- 在線時間
- 634 小時
- 最後登錄
- 18-8-20
- 國民生產力
- 315
- 附加生產力
- 625
- 貢獻生產力
- 500
- 註冊時間
- 70-1-1
- 閱讀權限
- 10
- 帖子
- 1255
- 主題
- 178
- 精華
- 0
- 積分
- 2695
- UID
- 493
|
csy_ma,
嘩, 您仲記得我講詔咩既, 好勁呀))))
[較好既方法,可能係曲奇以前提過既,置身事外,分析小朋友份卷既錯處,然後話你幾唔抵呢,如果唔係咁……你就咁咁咁架勒。令小朋友覺得原來距成功只有一步之遙,咁就比較有動力去改善。]
係呀, 我成日都同兩個囡講以上既野, 唉, 其實佢地讀書都好辛苦, 兩個囡係開學無幾耐已經同我講讀書好辛苦, 唉, 我都會好老實同佢地講, 我都知讀書好辛苦, 但唔讀好0的書識多
0的野, 第時有人問您一0的好簡單既野您都唔識, 又第時真係要返工咩都唔識, 做唔到您想做既野就仲辛苦... 我又同佢地講您地成日問我野我都識答識去搵就係因為以前有讀書, 您怕唔怕第時您地既囝囡問您野您唔識答丫????!!!!又同佢地講我地以前讀書婆婆唔會幫到我地, 全部都要靠自己, 唔信您地問婆婆丫.....
好彩個天都幫埋我, 某日既星期日檔案講一個身體有病唔可以係呢個世界好耐都會好俾心機讀書, 仲話讀書係佢既責任, 我就成機邊睇邊同佢地講道理, 佢地都睇到眼king king..o哂咀
唉, 佢地今次既總測成績都俾我好大既驚喜, 但當我睇真0的佢地錯0的咩, 同答0岩0的咩, 我就知道佢地既實力係邊, 真係唔識0的乜, 無錯佢地真係錯一0的唔應該錯既野, 我都會鬧但真係一句起兩句止好喇, 講真鬧左都羅唔番0的分, 鬧得多我都覺自己口臭佢地又唔開心, 我兩個囡好醒識得inch我又話 [求學不是求分數既!!!!]
我會捉住佢地同佢地睇一次份卷, 問佢地錯既係真係唔識定唔小心, 唔小心就叫佢地下次小心0的, 又同佢地講因為0甘樣錯失左0甘多分係咪好唔抵呢?? 我大囡大喇有時會講0的好抵死既說話[唉, 真係唔抵, 我識架, 不過睇錯左之嘛] 我聽到就會和應[係羅, 您話幾唔抵呢, 您識架嘛, 下次小心
0的喇, 知無!!]
如果錯係因為真係唔識, 我就一定同佢地講到佢地明為止, 仲要佢講番一次俾我知點解, 等我知道佢真係明, 下次就唔會唔識啦....不過, 大囡有時都會俾說話我聽 [得啦, 我知錯咩, 我識啦....] 我唔會理佢, 我一定要佢講我知個答案究竟點樣搵出黎或計出黎, 要佢講番一次俾我聽我先會收手...
不過, 細囡就真係仲細未識野, 成日我講都未開始講就發哂癲.....我有時對住佢都唔知點樣入手, 有時見佢真係講好耐都唔明唔識, 我都覺得佢好慘, 真係唯有花多0的時間用好多唔同既方法講到佢明...當我見到佢真係開始明點做我就好開心, 佢自己都好開心....
好似今之常識我見佢初頭寫既答案係0岩既但又改左第二個變左錯既, 我就問佢 [咦, 您初頭揀呢個點解又改左既...] 唉, 佢話驚零分所以改喎, 0甘我同佢講 [傻豬, 要對自己有信心, 諗到個個就係個個, 未必係錯架, 下次小心0的啦, 俾0的信心自己] 佢點哂頭, 睇得出佢個樣唔同左, 唔知點講...總之佢俾我既感覺係信心好似強左, 希望佢同大囡下次努力0的小心0的啦....
哎呀, 我又長篇大論添, 以上純粹個人既意見....
不過, 可能我無鬧得佢地好勁, 佢地兩個有時會唔覺得低分係問題, 只會覺得今次唔小心, 下次會好0的....(不過, 下次都有可能再錯.....) 有時仲會同我講 [我唔算差架喇, 阿邊個邊個仲差過我啦.....] 我聽到都唔知講乜好......
[ 本帖最後由 cookie 於 08-11-5 03:41 編輯 ] |
|