小一家長, 妳地有沒有喊呀?

G-Ma

Hi Heart&Moon,

我相信這裡每位媽咪都是很為子女著想, 為他們找一所合適的小學.  正所謂:"愛之深,恨之切 ", 對於他們一些不小心的錯誤而導致分數不高, 往往都很替他們不值, 繼而控制不了自己的情緒責罵孩子一輪.  其實我自己都是這樣的人, 好想每樣事情都好完美, 可以按我預計而行. 對於一些不小心的錯誤, 不要說是對著孩子,連對著我的老公也會很易動氣.  正因如此, 這幾年在bk看到很多家長的心聲, 令我更明白到找一所合適的小學的重要性.  由本來替她找名校到一間普通直資學校, 內心都掙扎了很久. 特別是身旁的朋友們都很著緊找名校, 常常想自己會不會選錯呢?  

經過兩個月的小學生活之後, 我對於這次的選擇是百分百滿意的.  在愉快的環境底下學習原來真是受益無窮, 事半功倍.  眼見朋友的小朋友日日以淚洗面, 朋友鬧得聲沙力竭, 何苦呢.  我常對朋友說我之所以可以如此輕鬆是因為我一早放下了"名"這東西, 我不要求名校, 也不會要求孩子有高分數高名次, 只要我知道她盡了力, 她學習到知識已經足夠.

退一步, 海闊天空.  共勉之!

Heart&Moon 寫道:
[quote]

G-ma :

妳都幾準確咁形容咗我呢兩個月黎既生活！   

好多謝您既資料    同埋恭喜妳替女女搵到間適合佢既學校   

  

Kittymummy

G-Ma,      

你呢段好正:
"眼見朋友的小朋友日日以淚洗面, 朋友鬧得聲沙力竭, 何苦呢. 我常對朋友說我之所以可以如此輕鬆是因為我一早放下了"名"這東西, 我不要求名校, 也不會要求孩子有高分數高名次, 只要我知道她盡了力, 她學習到知識已經足夠."

經過呢兩個月,睇左你地意見.亦學到好多嘢.我同囡囡輕鬆左好多,今次測驗我亦完全無動氣.只希望佢學習到知識已經足夠.不求高分數. 真係吾想同囡囡日日傷和氣.回想佢都只不過是6歲小朋友,要佢受到呢種壓力的確幾可憐.我希望大家正如g-ma所說 "退一步, 海闊天空. 共勉之!"

G-Ma

Kittymummy,

我有時都說易行難, 間唔中都仲會      .  所以希望同大家一齊努力, 係bk到抒發下, 返到屋企盡量心平氣和.  咁小朋友開心d, 自己又開心d.

G-Ma

Heart&Moon,

我未睇過呢本書, 唔知自己係咪1號仔, 有時間去睇睇再話你知.

ada29

今日致電給英文老師,係因為昨天小女默書不合格想了解一下,
老師反而說今次全班默書成績比第一次好,但因為小女上次都合格,所以唔明老師點解話今次比上次好,可能佢用全班來計啦,而且話有幾位同學都係因為大意反轉了來默,仲有些小朋友時常問老師點解要默書,點解要考試...其實有時自己再想想,一年級嘅小朋友,只不過得6歲,剛升上小一,但係d學校就因為間間都唔想被殺校,所以死谷學生,但係就不單學生及老師辛苦,連家長都要叫苦連天,都唔知為咩
:cry:

小燕BB

剛剛路過，睇到這個topic，very very touching!!!!    原本打中文奇慢都忍不住要露兩手。我的小B明年升小一，為找學校不知有多少個晚上失眠、半夜自動醒、留了多少淚，因我的c6不聞不問，只為自己的嗜好上網或問朋友找資料，好似個囡是別人的。看到別的家長報了不少直資/私校，我只報了兩三間，全心抽津貼，不知是否做對，只希望她會愉快的學習，學好品德，能自律，享受尋學問的過程，真的是讀書不是求分數就夠了。幸好現在她每天都能在我回家做完家課讓我檢查，如這情况能持續到p1就真的非常感恩了。

vv123

好欣賞G-ma既以下幾句:
可以如此輕鬆是因為我一早放下了"名"這東西, 我不要求名校, 也不會要求孩子有高分數高名次, 只要我知道她盡了力, 她學習到知識已經足夠.退一步, 海闊天空. 共勉之!
    
我囡囡今次測驗,中文同常識都好低分,因為我認為份卷都幾深,但也有人100,我不但沒"丙"佢,反讚佢叻,因為有d我估佢會唔識既佢反而岩左.   

lillymarie

唉! 今晚同BB溫書時又動咗肝火.......好驚佢拎隻蛋返黎. 事後又好後悔, 而家年代唔同啦, 最怕既可能唔係低分, 而係無咗學習興趣. 話明要終生學習嘛.
我諗返自己小學時都唔知學咗D乜, 只係知道無90分就要捱打. 升上中學時, 父母決定放手, 學校又用拉CURVE制, 即65-85分(大部分人)都係C 我嗰時先真正感到學習既樂趣
好想俾BB呢種只需合格既自由空間, 但自己心底裏還是用緊父母嗰套標準, 搞到自己忽晴忽雨. 好辛苦呀!

vv123

Heart & Moon,
唔好咁講,做父母邊個唔想自己仔女100分呀,有時真係會代入左以前老豆老母那套嫁,會好矛盾,但要明白有時真係要量力而為,佢地吸收到幾多就幾多,唔可以死谷.當你唔好用父母身份去睇,你代入去佢地一個6歲小朋友既角度去睇就會唔同哂,識既地方讚多d,等佢發揚光大,唔識既教多d,幫多d佢記,才是比較有效既方法.
好似今次常識考課外題,唸住佢錯哂,點知佢答岩一半,佢連特首係曾蔭權都識答,反而問國慶十月幾號,問亂拋垃圾罰款幾錢唔識答,我都無鬧佢,仲笑哂咁讚佢叻,啜返啖面珠仔,佢就好開心咁比我睇佢有2page係岩哂.係我角度佢呢份卷合格已經好開心. 人地100係人地小朋友超班囉    

G-Ma

唉! 其實我自己細時都係受害者, 又點想個囡同我一樣咁慘呀.  我小一時媽咪幫我入左間地區名小一(宜家仲係好多人爭緊入去), 以為從此一帆風順.  但呢d學校其實只係"谷"唔係"教".  返學唔夠一個月仲傻下傻下, 英文科就派張紙比你有1-2百個生字, 跟住就話要默, 所謂"教"就係讀一次比你聽, 解一次點解, 基本上大家都唔會入腦只可以死背.  對於某些較定性的小朋友可能唔係好難, 但係對於我呢種活潑好動,一直靠小聰明讀書既小朋友, 呢種教學方法真係一d都唔適合我.  結果日日比亞媽鬧, 晚晚讀書讀到喊.  教grammar都係一樣, 都唔明佢教緊咩, 亞媽又唔係好識英文, 要靠自己打天才波.

上到中學, 對住大量英文更加苦不堪言, 查字典都查到手軟.  成績叫做不過不失係中遊徘徊, 亞媽都唔敢望我考第一, 採取半放棄態度.  咁我就可以輕鬆d去參加好多課外活動, 令到我係組織, 領導能力有好大既幫助.

到後來去到外國讀書, 發現人地既教學方法同我地真係好唔同, 令到你好有興趣讀書, 好容易入腦. 結果都有幸入讀到一間唔錯既大學.

所以讀書條路係好漫長, 唔需要急於一時.  宜家成績唔係咁好唔代表一定無出息, 正所謂條條大路通羅馬, 放開d, 大家都開心d.

Mrssslui

1-2百個生字,唔係嘛,真係好辛苦喎!

G-Ma

vv123,

"係我角度佢呢份卷合格已經好開心. 人地100係人地小朋友超班囉"

      所言甚是!!! 人比人比死人嘛!

G-Ma

係呀, 直頭想死, 如果唔係都唔會20幾年後仲記住啦.  雖然d字都唔係好深, 都係apple, orange, book, telephone.....etc.  不過同一時間記咁多真係好慘.

Mrssslui 寫道:
1-2百個生字,唔係嘛,真係好辛苦喎!

Mrssslui

20個都夠多啦!仲係5倍.點記呀!
至幣係嚇親人.

Jokl

阿仔今日比老師投訴，話他心散，普通話又不好，很少小一的學生會是這樣，又話開了學２個月仍沒有改善，我心想工作都有3個月試用期，那麼２個月又如何？如他的普通話不好，她有沒有對他加點功夫呢？我覺得現今的老師很多時將責任推到家長身上，對雙職家長來說，壓力真是很大！