分享蒙特梳利教學法part 2

elmostoney

香港小朋友幾時開始學數數? 我個女而家學緊counting, 真係數住實物大概可以數到八至九. 佢學校係用實物, 每個小朋友人個別教數數.

elmostoney

學語文方面我冇諗過, 因為直到個女歲半, 佢只係識英文, 有段時間我真係好後悔唔同佢講中文, 因為英文易學中文難, 細仔出世後我係咁同佢講中文, 而家終於有收成!  我工人係賓, 所以佢已經要講英文, 而且個女好多朋友仔唔知點解明明係hk人,都淨係講英文, 所以我唔怕佢唔識英文. 將來返is (如果入到), 重怕佢唔識英文! 驚佢唔講中文就真.  我而家同佢睇書, 60%英文其他中文.

sara09

Elmostoney,

Thanks very much for your detailed sharing. I indeed like Montessori way of education, 但因它跟傳統教育好唔同, 怕會miss out 某d傳統教育的優點.
蒙氏的circle time 並不會規定小朋友一定坐定定聽, 是嗎? 我是有擔心小朋友習慣了可以不一定坐定定聽老師講, 到大個左會難於坐定定上課.
我家印傭講廣東話, 自己英文又不太好, 所以未能做到英語環境, 所以都想bb在學校學多d英文.不過, 看完你的分享, 好似有個同路人咁, 我都放心d.

至於自由和管教的界線, 我仍在摸索中.
例如我都想放手讓BB自己吃飯, 但她只會在頭幾啖正經的吃, 之後就會將飯潑洒出來, 她覺得很好玩, 不及時制止的話, 成碗粥/飯就給她一一潑到地上, 老人家看到, 會說我這個媽媽怎麼這樣縱個女玩成咁. 結果是最後又由媽媽餵.
還是待她大d再讓她自己吃?
定係刻意安排一些玩具或唔要的食物給她"拔"過夠, 到佢唔再覺得好玩先再給她自行進食?
請指教.

另外, bb喜歡用spoon 或筷子敲碗, 她覺得很好玩, 我又應否制止呢? 我又應否要求bb保持飯桌禮儀呢? 我知道蒙特梳利都好講求將碗筷依規定放在特定位置.

elmostoney

sara09,我都係一知半解, 我好幸運, 個女係好聽道理嘅人, 所以好教.  佢小時食飯唔好, 煮物都唔多食, 所以由佢食我冇物所謂, 橫掂佢唔食得多.  

而家個仔我先頭痛, 佢食得好好, 十分鐘可以食完一大碗滿, 餵得慢d佢都大叫.  比佢自己食, 因為呢d要慢慢train, 佢食得慢, 好快就冇心機食, 我都未諗定點, 可能佢太細? (16個月)

個女其實而家都食得慢, 一餐飯食45min起碼, 但係佢有d蝦我, 工人話中午我唔係屋企, 佢食得好好, 半小時內食完, 但係我幾堅決唔餵, 一餐最多餵幾啖.  我朋友話咁食d野咪凍哂.

其實聽聞係有個好方法嘅, 就係限時要佢食, 最好半個鐘內, 未食完就收哂, 唔好因為佢肚餓晏d比其他野佢食, 要佢知物野係餓.  但係我都唔多忍心, 偶然做過下, 但係呢個方法大前提下係要個小朋友真係識自己食, 我個仔太細, 所以唔得.

我有個親戚, 真係好忍心, 所以成功.  聽講佢d仔女細個時, 阿媽比佢地自己食, 唔會理.  到六歲, 去旅行, 叫小朋友自己收拾行理, 唔幫佢, 阿婆忍唔住話個女, 點解唔幫手, 個女(即阿媽)話, 我點知佢地想帶物! 佢d仔女而家大學畢業, 讀書好叻, 亦好識照顧自己.

elmostoney

你個女幾大? 如果佢聽得明, 自己餵到自己, 佢玩食物, 可以試下收左佢. 佢餓一餐半餐冇野, 由佢.  要佢人知道唔可以潑d野落地.

如果佢玩食物(用手去去攪), 以前兒童無限daisy話由佢, 因為佢未感受過, 佢玩夠就唔會玩,但係其實最好係揾一d野, 手感相近, 比佢做到呢個動作, 佢滿足到就唔會玩食物.  我工人話佢d小朋友以前成日玩沙, 唔知係唔係咁, 所以佢地唔玩食物.

elmostoney

最重要係你自己因應情況去處理, 聽埋聽多d冇所謂, 但係人人情況唔同, 我發覺以前我試過跟足人地建議去做, 做落又唔係幾對路, 唔係話個方法唔好, 係小朋友性格個個都唔同 (教我個仔都用唔到教女嘅方法), 每個人情況又唔同.  我知我咁講等如冇講.

Happy小米

原帖由 sara09 於 09-4-27 22:45 發表
elmostoney, happy 小米,
雖然我都好喜歡蒙特梳利的理念, 但其實我仍好猶豫究竟應否給我的女兒在蒙特梳利完成幼稚園階段, 我怕會miss 左d野, 例如學英文, 或用英文溝通的機會, 因為蒙氏教室內多數時間都是自己去玩教具, circle time 時間好短. 或者我憂慮太多.
又怕會太自由而大個左未能坐定定聽書.
所以仍在考慮究竟會否讀正常幼稚園, 而下午再返蒙特梳利playgroup. 但這樣又會太辛苦了.
畢竟海怡距離我家也太遠了, 如果佢會在灣仔開casa 就好了.

sara,

elmo講得好好呀!

看完我都重燃我对蒙氏既热情, 点解我咁講, 因為我个仔冇elmo个囡咁好教, 单就玩完玩具放回原位, 由一岁幾教到依家3岁4个月, 先開始肯做. 未識/唔肯學着socks. 其他自理能力亦比較弱, 所以我都有少少失去方向..可能要多啲耐性引導佢.

講返你既問題, 蒙氏既自由, 係選擇學習既自由, 生理需要的自由; 如你幾時想食snack, 你可食, 想去toilet就自己開門去. 不是可以在班房走黎走去. 搞堵乱. 這些elmo都講得好detail.

做工作既過程, 就係培養專注力.

"circle time 時間好短, 用英文溝通的機會" 佢地snack time都會chit chat, 老師instruct佢時會同佢地講嘢.  如要比較, 可能傳統學校里, 老師講嘢既時間較多.

但对于我个囝好有strong will既小朋友黎講, 可能老師講咩都係耳边风.

相反, 蒙氏既培養專注力, 自理能力, 獨立既訓練, 傳統學校就冇law.

傳統學校, 老師畀咩, 你就學咩, 自己想學时就冇得學. 6岁前, 个个小朋友既development都唔同.所以我覺得蒙氏學習, 可以适應个別小朋友既發展佢地既敏感期, 係好重要ga.  尤其係我个囝咁有主見, 喺傳統學校, 可能係老師心中係trouble maker.

[ 本帖最後由 Happy小米 於 09-4-29 11:40 編輯 ]

Happy小米

sara,

小學方面, 我就冇諗過讀monts, 因為學費实在太貴, 同埋中文學習方面比較弱...
但我都希望佢能考到活动教學既直資學校.

sara09

elmonstoney, 小米,
好多謝你地. 加強左我對蒙校的信心和 讓我更加了解蒙氏的理念.我都會循這個方向去.

我個女19個月大, 可以自己除鞋,除襪要大人幫佢除左一半, 佢才可以除埋另一半, 之後自己將鞋襪放好. 自己餵自己(但只是頭幾啖), 將奶瓶及玩具(在指示下)放回原處 (一時聽, 一時唔聽, 視乎她是否被第二樣野吸引左).
我都覺得個女好有主見, 唔鐘意就監唔到佢去做, 返playgroup都周圍走, 反觀其他小朋友就無我個女咁難搞,有父母在場都好聽話, (有時我會擔心是否個女唔多痴我, 所以唔聽我話, 因為我要返工) 我一捉住佢圍圈坐, 佢就發脾氣加大叫 ,唔肯坐定, 仲要俾playgroup 的負責人話我個女專注力不足. 所以我想傳統學校好難教到佢.

但係我卻覺得佢專注力很好, 她可以玩一件玩具玩好耐, 完全唔使人理, 但一定要佢自己鐘意, 迫唔到佢. 在家自己揭可以睇好耐.

傳統學校一定會認為我個女好難搞.似乎蒙校比較適合她.
不過英文方面, 我都仍然擔心的.

sara09

好多謝你地, 你地的分享好有用呀!

Happy小米

原帖由 sara09 於 09-4-29 12:52 發表
elmonstoney, 小米,
好多謝你地. 加強左我對蒙校的信心和 讓我更加了解蒙氏的理念.我都會循這個方向去.

我個女19個月大, 可以自己除鞋,除襪要大人幫佢除左一半, 佢才可以除埋另一半, 之後自己將鞋襪放好. 自己餵自 ...

進進20个月果時, 返playgroup都係周圍走, 其他小朋友又係無咁難搞. 又係捉住佢坐, 就發脾氣加大叫 ,一樣!

"但係我卻覺得佢專注力很好, 她可以玩一件玩具玩好耐, 完全唔使人理, 但一定要佢自己鐘意, 迫唔到佢. 在家自己揭可以睇好耐."

又係咁, 一啲佢like既玩意, 可以玩好耐.


[ 本帖最後由 Happy小米 於 09-4-30 00:40 編輯 ]

w_y

hi, 小米 & others

現實係好殘酷的...唉.....當大家小朋友遲下入左 k1 就知道香港如果你一開始參考 mont. 教學法教養的小孩子, 初期真係會同一般學生格格不入, 初時要俾耐性, 切記要找一家老師有愛心的學校.

我女果間, 課程已經算係幾淺幾 "活動", 但一樣離不開要有傳統教學的部份, 始終要考慮大部份家長升小一的需要 (我都唔 prefer hk 的 mont 校, 貴 & 唔夾心中理想小一收生標準). 大家要有心理準備, 可能一向擁有的自由程度, 會慢慢減少 (甚至一下子減少好多), 過程有痛苦的時候 (both parents & child), 不過愛心同耐性付出, 必定見到收穫 (雖然我都就快頂唔住). 另外就係要堅持, 要相信尊重小孩子呢個理念, 否則到時就會好懷疑自己係咪信錯左....尤其當你見到其他同學仔點解可以咁順從的時侯.

有空再聊.

kardioy

點解你地只係留意ims. 其實我見自然學校這間小學雖然唔係有mont's professional teacher, 亦唔係打正mont的名号. 但係佢地個做法同理念比香港辨mont的人更有mont的靈魂, 而且更localized, 教得更活.

elmostoney

其實外國蒙氏學校都唔會太平, 我有search過下, 香港蒙氏學校唔重比外國貴幾多, 主要係蒙氏老師根本就係demand大過supply. 我反而學得香港蒙氏最差係冇地方, 蒙氏主張要比小朋友接觸多d大自然, 但香港校舍做唔到.  

至於小朋友fit 唔fit in 本地k1, 除左睇學校本身, 亦都好睇小朋友性格. 我個女, 我個人觀察, 佢會fit in到, 但係我唔打算比佢試.  而長遠我會比佢入is, 所以冇考慮涵接.

elmostoney

我住港島, 長遠都係會係hk island讀書.  所以搵學校主要會係港島.  我唔知自然學校好唔好, 冇聽過.  ims係咪最好, 我都唔知, 不過係一定constraint下, 暫時揾到比較接近我要求, 唯一係師生比例, 始終係bc 好.

Happy小米

原帖由 kardioy 於 09-4-29 22:56 發表
點解你地只係留意ims. 其實我見自然學校這間小學雖然唔係有mont's professional teacher, 亦唔係打正mont的名号. 但係佢地個做法同理念比香港辨mont的人更有mont的靈魂, 而且更localized, 教得更活. ...

kardioy,

都听過, lee間學校, 但好似喺tuen mun定元朗, 咁遠, 都唔使点諗.

Happy小米

原帖由 w_y 於 09-4-29 22:17 發表
hi, 小米 & others

現實係好殘酷的...唉.....當大家小朋友遲下入左 k1 就知道香港如果你一開始參考 mont. 教學法教養的小孩子, 初期真係會同一般學生格格不入, 初時要俾耐性, 切記要找一家老師有愛心的學校.

我女 ...

w_y,

hi 好耐冇見!
你可否講具體啲, 我好想知你所見所閒呢!

你係咪想講同教統小學涵接?

GUB

自然學校我都有考慮過, 仲諗過如果真係入, 都會搬去新界住. 不過佢無中學, 我怕中學涵接仲難, 本地學校太多規舉, 國際學校英文要求又高. 不過summer course 等我囡囡大D, 我真係會去join.

其實行monte, 入不入monte school, 我覺得好睇家長取態和家庭的環境. 最重要都是家庭做得足蒙, 至於學校, 做到當然最好, 但香港其實是難做的, 選擇又少, 又貴.

我自己選擇六歲前入monte school, 是因為我過不到自己個關, 一來我不想小朋友在kinder階段就要好似工廠式咁學習. 我想小朋友最重要是培養學習的熱誠和興趣, 但我個人經驗告訴我, 不能就自己興趣和進度去學習, 要全班一模一樣去做, 我認為是會減低學習的意慾的. 二來我好怕本地學校那種競爭的氣氛. 三來我想小朋友有一個全人的學習機會, 不單是學術上的學習, 還包括做人的學習, 如何照顧自己等. 這也是我堅持monte school的原因之一.

至於英文的學習, 我想要入多外國小朋友的is才會學好. 現階段我看重是英語的溝通, 讀寫我想是下一步的事. 因為小學大致會傾向is, 所以我也是選讀了以外國小朋友為主的monte schol.

行這條路有時很迷惘, 有時會對自己懷疑, 不知做得對不對, 會不會累了小朋友, 因為香港同路人不多, 也不多reference參考, 就只是入小學一關, 已叫我佷頭痛. 不過我是抱定想小朋友怎去成長, 學習到什麼來做決定, 千萬不要與人比較. 也幸好有你們一起分享.

[ 本帖最後由 GUB 於 09-4-30 18:10 編輯 ]

sara09

GUB,
你這番說話:
"行這條路有時很迷惘, 有時會對自己懷疑, 不知做得對不對, 會不會累了小朋友, 因為香港同路人不多, 也不多reference參考, "

正正講左我的心聲.
我就是偶爾也會這樣懷疑, 這樣的選擇會否對小朋友是最好.再加上蒙校學費很貴, 比得上一些很出名的名國際學校.

Happy小米

各位,

今日帶一位朋友參觀icms, 順道畀我看到進進臨尾果5分鐘課...佢同其他小朋友一起circle time, 唱緊goodbye song, 每唱到一位小朋友就用手板指住佢, 好投入呀!

看到咁巳經好感動 .

点解感動?

因為佢一路都好少表現出鐘意同小朋友玩, 昨天去ymca既体育班仲成堂自己坐埋一边, 唔join同其他小朋友一起做体操同分組活動, 老師有時tum下佢, 拉佢埋去, 佢就自己走番出黎, 跟住自己踢下腳, 好似活喺自我既世界咁....

今晚仲第一次唱出喺icms學既歌tim, 仲係不斷咁唱, 停唔到咁tim. 之前只係唱其他音樂班既歌.

[ 本帖最後由 Happy小米 於 09-5-1 01:40 編輯 ]