番禺會所華仁小學

SINDY-MOTHER

ms99,

pls check PM!     

ms99

睡公主：

有朋友問係大粒定細粒?

我已廣發給好友，約定明午中環碼頭大鐘響5吓為止，到時再報數。

有冇最後時限呢?  

ms99

正話帶亞仔到北角 "勝利小廚"食無骨海南鷄飯，跟住去食出名鷄旦仔同夾餅，亞仔食到拍哂手。   仲問點解咁好食，其實佢肚餓嗻。  

大家有冇食過以上食品呀?  有時間可以試吓，星級推介。

睡公主

wlk168win 寫道:
睡公主:
我今晚6:15見到你個仔坐係校車內, 但奇怪, 車停在仙慧門口, 好似等人禁, 但你仔仔又無落車??!!

你好犀利呀！認得我個仔。

係呀！佢返學就係喺仙慧上車，但放學就會喺明慧落車，因為婆婆接佢，婆婆住喺錦屏街，所以明慧近啲。

原來校車嗰時真係等緊人，亞仔話因麟媽媽個工人未到喎。

睡公主

ms99

呢排啲細菌真係横行霸道，今日輪到我亞媽唔舒服，所以我趕返嚟接亞仔放學，跟着都有去買夾餅，你幾點去排隊買鷄蛋仔，唔見你既？

睡公主

ms99 寫道:
睡公主：

有朋友問係大粒定細粒?

我已廣發給好友，約定明午中環碼頭大鐘響5吓為止，到時再報數。

有冇最後時限呢?  

好似得一個size，其實冇 deadline，不過對方話要預兩至三日俾佢訂貨。

本來今日我揾到個代理，想直接落單，
但佢哋話要保障啲文具舖利益，
所以提議我都係揾番舖頭傾。
我都再問過好幾間舖頭，
佢哋最平都只做到$3粒（仲要最少要買10盒），
不過皇天不負有心人，
喺最後關頭有個朋友介紹咗間好老實既文具舖老細，
佢好好人咁話盡量幫我攞個好價，
本來佢話個起碼要十盒至可做到$2.5粒，
不過見熟人介紹，
如果係八盒都照$2.5粒，而且佢仲肯送貨我公司，
所以我話如果下次再有集體訂購文具，一定會再揾佢幫手。

好啦！就約定明日下午五時截止，到時作最後報數。

睡公主

暫時做個訂購 BOXY 擦膠統計：

睡公主 - 60粒
RRMum - 40粒
happy5 - 10粒
麟媽媽 - 50粒
wlk168win - 110粒
SINDY MOTHER - 90粒
ms99 - 60粒

仲有冇其他華仁媽？ easiness??（我唔會漏咗你既）

明天請 update 這個 list，以免錯留。

睡公主

請問今派嗰張68通告係有關甚麼特別事情？亞仔又冇咗。

easiness

睡公子,


通告: 68/2005

     今日通告是關於聖誕聯歡會家於12月21日(星期三)於校內舉行. 上, 下午班同學均照平日上課時間回校. 放學時間為上午11:10及下午4:30. 是日校車照常, 請家長因應提前在各站候接.
     茶會費用, 每位三十元正. 請於12月2日(星期五)著貴子弟將該費用交各級班主任彙收, 可用現金或支票(抬頭請寫番禺會所華仁小學)繳交.
      該日學生母須穿著校服.


      表演及頒獎時間: 9:00 - 10:00 a.m.
                                2:00 - 3:00 p.m.

       歡迎家長參加




講開訂擦膠, 咁平真係要訂番o的先, 睡公子有咁好既野, 更係要預埋我啦! 好彩呢排雖然多野做, 但是我都有上來睇o下!


暫時做個訂購 BOXY 擦膠統計：

睡公主 - 60粒
RRMum - 40粒
happy5 - 10粒
麟媽媽 - 50粒
wlk168win - 110粒
SINDY MOTHER - 90粒
ms99 - 60粒
easiness - 30粒

wlk168win

Hi ms99:
哥d雞旦仔, 真係crazy! 每次都長龍都死, 不過, 真係最好食既旦仔...
我地宜家只會0係sunday early morning 等佢一開門就買, 唔駛排隊 .
勝利小廚在那(街市樓上?)? 好味嗎?
隔呢哥檔"花膠翅' 有無試過? 係真花膠, 當然級數有別啦, 都幾好食架, 佢仲有炒noodle, 都幾好食, 可以叫佢將xo醬分開落.

wlk168win

Hi 睡公主:
真係唔該哂你呀!!
哦, 原來真係等緊人...睇吓今晚會唔會再見到佢地先!

ms99

Good morning!

wlk168win, 睡公主：

尋晚我食完無骨海南鷄飯先去食鷄旦仔，都好夜嘞，應該亞旺開場時間啦。 不過鷄旦仔唔駛排，反而格仔餅就要等。
仔仔未試過即場買嚟食，所以好開心，食完飯再食多成底，真好胃口。

wlk168win 介紹隔離檔"花膠翅"，得喎，我最鍾意骨膠原架，一於去試吓。

我話嗰間無骨海南鷄飯，係九龍好出名架，開鋪至收鋪都係要排隊的，經朋友介紹想試好耐。 而家北角有分店，唔駛排隊，我都係食過3次，好回味，啖啖肉，尋晚食太多都有啲頂住。

今個星期日落北角活動吓先，仲有冇好介紹?

ms99

wlk168win ：

'勝利小廚' 位置粵華酒店後面街，店舖門口對住個停車場出入口，成條街都好多食物館。 Exactly地址我要問吓先，通常我唔記街名，正係烏吓烏吓咁去的。

如果你要去，我可帶你一轉的，當然你要.....請....  

ms99

睡公主呢股 "擦膠" 熱真係犀利。

我班家長朋友仲係度熱烈競投梗，稍後有結果再公佈。 等埋我呀)))))   

wlk168win

ms99:
原來你都會落北角"浦"既...
如果可以早落, 就試吓"彩臨門酒樓", 11點前有好抵食又幾好食野點心...
明星酒家食晚飯亦抵...哥碟($45)"象拔x"剌身真係...正+抵呀(爽夾脆)!
報告完畢...

麟媽媽

"勝利小廚"係正我媽咪對面之嘛，
佢住和富，嗰頭好多間都好鬼正架。
行前D"新和富"出名籠仔蒸蝦飯，
嗰條街仔仲有好多好野食架。

ms99 寫道:
wlk168win ：

'勝利小廚' 位置粵華酒店後面街，店舖門口對住個停車場出入口，成條街都好多食物館。 Exactly地址我要問吓先，通常我唔記街名，正係烏吓烏吓咁去的。

如果你要去，我可帶你一轉的，當然你要.....請....  

ms99

wlk168win ：

多謝好介紹。 我都係因為少爺要去北角上堂先多咗落嚟。

11點前?  嘩! 要唔要等好耐位架?  我好少去飲荼，因為寧願瞓晏啲 (呢個係奢望)，我多數浦銅鑼灣，幾乎一至日都係度，所以去飲茶都係去 "利舞台" 或 三越 "美心"，仲要係快食，所以好冇 feel.  其實我最鍾意瞓醒，落樓買本雜誌，行去碼頭坐船去珍寶慢慢嘆，雖然點心唔多款，但勝在又近又易搵位，飲完買啲日用品又可返屋企再瞓。 Woh! Wonderful!  呢種生活勁啱我。     世事無耐，所有硬件係我附近，但咁多年 (亞仔出世以後)，都係試過一次咋。

你哋理想一天的生活如何呢?? 如同我的堪坷嗎?

ms99

麟媽媽 ： 你同睡公主, wlk 都係全個家族係北角生活嗎?  

日後揾嘢食可以隨時有導遊了。  

wlk168win

ms99:
如果過約9:30佢會開埋貴賓房, 但約10:00之後就開始要等...我亞仔每次7:00就會過黎叫我地起身去搵位, 係呀! 佢由細到大就算幾夜訓(都無幾可), 都唔會遲過7:30起身...唉!

"你哋理想一天的生活如何呢?? 如同我的堪坷嗎?"
現實係有d不如人意既...大家繼續尋尋覓覓理想一天既生活啦, 不過人生若短, 每一日過得開心,又見到亞仔, 都應該滿足掛 :
哥碟($45)"象拔x"剌身真係...試吓啦!

麟媽媽

我又加碼 >> 麟媽媽 - 70粒先真