請問有冇小朋友學過公文式既媽咪可以分享一下?

十月媽咪

thank you!

原帖由 princesshk2 於 08-9-8 16:58 發表
十月媽咪, fyeung,
祝你地馬到功成!

十月媽咪

030316,

德望係傳統"名校", 講質素, 其實德望真係較有保證, 但係...我地好多野要考慮...

學費: 之前一直都係半日班, 但學費已經要三千幾, 出年肯定會轉全日班架喇, 但學費幾多呢? 未知之數? 最慘係學校無保證唔加學費! 新校舍, 新設施, 羊毛出自羊身上, 真係好驚唔知學費會加到幾多錢?!

老師既面口: 我問過幾個德望學生, 佢地小三喇, 我問佢地老師好唔好人, 佢地異口同聲都話: 老師唔識笑架!...我個女, 係嗰種你想佢點, 佢就會點既嗰種人, 你黑面要佢坐定定, 佢就會坐定定; 如果老師係嚴肅型, 佢真係可以安靜上堂六年的! 呢樣...唔係我地想繼續見到既!

播道校長個talk, 其實有少少篤棟笑feel, 但我欣賞既, 係佢唔係得個講字, 佢個talk, 看似無重點, 但從佢present既內容, 佢所畀既例子, 我同我老公都感受到, 呢個校長係講得出做得到的...新校好多時令人擔心既係講一套做一套, 好似我去聽某直資, 校長一味講學校優點, 有乜野乜野, 呢樣嗰樣, 偏偏就係無例子畀家長睇, 究竟呢堆理念點樣去實踐, 相反...播道校長, 成個talk都係例子, 令我地都覺得, 個女若然有幸響度讀, 會係可以讀得開心, 又讀得好的!

仲有...學校長話齋, 佢地係平靚正, 我地自己又住tko, 返學唔駛咁早, 放學唔駛咁晏, 中午個女食lunch,我直頭可以拎飯畀佢添!

不過講到尾, 我最想既都係上午in播道, 下午in德望, 兩者始終各有長短, 我好貪心, 兩間我都想個女面試晒!

原帖由 030316 於 08-9-8 21:29 發表
十月媽咪,
點解放棄考德望,而考播道?
個日去聽播道個簡介會,校長很風趣,校園很大,因為趕時間,所以早走,只係聽左上半場,對該校都係一知半解.....你覺得佢最吸引你的地方是甚麼?呢間係咪2006年開始成立的一間新學校? ...

princesshk2

十月媽咪,
你揀校真係好有心得! 真係要向你請教！
我住hk (chai wan MTR沿線), 請問有咩學校推介？　其實，我黎ｔｋｏ都好方便！
仲有，請問從何知道校係ｂａｎｄ幾呢？
同埋你地成日講既”劍橋”應該幾多歲ｏｒ幼稚園ｋ幾報好ｄ！
Thanks!

Ansonrubby

030316:
你在kln,就找kln的centre la.
我聽聞Kids Gallery幾好！英國文化協會都有劍橋班(當然)，但我我仔冇去過！ 它們有幾間分店，提供的課程同時間有些不同，你可search下 .

原帖由 030316 於 08-9-8 21:34 發表
我住九龍灣,德藝會有個小雅思英語課程,請問同劍橋有咩唔同?
我都唔想同個仔舟車勞頓去學野,但又想搵間俾個仔學下英文,有交流,最好少d人,價錢又ok,冇諗過要考試,依家好似d證書出到好濫咁.而且佢都未有能力. ...

Ansonrubby

princesshk2 ：
除非孩子較早熟啦！(包括語言和應試技能掌握）否則，起碼K3先學劍橋啦！太早學，孩子的生活經驗不夠，好易消化不良架，同埋不用讀PRE-STARTERS, 夠5歲就讀Starters, 早熟些的就5.5歲考, 否則6歲考也不遲，我不認為張cert.對考名小學有特別幫助, 反而，遇到些唔buy讓孩子上course、考cert的校長仲C！

原帖由 princesshk2 於 08-9-9 12:10 發表
你地成日講既”劍橋”應該幾多歲ｏｒ幼稚園ｋ幾報好ｄ！
...

Ansonrubby

阿十，
新校好多時好搏、好肯做，老師有無限愛心、熱誠！

原帖由 十月媽咪 於 08-9-9 07:11 發表
030316,

...新校好多時令人擔心既係講一套做一套

princesshk2

Ansonrubby,
Thanks for your advice!
我個女樣子成熟, 廣東話技能掌握就幾好,但英文仲係限於單字,甘我等佢5歲再考慮law!

2509

原帖由 Ansonrubby 於 08-9-9 12:52 發表
princesshk2 ：
除非孩子較早熟啦！(包括語言和應試技能掌握）否則，起碼K3先學劍橋啦！太早學，孩子的生活經驗不夠，好易消化不良架，同埋不用讀PRE-STARTERS, 夠5歲就讀Starters, 早熟些的就5.5歲考, 否則6歲考也不遲，我不認為張cer ...

SumSumBB

原帖由 十月媽咪 於 08-9-9 07:11 發表
新校好多時令人擔心既係講一套做一套, 好似我去聽某直資, 校長一味講學校優點, 有乜野乜野, 呢樣嗰樣, 偏偏就係無例子畀家長睇, 究竟呢堆理念點樣去實踐...

十月媽咪,
你講緊边间？我好想知！

十月媽咪

princesshk2,
其實我無乜野心得可言的, 只係覺得播道校長好有心, 所以至想冒險一 試! 但一講出唻, 話畀人地聽, 若然德望同播道撞期, 坦白講...完全無人support我地呢個決定呀! 個個都話德望係質素保證, 播道...未有成績可言! 唉...我始終都係嗰句, 貪心d都係咁話, 千祈唔好撞期! 真係求神拜佛!

原帖由 princesshk2 於 08-9-9 12:10 發表
十月媽咪,
你揀校真係好有心得! 真係要向你請教！
我住hk (chai wan MTR沿線), 請問有咩學校推介？　其實，我黎ｔｋｏ都好方便！
仲有，請問從何知道校係ｂａｎｄ幾呢？
同埋你地成日講既”劍橋”應該幾多歲ｏｒ幼稚園ｋ幾報好ｄ！
...

十月媽咪

唉...咪沙田嗰間有大學做後盾嗰間新直資囉, 嗰日阿校長...你而家問番我, 究竟佢講過乜...我真係...一舊雲咁, 唔知佢講乜! 一味讀powerpoint入面d資料, 但點實踐呢? 救命...一個例子都無呀!

原帖由 SumSumBB 於 08-9-9 19:37 發表


十月媽咪,
你講緊边间？我好想知！

030316

我個仔同你個囡一樣,佢可以好安靜地上堂,所以我相信佢好受得傳統的學校,但在我心底裏,總希望他能活潑一些,主動一些,調皮一些是可以接受的,
我想播道的小孩會是開朗的一群,會上校長也表示他會和學生們玩些看似"無聊"的IQ題,去貼近他們的生活,有如此平易近人的校長,相信老師們也不會太嚴肅.只是校長曾表示較喜歡"口齒伶俐"的學生,當時我的心已冷了一大半,因為我的兒子不是那些人,所以多多少少有點失望.加上是新校,很多東西都在試驗中,老師要很有衝勁和熱誠才能堅持下去,否則人手的變動對學生的學習情緒會有影響,但聽聞播道的老師待遇不俗,希望能挽留有心的人才,那就會是學生的福分了.
至於學費多少,會否逐年增加,增加多少,會上校長有冇表示?
德望來年學費會否增倍?我記得民生小學當年半日才1千五百多,全日後3千左右,所以當時有很多人轉校,,,,,,

原帖由 十月媽咪 於 08-9-9 07:11 發表
我個女, 係嗰種你想佢點, 佢就會點既嗰種人, 你黑面要佢坐定定, 佢就會坐定定; 如果老師係嚴肅型, 佢真係可以安靜上堂六年的! 呢樣...唔係我地想繼續見到既!

030316

Ansonrubby
原來5歲才可讀PRE-STARTERS?怪不得中心唔俾我個仔升班啦,但我仔讀個間中心的PRE-STARTER,我見個教材好簡單,STARTER開始都難架,係咪間間都係跟教材教,通常要讀多久才可升級?係咪要讀晒該級的教材,好似公文咁1-200要讀晒,再考試,然後跟成績決定升級與否?

原帖由 Ansonrubby 於 08-9-9 12:52 發表
princesshk2 ：
除非孩子較早熟啦！(包括語言和應試技能掌握）否則，起碼K3先學劍橋啦！太早學，孩子的生活經驗不夠，好易消化不良架，同埋不用讀PRE-STARTERS, 夠5歲就讀Starters, 早熟些的就5.5歲考, 否則6歲考也不遲，我不認為張cer ...

十月媽咪

哈哈, 我當時又係聽到"口齒伶俐"呢幾個字, 個心冷左一大截!
不過咁, 報名嗰陣, 我完全無諗過要考慮IN邊間唔IN邊間的, 而家竟然IN埋同一日, 搞到我好煩惱! 不過我都唔煩得咁多架喇, 反正播道未出面試時間, 我都無謂煩惱自招, 到時真係撞喇, 至再決定點做啦!

原帖由 030316 於 08-9-9 22:48 發表
我個仔同你個囡一樣,佢可以好安靜地上堂,所以我相信佢好受得傳統的學校,但在我心底裏,總希望他能活潑一些,主動一些,調皮一些是可以接受的,
我想播道的小孩會是開朗的一群,會上校長也表示他會和學生們玩些看似"無聊" ...

SumSumBB

原帖由 十月媽咪 於 08-9-9 22:43 發表
唉...咪沙田嗰間有大學做後盾嗰間新直資囉, 嗰日阿校長...你而家問番我, 究竟佢講過乜...我真係...一舊雲咁, 唔知佢講乜! 一味讀powerpoint入面d資料, 但點實踐呢? 救命...一個例子都無呀!

...

Thank You!
好彩我一直都無考慮這一間！

Ansonrubby

030316:
不是呀！5歲可讀Starters啦！亦冇話讀晒先可考試，我仔K3 5.5歲讀starters, 6歲1個月考試！佢班d同學當時已是P.1, 但沒考試！Now,大家都讀Movers.
幾時考試是看小朋友程度同家長意願，時機成熟就考，跳級考亦得！

原帖由 030316 於 08-9-9 23:28 發表
Ansonrubby
原來5歲才可讀PRE-STARTERS?怪不得中心唔俾我個仔升班啦,但我仔讀個間中心的PRE-STARTER,我見個教材好簡單,STARTER開始都難架,係咪間間都係跟教材教,通常要讀多久才可升級?係咪要讀晒該級的教材,好似公文 ...

十月媽咪

阿女今個星期五都開始上第一堂既MOVERS喇! 其實劍橋唔駛一定要五歲至開始讀的, 有能力就讀得架喇, 只係要考試既話, 就要足五歲至考得咋! 以阿女為例, 佢要下個月16號至足五歲, 所以EVEN佢讀完個STARTERS都考唔到 試的, 但老師話佢有能力應付MOVERS既READING & WRITING部份, 所以照樣畀佢升讀MOVERS, 到佢夠五歲喇, 可以考試喇, 再視乎佢既進度, 睇下先考STARTERS定跳考MOVERS, 而我...唔急住考試的, 反正所有PROFILE都交晒喇, 劍橋既CERT.呢個MOMENT唔係真係咁有用, 畀佢繼續讀劍橋, 都係唔想嘥左之前響暑假讀嗰個STARTERS課程啊!

原帖由 Ansonrubby 於 08-9-10 07:56 發表
030316:
不是呀！5歲可讀Starters啦！亦冇話讀晒先可考試，我仔K3 5.5歲讀starters, 6歲1個月考試！佢班d同學當時已是P.1, 但沒考試！Now,大家都讀Movers.
幾時考試是看小朋友程度同家長意願，時機成熟就考，跳級考亦得！ ...

200012

我現在仲係 b61左右,因仲有錯,時間慢,無奈不可是說kumon不對,但現在我學校己是乘數尾了,是問到kumon學乘時我學校都吾知學緊咩了,仲需要學 kumon嗎 (個 別問題),現在是掉轉了學校超了kumon學年(學了一年未有接近過),因 B太耐了,仲未去減數,我諗緊學吾學好 放棄又可惜

十月媽咪

嗯...明白你既憂慮, 但係咁喎, 你有無諗過, 學校個課程咁快, 但阿仔個底似乎打得麻麻地咋喎, 聽你咁講, 即係兩位加兩位都仲有錯又慢, 學校學到乘數, 如果佢D加減數都未搞得清, 例如加數唔記得進位, 減數唔記得借位的話, 到響學校做乘除嗰陣, 一樣係出事架咋喎! 如果我係你, 我會照樣畀個仔響公文度打好個底, 加減乘除係最基本的運算, 如果連呢四樣野都搞唔清, 再上高D年級, 會好大問題的...雖然感覺上公文數好似幫唔到阿仔 (因為連平學年都未做到), 但公文正正係跟小朋友進度而學習的, 學校學緊乜野唔重要, 最重要係了解自己小朋友既進度去到邊啊!

有無同阿仔傾過究竟問題出響邊度? 阿女做B100之前嗰堆兩位加&三位加嗰陣, 都成日進漏位的, 搞到成日計錯, 但後尾我用一D比較生動既方法令佢明白, 佢就清楚知道乜野情況下要進位, 乜野情況下唔駛進位了! 到做B101打後嗰堆減數仲嘔血的, 經常借漏位, 初頭我教到噴血咁滯, 後尾解釋左畀佢知咩叫負數, 佢就明白咩情況底下要問"十位"借個"十"唻用下喇...加油努力啊!

捱過左呢關, 到佢做乘除嗰陣, 應該會輕鬆D架喇!

原帖由 200012 於 08-9-13 22:52 發表
我現在仲係 b61左右,因仲有錯,時間慢,無奈不可是說kumon不對,但現在我學校己是乘數尾了,是問到kumon學乘時我學校都吾知學緊咩了,仲需要學 kumon嗎 (個 別問題),現在是掉轉了學校超了kumon學年(學了一年未有 ...

SumSumBB

200212,

如果現在仲有錯和時間慢而未升到去乘數，我同意十月媽咪所說，就更應該繼續打好個底，因為乘數都涉及好多雙位數加減啊！

200012

多謝2位意見,最初我都同你地一樣諗法,但經一年內觀察,數 學考試,test成績不差(因kumon計數會準左),錯95%是自己閱錯題,因我自己現在比除數佢做了(學校就來教除法了)在除法加減中,真係無麥錯,但反而在 kumon的加減進程很慢,仲有錯,真費解 令我覺得是否kumon的要求高了點,另外我學完b,再到c 時我諗起碼3個月後的事了,c是乘法,乘數沒什麼根基可言,現在已很熟了,到時又(晒)$重覆,重覆,重覆,有沒有家長和我相同處境(我點都會學完個 b先)

[ 本帖最後由 200012 於 08-9-14 11:01 編輯 ]