第一個登陸"協和小學家長分享"!Part 1

騰騰震媽咪

tamannabel,

講番體育堂亞sir缺席值事件.  其實應唔應該問個明白, 如果要反映, 要同班主任 / 體育亞sir定還是王校長, 但係體育亞sir 係一個好好人啦架喎. 應唔應該比多一次機會佢呢.  囝囝話亞sir昨日已解釋咗上星期好忙, 所以冇上體育課.  這個理由真係好行.  唔講好過講.  

騰騰震媽咪

tamannabel

琴日考完音樂評估上節, 今日再考埋下節. 你囡囡同你講咗普通話要考既範圍未呀?  你知唔知普通話老師轉咗為丁老師敎, 之前個位好似話要過完年後至番.  

tamannabel

想問下普通話/聖經/音樂計分嗎?
普通話我無問呀!
亞女主動話普通話要默拼音喎!
音樂昨日錯了個咩 "s" 音.
今日考唱 ”蛇歌”, 跳“蛇舞”
佢唔係ma,用d咁既直口.
真係呃細路咩!   

tamannabel

我每次問亞女學校d野,
佢只話好開心,好開心lo.
有時無意中透露d野出來,
我先慢慢導佢講多d!
有時話你囝囝好傻!亞邊個邊個帶左d咩野食番來...
好想媽媽買比我食.    

yanyanangle

各位好!幾日無同大家傾計.想問下有無人知道學校操場桌椅搬走未?我問阿女佢話仲係度, 有無搞錯!阿女仲話宜家小息同返學都坐地下,無椅坐, 好過份呀!我個女隻腳比蚊咬到腫哂;我曾經同班主任講過好唔衛生,後來坐椅,宜家又....... 於是我打電話問王校長,佢話老師唔會叫學生坐地下,但我話係小朋友講話係主任叫喎!王校長話聽日會係返學時親自check下.跟著我問佢如果小朋友係學校跌倒,老師會唔會話比家長知,佢話若學生係學校受傷流血一定會同家長講,唔會隱瞞;但我話個日阿女同同學撞頭,腫起好大個,都無老師話我知,我放工返屋企先知道, 老師見到都無理,校長當時唔識答我.唉!你地大家要時時問小朋友學校發生何事?特別係要番工的父母.

騰騰震媽咪

tamannabel,

講起食仲激c人, 有次帶咗d蕃茄仔返學校, 佢話轉個頭食物盒d蕃茄仔冇晒, 琴日帶咗d糖番去, 因開唔到包糖, 叫咗人幫佢開, 亞囝話跟住包糖都唔知傳咗去邊樹, 我話佢冇好好跟住包糖,  冇咗就當係懲罰.

不過, 亞囝話今日只考拍手喎, 唔通佢講漏咗比我知.  仲有普通話佢有冇話要考拼音喎.  越講越驚, 佢講漏咗咁多野比我知.  希望普通話老師遲d會比範圍家長啦.  

騰騰震媽咪

yanyanma,

你有冇問淸楚小朋友, 當時老師是否在場呀?  小朋友現在有冇覺得見暈呀?  消咗腫未呀?  因為撞到頭可大可小, 你要當心留意小朋友多d呀.  早排, 我個囝小息時都比何x晴同學 (tamannabel 係 too bad 個位)  推跌, 擦傷咗少少, 跟住中文老師問囝囝要唔要叫人幫你手貼膠布, 囝囝話自己可以, 唔需要人地幫, 跟住就咁貼塊膠布回家就算.  

amycoco

Dear cherryma,

我琴晚去補習社接俊欣,我偶見cherry, 不過我同唔cherry傾計, 因為佢起lift出面, 我起入面,不過cherry唔知認唔認得我.  

tamannabel

Yanyanma,
我女話依家小息大多數在班房,   
好鬼慘!後面好似清左場ma….騰騰震ma係咪呀!
之前上校都有個小朋友跌傷左,
好似要洗傷口,學校都無通知到la…真係豈有此理

10月29日老公接女食飯後,再帶回學校表演.
咁我老公想confirm吓幾點可接走女兒.就除便揾左個老師問,
點知個老師好無品話,唔知喎!番去睇通告la….
我想像不到當時是怎樣?佢走左去同校長講,
校長話可能個老師忙,所以這樣答!!!!
咁我老公話如有家長唔識字又或者真無看通告呢!
學校都應該在校內當眼處張貼ma!   
校長話好我開會會見意吓!
我老公打電話比我講呢件事!我都不是很相信,
因佢不嬲都好客氣既!人又無咩脾氣,
總之只有我有不滿,佢就永遠做和事佬.
可想像個老師當時真係態度極之差…

      

carollam310

有普通話考試範圍架..可能未派0者~~我女果張係咁架

騰騰震媽咪

yanyanma,

我e家帶小朋友返學一到大閘就走, 因校工話希望d家長唔好進入喎.  不過, 我知佢地冇椅坐己經一排啦.  佢話 Ng 主任話佢地已經認識學校, 所以唔需要坐.  我聽到小朋友咁樣同我講, 我覺得認識學校同埋有冇椅坐係兩回事.  不過,  有時覺得都好冇引, 你同咗 Ng 主任反映,  佢既態度又唔想理. 又叫你同王校長講.  好似係校長至叫得佢唷.  對d家長咁既態度, 仲可以做主任, 都唔知係唔係學d政府公務員咁, 因為做得長時間, 所以比條老人柴佢, 就升佢做主任.  如果學校覺得佢好, 就唔駛叫佢做d行行企企既工作啦.

tamannabel

CAROLMA,

你個女比人點相及點名la....
thanks!!
你有無小一必考"tips"
可透露吓!!幫吓忙la...
如填充:會否出課文生字之類...      

騰騰震媽咪

yanyanma,

我只可以回應冇椅坐係 ng 主任既問題, 但小朋友坐地下係當值老師叫佢地坐.  可能有d小朋友因撘校車, 晨早番到學校, 當值老師唔想d小朋友咩住個書包咁辛苦, 所以叫咗佢地坐地下囉.

騰騰震媽咪

tamannabel,

小二都冇拼音考, 我諗小一都唔需要考拼音, 你話係唔係.

carollam310

點相及點名    唔怕~~唔怕~~我比你地睇一陣之嘛....快D睇下啦...我一陣變走佢呀     

carollam310

我唔記得上年一考考過乜喎     : 我凈係知道好容易    唔駛擔心~~

騰騰震媽咪

琴日放學, 見到個下協小四既小朋友同車, 於是多口問佢借咗d中文書睇, 點知原來係冇書架喎, 佢話我地係一個單完用個folder 夾住.  跟手睇埋裏面個內容. 話好深呀, 好多文言文, 我問佢明唔明講mug, 佢點點頭.  就快考試, 好似冇mug野要特別温, 但又好擔心.

tamannabel

騰騰震ma,
昨日派回來,有張粉色英文係咩呢!
都係評估架!後面有寫住 10/10,係咪分數   
亞女都唔知係咪評估喎!!!
  

騰騰震媽咪

tamannabel,

我諗係普通堂課, 因見到標題有個 TASK 個字,  可能考試有一個類似既題目, 老師比佢地試做下啦.  不過又話上星期要評估 c, k, g 既拼音, 好似冇晒下文.  唔知e個星期既閱讀理解會唔會做呢?

tamannabel

騰騰震媽咪 寫道:
tamannabel,

我諗係普通堂課, 因見到標題有個 TASK 個字,  可能考試有一個類似既題目, 老師比佢地試做下啦.  不過又話上星期要評估 c, k, g 既拼音, 好似冇晒下文.  唔知e個星期既閱讀理解會唔會做呢?

c, k, g 既拼音,亞女話評左好淺喎!