仁立紀念小學家長區 (1)

Mrssslui

大家累不累呀?
今日玩得開唔開心呀?

第一次參加學校搞既大形活動,感覺良好!
起初覺得幾混亂,各班自己顧自己咁!可能擴音系統唔理想,唔係幾聽到運動場上既情況,比賽又分開進行.不過,後來都接受

Mrssslui

Heart&Moon,

幣啦!我有話自己靚女咩?唔通我講緊笑,你當真??
不過,都好多謝你既讚賞.
你都係呀!隨和又健談,我地真係冇咩時間傾計,你又好忙,滿場飛.成日都係場上見到你既風姿. 仲做埋頒獎嘉賓添!
見到你係學校咁投入,又識咁多家長,同校長又咁熟,真係登你開心,係真架!同你半年前,真係好大對比,你當時仲不時提轉校.
你講既,都好有同感啊!
上午,都有D後悔嚟!覺得都唔係咁多家長到既!而且,好似存在價值不大,女女都自己搞掂,同同學玩.下午,真係高潮所在,終於有得玩啦!   跟住又有班際賽,所以氣氛良好.不過,可能你同我既小朋友有份參與,我地先會咁投入.我見有些家長同同學都走了.

4-6年級接力賽,好好睇呀!雖然唔識佢地,我都睇到好緊張呀!
都有留意到你講個個男飛人,佢真係犀利,原本交捧俾佢個位有D墮後,佢接捧後就後來追上,一馬當先,仲嬴好幾個馬位啊!

講到孫Sir,我幾欣賞佢喎!好高大有型啊!其實學校都不乏靚仔靚女老師.可能我都係就讀較傳統既女校,本身都好 discipline,我幾接受到孫Sir個套,唔覺佢惡同過份喎!學生係應該守紀律既!

ccpig

嘩! 乜你地講到咁好玩架，最衰請唔到假，尋晚返到屋企，呀囡已經瞓到隻豬咁，好彩我老公都用 "生支" 電話現場直播咗 d 片段我睇唧     

cookie 你有冇去呀??

Mrssslui

我見到你蝦子餅同你女女呀!
你女女好叻呀!攞咗兩面金牌,兩次踏上頒獎台上既金牌位置!   
犀利!犀利!仲有記者現場直擊報導,人造衛星直接轉播.   

Cookie,我見到佢,佢見唔到我.
佢好似好忙做義工喎!

ccpig

有一個係銅牌嚟架，返到屋企呀細佬話係 "朱古力" 仲叫我滅比佢食     

講返真係慚愧, 我都應承咗做義工點知到都冇到    

就嚟又總測啦，大家努力呀!!   

Mrssslui

你仔仔咁搞笑?

都係新年食得'金幣'多之故.

Mrssslui

唔知 lucy 有冇去呢?

cookie

Mrssslui 寫道:
唔知 lucy 有冇去呢?

露西有去呀, 仲帶埋細囡添呀, 佢蝦子餅好高大威猛架.   
Mrssslui, ccpig,
唉, 我呢個義工唔合格呀, 都管唔到0的學生, 不過好開心竟然撞到以前中學同學同同事, 佢地既囝都係讀緊呢間既小二.
講開羅獎, 早知叫囡囡玩立定跳遠啦, 得6個人玩咋, 囡囡玩40米初賽第3飲恨入唔到決賽, 好彩後尾隊際羅第一有番個金, 不過又係好可惜佢要步操唔可以出去領獎. 佢有少少失望, 仲話下次唔舉手呀      真係俾佢激死.
Mrssslui,
您同囡囡好叻呀, 親子羅第4.     
講番學業, 囡囡自下學期開始好鬼懶, 無以前0甘勤力之餘仲鐘意駁咀, 真係好幾次俾佢激到我      .
好似聽日英默同常識小測, 佢都懶懶閒, 唔理佢又話我唔幫佢, 理佢又好鬼勞氣, 一話溫書就隻眼得番一條線, 話唔同佢溫又喊哂口.救命呀...............     

Mrssslui

Cookie,

唉也,錯過咗同lucy見面既機會添!
我有走過嚟你地E班'夾'下架!不過見唔到你,可能你去咗當更啦! 人海茫茫,又未見過lucy,都唔知點搵.  
吓!咩立定跳遠得6個人參賽咋!我早知都叫女女參加啦!如果唔係最尾個兩個,都有個獎攞喎!
係呀!你女女又係高人,對腳長過人,好大機喎!
原來大部份人都參加40米呀!我女女自己話參加呢樣,我見佢細細粒,跑步又係佢強項,而且跳遠佢又唔夠腳長,擲豆袋應該都唔多夠力,點知佢話跑既時候好曬,佢唔知點解跑跑下跑咗去隔離線. 算啦!聽完佢講得啖笑.
你講開隊際,我地班本來跑第二架!不過,最後個位同學唔小心,個膠圈套唔正,咪變第四囉!雖然全隊人都有些失望,但都唔錯啦!無去埋怨個位同學.
親子比賽,初賽同決賽,我都係家長組首先衝線,但我女女份人係你急佢唔急,慢條斯理咁行,出到線真係好好彩啦!我見其他同學追到佢好貼,前面我地線個sir見到,都唔知幾心急,叫佢快D啦!就到啦!跟住就話我地出線,只差1-2秒就俾人追到啦!決賽咪係囉!我快人地好多架!最後咪俾D同學仔追上囉!算啦!叫做有個牌囉番去!讀書咪又係我急佢唔急.

cookie

想幫大囡搵phonics course, 請問有冇好介紹?唔該哂

mrsegg

大家好！我個姪仔係仁紀讀一年班，早兩日佢放學返家後發現比蚊針到，隻手腫到好似吹脹左咁，嚇死人！好彩無發燒，請問你地小朋友有無被蚊針到 會唔會係校園有蚊患呢   天氣咁潮濕，大家會唔會幫小朋友痴蚊貼返學呢？

黃巴士

我果仔星期五俾蚊針到果拳頭, 大到好似沙保咁大, 隻腳都有, 有兩個蚊針孔, 好彩無發燒, 佢話係褓姆車上俾蚊針, 當日好細粒蚊口, 星期六變大好腫, 米帶左佢睇doctor, 依家好好多啦啦!!!
我果仔由細到大好惹蚊, DR話要做好防蚊措施, 細個果陣我同佢噴蚊怕水都無用, 后期人地教我用花霑水, 果真好D.

黃巴士

mrsegg 寫道:
大家好！我個姪仔係仁紀讀一年班，早兩日佢放學返家後發現比蚊針到，隻手腫到好似吹脹左咁，嚇死人！好彩無發燒，請問你地小朋友有無被蚊針到 會唔會係校園有蚊患呢   天氣咁潮濕，大家會唔會幫小朋友痴蚊貼返學呢？

玉子mama

黃巴士,
你好嗎? 我是新join的成員.
我囡囡上星期亦受蚊蟲所叮, 好腫好腫, 嚇得我帶她看醫生.  現在好一點, 但前晚又被蚊叮, 於是我放工去佐敦裕華買蚊帳, 昨晚終於可以有得睡了.

玉子mama

Cookie,

Hi, 我都想幫囡囡找學校學phonics喎. 好似愉景新城有好多間學校教phonics, 你有沒有聽過好唔好呢? 我只想比囡囡多些機會接觸外籍英文老師, 等她上英文堂時會好一點點.  :wink:

黃巴士

我果仔依家係綠楊YMCA學緊英文拼音, 不過佢話唔知老師講麥..
我都諗住再搵過第2間俾佢, 各位有無好介紹, 最好係荃灣啦...
愉城係米有間天平學珠算, 好唔好呢??????

好BUSY呀要測驗, 好多書要幫佢溫, 就快嘔血啦......

玉子mama 寫道:
Cookie,

Hi, 我都想幫囡囡找學校學phonics喎. 好似愉景新城有好多間學校教phonics, 你有沒有聽過好唔好呢? 我只想比囡囡多些機會接觸外籍英文老師, 等她上英文堂時會好一點點.  :wink:

黃巴士

王子MA MA,

您好!!
聽講有D血型特別惹蚊, 唔知係米呢...
我果仔由細到大俾蚊針都好腫, 有一個墨盒咁大, 有次俾草蚊叮, 咁大達都睇DR. 點知隻蚊係咩料, 有次仲去急症同佢噴野... 我都住市區, 經過樓下公園佢都會俾蚊針, D蚊真係好犀利......
蚊貼我覺得無麥用, 我響屋企都插蚊機, 高層樓都唔知點解D蚊會飛到咁高......

玉子mama 寫道:
黃巴士,
你好嗎? 我是新join的成員.
我囡囡上星期亦受蚊蟲所叮, 好腫好腫, 嚇得我帶她看醫生.  現在好一點, 但前晚又被蚊叮, 於是我放工去佐敦裕華買蚊帳, 昨晚終於可以有得睡了.