低功能自閉症=腦葉酸缺乏症

Kyle

iamgrace 發表於 13-3-21 23:11
用嚴浩奇異果偏方請小心，有人不受得會痾，連皮食會難消化，最好大人試下先！但聽閒呢個方法係減肥！小朋友 ...

食得太多維他命C, 係會痾!

chris-BB

Surveyor 發表於 13-3-21 08:52
我昨天在佐敦永安5floor 拔不到[筷子} in where counter

筷子&匙更收埋一邊，你留意下專放匙更果邊，都好難搵吓，再唔見問吓啲職員。

why-me

原帖由 iamgrace 於 13-03-21 發表
用嚴浩奇異果偏方請小心，有人不受得會痾，連皮食會難消化，最好大人試下先！但聽閒呢個方法係減肥！小朋友 ...

我奶奶個朋友就係跟嚴浩咁日日連皮炸汁，飲到腸胃出事睇醫生，所以真係要自己分析。加上果皮一般都有農藥防腐方便運輸，生果皮都係批走穩陣

maomaochoi

Kyle 發表於 13-3-21 17:41
你睇下你個仔係米熱氣仲好。食食埋埋好多煎炸野和糖份，脾氣會差啲。唔好意思，我的偏見嚟！我唔太喜歡啲家 ...

所以我都只係換過啲煲同碗, 食普通的魚油
另外我好小俾煎炸野和糖阿仔食，check左佢感統敏感，一晚可以醒6，7次（小小聲都醒）, 另外小手肌弱，3.5 years old 都未識撩鼻c


同埋唔係好明點同人溝通，搞到返學唔開心。。。同佢返playgourp會冇啦啦走來走去，明明係佢最有興趣的，所有家長都勁"bear"我地。。。


好小事都會發脾4，問佢乜事答唔出

maomaochoi

Kyle 發表於 13-3-21 17:41
你睇下你個仔係米熱氣仲好。食食埋埋好多煎炸野和糖份，脾氣會差啲。唔好意思，我的偏見嚟！我唔太喜歡啲家 ...

我明白，所以都唔會係度呻，都冇乜好呻，好人好姊都會變態殺老豆老母，我只係想學下你地講下營養，冇其他意思。。。
sorry, if arouse hard feeling

why-me

maomaochoi 發表於 13-3-22 11:02
所以我都只係換過啲煲同碗, 食普通的魚油
另外我好小俾煎炸野和糖阿仔食，check左佢感統敏感，一晚可以醒6 ...

"撩鼻c" 呢家野我認為同佢手肌冇關, 反而同感統有關, 因關乎到佢知唔知鼻孔的存在.
我仔都係近來先有意思了下鼻孔 .

myson727

回復 maomaochoi 的帖子

有無幫你小朋友驗食物敏感，或試GFCF, 因我仔食錯左野，就會發呆，突然走開行幾步，或手無足動，脾氣失控等。

Kyle

maomaochoi 發表於 13-3-22 11:08
我明白，所以都唔會係度呻，都冇乜好呻，好人好姊都會變態殺老豆老母，我只係想學下你地講下營養，冇其他意 ...

教養小朋友，正唔正常都巧辛苦，家家有本難念的經，你見人地個仔好湊，事實往往並非如此，人地都要番到屋企俾成擔心機教細佬。唔好因為自己個仔難湊啲，就立亂段定佢有事。自閉症兒童起碼要有三方面問題：語言遲緩，固執或重覆行為和社交障礙。高功能或亞氏保家是指那些保有語言及認知發展的自閉兒童。
所以唔可以單單因為個仔成日鬧情緒就話佢係asperger. 而撩鼻屎方面，就比較有趣，我未聽過有人會因個仔撩唔到鼻屎而話佢小肌有問題。你睇番佢揸較剪, 寫字，用匙，用义的能力。

前幾日有個唐氏大人俾工人殺屎咗，看後我個心都唔舒服，好驚自己個仔到五十歳時都要咁倚賴個工人嚟生活。呻完，去食飯。

maomaochoi

Kyle 發表於 13-3-22 12:13
教養小朋友，正唔正常都巧辛苦，家家有本難念的經，你見人地個仔好湊，事實往往並非如此，人地都要番到屋企 ...

咁我當然不是因為佢唔識撩鼻屎話佢小手肌弱，係因為我係協康做左評估。。。之前姑娘都有叫check佢語言

同我唔係因佢鬧情緒就話佢係asperger， 而係佢冇能力了解別人感受，睇佢返學同學成日唔肯同佢玩我其實知知地點解，當然我現在只有觀察


我其實路過想了解多啲，真係冇其他意思。。。

apple~y

奇異果連皮食,小朋友唔好試,好難消化

apple~y

回復 maomaochoi 的帖子

如果擔心你同老師了解多些呀仔上堂情況
你覺得呀仔有事,老師覺唔覺得有事呀
多些去公園,做一些感統運動就算有無問題都對小朋友好
如果你呀仔理解力無問題,可以買些社交故事書,
同小朋友一起看解釋比小朋友都唔錯,

Kyle

maomaochoi 發表於 13-3-22 12:43
咁我當然不是因為佢唔識撩鼻屎話佢小手肌弱，係因為我係協康做左評估。。。之前姑娘都有叫check佢語言

同 ...

咁我都信你無其他意思。我睇人睇個心的。放心啦！我自已真的被那個親戚hurt 到，見到都好似見鬼咁，所以對你有點overreact 的反應。

說回頭，協康有無具體講佢小肌弱啲咩？ 撩鼻屎是自然既事，佢唔舒服自已會攪個鼻。佢無唔舒服就唔會攪。所有以要多些資料先知咩事，但你focus 講佢寫字，用手指做枱面野的能力會比較好，若其他方面無問題，只是撩唔到鼻，就唔駛緊張啦！小意思啫，豉旦啦。
你個仔不懂了解別人，我覺得以佢個年紀是可以接受。我大仔三歲三個月時都成日發脾氣，咩都唔滿意㗎，又唔知唔滿意啲乜（我估係眼瞓，但學校又有好多野玩，所以心情複雜，米咩都唔妥囉！），過多半年已好好多，可能因為語言表達還發展中，好難表達到自已比較複雜的內心感覺。多留意觀察， 女仔細個表現會成熟過男仔㗎！了解別人方面都無咁快，三歲幾都會比較自我中心，例如有玩具只記得自已搶咗嚟玩，唔記得share. 我仔三歲都係咁。呢啲等你慢慢同佢解釋和多提點吧！

dorisfan

maomaochoi 發表於 13-3-22 12:43
咁我當然不是因為佢唔識撩鼻屎話佢小手肌弱，係因為我係協康做左評估。。。之前姑娘都有叫check佢語言

同 ...

咁協康評估左有無話他有自閉傾向? 如果有就都應該留意下, 我仔大約在3.5歲在CAC做評估, 醫生話他有自閉傾向, 我地初初都吾信, 仲搵左個好出名的私家精神科醫生睇多次, 個私家醫生話他應該吾係自閉症, 話得他頂籠都係ADHD, 我地信他, miss左好多及早訓練的機會, 但最後在QM確診Asperger. 個醫生其實原來專門研究ADHD.

apple~y

回復 Kyle 的帖子

好沮喪,昨天中心有觀課活動
個個家長都有觀課,呀仔見到我又唔專心,又有情緒唔聽老師話,唔肯講0野
其餘5個同學仔都好定上堂好合作,講0野又ok個個有問有笞,能力唔差
當時我心情好失落,好沮喪眼濕濕,我真係.....真係努力0左好多年都係0甘...........
老師安慰我平時呀仔ok的,今日因為見到我係度數先係0甘
可能奇蹟都唔會出現係我身上啦
我輸0左比自閉症,我戰勝唔到呢個病
打到呢到我忍不住喊........

Kyle

apple~y 發表於 13-3-22 14:46
回復 Kyle 的帖子

好沮喪,昨天中心有觀課活動

喊乜鬼，喊完又要與癌並存。
今日咁多人唔準的，好多小朋友去面試都發台瘟啦！大人都會啦。唔係點解啲面試班咁好賺呀？你個仔已經係s 位能力最好的一班嗎？

Kyle

回復 apple~y 的帖子

有日我個仔班主任放咗假，轉咗第二個嚟，我阿仔就由朝早喊到夜晚七點，我放工見到佢成個頭同眼喊腫咗，我以為佢食錯野。我同個老師講你下次都係唔好請假嘞。

dorisfan

Kyle 發表於 13-3-22 12:13
教養小朋友，正唔正常都巧辛苦，家家有本難念的經，你見人地個仔好湊，事實往往並非如此，人地都要番到屋企 ...

Kyle 你講得好啱呀, 近日幾單新聞都令人十分不安.   我自己有機會接觸過一些成人的A仔, 他們的情況好視乎他們能否發展出一些cope with 他們自己的障礙的技巧, IQ高些情況會好一點, 有些表面對答如常人, 但A仔的固執性令他們不能與人好好相處, 工作上處處碰壁, 自然經濟上就不會很好了. 我和老公都預左要養個仔過世, 但問題是我們過身後, 就算留舊錢比他, 他自己都可能不能夠好好運用, 甚至比人呃.  而家細佬看來無咩問題, 惟有希望他大個能照顧哥哥

apple~y

回復 Kyle 的帖子

喊完.......我又從新振作
呀仔0個班都係叻一班,5個同學仔中有一個係唐氏
個唐氏仔都幾叻講0野又唔差,係體能上差小小

apple~y

回復 dorisfan 的帖子

我都諗住第日死0左比晒0的錢比細囡理財
等細囡分配比呀哥生活費

Kyle

dorisfan 發表於 13-3-22 15:03
Kyle 你講得好啱呀, 近日幾單新聞都令人十分不安.   我自己有機會接觸過一些成人的A仔, 他們的情況好視乎 ...

我成日都覺得自已以前做得衰野多，對人唔好，宜家報應。呢幾年為咗個仔日日都好似行屍咁，人唔似人鬼唔似鬼。好希望細仔有日睇得明呢個帖就好嘞！其實好多傷殘人士大個咗都係要靠政府養，我唔擔心自己經濟可唔可以養佢一世，養唔到政府都會頂埋。問題係心up 啫！