大埔羅定邦中學 交流區

IWAN

回覆 lu-ka 的帖子

I also want to know :How to Interview and in 啲咩? thanks !

MANDY媽

回覆 lu-ka 的帖子

我囡囡今年S3了, 相信面試都係大同小異, 心得係要冷靜D, 儘量放鬆, 當年真係有一位男同學, 緊張到連自我介紹都講唔到.

當年囡囡共有4位同學一齊面試(家長坐到最後), 面對一位副校, 兩位老師, 全程以英語對話, 首先係自我介紹, 之後老師會發問一些問題, 考下同學的對答. 跟住, 同學會抽出一張文章並讀出. 之後又要抽出圖片(四張), 同學要即場跟據圖片講出一個故事. 再之後係考心算.

IWAN

回覆 MANDY媽 的帖子

All interview speaking in English? Thanks ! Mandy mum

MANDY媽

回覆 IWAN 的帖子

係呀, 由踏入課室至離開, 全程英語. 之後會安排家長見老師(同學不會在場), 家長有任何問題的話, 可直接問老師.

IWAN

回覆 MANDY媽 的帖子

Thank you, Mandy mum

Momiumo

前年的面試跟我們上一年的情況有點不同。

我囝囝去面試時分兩部份。第一部份他需獨自見老師及要全英語作答。考核內容主要是自我介紹，讀一篇短文，看圖說故事及計數。此部份家長不在場，所以我也不太清楚深淺程度，兒子說不算難。英文文章有字不懂，他便用拼音說了個大概同音的字過關。但我也有見到有面試學生出來跟媽媽說完全聽不懂老師問題，所以沒有作答。

第二部份是副校長跟兩位老師同時面見四位學生，家長則坐在學生旁以示支持。這部份是廣東話對答，主要由老師提出一些時事民生的問題，學生發表意見。當日有兩個女孩和兩個男生一同面試。一開始時，兩個女的先說出看法，她們對答如流，十分有自信。到我兒子時，他因想說的都給那兩個女孩先說了所以十分緊張一時答不上，甚至答錯了一些facts and figures，幸好老師適時引導他向另一方面想，結果他也有板有眼地說出自己的意見。最後的男生緊張到腦海一遍空白，只見他大部份的問題都不懂作答。

所以，我也同意Mandy媽所說，最緊要放鬆心情。我想，老師們不是要考學生們懂不懂答案，所以答錯不用怕，我覺得學生的應對表現及會不會思考問題說出看法更重要。

IWAN

回覆 Momiumo 的帖子

Thank you yr advice !

lu-ka

Thank you. It is very useful for use.

masterunion

當日面試老師們一開始已經叫佢地放心答, 每件事都有幾面, 只要有理據支持不可能一面倒睇事情, 當時我個心開心到死, 因為我好認同老師所說... 跟住就係面試既同學仔答了唔同答案... 老師仲引導佢地TIM.  成個氣氛好好

lu-ka

Thank you. 我同阿仔真係好like 呢間學校，真係想一擊即中。 唔想玩大抽獎。

pangpangchak

昨天因為小兒Band隊在學界賽得了銅獎而回校看他們表演，回到學校一位中四哥哥向我們介紹學校，那位哥哥說話有禮有耐性，我還向他取經，跟著入禮堂看他們的簡介會和三項精彩表演。看見百多人在台上充滿自信和笑地歌唱，心情真的很鎮奮，確是今次回校的意外收穫。簡介會初時還有數台座位，但最後原來座無虛席，可是遲來的家長們錯失了觀看精彩表演的機會了。
錯了，是銀獎，不是銅獎

MANDY媽

回覆 pangpangchak 的帖子

同學們可以充滿自信地表演, 因為他們有上"跳舞堂" & "話劇堂", 我覺得唔好輕視呢兩堂, 他們的自信及膽量, 就係由呢兩堂訓練得來的.

zhuzhu

MANDY媽 發表於 13-12-10 15:52
回覆 pangpangchak 的帖子

同學們可以充滿自信地表演, 因為他們有上"跳舞堂" & "話劇堂", 我覺得唔好輕視 ...

係咪s1至S6都有得上?

MANDY媽

回覆 zhuzhu 的帖子

S1 - S3 就一定要上
但 S4 - S6 就唔知

Momiumo

很同意Mandy媽所說，"跳舞堂" 和 "話劇堂"確能令孩子增加不少自信。看到小兒由剛入學時入錯課室也不敢跟老師說，到今天參與第六十五屆香港學校朗誦節的中一及二男女英文朗誦中獲勝，我見証到兒子的蛻變。

可能在小學時大人們都只看重他的成績，所以他無論校內校外也不大熱衷於參加活動，我也沒有強迫他，只要求他努力讀書。今年的學校朗誦節，兒子說他原先也跟大部份同學一樣不敢參與，但後因被校長的誠意打動，所以膽粗粗加入了英文朗誦隊。相信大部份學校都會在校際比賽中挑選出精英來代表學校，但羅中卻很願意鼓勵每個學生參與，使所有學生也有機會成為代表學校的精英。

雖然小兒在隊中只需要背誦一小部份，但看到他因為不想自己的表演影響全隊，所以留校訓練後還自動自覺地在家練習了很多遍，我真的感到很感動。以往只看到囝囝英文說話技巧進步了便很滿意；但現在才發覺責任心和團隊精神對兒子的成長更難能可貴。很高興見到囝囝這兩年開朗活躍了很多，而且也為羅中在校際比賽中得到佳績感到鼓舞。

lu-ka

你咁樣講，令我梗想入呢間學校，阿仔佢都好想，佢連生日願望都係要入到羅中 但我有啲擔心，希望越大失望越大，坦白講羅中既教學模式我好認同，加上阿仔對英文嘅熱愛同自信，我相信佢會讀得好開心。14號要in 啦，好緊張又好擔心，阿仔其他科成績唔好，我怕佢未必配合羅中要求！！！

Momiumo

回覆 lu-ka 的帖子

不用太擔心，我覺得羅中可能區內排名比其他英文中學低，所以收生的要求不像其他Band 1中學嚴格。和我囝囝同一時段面試的還有區外的學生來面試,，都看見一兩位學生的表現參差很大。我相信直資第一輪較少人報讀及較容易入，據聞多數Band 1學生考完自行後才決定報直資，所以第二輪考試在自行後，部份學生覺得自行冇信心，就開始買保險，收生質素最好的可能是第三輪(叩門位)。

我相信如果小學成績屬Band 2或以上，操行OK，面試又肯答問題，羅中第一輪都很大機會收。不過如果成績真的未達要求，學校應該不會為收滿學額而收太差的學生的。佢地中英文科有小班教學，所以同一班都會再按小朋友中英文能力分小班。英文能力比較好的還有機會上西班牙語，而且中一有成三班可讀西班牙語，所以都不算精英班，不會給孩子太大壓力。加上佢地採多元化活動教學，讓程度稍遜的學生也可以在分組形式做Project時跟其他同學互相學習，而不只是只懂在成績上比併。我正是因為這些原因所以選擇此校。

P.S.緊記放鬆心情，唔好俾自己同小朋友太大壓力呀。祝所有家長都能為子女成功報讀心儀學校啦。

lu-ka

多謝回覆。 坦白講阿仔科科都係剛剛合格，只有英文攞A, 有呢樣限制，所以先有咁嘅擔心，你講得好啱，我唔想我小朋友只係求分數，我真心想佢有獨立思想，校長講過，係羅中，好多野都係比學生做主導，學生有自主自理能力，從中主動學習，我更相信如果小朋友返學冇壓力，而又可以學到新知識，佢一定好喜歡返學。呢個係我同老公所想嘅一樣，但以阿仔咁樣嘅成績，我真係有啲擔心，學校都會睇成績收生……

Momiumo

回覆 lu-ka 的帖子

坦白講，每間學校都想收又聰明又有才華嘅學生，最好又乖又叻能幫學校在公開試或校際比賽取得佳績。所以好多名校只收最優秀嘅學生，佢地只要維持提供良好學習氣氛嘅環境，給學生很多針對考試比賽的培訓，好多學生都能在畢業時考到很好的成績。每年入大學率比較容易維持高水平。但試問有幾多間學校真的能提升小朋友嘅學習能力，春風化雨地將差嘅學生教好？

有子女入讀嘅家長們也怕學校亂收生會影響學校Banding或校譽，不想自己的寶貝會被差嘅同學影嚮。但我卻覺得初中階段嘅小朋友還有很大嘅進步空間，只要令佢地唔怕返學，對讀書有興趣，成績自然不會差到那裡。而且這時正直反叛期，如果迫得太緊的話對部份小朋友可能會適得其反。加上學校係社會縮影，我覺得早些俾子女接觸唔同能力嘅人，學會勝不驕敗不餒，不自負不自私，對佢地人格發展可能更有幫助。囝囝小學時成績維持中上，以為自己好叻，入到中一見好多同學英文都比自己好好多，當堂無囇信心，怕自己包尾。及後得到幾個英文好嘅同學幫助，慢慢跟得上，自信心反而增強不少。宜加升讀中二轉咗班，分組做project佢做組長，佢都會幫吓其他同學。這都是我樂於見到嘅。

真心希望lu-ka囝囝能面試成功！加油呀！

lu-ka

多謝支持！ 而加只可以靠阿仔面試表現，明天請假同佢做多几次練習，希望可以幫到佢！做阿媽只可幫到咁多