面有 d 咩..

BoboB

唉, 我個仔今日返學, 唔係, 係換校服時已經係咁喊, 話唔返學 , 之後又唔肯著襪, 最後要我抱住落樓先冇喊, 點知架校車大整估, 遲左15分鐘, 我捉捉抱住左個仔成幾個字, 返到上屋企, 已經得番半條人命
希望校車聽日準時d啦..... 如果唔係命都冇.......  

syc2003

formula0106 寫道:
各位媽咪,

可能我今日係公司好得閒, 又好悶...所以係咁吹水...唔好見怪!

好 "sin" 慕你返公返得咁得閒! 我係全職媽媽,因為無人可以幫我湊囡,而自己亦信唔過賓賓,所以唯有辭公返屋企湊囡,但不單止辛苦,最慘係少左份收入駛錢都要計得好清楚

Oscar媽

syc2003,

咁你有冇買 d 教材呀!!

*mimi*

Oscar媽咪,

我係在職媽咪,今日係公司比較得閒...所以...偷偷地上網

我都係打電話返屋企問工人及mimi

syc2003

Oscar媽 寫道:
syc2003,mimi

你地係全職媽咪,我係在職媽咪未見到 oscar,我都係打電話問佢野但係又唔問得咁多,要放工湊佢先知道佢書包裡面有 d 咩..

除左個環保袋外,仲有一張通告,話可以報名參加"林慕德唱快學英文"的一個講座,有不同地區可選擇,但時間唔啱我,所以我應該唔會去

windymama

今日架褓姆車遲左幾個字先到,工人姐姐以為攪錯時間    ,我打電話問司機叔叔佢話今日遲左幾個字,明天唔會真係激死,不過可能今日塞車掛.....

syc2003

Oscar媽 寫道:
syc2003,

咁你有冇買 d 教材呀!!

因為先前問 oceancandy 媽媽拿了部份教材,所以我淨係訂左全套 playtime phonics 教材,而 shared reading program因為聽左你地 quote 出來條 link,發現d書好鬼簡單,不如自己讀俾佢聽

BoboB

jessieoh,

完全同意呀, 因為我表姐都係幼師, 佢教我千祈唔好比佢覺得佢一扭計你就會就範, 佢話最緊要係唔好做壞個開頭, 因為如果佢知道(扭計)呢個方法冇用, 佢就唔會再係咁, 所以幼兒園裡面個個小朋友都識得自己食飯, 個個都唔會扭抱, 因為佢地知道就算扭, 老師都唔會抱, 佢話個個都要抱咪唔駛做其他野

BB保你大的招式其實來來去去咁上下, 最緊要就係媽咪要狠心D執行, 同埋幫手湊既人都要一樣執行先有用. 我都有時會番睇, 真係好有用, 不過唔知明珠台幾時會再做.

jessieoh 寫道:
Meson, RYTS

滐滐頭個3個月又係成日 , 就算佢好餓, 佢都唔肯立即食奶, 要 一排先肯食。仲有呀, 飲奶要睡著先肯飲, 都係好難服侍。

其實我覺得如果佢 , 唔好立即抱起佢, 同佢講要佢唔, 先抱佢, 慢慢地佢知道唔 媽咪先會抱佢。同樣地, 如果佢一扭計, 就順從佢, 咁佢下次一定會扭得更勁。為佢好, 有時真係會恨心d   , 唔好佢一 , 就咩都順從佢, 當然仲要同佢講道理解釋清楚原因。

睇嚟食個方面, 我都要恨心d, 唔食就算, 不過我要返工, 一定要個工人合作, 否則都几困難。

我都覺得BB保你大的招數好work, 所以我會錄下來, 睇完又睇