九龍禮賢幼稚園K3家長請進！

penpen

開學喇~ 明天你們會陪返學嗎??  

靚靚李主任走左, 真係覺得有d可惜~  

littleeva

Dear  朱古力

比您果句   " 一千句 " I am Sorry "   嚇親. 真係受寵若驚.

唔使咁講啦.  我自己大頭蝦.  成日已為上網睇時間.點知已經 delete 了.

當天我7時到. 唔錯 去到未聽下園長講野.  課程大網....

點都好. 謝謝您.

littleeva

penpen

係呀知道李主任走了. 好唔捨得.

可能係我兒唔好彩.  升k2走了 黃園長. 升k3 走了 李主任.

朱古力

我今日無陪塱生返學呀∼因為公司有事唔陪得佢，
佢都無嬲，我認承佢下次有機會家長隊．

今日你地去到點呀，有無乜野要特別留意記得話番比我知．

靚靚李主任走得好突然咁，之前都唔聽到消息，
所以非常之唔捨得呀∼

littleeva

您地選小學有心水沒有 .

我2 件. 如讀私小. 真係幾吃力

朱古力

我選左一個津貼，一間直資，禮小我作後備，
暫時就係咁安排啦∼

littleeva

朱古力

同您一樣.  


津貼 (一般 學校, 不是競爭大的學校)
直資
禮小

我最想是禮小. 不過冇 $$$$

littleeva

BOSZE

很頭痛.

好唔捨得離開禮賢.  

禮小學費 成 $2800 再加 車費 飯錢 =  4,000

我有2個小朋友. = 8000  

可以供多層樓.      

penpen

me2  :  :    
[size=medium]不過好似收唔收返我地既小朋友都成問題喎!!   

littleeva

PENPEN

您囡咁精叻應該會收.

我有返禮賢教會.  也認識高班的家長 (現在是小一) 得知真係會唔收. (有幾位我識的都沒有收. 有些寫信求. 有些就唔想咁做. 於是放棄禮賢, 選了津校 )  不過如寫信求校長機會會先過不是禮幼的學生.  

我仔就比較內向. 我都怕佢考唔到.  要準備定求情信.

朱古力

penpen,

你又點安排呀~

penpen

littleeva,
邊度叻丫?! 都取不到品學兼優獎,得個愛心獎! 上年就得個操行獎, 認字都仲係得6, 7乘, 人地個個大多數都寫英文靚過中文, 佢就同人相反!!

朱古力,

都係同你地咁上下啦~ 抽唔到頭兩至願都焗住要俾錢人賺架喇~ 　冇辦法啦~ 我呢區太多冇家教既新移民子女喇~  因為我覺得校風同人既質素都頗重要!
若果唔係考慮到呢一點，當初我都可以幫妹豬報屋企樓下間保良局啦~~    

littleeva

PENPEN

您囡個樣真係好精叻.   我仔都係沒有什麼獎, 有個進步獎

我仔有一面試大忌. 就係 怕羞 .  

我會將一切交給神. 相信神會安排一間合適學校給仔仔.

我要多多祈禱先.  

littleeva

hi  bosze

私小 我只選禮賢.  既然要比 $$$ 當然要自己認為比得值.  而禮賢我係 十分信得過.

您地睇佢升中派位真係唔錯嫁. 不講學業 . 我有朋友話如果學校能夠教好小朋友品德, 係好難得.  品德對小朋友一生係好重要.  現今好多學校會集中在學業 和 活動.

我仍然盼望讀禮小.   

我在將軍澳區. 校網不大好.  而基於信仰. 我最後係放棄用假地址. 我知道神喜歡我做一個正值的人. 所以我知道我沒有做錯決定.  

我會報將軍澳 兩間直資.

朱古力

九龍區既直資大部份都係將軍澳，所以我唔會考慮，
我淨係諗住試下沙田大圍果間培橋、禮小我都會考定．
總之就煩啦∼辛苦完呢一關起碼休息六年再黎過．(升中)

penpen

bosze,
成日唔記得話妳知, 多謝聲妳丈夫, 妹豬好鍾意上次份層層

朱古力

penpen,
多謝晒呀∼琴日玩得好開心呀∼尤其是派軍曹眼罩時，見到佢地既樣笑到我眼淚水都出埋呀∼你送果份禮物，塱生一路返屋企，一路都好想拆開呀∼因為趕住去跆拳班，所以我唔比佢拆住，佢都忍得好辛苦呀∼返到屋企同佢玩，玩到連飯都唔捨得食呀∼成日話玩完先（玩左兩個鐘都未玩完），不過Ｄ獎罰咭幾得意，我連續幾次罰，又要唱歌、又要我扭腰，有次仲要我在手上寫『我愛叮噹』，原來塱生一定要我寫，最後我同手指扮寫算數呀∼好攪笑 我又整盅佢，原本罰八十蚊，我比四十蚊佢，塱生初時無為意，但諗諗下就話：「媽咪，八十喎唔係四十喎∼」我就笑住話：「呃你唔到添！」   

多謝晒你和盈盈呀∼       

sanli77

請問各位禮賢媽媽
有無人知青衣去禮賢校車要多久
多少錢？
另外禮賢除了學費外
還有什麼其它收費？
茶點？雜費？
謝謝
珊

朱古力

sanli77,

有無人知青衣去禮賢校車要多久?
呢個唔知喎~不過我諗一個鐘內

多少錢？
我無資料在身，我諗約八百蚊左右~

另外禮賢除了學費外還有什麼其它收費？
書簿及勞作費，分上下學期，每期千五蚊內~

茶點？雜費？
無其它費用了

sanli77

朱古力
謝謝你啊
我聽禮賢不錯
好想俾個仔去讀
但好遠啊
你有無呢個問題呢?
珊