九龍禮賢幼稚園K3家長請進！

朱古力

penpen,

多謝你地先呀！

好彩琴日去參觀咋∼今日落雨呀∼
塱生琴日放學返黎多左包餅呀∼
我問佢係咪

朱古力

penpen,

平時我在van仔站見到朗朗媽，就麻煩佢幫我揍塱生返學，但今日見有時間剩，同埋今日放學佢要坐第二架校車去公公度（中心有事佢唔可以去），所以諗住同老師講聲，當我仲發緊夢跟住個仔上課室，突然有個可愛既小妹妹伸個頭望我話：咦∼你未係塱生媽咪，我先醒一醒，

penpen

朱古力,
我果日係請佢地食益力多味棉花糖喎! 餅唔係我請既!

朗朗今日病左, 冇返!
今日專題研習開始喇~ 令我想起上年, 真係好懷念呀!   今年專題研習係朗朗媽咪同埋烻耀媽咪.

多謝妳咁讚我妹豬呀!!   不過我想其實當時既情境,若果換轉果個係第二個小朋友都係一樣咁可愛架!    我問返妹豬係唔係見到妳, 佢問返我點知, 我話係塱生媽咪話我知囉~ 跟住佢響度有少少怕羞咁甜笑!
係呢?! 想問妳生日會除左我, 朗朗, 希楠, 浩然 仲有邊個呀?

記得我之前講幫妹豬報左畫班嗎? 上星期六上第二堂, 我覺得真係冇揀錯, 佢第一堂畫左兔仔同bear, 第二堂一去到時, 佢見到一幅比卡超(正版)貼左響度, 好開心咁講, 放學時我見佢又畫左比卡超(Q版), 佢好開心, 而且我見佢比起之前果次進步左, 唔會好似之前果次擦咁多,之前果次唔係咁識跟比例,佢真係畫得好開心, 同埋真係佢自己完成幅畫9乘, 老師之後幫佢補左小小, 另外每次都會有功課, 老師會畫左一個有程序完成既東西, 俾佢返屋企做3次, 講明佢唔想做就唔好迫佢, 唔一定要做架! 有做會改, 做到5次會有小禮物喎!  

朱古力

penpen,

我淨係叫左你、朗朗、桸楠同埋浩然咋，
因為我唔識其它人呀！
我都想叫埋庭耀、子謙、曉晴等，
不過又怕佢地唔得閒，又好似唔係幾好意思咁   
所以唔敢叫咯∼

朗朗今日病左，咁朗媽點算呀？

見盈盈學得咁好，真係有Ｄ心郁郁，
如果佢係沙田區開分店就好喇∼     

penpen

朱古力,
我覺得生日會係妳囝囝既! 佢想請邊個又容納到未照請囉~ 我覺得佢地班同學仔大家放假都見到會幾開心架! 一年一次, 人地都可以選擇到唔到, 小朋友開心,洗咩唔好意思!

朗媽未要響屋企照顧阿朗囉~ 今日都祇係第一日, 所以問題不大的, 記得上年正維都試過在專題研習期間病左, 返唔到, 仲唔止一日添~  

剛剛忽然醒起, 唔知係唔係學左畫既關系, 我覺得妹豬近呢幾次做功課比之前專注多左, 唔洗點改嘜滯

朱古力

penpen,

你都好有道理，其實我都諗過架，之前幾年都係屋企開生日會，叫少少外賣，煮少少食物，或者BBQ等，唔夠氣氛，所以今年試下去麥當勞攪生日會，等佢開心下，因為第一次攪，唔敢請太多人，一半親友，一半同學仔，試下先，如果好玩，明年先叫多Ｄ人．今次總共有十一位小朋友（如果黎齊）但有三個係歲幾既，其他就差不多年紀，希望所有小朋友都玩得開心Ｄ喇∼

penpen

朱古力,
總之生生開心就得喇~    其實我覺得響麥當當攪都好架! 自己唔洗做餐c嘛~   如無意外,黎緊9月第二個星期日10/9我都會幫妹豬搞, 話晒都應該係幼稚園最後一年嘛~ 到時預埋妳好嗎??    再跟住果個禮拜日17/9係佢同爸B既正日生日, 暫時plan果日去disney, 咁就可以拎晒mickey 同 minnie既生日襟章喇~  

朱古力

penpen,

好呀！妹豬生日預埋我
原來盈盈同爸爸生日咁近，未生果陣有無諗過會同一日呀！我堂細路同個女就同一日出世，所以我堂細路好鬼開心．我地就唔同月份，不過爸爸係9號，媽媽係19號，塱生係29號，好多99999.................     

penpen

朱古力,
妹豬就係同爸爸同一日架喇~ 唔係我地揀,係條靚妹自己揀既!   不過我地3個都係9月, 佢兩個17, 我30  

朱古力

penpen,
睇到喇∼之前眼大睇過輪．
嘩你老公未好開心咯∼咁大份生日禮物喎∼
            

今日係塱生生日呀∼我請左下午假去陪佢玩，
我琴日問佢有咩願望，佢問番我咩叫願望，
我答佢係最想既事和物，佢就即刻話想去打保齡，
我應承佢今日同佢去冒險．琴晚諗番係醫院生佢，
我係零晨開始陣痛，痛足２４小時佢先出世．

bosze,
塱生話比我知老師問水果有咩好處時，
浩然答會容易D大便，我同塱生講浩然叻叻，
講得岩∼     

琴日朝早出門口塱生先話要帶芒果，
攪到要即刻去又一城果間超市度買，
唉∼我幾驚買唔到，好彩買到，一包四個，
叫塱生帶晒返去佢又唔肯，話老師叫佢帶一個，
另一位就帶三個，我話如果佢又唔記得咁未無咯∼
（其實我懶，唔想

朱古力

bosze,
好好保重身體呀∼
多謝你地全家都賞面呀∼  
塱生話明天要帶假既水果或書本．

penpen

朱古力,
生又大一歲喇~ 祝佢健健康康! 聽教聽話!!
唔好意思! 有個壞消息, 因為妹豬佢下星期六要去Lee Garden做時裝表演, 今個星期日要試衫, 未confirm幾點, 我怕會撞時間, but若果趕得切我地一定會到架! 唔好意思! 因為我問過佢,佢真係好想做時裝表演

我妹豬不用帶東西, 鄭老師寫了兩條問題, 讓她今天回去答, 第一條問檸檬雪條有冇益? 第二條問水果罐頭有冇益? 兩條我都話冇益, 因為檸檬雪條凍同多糖, 水果罐頭用糖水浸!


bosze,
小心身體呀!  
我生果時係星期日黃昏有少少穿水, 勁少! 所以就食埋飯沖埋涼9點幾去到醫院, 點幾開始痛, 痛到第二朝7點鐘就入產房, 15分鐘就必左隻野出來, 當堂舒服晒
喂! 去泰國提議妳買炸榴槤片, 好食! 我唔食榴槤都覺得好好味!  

penpen

[size=medium]我呢個失魂媽'me'今朝唔記得放個茶點盒落妹豬個書包, 家陣要拎返去喇~ :cry:  :cry:    

朱古力

penpen,
係呀！唔緊要喇∼你睇下趕唔趕到．
我諗如果比生生揀，佢都會話去表演呀！

       你講得好岩呀！
生左隻野出黎就舒服晒，即刻大覺

朱古力

bosze,
唔洗咁客氣喇∼玩得開心Ｄ呀！
你等浩然大過Ｄ去仲好喇∼塱生已經乜都唔記得，
坐過飛機又唔記得，我當時同一大班朋友去十幾人，
得我地有小朋友，佢地晚晚行到好夜先返洒店，
去呢度買野，去果度睇野，不知幾開心，
我就晚晚陪塱生係酒店，睇電視又唔知佢講乜，
可能成日要坐車，塱生一入房就

penpen

朱古力,
當日必左出黎真係舒服晒, 個肚唔洗再有件野頂住晒~

希望到時黎到啦~~

我之前去過泰國就覺得食飯d野唔係咁

朱古力

penpen,
係呀∼我去果陣岩岩泰國有禽流感所以無人去，可能因為咁，所以個導遊好出心出力，因為聽佢講已經無工開幾個月，佢仲帶我地去食鐵板燒自助餐，諗起都流口水，所以我好想再去架，不過學bosze話齋一家人去就要洗一萬幾千，所以都係諗下先喇∼而且下次去都唔知會唔會有咁好享受喇∼

bosze,
我果陣有帶奶粉去開，我無用房間果個熱水壼煲水，因為怕唔乾淨，所以叫room service拎熱水，但佢地既熱水唔係太熱，所以你Ｄ杯通粉我驚唔淋，你要帶定其它食物．

penpen

朱古力,
妳真勁! 禽流感都去, 勁!!
昨天收到電話明天11:30去銅鑼灣試衫, 果個人同我講大約試一個鐘, 若果真係, 我應該會黎到, 到時我會再通知妳, thx!!  

朱古力

penpen & bosze,
如果得我地三個緊係唔會呢段時間去喇∼
係我老公成班朋友話去，好難得個個都有假，
最重要係當時泰國已經控制到禽流感，
而且行程中並無去果幾個地方，所以就照去咯∼

bosze,
防曬同防蚊都要帶架，夜晚好條街好蚊架．
運動會果日我都會去架，我幫手留意下浩然，
你可以放心．

penpen

bosze,
ok!