2007年8月開學宏福幻兒園既媽咪一齊入來傾下

pcdogxx

626mama,
其實我都鍾意參加果d親子活動..不過有時驚老公拎唔到假, 太早報果d我都唔敢報呀..  驚報左爸爸去唔到得我一個人去..  攪唔掂成日..  

多謝你報料明愛攪活動..  其實我都想參加, 但係老公12月頭開始會調到沙田..  都未知返咩更.. 仲要新入去, 呢d日子實俾d老申子霸左黎放啦..  應該都幾"忟"水..   所以我都唔敢報呀..  

其實我都未玩過放紙鳶, 返學時代我都好少參加戶外動既..  老公都一樣.. 所以下次去玩我都想睇下..  我自己放就唔得架喇.. 不過就好鍾意睇d紙鳶係天上飛囉..  不過我覺得做放果個都幾陰公..  跑餐死.. 哈哈..  

軒軒咳得咁犀利呀?  真係試下煲我講果隻湯吖.. 真係幾好架.. 果日鈞渝飲完之後都冇咳..  試過兩次都work架..
呢兩日帶鈞渝返學都有見到Miss Bonnie, 見佢都同d小朋友笑又唔似會講d咁既野喎... 可能真係言語上有咩誤會.. 不過始終都係解決左佢好d.. 如果真係誤會, 可能叫返Miss Bonnie好聲氣d同軒軒講返..  可能佢以後唔會再驚呢..  希望軒軒快d冇事啦..  

佢個評估報告退步左可能同佢呢排心情唔好有關既..  唔好咁擔心.. 軒軒咁叻仔一定冇事既..  

天藍,
原來你之前都post左協康會d資料出黎架喇?  可能果陣成日追msg, 所以飛快咁睇skip左冇留意...  
下次麻煩有咩好節目都post出黎, 如果抽到時間, 我都想一齊參加. 睇到你地玩得咁開心, 都好想玩埋一份..  

鈞渝返左一個月所以未有評估報告..  我都希望可以睇下老師點評估佢, 話晒佢地都係專業, 知道佢地呢個程度要識咩, 有咩唔合格..  不過最好我都係想可以觀堂..  可以知道佢地上堂係點.. 我諗呢個係每個家長最想知既..

你同昊藍都一樣咁細心..  知道佢地漏左答我都解答返我既問題..  原來你地係有第一二冊既..  我未問可唔可以補返.. 不過我諗應該都可以既.. 補返錢之嘛..   學校無死錯人既.. 哈哈..

其實之前鈞渝喊, 昊藍行埋去叫佢唔好喊話媽咪去左買餸, 果陣都覺得昊藍好叻..  真係好乖識得關心人..   所以如果你生返個細佬或者細妹.. 我覺得佢一定係個好哥哥...  :loveliness:
其實當初我都同你一樣, 好想生返個可以陪鈞渝玩唔使佢咁悶..  不過都係覺得要教佢, 搵學校.  各樣各樣都好煩..  萬一佢又蠢仲煩多樣.. 所以都打消左念頭..  

放完假唔慣我呢兩日都瞓過龍, 成8:50先返到學校所以未撞過你, 我都好想見下昊藍..  你係咪多數都係等開門架?  咁我要早d起身先得喇..

[ 本文章最後由 pcdogxx 於 07-11-30 16:47 編輯 ]

hongmimi

626mama,
妳有所不知...雀巢頭既相我點會post出黎獻醜呢!費時被妳地笑我! 我4日都馬尾look加兩隻夾都頂唔順....被匡匡摷到突起一忽忽，係條街到又束唔番，唯又求其夾番去。

匡匡鍾意玩南瓜，知道係helloween...但唔鍾意食喎

杯雪糕好長，朱古力味，好好食，連我件衫都有份食，因為最後被匡匡hi左一pat朱古力係我到 :tongue:  

著韓服....佢都肯呀! 因為有隨團兩個哥哥姐姐一齊著，佢好鍾意佢地架，一齊玩佢就肯嘛!

果條黃色野係菠蘿黎架! 好甜架! 係Ever Land裡面周圍都有賣小食既攤當，韓國人都幾健康，將d水果切到好整齊(真係條條一樣)用竹籤拮住，好似仲有蜜瓜同唔記得仲有一樣咩揀。

[ 本文章最後由 hongmimi 於 07-12-1 10:18 編輯 ]

hongmimi

pcdogxx,
我個friend擒晚睇完d相，今日即刻走左去報韓國團添呀! 新華真係要俾番d廣告/介紹費俾我~

hongmimi

pcdogxx,
乜水突然調去沙田? 不過我地到返沙田都好方便....會守邊一忽? 會唔會係626mama屋企個邊呢?!

我都無同匡匡打流感針~

[ 本文章最後由 hongmimi 於 07-11-30 17:25 編輯 ]

pcdogxx

Hongmimi,

哈哈..  者係代表你地輯相影得夠吸引囉..  真係要問佢地收返廣告費先得...    你呢個團去5日架?  幾錢團費呀?

因為老公而家做梗果個部門夠期, 要調返出黎, 又唔可以返去之前果區(青衣), 荃灣, 葵涌佢又做過, 所以俾人調左去沙田囉.. 雖然話方便.. 始終冇係大窩口返工咁近嘛.. 要搭多程車入去..   未知沙田邊度呀..  到時話俾626mama知, 叫佢落街小心俾警察問話...  哈哈..   都好既.. 等軒軒知道警察係乜都好.. 唔係好得人驚架者..

原文章由 hongmimi 於 07-11-30 17:19 發表
pcdogxx,
我個friend擒晚睇完d相，今日即刻走左去報韓國團添呀! 新華真係要俾番d廣告/介紹費俾我~

hongmimi

pcdogxx,
去4日咋! 果時算係low season又唔係紅假期，計埋導遊費好似$2,000幾啦~  匡匡未夠2yrs都要收$1,000。做咩咁問? 妳又想去呀?

不過12月果邊幾凍，郊區有得玩雪lu~

原來夠期要調... 唔緊要啦! 調來調去，遲d又調番黎囉! 唔係喎~ 下次調出Kowloon Tong，可以保護鈞渝返學都好喎!

放工走人，bye-bye

626mama

hongmimi,

咁又係呀，我去過一次餐餐都食唔飽，真係唔想再去，
見妳食得幾好，真係想去多次。

原文章由 hongmimi 於 07-11-30 05:19 PM 發表
pcdogxx,
我個friend擒晚睇完d相，今日即刻走左去報韓國團添呀! 新華真係要俾番d廣告/介紹費俾我~  

626mama

PCDOGXX,

點解要去公園開餐呀?想起公園開餐，
我立即想起D婆仔係公園ME橙食。

我都明白，其他大家都喜歡親子活動，先已攪就就到時間同日期，報名就要我地下就佢，同埋時間會定得早D，通常都係9:00出發。唔熙要啦，今次唔得咪下次囉。一個人真係好難攪嫁，由其
小朋友唔肯行同訓覺。

妳老公12月頭開始會調到沙田，乜要調來調去嫁，咁近排係咪即係冇得放星期六.日呀。唔知會唔會比軒軒見到他呢!好多時我樓下附近都有輛警車停係度。我住沙田，沙田圍火車站附近嫁。唔會瓜，無啦啦係街俾警察問話，見到識，話唔定我叫反佢:不如妳叫我仔仔食多D飯丫...  哈哈..

講開，軒軒好鐘意警察哥哥/同姐姐，佢一見到就會個口不停係度講"警察哥哥""警察哥哥"有時行得近，我都會教佢講"警察哥哥早晨"間中會答佢乖，佢就會開心成日，有時見到樓下看更同銀行保安員，佢都會以為係"警察哥哥"，都會主動去叫人，好以星期六咁，去錢行入支票入支票箱度，這些工作，我都會交軒軒做，但軒軒唔夠高，我抱起軒軒等軒軒放支票入支票箱度，通常我都會同軒軒講，下次食多D飯同飲多D水，第時夠高自已入，唔洗媽媽抱妳入知道嗎?軒軒就答"知"，有時會自已講，下次食多D飯飯同飲多D水水我自已入。點知個保安聽到，就同軒軒講，咁妳返屋企記得"食多D飯同飲多D水"喇，未反到屋企炸，軒軒已經係咁叫我比水水佢飲喇，警察哥哥叫我飲多D水水嫁，但食飯時，同佢講警察哥哥叫妳食多D飯飯喎，佢又冇反應喎，不過而家都仲係講緊警察哥哥叫我飲多D水水嫁。

軒軒咳得真係好利害，特別是晚上3:00左右，攪到婆婆都訓唔到，早上又好小咳，星期六反沙田再睇醫生，個特生比了D特考藥佢晚上食，星期六晚上就冇咳喇，好以好左好多咁，同埋個醫生話，佢氣管唔好，一有關氣管的病就好難好，另外開了一支食氣管敏感，要食一個月，只在早上食，希望會好D。但感覺上佢又要食一個月藥，好以唔係幾好咁囉。因為再睇醫生，所以冇試到妳上次比我個湯水。

原文章由 pcdogxx 於 07-11-30 04:39 PM 發表
626mama,
其實我都鍾意參加果d親子活動..不過有時驚老公拎唔到假, 太早報果d我都唔敢報呀..  驚報左爸爸去唔到得我一個人去..  攪唔掂成日..  

多謝你報料明愛攪活動..  其實我都想參加, 但係老公12月頭開始會調到 ...

[ 本文章最後由 626mama 於 07-12-3 15:15 編輯 ]

626mama

Hongmimi,

原來妳雀巢頭既相冇比我地睇，唔怪得睇落都唔係好亂啦，
連馬尾look加兩隻夾都頂唔順匡匡這個髮型師，匡匡都好落
力摷妳個頭喎。

匡匡鍾意玩南瓜，會唔會橙色好搶眼，所以好喜歡呢?
helloween D 南瓜頭，個個都咁大，匡匡係咪知何，都食
唔落，所以唔鍾意食呀。

果條黃色野原來係菠蘿黎架!我仲以為係雪條定係D咩炸的
食物添，真係好健康的食物，香港有我都會買來食。可惜。
咁個波蘿都好大個下喎。

下次調出Kowloon Tong，可以保護鈞渝返學都好喎!
咁今次調去沙田，可唔可以順手保護埋我地一家三口呀。
呵呵...唔該晒。"警察哥哥"

原文章由 hongmimi 於 07-11-30 05:45 PM 發表
pcdogxx,
去4日咋! 果時算係low season又唔係紅假期，計埋導遊費好似$2,000幾啦~  匡匡未夠2yrs都要收$1,000。做咩咁問? 妳又想去呀?

不過12月果邊幾凍，郊區有得玩雪lu~

原來夠期要調... 唔緊要啦! 調來調去，遲d ...

天藍

pcdogxx,

鈞爸調左去沙田, 真係遠左d, 加上以家天氣
開始涷, 天寒地涷甘早出門口返工真係唔係
好like, 不過, 搵食無辦法啦! 鈞爸以家返工
返遠左辛苦左, 你夜晚食飯整d好食送比鈞爸
食慰勞下佢。
我講樣野比你聽, 我近來問仔仔你最鍾意係學
校同邊個玩, 佢答我最鍾意同鈞渝玩, 平時佢
多數答子聰, 軒軒.., 但以家同鈞渝friend咗, Yeah!!!

hongmimi,

做乜你有雀巢頭相都唔比我開下眼界, 我想睇下喎!!!
仲有我send左野比你, 你check 下pm.

原文章由 626mama 於 07-12-3 14:24 發表
PCDOGXX,

點解要去公園開餐呀?想起公園開餐，
我立即想起D婆仔係公園ME橙食。

我都明白，其他大家都喜歡親子活動，先已攪就就到時間同日期，報名就要我地下就佢，同埋時間會定得早D，通常都係9:00出發。唔熙要啦，今次唔得咪下次 ...

天藍

626mama,

原來昊藍同軒軒都一樣係公園玩見到d大哥哥
踩單車好快, d哥哥同佢講話你食多d飯就會長
高同有力好似我跑步同踩單車咁快, 跟住昊藍
以家連早餐都要叫姐姐煮飯, 佢話想快高長大
好似哥哥行路甘快識玩好多野。

原文章由 626mama 於 07-12-3 14:24 發表
PCDOGXX,

點解要去公園開餐呀?想起公園開餐，
我立即想起D婆仔係公園ME橙食。

我都明白，其他大家都喜歡親子活動，先已攪就就到時間同日期，報名就要我地下就佢，同埋時間會定得早D，通常都係9:00出發。唔熙要啦，今次唔得咪下次 ...

天藍

ElainAiolai,

我都未諗定昊藍讀邊間, 我都係好似你咁諗
過左年再決定~~
今次個評估仔仔有進步, 但都有不足之處,
所以大家都要努力改進, 加油加油
子聰以家返學同昊藍又一齊玩, 好似以家無
分組, 真係好~~

原文章由 ElainAiolia 於 07-11-30 13:37 發表
Dear all mami,
剛放完假，子聰返學都係話唔想返要留係屋企，但無之前咁"痴線"，仲可以氹o下佢o既，尋日放學佢好開心，因為聰爸帶o左佢去反斗城買玩具，所以今朝喊住話要聰爸帶返學 ，結果聰爸送佢去搭"車立"，放學又去學校附近撞 ...

天藍

ElainAiolia /  pcdogxx / 626mama,

我想問下你地, 你地8/12 個日會否去聽講座,
因我報左名名會參加, 想睇下到時會唔會見到
你地???

原文章由 天藍 於 07-12-3 23:15 發表
ElainAiolai,

我都未諗定昊藍讀邊間, 我都係好似你咁諗
過左年再決定~~
今次個評估仔仔有進步, 但都有不足之處,
所以大家都要努力改進, 加油加油
子聰以家返學同昊藍又一齊玩, 好似以家無
分組, 真係好~~
...

ElainAiolia

Dear all mami,
好耐無上o黎留言，但都有上來睇你o地吹水。而家學校無分group玩，子聰開心番晒 ，再無話唔肯返學，仲好想聰爸帶返學或放學o忝，因佢以為一定會去反斗城，哈，哈 ！

hongmimi / pcdogxx,
check e-mail，有o野sent o左比你o地。

hongmimi,
我都好想睇o下個雀巢頭 ，匡匡第二時可能係最出名o既髮型師，最o力o既design係雀巢頭 。我睇完你去韓國D相，我都想去，我覺得D膳食超好，匡匡肯定唔想番o黎，佢係果邊有無試過扭計:evil: ？

天藍,
尋日唔好意思 ，子聰係學校同昊藍爭玩具時，唔小心整到昊藍額頭紅o左，老師已叫o左子聰同昊藍講對唔住，仲要佢o地握手friend番o忝 ，所以放學子聰爭住請昊藍食香腸呢！

ElainAiolia

天藍,
8/12我無報到講座，你睇o下hongmimi或pcdogxx有無報 ？

626mama,
我o地每到若干年期，就要去另一區工作，所以都幾煩o架 。最近聰爸先轉o左去屋企附近返工，可以慳返搭車費 ，遲D我都要轉，暫時未知去邊度 ？

hongmimi

ElainAiolia,
希望匡匡一係就唔做髮型師，要做就做至top既、揾大錢~

係呀! 去過先知原來都唔係無野食啫~ 佢梗係有扭計啦，仲一上車就好似上身咁呀~  

個講座 我應該無份掛~

聰爸轉左去屋企附近…. 真係慳時間、慳車錢喎… 唔知可唔可以慳埋飯錢， 嘻嘻~
子聰就好喇，聰爸多d機會接送返學放學~

626mama,
匡匡好怪，唔鍾意食南瓜同番薯等甜既瓜類，細時煮粥粥，落親都成餐唔食。大過左又發現佢唔食蝦、蟹、帶子等海鮮，靜靜雞撈埋佢一taste到就吐，好在鍾意食魚啫~


係呀! 今次調去沙田，可以保護妳地一家三口~

天藍，
到妳check~

天藍

ElainAiolia,

係呀! 個日Miss Gloria有打電話比我同我講
左件事既始未, 但佢就無講係邊個小朋友,
但我都估到係子聰, 因佢話個個小朋友係成
日同昊藍玩, 但唔同班, 老師話昊藍接受左
道歉後尾兩個又friend番又一齊玩, 我無怪
子聰, 因我明白小朋友係無心, 況且都知錯
已道歉, 昊藍個左額仔紅小小, 但以家都
無事, 唔緊要啦! 大家都係朋友嘛!!!
原來聰爸以家係屋企付近返工, 咪好囉!
天氣涷唔使甘早起身幾好!!! 希望你都
唔會調去咁遠, 近近地可以早上遲d起
身唔使甘趕~~

原文章由 ElainAiolia 於 07-12-4 13:58 發表
Dear all mami,
好耐無上o黎留言，但都有上來睇你o地吹水。而家學校無分group玩，子聰開心番晒 ，再無話唔肯返學，仲好想聰爸帶返學或放學o忝，因佢以為一定會去反斗城，哈，哈 ！

hongmimi / pcdogxx,
check e-mail， ...

天藍

hongmimi,

我地又寄信啦~~
check pm pls.

原文章由 hongmimi 於 07-12-4 14:35 發表
ElainAiolia,
希望匡匡一係就唔做髮型師，要做就做至top既、揾大錢~

係呀! 去過先知原來都唔係無野食啫~ 佢梗係有扭計啦，仲一上車就好似上身咁呀~  

個講座 我應該無份掛~

聰爸轉左去屋企附近 ...

626mama

天藍,

最後我都係冇報到，我那天唔得閒，所以8號妳見唔到我LU。

原文章由 天藍 於 07-12-4 09:38 AM 發表
ElainAiolia /  pcdogxx / 626mama,

我想問下你地, 你地8/12 個日會否去聽講座,
因我報左名名會參加, 想睇下到時會唔會見到
你地???

626mama

ElainAiolia,

原來久不久就要去另一區工作，
其實都幾好丫，冇咁悶，
又識到多D朋友仔，
我轉工有時都係好悶才轉工，
不過而家時世唔好，
唔會亂咁轉工LU。

係冇轉邊冇得撰擇嫁，
住荃灣轉去祡灣咪大件事(咁我都相信唔多會)

聰爸返工近，子聰有聰爸送返學日子咪多左囉。
子聰咪最開心囉 。日日都去玩具反斗城喎。

原文章由 ElainAiolia 於 07-12-4 02:05 PM 發表
天藍,
8/12我無報到講座，你睇o下hongmimi或pcdogxx有無報 ？

626mama,
我o地每到若干年期，就要去另一區工作，所以都幾煩o架 。最近聰爸先轉o左去屋企附近返工，可以慳返搭車費 ，遲D我都要轉，暫時未知去邊度 ？ ...

[ 本文章最後由 626mama 於 07-12-5 12:28 編輯 ]