朗豪坊**基督教服務處雋匯**幼兒學校(Part 2)

fionkwok

morning ah!!!

今次我好勤力呀!!!
星期六同阿女去咗歷史博物館, 又去咗圖書館搵咗兩本有關既圖書, 今日已經帶咗返學校啦!!!

尋日又同佢去咗睇花卉展& 食 tea buffet, 阿女不知幾開心呀!!!      

zimba

fionkwok,
我就話多謝哂你啦 好在有你地呢班勤力既家長, 我仔仔先可以學多d野咋! 有時自己想做多d, 但係有心無力, 好在有你地撑住啫

waiwaichu2003

fionkwok & zimba,
咁你地兩個都叫做做晒功課呀!!! 唔得,我都要努力吓先得la!!!

fionkwok,
嘩,落雨你都同阿女去睇花卉呀,多唔多人呀? 有冇"蚊"呀??

zimba,
我仔仔都有"指"鍾意同邊個玩呀!
佢每朝返到學校個鞋櫃時,會"指"住兩個人幅相,我問佢係咪好鍾意同佢地玩呀? 佢就會笑笑口"up"頭,所以係上次個家長會度,我都有問老師佢係咪同邊個邊個好friend架,老師話個兩位同學係同佢同group喎,加上果兩位係坐係阿仔左右兩邊,所以佢同佢地friend d都唔出奇喎~
咁你仔仔係咪又係咁呀?

dear all,
我終於搵返body check張通告la,但我係2點幾喎,點解唔同你地一齊3點幾架,唉....想約埋tea吓都唔得....

zimba

waiwaichu2003,
我細b可能係個同學請佢玩玩具, 所以就當係佢好朋友lor. 不過, 我都好開心見到佢而家似乎適應咗學校生活. 昨日仲話好想快d返學, 要同佢鍾意既同學玩咁話. 老師家長日問我係唔係留低, 我都話係. 唔諗啦, 呢度幾好呀.
我大仔先啱啱話可惜係學校既時間短, 唔捨得, 我問佢讀多一年好唔好, 佢竟然話好. 咁我問佢, 到時d同學唔同哂喎, 佢就話: 我再識佢地d名咩得lor!

waiwaichu2003

zimba,
你大仔d反應又幾快喎!
係lu,我仔同你細仔都係屬於"慢熱"既人黎架,返左幾個月,而家叫做終於溶入學校既人,物同環境,都算唔錯唔錯!

zimba

waiwaichu2003,
係呀, so far so good. 反而我又再諗大仔應該讀邊間. 我感覺上覺得禮賢會類似雋匯, 好啱阿仔. 但係finance始終令人頭痛 而家又不禁反轉頭諗, 好唔好叫阿仔讀多一年k3, 唔知佢大一年會唔會適應得好d. 唉!

waiwaichu2003

zimba,
咁點解你唔等埋大抽獎,睇吓佢被派到邊間後先決定呀?
仲有,大仔好似係年頭出世喎,如果再讀多一年,會唔會"超齡"架? 如果讀多一年,你想轉去邊間讀k3呀?

zimba

waiwaichu2003,
大抽獎派到邊間都無乜大分別, 因為其實間間都差唔多架啦.
我大仔係年尾出世架, 所以一路以來佢既發展都係僅僅追上, 如果某方面有發展性遲緩, 好似佢以前既語言咁, 就會同人地好似差好遠咁. 係雋匯, 佢係完全無問題, 但係我有d担心佢係小學課程多又急既環境, 唔知佢頂唔頂得順? 唔知我頂唔頂得順囉!

waiwaichu2003

zimba,
哦...原來佢係"細仔"黎既....咁又係有好多choices既

waiwaichu2003

[size=medium]早呀~早呀~
明天係"[size=large]三八婦女節",你地會點慶祝呀???

fionkwok

good morning ah!!!

waiwaichu2003,

mud你有慶祝 "婦女節"既咩? 我不嬲都冇架喎!!! 聽日唔使返工, 都可以當係慶祝呱?         

fionkwok

waiwaichu2003,

點呀? 尋日有冇同仔仔做功課呀? 努力d先得架!!! 阿女返咗呢間學校之後, 成日都會同我講, 要帶野返學校分享, 你地d仔仔囡囡有冇表示過, 要帶呢樣果樣返去呀? 有時d野都已經帶過返學校, 又要再帶, 激死! 睇怕我都要努力d, 搵多d野出來俾佢帶返學校至得啦!!!

果日去花卉展, 雖然係有少妙雨, 但都好多人喎! d花唔知係咪經過風吹雨打, 所以有d係室外既都已經殘啦! 唔知主辦單位會唔會換過d花既呢? 有冇諗住同仔仔係呢個星期去睇吓呀?

waiwaichu2003

fionkwok,
嘻嘻,我年年都冇慶祝三八架,不過我見有d商場有promote呢個節日,咪問吓你地囉~可能今年d經濟好d呱,d商家佬連呢個節日都唔放過,要大事宣傳一吓...

冇呀...尋晚什麼都沒有做呀....我諗要到weekend先可以努力吓,帶阿仔去d有中國野既商店睇吓,感受吓....

"花卉" - no la,我最怕"蚊",在我黎講:"花+ 落雨 = 蚊",so咪搞我la.......

fionkwok

zimba,

真係唔好意思啦! 頭先唔記得問你, 想幫阿女打肺炎鍊球菌針, 你覺得有需要嗎? 係咪有兩種針架? 大約幾錢度? 問過醫生, 好似話有一隻$3xx, 另外有一隻新d既要成 $7xx, 醫生話兩種針係唔同既, 但我就聽極都唔明, 咁其實有咩分別呢? 係咪如果要打, 就兩隻都要打既呢? 唔好意思, 好多野問, 唔該曬!!!      

fionkwok

waiwaichu2003,

mud你真係覺得今年既經濟好咗咩? 我就一d都唔覺啦! 你公司今年有冇人工加呀? 我老公公司就冇得加啦! 本來佢公司話過咗 probation 有comm加, 但過曬啦, 都冇消息, 睇怕都涷過水啦!!!         

waiwaichu2003

fionkwok,
係呢~我見有間基教學校有旅行搞喎,唔知我地有冇呢?
仲有呀,早排咪有張通告話有"慈善拍賣會"既,我地d家長要做d乜架??
body check個日,你知唔知check完後,小朋友係咪就可以放學架la???

waiwaichu2003

fionkwok,
我覺得香港個前景係好過早幾年既,起碼銀行加咁多次息,暫時都未有人"喊打喊殺"先呀~但係咪會繼續上揚? 就真係冇人知la!!!!
d公司係咁架la,"減就易,加就難",我地係small potato,可以點喎...

zimba

waiwaichu2003,
我連生日都係如常渡過, 三八更加唔理啦. 自從我同老公立下目標要預備退休金之後, 消費意慾已經大減啦.
係喎, 唔知我地既細b幾時去旅行呢? 我大仔上次去咗disneyland出面個公園, 不過無我份
pls check pm.

fionkwok,
你既問題等我幫你搵下答案先.

waiwaichu2003

zimba,
其實我都係諸事八卦吓咋,明天我都冇人date呀~~~~      
上星期我都同阿仔去左disneyland出面個公園度玩同影相,好"正"呀,最後同佢搭disney火車,佢好happy呀,因為之前我攞左本小册子有關disney mtr station,佢已經成日睇住架la,所以當佢一見真既出現,就好似支箭咁飛身撲埋去........可惜時間唔係好夠,有機會,真係要去多次先得!!
check pm la!!!

lioxi

早晨呀!!!

我睇過校曆表,如果冇記錯,好似d班無得去旅行wor,要到出年先有呀!可能之前小朋友太細,而家去又過左秋季la!!

waiwaichu2003,

我以前做野果陣,38婦女節每人有$200買化妝品ga!!
不過而家就冇la!!   
如果你唔講,我都唔會留意到tim....