屯門奧斯卡幼稚園

YKFung

marinayiu,
希望如此。但有消息話可能有啲學生會退學。
:wink:

Bluecat

囝囝今日第一日返學好開心!amK1B  班
估唔到30/7嗰日新生座談會老師略略自我介紹過,但今日傑傑竟然在校務處時懂得分辨及叫袁老師,戴老師早晨當然仲有梁校長同羅主任!實在很驚喜

放學時他行去問梁校長"點解咁快放學嘅?"
笑到老師校長都肚痛

marinayiu

Bluecat,

你囝囝咁叻, 真係"邓"你高興

veroshea

marinayiu 寫道:
Hi YKFung & all,

我昨天同我女兒講, Ms.Joseph將不再做她們的老師了(我當然無講真正的原因啦), 我女好唔開心同好唔捨得, 我都係一樣 , 不過既然已成事實, 而且學校咁樣做都有佢地既理由, 而且亦請了一位說是更加好的老師返來, 我們就拭目以待吧!  也希望在這班新高層的領導下, 另奧斯卡國際班辦得更好.  

其他媽咪同意嗎?

我都希望如此, 我現在什麼都寄望在ms. lee身上, 如果佢俾人攪埋, 我諗我一定係第一個退學既人.

YKFung

Hi Veroshea,

我都同意如果Miss Lee都走埋，我會第二個退學，不過我都已經開始搜集其他學校，講真奥斯卡而家的雜費都好貴，例如相片又加了五毫子要成$4 一張,生日會費要成三百幾元，以前都唔需要交，而家養養都話交簡直係戍人寺學校。仲有所有費用都話開俾嗰間叫做永明公司，查實間公司有冇存在都未必有人知啦，好了已經發完囉唆啦，下次再講拜拜！
   

veroshea

Hi YKFung,
咪囉, 樣樣都加, 唉!! 你搜集到有什麼好料, 可否"舖士"出黎大家交流一下, Thanks!!   

YKFung

Hi veroshea,
敢妳想知道啲咩嘢，可唔可以寫俾我，如果有資料就話俾你知啦？

例如:
1. 興趣班
2. 校服費用
3. 畢業DVD/VCD等等..........

:  :  

jojowu

Hi YKFung,

當我收到K1書簿雜費單時都嚇了一跳，幼稚園書咁單薄，究竟值唔值$1,8xx，仲有茶點先離譜$7xx，只不過食牛油方包、蛋糕仔和清水之類茶點o者。 :tongue:

另外，想問問一班通常是一位班主任，加幾多位助理老師呢？

YKFung

Hi jojowu,

根據教育署資料老師同學生比率1 : 15，你問下你個班有幾多個小朋友，如果多個15個的話就要找多個老師幫手啦？
不過通常啲老師有時都會兩邊走，所以有時打電話想找老師講吓小朋友的事情時都未必即刻找到老師。你可以問吓你小朋友嗰班一共有幾多人或者問吓教務處啲人，叫佢哋答你。
至於書簿費方面不妨問下現在升上K2啲家長以前K1收費多小。唔知有冇主流班啲K2家長可以回應吓呢？
國際班啲書簿費極之昂貴要成差過多二千幾元，你哋話仲有幾年要讀，係咪仲貴過讀中學。

      

veroshea

YKFung 寫道:
Hi veroshea,
敢妳想知道啲咩嘢，可唔可以寫俾我，如果有資料就話俾你知啦？

例如:
1. 興趣班
2. 校服費用
3. 畢業DVD/VCD等等..........

:  :  

其實你話搜集緊其他學校資料, 想睇下你有セ好料咁囉, 以便不時之雖嗎? 最重要係口碑, 環境衛生, 派位, 同教學方式等..

其實如果奥斯卡唔係一下子改變咁多, 轉咁多先生; 透明度高D, 交帶清楚, 唔係求其揾個借口; 都不失為一間唔错既學校黎既.  起碼頭兩年個女都叫做開開心心丫. 而家只望佢真係可以改得更好, 唔好令我覺得好對個女唔住, 每日都要佢千里迢迢咁返學都唔知為乜咁啫.

最好當然順便改善埋個admin, 同門口附近既蚊患      咁個細就唔駛再煩多次揾學校既惨痛經歷囉。    

Bluecat

ykwong8888
妳小主今年讀邊班?

我都發現學校轉咗好多新老師尤其係外籍老師同普通話老師都轉咗 ,主流班就相對少D改變 !

暫時睇嚟都OK la!
我唔希望為囝囝千揀萬揀到頭來選擇錯誤!他宜家已經開口埋口奧斯卡
唔想佢到時又要重新識應!煩!
總之~奧斯卡好!囝囝好!我就好!

bb2002

Bluecat
總之~奧斯卡好!囝囝好!我就好!  


我都係咁話~!
不過今年oscar收費真係貴左好多.
我個女讀全日國際班.
學費要$40xx(其中$4xx 係膳食)
我個女之前讀n1n,今年先轉國際班.
我見佢都ok.
肯講英文,佢又成日提起同學仔名字,老師名仔.
佢話講嬸嬸同佢去toilet........好多野講

但收費真係貴左.
我都曾經想過同佢轉校.不過又怕佢要重新適應.o係呢度要花好多功夫,我又要返工.真係好忙........

YKFung

Hi Bluecat & Veroshea,

緊係轉咗啲老師啦，因為啲外籍老師大部份都係曾主任請佢番嚟，主任一走佢地緊係首當其衝唔同佢哋續約啦。
而所謂行政部，班人簡直不知所謂，有問題問佢地的時候，就將個電話Hold住，商量完之後先至答你，既然問都唔知的話，不如叫啲高層(校監、校董)坐行政答問題啦？
最後門外啲蚊患簡直無話可說，成日都聽見啲小朋友話學校有蚊呀，好心佢地做吓有建設性的事，唔好整日偷聽人哋的事，一唔鍾意就叫人走，Side晒我哋有份俾既錢。   

bb2002

hi all,
我想問,而家你地o既小朋友仲有無比蚊針~??
我個女而家無.唔知係咪同我幫佢貼左蚊貼有關~??
我o係幼兒園個門口見到有一盞藍燈,果部係咪滅蚊機~?

另問:
你地所講k3 o既miss lee,係咪帶眼鏡,笑容滿面果位~??
如果係,佢真係好好人架.
對於果位黑人外籍教師被開除,我感到萬分驚訝~!
因為佢係一位唔錯o既老師.

YKFung

Hi bb2002,
而家間唔中都會俾蚊針，一唔同佢貼蚊貼或者噴蚊水就會俾蚊針，門口嗰盞燈係滅蚊機，不過我覺得作用唔係好大Law。
Miss Lee 而家教Ik2全日班好好人架。

bb2002

YKFung 寫道:
Hi bb2002,
而家間唔中都會俾蚊針，一唔同佢貼蚊貼或者噴蚊水就會俾蚊針，門口嗰盞燈係滅蚊機，不過我覺得作用唔係好大Law。
Miss Lee 而家教Ik2全日班好好人架。

咁呢個miss lee係咪我形容果個~?
其實我個囡只讀左半年n1.
我對學校唔太認識.
早排有人o係度數oscar不是.
學校又改革,令我好擔心架~!想過走.
不過都係靜觀其變.如果改革都改得唔好,我會走.
其實而家算係有改變,起碼2園地方共用.上/下午班同全日班分開上堂.
以前group埋一齊.一到中午,我囡囡見上午班o既小朋友放學,佢會唔開心.(miss mok講)
而家咁樣,佢識o既同學仔都穩定d.
讀埋呢半個學期,睇下9月佢有咩改變先.

YKFung

bb2002,
我估應該係啦。
我想問吓你今年有冇交生日會費成300元之多。因為由今年開始Ik1以上都要交，佢哋係加埋去書簿費一齊交。
其實你有冇發覺校服費都加咗價，不過學校冇通知我哋。以我所知學校加費是要經教署批核，唔知學校有冇通告俾你哋呢？如果冇的話，敢算唔算圍規呢？

bb2002

YKFung 寫道:
bb2002,
我估應該係啦。
我想問吓你今年有冇交生日會費成300元之多。因為由今年開始Ik1以上都要交，佢哋係加埋去書簿費一齊交。
其實你有冇發覺校服費都加咗價，不過學校冇通知我哋。以我所知學校加費是要經教署批核，唔知學校有冇通告俾你哋呢？如果冇的話，敢算唔算圍規呢？

我有交生日會費.包埋O係書簿費中.
校服費,我又唔清楚.因為阿囡入學時係老師幫我度身,只係叫我交錢.冬季校服都要$8XX
不過夏季果件裙仔真係唔洗咁貴LOR~!!!$14X
開頭係星期2,4先著校服.
星期1,3,5係著運動衫,
而家又轉左,
我又要買多件裙仔.
我都想知佢地加幅咁大,我地可以向邊處CHECK到佢地有無濫收費.
唔好怪我,我第一次做人MAMI,又唔識教育上O既野.
好多時都只係我婦人之見.
可能呢間學校係全港私校中最平.

marinayiu

Hi YKFung,

傾左咁耐, 都未知你嗰個係仔or女, 讀邊班嫁? 會唔會同我女係同學呀?  

YKFung

Hi marinayiu,
我嗰小朋友係女仔嚟嫁，讀邊班就響呢道就唔方便講，或者我私人傳訊俾你知，因為我一講邊班，啲人就會知道我係邊個。