九龍禮賢幼稚園K3家長請進！

penpen

朱古力,
唔好意思! 昨天咁遲先到, 生生鍾意份禮物嗎??  

朱古力

penpen,

唔緊要，你咁趕都黎，我同塱生都好開心，
有咁多禮物，佢緊係開心喇∼

不過前幾年係屋企開生日會，佢會好緊張Ｄ禮物，
一收到會即刻拆開，玩具就即刻玩，
但琴日佢一收到就比左我唔理Ｄ禮物，
佢好開心好多朋友你在場，我叫佢幫我招呼同學仔，
佢、桸楠、朗朗、浩然四個人坐一張

朱古力

bosze,
我多謝你地賞面抽空出席呀∼我同塱生都不知幾開心，
原來份禮物係浩然揀架，我返去話番比塱生知先．
你幫我多謝浩然一聲∼

我屋企勁多親戚，我爸爸有八兄弟姊妹，
八兄弟姊妹加埋有22個仔女，我地好多

penpen

朱古力,
估唔到妳屋企咁

朱古力

penpen,
其實真係唔知邊份打邊份呀！今日見到郎媽問我件衫岩唔岩，我答佢岩，我見差不多件件都係120碼，一定岩，但邊件係你地買我就唔知喇！SORRY!    不過全部衫都係thomas，生生好鍾意，多謝晒∼
係呀！要你趕成咁我都有Ｄ唔好意思，多謝賞面．
塱生第二日都好攰呀，唔願行，因為我地仲有下半場，Ｄ親戚黎左我地屋企BBQ，搵日都請你地黎BBQ呀！唔知你地有無興趣呢！不過等秋天先，因為夏天太熱而且好多蚊，唔適而BBQ，秋天好好多．

penpen

朱古力,
趕下未好囉~ 等我乘機做下運動, 減下d肥膏嘛~ 我要多謝生生至

朱古力

好呀！約定暑假後BBQ．
隻蚊真識揀，咬盈盈個臉，比個見到隻蚊呢就  

原來係Esprit果套，我攪到亂晒大輪，
頂帽好岩呀，我就係想買呢種無頂，
唔洗焗住佢，佢有一頂由細個帶到今年，
個魔術貼已經盡晒，所以帶唔到喇∼
我無乜時間行街，見到既都係鴨舌帽，
又怕佢熱喎∼多謝你和郎媽呀！      

朱古力

生日會照

朱古力

bosze,
塱生話今日扭橙色紙做樹枝，佢話唔夠力，
好彩浩然幫佢喎！浩然乖仔，幫助同學．

penpen,
塱生話佢唔知扮咩，佢做爸爸，卓盈做媽媽，
仲有邊個做仔仔和女女，鄧老師做怪獸喎∼
星期二錄影左唔知有無機會睇帶呢？

penpen

朱古力,
我同朗媽就係專登揀呢種諗住唔洗焗住個頭仔囉~ 容嘜易未到20歲變左m字額架?!    原來我妹豬都俾你囝囝鍚左啖, 洩底晒添~    d相我自己save左喇~ thx!!  
今次錄影果d我地冇得睇架喇~ 佢地班自己睇番架咋!  :cry:
星期四運動會我會做家長義工,到時大家到場既多多關照呀!  

朱古力

penpen,
唔~~ :cry:  :cry: 無得睇添，真係唔開心喇∼
鄧老師都打左比我問我可唔可以幫手做運動會果日既家長義工，嘩∼我緊係願意喇∼因為我地要返工既好少有份參與架，塱生不知幾開心，今日見到朗媽就即刻話比朗媽知，不過果朝要好早起身，八點四要去到運動場，我問塱生起唔起到身，佢即刻答我OK，不過我都信佢得，因為去玩佢特別精神，朗朗今日約我地一齊去睇"冰河世紀2"我答應左喇∼

penpen

朱古力,
算啦~ 不過我相信佢地會睇得好開心既!   昨天妹豬話俾我知你囝囝冇扮daddy喎! 反而佢扮媽媽, 嘉霖扮bb喎! 都唔知邊個真, 邊個假?!      唔緊要啦! 小事姐, 佢地自己搞掂啦~
8點4去到, 真係幾係架! 妳又住得遠, 我就好d d
昨天同朗媽傾電話, 朗在電話已經約了妹豬, 之前我問佢幾時睇, 佢媽咪仲以為佢咁叻, 返到學校夠膽約妹豬添~  本應佢應該唔會怕羞架!  因為上次一齊睇"四眼雞丁", 之前佢地果日出左街, 同d朋友講開, 跟住d朋友講笑咁話佢咁細個就識約女仔, 所以佢未識怕羞囉~   跟住又話要約埋廷耀, 唔知仲有邊個, 我話不如包場啦~  

penpen

今日妺豬行catwalk表現不俗, 都幾自然, 第一次來講, 我覺佢都好自然, 全程面帶笑容, 都笑得幾sweet架! 佢自己都好enjoy, 正式果陣仲笑得自然過綵排果陣, 都唔係點睇得出佢有緊張, 仲表現到好鍾意見到咁多對眼睛同鏡頭對住佢咁! 我問佢下次仲有佢去唔去?! 佢咯飯應咁滯! 我問佢怕唔怕辛苦, 佢又唔怕喎! 6點返到屋企, 8點已經同周公玩緊喇~  

penpen

眨眨眼明天便是運動會了~ 時間過得真係快! 下個月又家長會, 好快又放暑假, 跟住就升高班咯~  

朱古力

penpen,
係呀∼其實明天九月佢地已經讀小一喇∼
琴日同朗朗爸爸等講開小學，到時就真係慘喇∼
咁多功課，我都好驚呀！真係要好好安排一下先得．

bosze,
琴日同浩然影左幾張相呀∼遲Ｄsent番比你呀！
不過返到屋企睇番Ｄ相，佢好似唔係好開心，
可能你同丈夫都請唔到假喇∼我琴日叫佢介紹比我知，
佢拎住自己雙杯介紹，水果有好多水份............
我再問佢圖片，佢就話：呢Ｄ唔係我負責喎∼
我即刻忍唔住笑．     

朱古力

bosze,
今日明顯地浩然開心好多，唔同上次，我問佢幾時坐飛機，佢話：「星期五、星期六、星期日、星期一、星期二」，係度慢慢數比我聽，仲話第一次坐飛機添．之後我聽到鄧老師問佢，你係咪去旅行呀！幾時去呀？佢又再數一次「星期五、星期六、星期日、星期一、星期二」，好攪笑 ，我同佢講有得游水喎∼佢即刻好興奮話：係呀∼臨走前我叫佢旅行玩得開心ｄ喇∼佢就同我點點頭笑笑下．

penpen,
盈盈精神過你喎∼係咪成晚無覺好睡呢∼好好保重．
剛才比賽我同朗媽係果邊，一開始就有個男仔喊，問佢咩事，佢淨係喊，為免影響比賽，我拖左佢出黎叫朗媽安慰佢，點知唔夠一陣，到盈盈喊，我問佢咩事呀∼佢大大滴眼淚係咁流，然後話：佢撞到我個肚呀！我幫佢"卒"下個肚，等佢收左聲再問佢跑唔跑到呀∼佢點下頭就繼續比賽，好有毅力．

我剛剛返到公司，

penpen

朱古力, bosze,
下個月我地既家長會大家都一定好緊張喇~ 因為要相討同佢地揀學校既事嘛~  

bosze,
不好意思! 今天都幫不到你照顧你囝囝, 因為除左家長義工, 其他家長除了玩遊戲, 就要坐在觀眾席上 :cry: 我妹豬昨天突然發燒, 今朝5點幾食左藥到起身都仲有微燒, 但佢有緊持要去喎! 好彩我搵到朗媽頂我個位, 咁我就等妹豬玩完之後第一時間走同佢去睇醫生,唔洗等到散晒場人多再爭路爭車, 我諗我係第一個離開體育館上車架!  
祝你們旅途愉快!   我諗妳囝囝可能會晒到朱古力咁返黎喇~ 但應該又會係好快白番果隻  最緊要小心唔係俾佢晒傷, 返到酒店沖乾淨涼搽番d lotion呀! 晒成日好乾架! 乾就會痕, 痕就會"R", 記得灌佢飲多D水補充返,小朋友皮膚幼"亂"嘛!  
人地阿媽好長氣

朱古力,
唔該晒妳今天幫手照顧妹豬, 條友仔真係精神到痺, 精神過我, 唉~ 冇辦法啦~ 小朋友病, 通常都係做阿媽既最辛苦架喇~ 鬼叫佢係我個囡咩~ 佢5點幾食完藥, 10點幾藥力退左又燒過, 我仲要專登走落黎餵佢,佢根本就因為唔舒服有d"蚊"先咁易喊, 但佢又緊持要黎, 我都唔想佢太失望, 見到佢地玩遊戲玩得咁開心, 自己都好開心,但返到屋企睇完醫生食完野食藥就好快睡著了, 醫生仲開定d塞肛藥, 怕佢會有高燒, 最好笑姑娘俾藥我果陣我見有塞肛藥, 我話 "下", 點塞呀?! 姑娘仲問番我, 佢未塞過架?! 我話係   跟住姑娘先我知點塞同埋我先知一日祇可塞一次同要放入雪櫃
妳今晚都要好好休息返多d喇~     

HOLONGMAMA

各位禮賢媽咪,
我又有事請教呀!剛收到第二次註冊通知信,內有校車資料,我見荃灣線架車途經好多地方,差不多走晒成個葵菁荃區,但就唔經我哋個屋苑,附近都冇站,咁係咪即係要自己喺出面搵媬姆車呀?or到時校車會就返實際搭車小朋友d線,會再調整過d路線架?同埋走咁多地方,小朋友咪要坐好耐車先到學校囉   
麻煩晒大家   

朱古力

HOLONGMAMA,

你放心喇∼
(1)荃灣線唔止一部車架，以我所知有幾部車架。
(2)同埋未必每個屋苑都有小朋友返禮賢。

bosze個囝囝都係荃灣上車，（幼兒班時）佢囝囝係8:30上車跟住直接返學校，今年唔知有無改。

而我囝囝係坐9C放學既，因為我公司搬左去禾宜合道，佢放學坐校車黎我度。

所以你只要填好晒上車同落車既資料交返學校，約在開學前一至兩星期會有校車聯絡你，如果冇（你就自己打比司機喇∼）唔洗擔心架，因為荃灣線既司機都幾好人，佢地會安排到架喇∼         

焯媽媽

各位媽媽好,

我亦是06k1的媽媽, 亦收到第二次註冊的通知, 在乘校車方面亦想請教大家, 因為九月我已取了十多天大假, 想自己跟孩子及讓孩子容易適應k1的生活, 因此, 想十月份才搭校車返放學, 我是否需要於第二次註冊時通知校車? 或是, 九月才通知校車呢?   

因為擔心開學時校車較混亂及想自己跟進孩子!!

請問家長是否有這方面的經驗呢??  謝謝!