聖若瑟英文小學 (彩石里) 一年級加油站

labelwah

hi Wendy,
pm佐資料比你,請看看

wendy_cheuk

hi labelwah:已收到你的資料啦! 多謝晒! 很詳細。

labelwah

Wendy,
不用客氣喔...
今天小一派位, 有結果未呀 ? 是否獲派心儀學校呀...?

MIMISiSI

各位家長：

您們好!

我仔仔都係今年9月入讀聖若瑟英文小學小一, 請問學校有無辦啲小一輔導/適應班, 或者在暑假辦啲活動可提早讓小朋友了解學校的呢?

希望各位多多指教. 謝謝!

心急的媽媽上 :

labelwah

hi MIMISiSI
你好呀, 早晨 喔...
睇 '泥', 你真係好心急喎...放鬆些吧..讓孩子輕輕鬆鬆放暑假,
不要過早緊張喔..

照我所知, 聖小無提供小一輔導/適應班, 或者閣下直接打電話往學校查詢一吓就清楚些喇..

上到小一,要給時間小朋友及自己適應喔....知...無 !

MIMISiSI

Hi labelwah,

多謝您嘅意見呀.  咁您可唔可以分享一下幫助孩子適應新環境嘅心得呢?

謝謝您!

進進媽

我仔仔會在今年小一,我想問:
1.你們的小朋友差不多在這校讀
了一年,總括來講小朋友讀得吃力嘛?
2.功課是全部回家做定在學校已完成一些?
3.如果小兒的英文底打得不好,會否很難追上?
謝謝!

labelwah

HI MIMISiSI
我囝囝今年小三了,成績只屬中中'廷廷',
記得小一時,佢成績是尾幾,現在中中'廷廷',我已經覺得好有進步囉..
平時一至五, 放佐學
3:30-6:00就在爺爺屋企看電視 + 玩
6:00-7:00就做功課
7:30-8:30做功課加温書...
9:00 瞓覺
星期六,日就安排些課外活動如游水,學 roller 咁...當中兩至三個鐘就温吓書咁啦...

我見學校個個小朋友都好開心,好鐘意返學架喎..

進進媽

labelwah:

labelwah

hi 進進媽,
唔係我編架, 係我睇見老公同呀仔每日都係咁, 由小一開始到而加, 所以 post 出黎大家參考吓, 你都覺得輕鬆呀可, 但我呀肥仔都間中扁晒咀..
小一的話, 一定一定會比較辛苦些, 因為對小朋友來講, a / an /the 都係生字,這個無辦法, 要讓他們睇多佐學多佐才會熟悉, 而且小一生都未識併音,未得掌握到串字的方法, 到現在小三,呀仔都可以較輕鬆地很快記得到要背書/默字的生字...
大家不必太擔心喔..

labelwah

YW,
今年 3-4年級親子游泳比賽, 因為無乜家長參加,所以取消佐啦...            

進進媽

labelwah:
我又聽過有人講有d小朋友追唔上轉了其他小學,
是否真有其事?
重有我之前問過功課是全部回家做定有一些已在學校做?
多嘛?

labelwah

進進媽,
都有小朋友突然退學的情況, 是否因為追不上而退學就唔知呀...但就會有些小朋友插班入'泥'讀架喎..!

功課方面,為免影響上午班上課, 舊年食完飯都無得落操場玩,
要留在課室內睇書或做些靜態活動,所以好多小朋友都會攞功課出來做咁囉..! 今年就全部轉晒上午班, 而吃飯時間延晏佐,所以應該可以比佢地落操場玩, 咁既話,小朋友就可能選擇出去玩而不會在學校做功課了..

每天大約有6-7樣,記得肥仔都可以在兩個鐘頭內完成..還有時間比佢老斗捉住温吓書添...   

fling

wah,

你就好啦, 我囝囝到而家重係甩甩漏漏, 每日返到屋企, 功課係做晒, 但d字好多時都鬼畫符咁, 計數又多 careless mistake, 我好多時火起上來就撕爛本薄要佢重寫, 如你所講, 佢初初連 he, she, it....都係生字, 真係勞氣到無人有, 基本上都無時間溫書, 幸好而家漸入佳境, 可能炳得多卦.     但要佢自己溫書都係未得, 唔係數手指, 就又厠所, 又飲水咁, 反正一d都無溫過, 激到我死死吓. 希望快d好似你個仔咁乖就好囉, 如我所願, 三年級放手唔理........

東東媽咪

我明天去註冊啦! 各位準小一家長多多指教!!

其實我都有好多問題, 不過自從上個月全家由將軍澳搬

maam

fling/wah,
我只係希望暑假快0的來, 因為我都想放下暑假... :

小三可以放手不理, 係我夢寐以求的. 大家共勉之.

fling

maam,

我都想快D到暑假, 等佢去伯娘屋企. 我唔洗對住佢, 就可以同朋友去吓街, 過返吓做電視精的日子      

我同囝囝報咗武術班, 本來佢都想踢埋足球既, 但當日已報咗其他班, 所以就唔到. 學校又係既, D暑期班咁遲通知....  :tongue:  :tongue:

LV77

Hi 東東媽咪，

放心，無問題喎！　我囝囝都係９月底生日，我覺得佢入左聖若瑟直情係脫胎換骨 係幼稚園時，問親學校既都唔多清楚，一入”聖小”，不知幾醒，即情好似理事長咁！！

反而，我覺得你要對囝囝有信心，當然初上小學一定好擔心，但隋身望實外，亦要留意囝囝哪方面強弱，強既就特別培訓，弱就多加訓練啊！　小朋友一定有適應期，當適應及習慣後就一定應付自如！　　     再者,　”聖小”最好既地方除老師有愛心外，學生間亦不會出現俾人蝦既感覺，從你POST上囝囝既相片覺得你囝囝都係斯文既隻，你可以放心，聖小既學生都好乖，斯文及不欺負同學的　！

後話：一年前我仍有去下其他小學欄”行逛”，見過你出現問過意見，請問你囝囝是否考第二間失敗，還是始終揀聖小?


　[quote]
東東媽咪 寫道:
我明天去註冊啦! 各位準小一家長多多指教!!

其實我都有好多問題, 不過自從上個月全家由將軍澳搬

LV77

Hi 東東媽咪，

Sorry!攪錯左，post相個位係進進媽至啱！！

－－－－－－－－－－－－－－－－－－－－－－－－－
Hi 進進媽，MIMISISI 及所有入讀小一媽咪：

我個人意見，除校舍活動空間較少外，其餘各方面均算佳!

~~ 沒有小一適應班,但上年有舉行一個為期2星期之英文班(每天兩小時,自願性參加),目的令小朋友習慣英語環境! 而且上年在小一班房上堂.可以令小朋友對學校增加歸屬感,我就覺得幾好呀! (不過今年小學會裝修,如果有英文班都可能會在中學部上堂喎,所以你地諗下是否參加英文呀!)

∼∼功課，黙書唔算太多，應該可以應付到！好似今次英黙範圍四頁．中黙兩篇課文再加兩課詞語,但我同事既中英黙書範圍各十課,嚇死我!!

~~ 囝囝班最喜歡GS老師（不過呢位老師平時好惡呀），咁有日在班上同學仔讚呢位老師果日著得好靚，呀老師話”你地媽咪仲靚啦”，我想舉此例,係想話你地知，同學們上堂係幾咁開心，快樂, 同老師間關係幾咁和諧   

所以歡迎大家入黎聖小,祝你地小朋友每天都過得開心,快活             

cheukcheng

各位St Joseph媽媽，你地好！我明天都會幫仔仔去學校註冊。其實我都有小小問題想問，請問平時小朋友放學之後再上課外活動，會唔會有校車接走？課外活動編排又係點呢？因為有ｄ小學係將全部課外活動編排係星期五下午進行。Thank you!