九龍禮賢幼稚園K3家長請進！

penpen

朱古力,
咁呢樣野我妹豬又記得幾好, 每天返來都會主動提及, 學校既生活加老師話要帶咩~ 又話今日邊個曳, 邊個乖, 今日佢調左位, 因為佢比較細粒喎!! 最好笑星期二果日放學一返來就話, 明天要帶朗讀報告, 帶圖書, 帶返個file, 成個婆仔咁!! 有時老師要佢地帶野返去, 我都會擔心佢唔記得交, 咁我就會夾埋響功課套, 例如今日帶左頂浴帽啦~ 咁佢實要交功課, 一取出來就會見到嘛~
加油呀!! 朱古力, 生生!!  

朱古力

penpen,
多謝鼓勵！



bosze,
塱生話浩然識得唱陳奕迅首歌，好叻喎！我問塱生咩歌名，
佢淨係話跳舞個首喎！下次叫佢表演比姨姨睇，得嗎？

penpen

朱古力,
之前醒唔起佢地帶d玩具返去做玩具店, 妹豬今日取回桶積木返來問佢先醒起, 因為之前見手冊以為佢地分享咋~ 後來我問妹豬佢響玩具店買左咩~ 佢話佢買左超人同埋忍風戰隊既公仔喎!! 成為9蚊

bosze,
見朱古力話你囝囝唱陳奕迅既歌, 我剛剛問妹豬佢話你囝囝係唔係分享, 我問佢你囝囝唱咩歌, 佢話超人歌喎!!  跟住我唱俾佢聽, 佢話係呢首喎!! 答果時仲好開心, 咁係唔係即係"超人的主題曲"呀!! 我見妹豬咁開心, 我諗當日你囝囝分享時所有同學一定好high :  :

dns

Pen Pen:
41M係咪係正校門口落架？
咁你得閒就幫我試下問下司機$$$?同上落時間! Location:荔園舊址
謝謝！


          

penpen

dns,
落左車行2-3分鐘啦~ 我幫你問左, 你果度08:05上車, 唔記得問落車時間, 車費今年係$555

penpen

ChingChingFather,
-將軍澳今年車費係$885
-K1都係認簡單既字, 數數,...之類, 功課係主要練習畫線條, 練習,準備K2寫字, 已經會開始有每星期朗讀故事做報告,一星期兩堂英文老師上堂, 一次小組, 一次大班
-K2一開學便會寫字, 每天2樣, 逢星期五有3樣, 還會借圖書回家, 做朗讀報告返星期三交回,一星期會有3堂英文老師上堂, 會教拼音, 一星期一堂普通話, 一堂電腦
-小學都要interview, 大約會收返一半幼稚園部既, 有d同學仔未必會揀返此校讀小學, 可能會大抽

dns

Thanks a lot! Pen Pen Mami       

朱古力

penpen,

塱生話今日鄧老師病左喎，佢仲話好掛住鄧老師，
我叫佢同天父爸爸講，希望鄧老師快ｄ好番喇！

塱生今日講起一個叫張姑娘既人，係邊個黎架，
我以前未聽過佢提起，係咪社工之類黎架．

penpen

朱古力,
開完生日會之後果日鄧老師係病左呀!
張姑娘係同佢地做崇拜架!! 會同佢地唱歌, 講聖經故事俾佢地聽! 我妹豬好鍾意架!!

朱古力

penpen,

我琴日已經勁唔舒服，今日去完回程可能用晒意致力喇！
返到屋企已經燒到101度，食完藥即刻去睡，現在才起
身，塱生淨係在車睡左十分鐘左右，到依家都好精神呀！
淨係話好肚餓咯！緊係喇∼估住玩．

penpen

朱古力,
今日點呀妳??
昨天見到塱生大個仔左, 硬淨左好多喎!! 進步真係好大呀!! 我妹豬昨天下午3點半已經sleep左, 7點先醒係咁嗌肚餓, 9點半又大覺訓咯~  
不過音樂農莊真係俾我想像中細好多呀!! 都冇得坐響草地點餐, 通告又話15:45返到學校, 點知2點靈已經返到, 去果陣又行屯門公路咁遙遠, 浪費時間,返來又行沙田經獅子山隧道喎! 有機會我都要同學校反映下, 下次book車去旅行要有指明的路線先得
昨天見到妳腸仔燒賣會加鍚紙先諗起, 早知我都可以咁做, 我又學到野咯~

bosze,
諗番昨天你囝囝要黐住我囡囡坐, 我囡囡又餵你囝囝食野,好攪笑, 你囝囝仲係咁靚仔, 見到我流晒口水  

朱古力

penpen,

有心，今日都請左假，休息多一日．
係喇，去既路程浪費晒D時間，返黎就好快，
朗朗媽都話好過份，一部車五十幾人，
夾夾埋埋都成千幾蚊部車，咁都唔行隧道，
勁扼錢，應該向學校反應下，攪到無時間比我地玩．

penpen

我下星期二觀課喇~ 你地呢??  
仲有22號我會做義工家長幫手照顧d小朋友, 好開心    

cclee66

我係新國民,我個女來緊要考07-K1,請問各位家長禮賢幾時派表,這學校好嗎?功課多唔多?你們小朋友讀得開心嗎?家長有冇壓力?學費多少?唔好意思,吟多問題,我係想早D做定功課。   

penpen

bosze,
咁辛苦先睇晒就唔好偷懶喇~ 得閒入黎look look啦~
一個話係陳奕迅唱, 一個話唱超人歌, 仲有邊首喎!!
旅行果日去果時d司機就慳隧道費dump我地波鐘, 走果時趕住接放學就行快路, 妳走果時冇搭你真係唔知喇~   所以我未話要提議學校下次book車要訂埋路線囉~  
我派通告時都有諗過響錦上路西鐵站搭西鐵架!! 後來上網睇好似好唔近西鐵站咁! 所以未join左搭車囉~ 不過好彩我響又一城返屋企都好就腳好快 最慘係遊車河好倦姐~ 一般來講都係走先會恰眼訓嘛~ 我同我妹豬反而係去程恰眼訓
我話你囝囝不知幾有眼光, 識得揀個靚女一齊坐呀~   我收到你d相喇~ thank you!
睇真d, 覺得佢兩個d皮膚都幾似, 白白滑滑, 紅卜卜!
你囝囝都唔係太瘦姐, 你唔好俾我妹豬塊臉豬登呃到你, 佢得35磅到架咋~ 不過佢就好在嘜都食, 我唔洗煩!!  

嘩! 原來你boss咁大年紀架拿~ 你跟左佢幾耐呀?? 做開d咩架?? 其實現在個市都好左, 唔好太擔心啦~ good luck!!  

penpen

cclee66,
冇記錯應該係10月-11月派表, 到時亦可上佢地個web site download, 我俾得個囡讀呢間梗係覺得好嘛~  老師好有耐性, 愛心, 不過我知可能會有些人覺得此校程度淺, 不過我就反而鍾意我囡囡讀得好開心, 功課方面k1

朱古力

bosze,

現家無咩喇∼仲有少少咳咯∼今次都算病得辛苦喇∼
我果日返到屋企咩都唔理，放好晒麵包餅乾小食，
開好電視，話比塱生知我要休息，然後打比老公，
叫佢定時打返黎搵亞仔，就去

焯媽媽

請問各位家長知唔知九龍禮賢學校幼稚園和其他xxx禮賢會幼稚園有沒有關係的??