2005年出世或~宏福幼兒園媽咪~(PART II)歡迎新朋友加入

626mama

各位,

真係好忙，仲未有時間回復大家。

ElainAiolia

Dear all mami,
點解今日呢度咁靜局呀 ？

天藍,
今朝本來十五十六帶唔帶子聰返學o架？但今朝佢又扭計兼發脾氣，搞到我個人都醒晒，仲嘈醒聰爸，搞到聰爸有D掹 (因尋晚佢好夜先收工)，所以我要捉雞仔咁 ，盡快搞掂佢帶離開屋企，以免聰爸發癲。

我都好開心，今日可以同你及pcdogxx吹水吹咁耐，美中不足係果度又熱又曬 。

hongmimi,
婆婆今日好D未？鵝公喉變鵝乸喉未 ？

原來你自己煲，咁o米好夜先有得飲o羅 ？我隔離屋聞到都唔怕la，咁夜佢o地瞓晒o架la 。

係呀，我D皮膚好敏感o架，就算比蚊咬，好彩o既就紅十幾日，唔好彩o既 (通常都係)，就又紅又起水泡 ，要去睇皮膚科醫生，其實醫生講過比我聽，話我對蚊o既口水比較敏感，但無得避免，唯有預防唔好比蚊咬。

ElainAiolia

Dear all mami,
雖然遲o左，但都要向各位講一句：
祝各位

母親節快樂！

ricebb

hi 各位,

我仔仔今年8月會讀宏福n1全日班呀, 想問下有無人既小朋友校服唔啱著, 可以平d讓比我呢?

真係唔好意思, 第一次入黎呢個topic就問呢d野添!

另外, 想問下係咪第一個星期只番1-2個鐘咋? 幾時會番足全日架?

pcdogxx

Ricebb,

你好,  我本來都想出讓我d校服, 不過我果個係囡囡黎架..   我唔想分散黎賣, 所以真係唔好意思..

另外, 頭一週返1個鐘, 第二週返二個鐘, 第三週返三個鐘...
如果你囝囝生性..  返學快適應其實1個月都可以既.. 不過如果佢喊真係好難講喇.. 果陣阿女返左成個月先可以返足三個鐘咋..

另外呢到有個翔仔, 佢就係因為唔適應, 返左三個月有多先真係正式返足全日.. 真係蝕都蝕死....

原文章由 ricebb 於 08-5-11 23:46 發表
hi 各位,

我仔仔今年8月會讀宏福n1全日班呀, 想問下有無人既小朋友校服唔啱著, 可以平d讓比我呢?

真係唔好意思, 第一次入黎呢個topic就問呢d野添!

另外, 想問下係咪第一個星期只番1-2個鐘咋? 幾時會番 ...

pcdogxx

各位,
今日去左邊到慶祝母親節呀?  雖然遲左d, 都祝各位母親節快樂...  囝囝聽聽話話...

今晚發生左d驚險事件..    我地食完飯返屋企.. 鈞渝走得快, 佢自己入左lift, 生埋左門呀...   嚇到我地死死下... 好彩佢係落左G樓再上返黎P1咋.. , 我係P1聽到鈞渝係lift入面喊得好大聲係G樓上梗黎.. 所以估到佢冇係G樓出左去..  一開門佢喊到聲淚俱下..   個樣好驚呀...      真係心都痛埋...  不過算係俾左個教訓佢啦...  怕且佢下次都唔敢喇卦.. 其實平時我同佢行就一定會叫住佢唔好入lift既..  不過咁岩今日同大伯佢地一齊行,  諗住佢地係前面睇住, 應該冇野卦....

仲有.. 今朝我同左佢去睇柴犬奇積物語...   原來套戲係IIA級, 地震果度嚇到好多小朋友都驚晒..  我聽到後面個細路女同阿媽講, 我唔想睇呀, 好驚, 媽咪走啦.....   因為最驚果度, 我矇住左鈞渝對眼, 所以佢唔知發生咩事, 唔係好驚..  到最後, 個女仔返去地震果度救返隻狗仔..  係咁叫狗仔個名.....當個女仔叫完鈞渝又好大聲叫"麻里...", 攪到全場好多人望晒過黎係度笑... 我都差d笑到碌左地...  不過套戲好感人, 我都睇到兩行眼淚...  

pcdogxx

ElainAiolia / 天藍,

果日我都好開心同你地吹水吹咁耐.. 返到去成十點幾呀...  哈哈..    不過我又做到夜晚九點幾.. 算報返數啦..  

今日99上左黎, 問我鈞渝讀邊間, 佢梗係唔想我讀遠果間啦..  話邊個湊佢放學呀?  等等..   因為佢驚我如果讀遠一定會留住個工人, 佢勁唔鍾意個工人, 話佢唔做野..  又鍾意食晒d餅, 又話佢放假出去賣野等等..  總之就唔順眼啦.. 咁佢屋企又冇乜野做, 99又成日同個工人爭野做..  又要求多多. 俾我都唔鍾意, 其實我覺得個工人都算 ok架..   有時上黎冇叫佢都幫我地打掃晒..  我冇俾錢佢咪買d餅呀, 野食呀俾佢食囉.  我99又眼紅, 話佢淨係食晒d靚餅...

到時如果佢仲嘈之巴閉, 我會叫個工人湊完淨係帶返大窩口.. 反正99唔想見到佢, 咪對佢少d囉..   我都唔想99見鈞渝咁多...

我99寵到鈞渝死..  鈞渝完全唔怕佢, 一發脾氣就炳左嫲嫲先.. 又咬佢, 又打佢...  我心諗你都抵死...   今日我都差d同佢開戰.. 又好話我使唔使去到咁遠讀... 又話就係因為返青衣.. 車程遠所以多病.. 又話做乜咁早返學.. 等等...     我咪發老脾話..  咁唔好返學囉. 街都唔好出..  困住係屋企自閉, 咁咪乜事都冇囉..   對住你咪俾你縱死佢..  你睇佢點對你就知啦..   跟住我大伯打完場...  我都癈鬼事理佢...    所以我一定唔可以俾鈞渝對住我99...  :;pppp:

ricebb

原文章由 pcdogxx 於 08-5-12 02:34 發表
Ricebb,

你好,  我本來都想出讓我d校服, 不過我果個係囡囡黎架..   我唔想分散黎賣, 所以真係唔好意思..

另外, 頭一週返1個鐘, 第二週返二個鐘, 第三週返三個鐘...
如果你囝囝生性..  返學快適應其實1個月都可以既 ...

唔該呀, 等我再等下有無人放先   
嘩!! 3個月先番到全日, 咪蝕足3個月半日學費 好傷呀!!

不過我都驚我個仔唔係咁順利過度, 依家佢好鬼痴我, 因為係我自己湊, 日日夜夜對住我, 唔知到時點算呀

想問下剛番學個排, 會唔會一放學變得好痴身, 晚上又發惡夢架?

ricebb

原文章由 pcdogxx 於 08-5-12 02:49 發表
各位,
今日去左邊到慶祝母親節呀?  雖然遲左d, 都祝各位母親節快樂...  囝囝聽聽話話...

今晚發生左d驚險事件..    我地食完飯返屋企.. 鈞渝走得快, 佢自己入左lift, 生埋左門呀...   嚇到我地死死下...  ...

好險喎!! 我都成日好驚去街出門口, 阿仔行得快過我入左lift, 架lift唔係直落地下, 唔知邊層停, 咁真係c得啦!

ricebb

原文章由 pcdogxx 於 08-5-12 03:07 發表
ElainAiolia / 天藍,

果日我都好開心同你地吹水吹咁耐.. 返到去成十點幾呀...  哈哈..    不過我又做到夜晚九點幾.. 算報返數啦..  mouth:" />

今日99上左黎, 問我鈞渝讀邊間, 佢梗係唔想我讀遠果間啦..  話邊個湊 ...

你好勇呀, 同99撐到咁行!

[ 本文章最後由 ricebb 於 08-5-12 23:21 編輯 ]

pcdogxx

如果你住得近, 或者多d同佢落學校附近行下, 或襯d返學放學時間俾佢去睇下... 平時9:00學校會開簾俾外邊睇到佢地做體操架, 俾佢睇多d等佢對學校有d親切感...   如果佢真係痴你.. 我諗可能真係會喊足一個月呀.. 平時阿女都唔係怕醜, 又唔係特別痴身...仲估佢唔會點喊..  點知咁都喊足一個月..

好彩我係第三個月先轉全日, 所以佢都差唔多適應晒..  唔使蝕咁多..

果陣放左學真係特別痴身..  但就冇發惡夢囉...   同埋心情可能會麻麻地...

原文章由 ricebb 於 08-5-12 23:13 發表

唔該呀, 等我再等下有無人放先   
嘩!! 3個月先番到全日, 咪蝕足3個月半日學費 好傷呀!!

不過我都驚我個仔唔係咁順利過度, 依家佢好鬼痴我, 因為係我自己湊, 日日夜夜對住我, 唔知到時點算呀 ...

ElainAiolia

ricebb,
Nice to meet u，得閒上o黎吹o下水。

有關平讓校服問題，唔使唔好意思，個個mama都係為頭家o者，但我如無意外，仔仔可能會繼續係呢度讀K1，所以讓唔到比你，真係唔好意思 。或許可以問o下呢度其中一位mama“whatever”，因佢個仔唔知會唔會繼續係呢度讀or跟佢姐姐讀第二間，可以試o下問o下佢，但佢唔係成日得閒上o黎，我幫你sent e-mail問o下佢。

有關全日班問題，pcdogxx答得你好詳細，因呢度得佢個女及翔仔係讀全日班，其餘D小朋友都係讀半日。

ElainAiolia

pcdogxx,
我同子聰個母親節就係同埋聰爸、婆婆一齊參加o左親子一日遊，今次去o左搭昂坪360 (包飛) 去昂坪市集 (自由時間一個半鐘，免強有D時間到大佛山腳度影o左D相)，中午去o左天水圍嘉湖海逸酒店食buffet (又係一個半鐘，但D食物水準麻麻)，之後去o左黄金海岸行市集，全程每人$90-，都算抵。夜晚就同嫲嫲一家去食泰國o野慶祝，之後歸家休息 。

嘩，鈞渝咁曳自己一個人入lift，莫講你o地，我聽到都嚇到CC o下 ，好彩今次部lift係落o乍，如果上就大件事，希望佢記住今次個教訓啦 ！

鈞渝咁o力女睇戲唔驚又無喊到，反而你就 ………. ，我到而家仲未試過帶子聰去睇戲，因佢好細膽，係姑丈屋企用投射睇戲，可能D音响勁得滯，佢都會扭住話要返屋企o既 ，我o地怕帶佢去戲院睇戲會o徙o左張飛o者 。

你居然同你99開片，還掂有鈞渝幫你報仇 ，你就o下佢啦，免得渝爸夾係中間難做la。不過又幾搞鬼o咼，鈞渝成日對住你99，又會咬佢、打佢o既 。

天藍

pcdogxx,

鈞渝真係有驚無險, 我一路睇都嚇到一額汗, 好彩係有驚無險,
下次真係要小心d, d小朋友真係跑得好快, 一唔留神好怕佢
地會甩手唔知走去邊, 我諗鈞渝經個今次件事都會等埋你
地先入lift。
老人家個個都係一樣好寵小朋友, 昊藍公公婆婆, 麻麻都係一
樣好寵昊藍, 我都怕寵個頭佢地d脾氣會越來越大, 所以我同
你一樣唔係太敢比佢地湊, 寧願比工人姐姐湊起碼工人會按
我指示去做, 老人家話得多會唔鍾意, 同佢地有佢地一套做法,
總之好煩....
如果你解決到搵人湊鈞渝既問題, 讀遠個間都無問題, 其實有
全日個間係個區我問個人都唔係太差, 但名氣當然無遠個間
咁嚮, 真係各有各好, 唔知你以家諗點未???
鈞渝都好叻女入到戲院睇戲, 雖然有係到叫, 但都好搞笑~~
我都未敢帶昊藍入戲院睇戲, 怕仔仔會怕黑同坐唔定, 係咁
問我問題(劇情)會嘈到人, 所以等大d先。

ElainAiolai,

多謝你個次介紹個畫班比我, 我上星期六落去查詢啦!
個到入面個環境都好企理同光猛, 都ok, 但可惜星期六日
已無位要排, 我留聯絡電話佢話有位再call我, 以家只
剩星期三早上有位, 但我唔想姐姐帶, 自己都想跟下, 所
以唯有等下, or收下風睇下邊到有d好既畫班參加下~
你母親節都節目好豐富, 去昂平坐纜車, 個日天氣雖然
陰天, 但都幾好無雨~
個日我地都同葵青個邊個topic D媽咪同小朋友去"大棠
荔枝園"個日唔係太曬都幾好, 昊藍係個到有爬繩網, 餵錦
鯉, 租單車踩, 同同d羊馬牛....影下相, 但仔仔怕唔敢坐馬,
大致都幾好玩, 但可能季節唔岩無人摘士多啤利, 只係買
d有機菜同木瓜走, 昨晚仲保雪耳木瓜雞湯, 都幾好好甜
好味道。

原文章由 pcdogxx 於 08-5-12 02:49 發表
各位,
今日去左邊到慶祝母親節呀?  雖然遲左d, 都祝各位母親節快樂...  囝囝聽聽話話...

今晚發生左d驚險事件..    我地食完飯返屋企.. 鈞渝走得快, 佢自己入左lift, 生埋左門呀...   嚇到我地死死下...  ...

天藍

ricebb,

我個d校服之前放出來, 但有媽咪聯絡我要啦!
我幫你問下d同學仔睇下有無人出讓, 有消息再通知你。
我都建議你親以家未開學多d帶仔仔到學校附近行下,
同以家逢一, 三, 五早上約九點一個字學校都會開窗
睇到小朋友係到做早操, 你亦可以帶仔仔睇下, 等佢
睇多d到開學唔使咁陌生同驚, 仲有你亦可以返下佢
地既pg等仔仔熟習入面既環境到時開學會好好多~

原文章由 ricebb 於 08-5-12 23:13 發表



唔該呀, 等我再等下有無人放先   
嘩!! 3個月先番到全日, 咪蝕足3個月半日學費 好傷呀!!

不過我都驚我個仔唔係咁順利過度, 依家佢好鬼痴我, 因為係我自己湊, 日日夜夜對住我, 唔知到時點算呀 ...

hongmimi

各位，
遲到好過無到…補祝大家母親節快樂！
擒日我放假所以無上黎吹水呀!

ElainAiolia，
婆婆個病上星期四變左肺炎，連日來每日返青衣打針，打左5日，而家好番好多喇~ 初時佢咪話係我傳染佢既，但我無好似佢咁發燒囉，其實婆婆無乜咳架! 但醫生見佢唔退燒，保守d要佢照肺，一照就話可能感冒菌入肺所以個肺花花地肺炎囉~

原來妳地母親節去左搭昂坪360呀! 我地擒日都去左搭呀!! 因為我地前日入左塘福渡假屋玩(匡爸公司員工渡假屋)，夜晚天台bbq然後打牌過埋夜，擒日就遊大佛、市集同昂坪360囉~

嘩! 妳地既假期，真係去盡香港各大名勝喎~ 玩足一日，仲全程$90咁抵~

pcdogxx，
聽妳講真係嚇C，有時佢地一支箭真係行得好快架~ 鈞渝既經歷我時時都驚發生係匡匡身上！
好勁喎~ 妳居然夠膽帶鈞渝去睇戲，俾我實徙左張飛。
妳99又會無端端問妳鈞渝讀邊間既? 係咪妳答佢讀遠果間佢咁大反應? 係囉~ 妳叫工人湊完直接帶返大窩口，反正佢唔想見到工人，妳又唔想99見鈞渝咁多...
既然已經解決到問題…係咪妳已經有最後答案喇?? 嘻!!


天藍，
原來畫班星期六上既無位要排呀~ 我打電話留位得唔得架?

妳同葵青topic既媽咪去"大棠荔枝園"都幾好玩喎~ 而家多左好多呢d地方，係假日既好去處。我地一家人入左塘福渡假屋玩，帶左小朋友去沙灘，匡匡玩得太癲，成個人向前跌低飲左d海水，上岸一味叫住：好咸呀! 好咸呀! 而家問佢最驚係咩? 佢會話：好咸既水~ 笑C!!

626mama,
今朝唔見妳既? 公司仲係好忙呀?? 妳都同天藍一齊假期去左大棠荔枝園呀? 仲有無去其他地方玩呀?

天藍

Hongmimi,

婆婆肺炎要打5日針受皮肉之苦真係慘啦!
婆婆要多點休息, 希望早日康復!
婆婆以家唔舒服, 匡匡係咪要公公湊返學同
放學?
同點解婆婆要返番青衣打針??? 係咪以前睇
開個醫生好, 所以返番來睇????
母親節你節目都好豐富入塘福沙灘玩, 匡
匡仲咁搞笑飲幾啖咸水, 之後就怕咸既水
都好搞笑~
母親節個日入大棠荔枝園之外, 晚上book
位食傻係青衣城同婆婆慶祝, 食完飯係青
衣城行街街, 昊藍去冒險樂園玩一陣,
之後仔仔返屋企, 我請婆婆公公直落同佢
地係青衣城個間戲院睇戲(夜場), 因第二日唔
使返工,。
母親節昊藍學校都有張母親節咭送比我,
同個日入大棠有檔買有機菜既伯伯都好好,
話母親節免費送支康乃馨比我地d媽咪,
都算有禮物, 仔仔雖細但有張咭送比我都
好開心~~

原文章由 hongmimi 於 08-5-14 11:36 發表
各位，
遲到好過無到…補祝大家母親節快樂！
擒日我放假所以無上黎吹水呀!

ElainAiolia，
婆婆個病上星期四變左肺炎，連日來每日返青衣打針，打左5日，而家好番好多喇~ 初時佢咪話係我傳染佢既，但我無好似佢咁發燒囉，其實婆婆無 ...

hongmimi

天藍，
係呀! 婆婆睇開個醫生係長青村，睇左30幾年，好夾佢~ 佢呢幾日食完藥就倒頭大睡，好在有公公咋，返學放學同其他野都係公公一腳踢。

昊藍送左張咭俾妳呀? 我都收到匡匡係學校做既咭同康乃韾，佢送俾我時仲識得講：母親節快樂! 梗係老師教喇~ 舅父就同我地影相留念，好sweet呢~

細細聲話妳知，其實我地一家大細入塘福玩除左慶祝母親節外，亦慶祝我又老一歲，匡爸知我鍾意一家人齊齊整整，咪攪family既活動囉~

妳地d活動都安排得好好呀! 有得食有得玩、有靜態有動態，其實我覺得只要一家人開開心心，點慶祝都無所謂。

天藍

hongmimi,

希望婆婆早日康復! 有時睇醫生真係講夾唔夾, 就算有d
名醫d人講到點好, 但夾唔到自己都係唔點, 因這點我都
明婆婆點解會山長水遠都入番青衣睇醫生, 夾到自己睇
完真係會好好多, 婆婆記得休息多d, 你代我同昊藍問侯
婆婆祝婆婆早日康復! 以家公公為有辛苦d一腳踢接送
匡匡。
原來個日你地一家入塘福慶祝母親節之餘, 仲慶祝埋匡
爸生日真一舉兩得, 你地一家一定好開心, 你咁識安排
匡爸娶到你咁好既老婆真係開心同羨慕c人啦~~
補祝匡爸生日快樂!
我同意你講法最緊要一家人開開心心無論點慶祝都好。
匡匡咁叻仔送咗張咭同自己整既康乃馨比你, 仲同你講
母親節快樂, 你真係甜在心頭。昊藍有張母親節咭係一
個杯(有耳仔個隻咖啡杯)印咗母親節快樂, 入面有昊藍
仔用手指仔印咗唔同顏色既印, 張咭就係係咁, 昊藍送
張咭比我問我: 媽咪我送張咭比你你鍾唔鍾意? 跟住昊
藍好搞笑佢以為我生日接住係到唱生日歌, 我忍唔住想
笑, 跟住昊爸提水昊藍係母親節, 要同媽咪講"母親節快
樂", 仔仔先同我講母親節快樂~
畫班個到我有留到名同電話, 但中心個職員話, 叫我久
唔久打去問下, 如下次我打去or經過個頭留埋你個名同
手提電話, 你介唔介意, 因我久唔久會過去荃灣廣場"吉
x島"個頭行下買下野, 或拜託聰媽忙我地問下有無位,
因子聰係個到學緊!我以家都有打聽睇下仲有邊到有得
學, 同口啤比較好既, 如有消息再通知你!
我前日比咗匡匡張相個工人, 叫佢交比子聰個工人交比
你唔知你收唔收到, 因個張相係匡匡獨照, 我覺得幾靚
晒咗出來比你, 不過, 講到尾都要個人靚, 匡匡咁靚仔,
所以先影到咁靚同上鏡
協康"兒童功夫扇"個到我寄咗票啦! 唔知你寄出咗未呢?
如無意外應該這幾天會收到收據, 如你收到通知聲, 因
我怕有時會寄失, 如我收到都通知你

626mama,

這兩天都唔見你, 你係咪放假呀?
我昨天放咗張上次去旅行既相係手冊, 叫老師交比軒軒
唔知你收到未, 張相係Miss Gloria同昊藍, 軒軒一齊影。

原文章由 hongmimi 於 08-5-14 17:26 發表
天藍，
係呀! 婆婆睇開個醫生係長青村，睇左30幾年，好夾佢~ 佢呢幾日食完藥就倒頭大睡，好在有公公咋，返學放學同其他野都係公公一腳踢。

昊藍送左張咭俾妳呀? 我都收到匡匡係學校做既咭同康乃韾，佢送俾我時仲識得講：母親節快 ...

ricebb

原文章由 pcdogxx 於 08-5-13 01:20 發表
如果你住得近, 或者多d同佢落學校附近行下, 或襯d返學放學時間俾佢去睇下... 平時9:00學校會開簾俾外邊睇到佢地做體操架, 俾佢睇多d等佢對學校有d親切感...   如果佢真係痴你.. 我諗可能真係會喊足一個月呀.. 平時阿 ...

乜可以3個月後先轉全日班嗎? 係咪剛巧有位, 定一早講定, 頭2個月比一半學費??

其實一直都好擔心阿仔到時番學既食飯同瞓覺問題, 究竟會唔會食得好少, 瞓得好少? 如果過左午睡時間, 佢先中眼瞓, 咁仲比唔比瞓? 其實話午睡時間有1小時, 但好似都唔多夠咁, 有d擔心添