沙田聖心k1-2007

Namson

maggie_tsui ,

妳咁快有得攞成績報告,我要21/7至有得攞,我個間幼兒園似兒童樂園多D,又冇工課做日日返去玩.我問佢點解仲未教ABC佢話N1唔教咁深D野,我問阿囝日日返學有咩做,佢話唱歌同跳舞喎!其實N1我都有考嘉德麗不過我覺得佢地太過商業化所以冇去讀.

係呢我見其他好媽講緊小學,妳有冇咩心水呀?

maggie_tsui

Namson,

我巳經攞左三次啦!（１年幾次） 次次見都係只會向家長批評小朋友, 例如: 今次去,話亞囝做評估時（即係test)唔記得d英文生字,無記性, 我同老師講,佢依家只係n1,我係唔會同佢溫書。又話佢做野無恆心, 依賴性強, 等等...老實講,一個3歲細路, 專注力可以有幾強? 有幾independent?同埋佢地每次批評完都唔會比倒suggestion去幫我。我記校長講過嘉德麗幼稚園的畢業生一定適應倒小學，梗係啦，ｋ３巳經教ｐ１既野  

我鍾意培基，呂小聖小我當然希望啦，但我個囝又唔係smart果類,我唔敢ｓet 到咁高target

TPL

大家好!!!
你地果然都係出色媽媽....咁快都考慮到小朋友讀小學事....我都有想過....見你地提及小學...我都有考慮....但有一間沙官小你地好似無提過...問一問大家意見呀...仲有大抽獎係唔係跟地址呀......

Namson

maggie_tsui ,

好彩我冇讀,因為我比佢去讀係想佢過群體生活,返去有小朋友同佢玩,唔駛日日係屋企對住個工人.

係呢我發覺好多媽咪都鍾意培基,因為我唔係住開沙田,對佢認識唔多,有冇媽咪話我知佢有咩好呢?謝謝!

CrystalMok

Hi all,
生多個係我老公婆都想,一來我老公係獨生子,唔想阿仔好似佢咁,而我就其實無乜所謂,不過如果係女就最好啦!我星期一做oscar好緊張唔知睇唔睇到仔定女!
我們雖然都唔係好高收入,不過平有平養啦,最緊要開心!
我想問是否28-31/8,陪完1號就唔使陪架拿?咁我寫過個大假架拿!我個仔好怕醜,佢肯定會喊,仲肯定搞到我都喊埋一份,所以我一定會陪佢開學!你們記住支持下我呢個大肚婆呀!

WAIMAN

Hi Crystallmok,

希望你心想事成--->今胎係女 , 兩個真係熱鬧d架、開心d & 又嘈d ,不過我兩個都係仔,連埋我老公屋企真係3條king^_^。
我記得係陪佢幾日,不過前2年1/9 k1應該唔使返學,因為係k2 & k3 開課日,如無變今年都係, 還有如果打算坐校車返學的,頭幾日(28-31/8) 家長可以和小朋友一齊試坐校車放學, 通常開頭返學小朋友都會喊,你要有心理準備,我大囝o個時頭一個星期返學無喊過,但.....一星期後才開始喊 發曬脾4唔返學唔著校服,我真係好狠心咁同校車姨姨捉佢上車(真係眼淚在心裡流), 不過4日到佢又無再喊好乖上校車la,所以唔使太擔心,我細仔今年唔知會唔會喊呢,  佢依家返緊n1 我諗會好d 掛 ?, 我地一齊加油呀!!

joeszewai
你有20分都好過我得15分(五)  (首名出生子女( 5分) +   適齡的兒童 (10分) ) , 我得15分真係唔敢搏 :cry:

pat614

hi joe,

唉......日日多野做到暈, 可能頭一/兩日請下午陪桐桐返, 之後兩日姑媽揍, 但其實都好想自己帶, 都係到時至算啦 :cry:

pat614

hi crystalmok,

   , 多d休息, 祝妳生個肥妹仔

pat614

hi tpl,

原本諗住等個囡讀一年班, 就唔做, 但而家要供樓, 都冇望啦

Namson

CrystalMok,

希望妳心想事成湊夠個好字啦!

Namson

WAIMAN,

請問頭幾日(28-31/8)返學有冇校車供應架,因為妳話放學家長可以和小朋友一齊試坐.thank you!

CrystalMok

Hi all,
多謝大家的祝福!
我都好想阿仔小一唔做野,到時或者做下partime,多d時間陪佢地啦,現階段仲有好多支出,未能唔做野,供完層樓就好好多!
其實又唔想唔做野,個人好似好脫節咁,搵少少比佢地學野都
好呀!

WAIMAN

Hi Namson,

返學好似無架,只有放學時有, 不過唔知今年有無??

joeszewai

Maggie,
其實我當初都諗著報嘉德麗,n1, 但太細唔想返o廿遠  
我阿囡係愛心讀, 都幾開心, 好似番幼稚園o廿都有個評估 (我之前無expect有) 都好positive, 我要返工, 無時間成日去學校, 放本薄仔係書包, 同老師溝通, D老師係好有HEART 每次都有答, 仲係成頁紙, 交代番小朋友情況.最好玩係佢d茶點要每日DIY. 老師同小朋友一齊做.  呢間學校好有HEART同愛.  無好似話要溫習喎,  日日唱歌跳舞, 正常N1唔係應係O廿 ? 要溫書架, 咪攪啦
但佢英文就好左好多, 仲記得晒D主禱文, 99還神個日佢係到唸, 激C.

TPL,:
沙官小, 您有分多 ? 其實沙官小較遜於其他官小, 如荃灣官小, 因沙田較多人選的小學, 都係兩間呂小同聖心, 而家多左陪僑同浸會王錦輝兩間直資.沙官小我諗係位置問題啦, 所以無o廿多人選啩

Crystal
祝您生個肥b女, 您到時陪足4days, 頂得順 ? 都幾un 頂, 又熱又嘈, un 頂亞ble

Pat
取到假都慘, 返去又做到9更, 希望佢唔好喊, 如果唔係要陪多幾日, 仲大濟.

maggie_tsui

joeszewai

我報嘉德麗原因只係因為佢近屋企同埋諗住有外國人老師咋, 我問過亞囝,好彩佢依家仲鍾意返學!  但係佢話最鍾意都係果個外國人老師, :cry:

我記得之前返語言社交學習小組做評估時,d姑娘對亞囝d弱點視為係佢d性格特質, 叫我要幫佢鼓勵佢改, 仲會比suggestion我，仲教我要欣賞亞囝ｄ優點，真係positive好多。 我expect呢ｄ先叫評估

希望亞囝係ｋ１有個好開始

CrystalMok

WAIMAN,
下返學無校車咁大獲,咁我米仲要辛苦d!
joeszewai,
我係想陪足四日架,我個仔好係怕醜,希望我頂得住啦!做人阿媽無法啦!我會開始同佢講返學好開心架,好多小朋友陪佢,等佢無咁驚先啦!

joeszewai

有無人已去了school ? 我明天一早去, 費事過2日要上大陸去唔到.  
crystal, 您同囝囝講, 我地去個度係玩咪得law.  個度有野食又有野玩好開心, 返學前預早d去兜下 應該掂啩

maggie 一城係咪得番嘉德麗咋, 之前間一城kg, 好似變左老人院 ?  我始終好想搬返一城, 好方便, 但嘈d law
  
好似8月先做校服, 那麼陪太子, 公主讀書個4日要唔要著 ?

yoyohappy07

個 4 日都要著校服的

zimpy

crystal,

您大肚帶個囝返學果幾日一定好辛苦!因為8月都好熱下,
今日天氣又熱又曬,我唔係大肚婆都怕怕!

今日有無人去交左書簿費呀...

另外第日您地會買幾多件校服呀...

TPL

Zimpy,

我諗會買兩套啦.....返半日者應夠時間清冼和晒乾.....讀全日就唔可以啦.....男仔要買多條褲....女仔係唔係著裙架????好快大架...明年夏季又要做新啦....買兩套就用到盡