你們認為子女讀英中好還是中中好？

eviepa

囝囝爸 寫道:

你說家庭對孩子學業的影響力遠比學校大. 我不用研究證明, 只說事實. 孟母為何三遷, 因其能力不能戰勝環境. 家庭對學習有很大影響, 我同意, 但不會超越學校.  學生在校受教的時間長, 還是在家受父母教學長, 不說在職父母, 全職教兒媽媽或爸爸可以通天文地理, 可代替各專科教師嗎? 子女在校學到的壞言惡行, 父母要花不少時間矯正. 小學時有些小朋友把教師奉若神明, 言聽計從. 中大學時他同學講一句, 可能有效過家長講十句.  哈佛女孩的媽媽家庭教育能力算高吧, 為教好女兒, 辭去公職, 由胎教開始, 言行身教, 但如考不入重點小中學, 而至哈佛, 成就如何.  香港不乏高學歷家長, 愈高學歷, 不知是否為子女選校愈嚴呢?

囝囝爸

其實，很多在古代奉為金科玉律的教仔方法都已被現代心理學家推翻了，最經典的例子莫過乎 “棒下出孝兒” ，這句話，千百年來不知誤盡多少蒼生。

我對 “孟母三遷” 有以下的看法：

雖然在戰國時代的大形勢下，沒有孟母的幫助下，孟子根本不可能成材，但要注意的是，孟母並不是每一個動作都是完美無瑕的。在我看來，孩子課餘時，跟朋友仔玩玩買賣、出殯並沒有甚麼大不了，這跟玩煮飯仔有何分別？為何弄到要兩番搬家呢？

家庭對孩子影響大抑或是學校大是一個上佳的課題，非常希望和你繼續討論下去，不過，和你這高手過招，時間以及統計資料都要充足，否則必敗無疑，還是遲些時候有機會再和你討論吧。

Eviepa

eviepa

stccmc 寫道:
eviepa

//
很多在古代奉為金科玉律的教仔方法都已被現代心理學家推翻了
//

孟母是為孟子選合適的生活環境。  學習是生活經驗的慮積。  生活環境對孩子的影響很大, 這是不容置疑的。  過多三千年也不變 (除非將來有科幻片的 memory implant)。

stccmc,

如果家裡附近是白粉竇、黃色架步，那麼無論付出任何代價都要搬家。但問題是，孟母覺得以下不能接受：

1. 住近市場，愛兒和朋友喜歡模仿小販買賣貨物
2. 住近殯儀館，孟子愛和鄰居玩葬禮

但當家住學校旁邊時，小孟子又和朋友仔玩返學，這回，孟母卻笑逐顏開了。

但其實，無論課餘後玩買賣、殯儀、返學、煮飯仔都只是消閒的方式，根本與學術無關。

如果孟母來到現代香港，想必是個催谷媽媽，不許小朋友看電視、打機..........每天只許讀書、補習..........。當然，催谷成功的卻也比比皆是，孟子只是古代之一例而矣。

Eviepa

eviepa

stccmc 寫道:

要討論這個, 孩子的年齡是一個重要的參數。

相信不少人會同意:

1. BB班/幼稚園學生的學習九成以上是家庭的影響。

2. 大學生的學習九成以上是學校的影響。

3. 由小學到中學, 家庭的影響力續步下降。

我認為在初中, 家庭的影響力迅速下降。

很同意這個分析，但我覺得就算在中學，甚至在高中，家庭的影響力也比學校大，不過我須時間去搜集資料才可再談下去。

Eviepa

judy

stccmc 寫道:

要討論這個, 孩子的年齡是一個重要的參數。

相信不少人會同意:

1. BB班/幼稚園學生的學習九成以上是家庭的影響。

2. 大學生的學習九成以上是學校的影響。

3. 由小學到中學, 家庭的影響力續步下降。

我認為在初中, 家庭的影響力迅速下降。

反對，孩子由細至大，都受到一大因素影响: 錢。

無錢的像我，只能花很大很大之心機，心機也是錢，只是孩子小時，你的心機之幣值大點，到孩子大了，你的心機越來越不值錢，只能求有識之士幫手。

sorlo

囝囝爸 寫道:
Eviepa:

你担心的英語和升中接合問題.  分享我囝囝真實個案.

囝囝今年升中, 派到一間好英中, 開學以來,  在英語授課各科上都適應. 我因不想在中學之始給予壓力, 功課全由囝囝自理, 從不過問. 間中有一二次他問過我有關常識英數題目. 派回來分數也不錯, 也得過老師讚許,  不過, 囝囝說有不少同學功課不合格, 相信是適應過渡問題.  上課時講到較難的英文詞彙老師也會附以中文解說.

囝囝小六程度方面, 我是一個求學不求高分數名次的人. 除小四開始學公文英未有補習.  囝囝不愛閱讀, 但學校學得好, 中英文字彙足. 中文已足日後所需, 在香港環境下會隨歲月進步.  囝囝自小和菲傭說英語, 英文基本表達寫講聽沒問題, 當然有文法錯誤. 他今年暑假看了 The Chronicles of Narnia 第一集 The Magician's Nephew.  入到一間好學校, 如加上努力, 到中學畢業時, 相信會達到足夠中英語能力.

家家有本不同的經, 傳統這本經適合我較為散漫的兒子.  揀學校不要硬說英中中中誰好, 傳統活動誰合.  或持著偏見一定是填鴨或放任.  傳統量多為吹谷, 活動量多為放任, 但何謂適中, 要因應不同能力環境.  名校第一可能讀得輕鬆, 劣校第尾可能谷極不能.  所以高分高能亦不少, 低分低能者或更多. 傳統學校, 加上適當溫習, 在香港考試制度下在學習較為有效.  新校摸著石頭過河, 成效未見, 但不少這類學校也走回操練成績方向去, 屈服於這個重視成績的教育體系中.   

學校很重要, 不是個人或父母能力可超越. 你說中英學校英文程度相差一個grade, 你的想法大錯特錯, 英中和英中也可差幾個grade, 英中中中會如何?  有些中一可讀 Harry Porter, 有些26個字母都未識齊.  五六年經不同程度形式學習, 有靠吹谷有靠自覺, 會有分別, 好學校和差學校更大差別.  所以如你有一位愛閱讀學習女兒, 入到好學校, 可能如魚得水, 鯉躍龍門, 更上層樓.

我既經驗係, 我個女響小學, 係英文拔尖班，　但係中文同數學表現就一般，小學到依家，　都不喜閱讀　依家中一升到間地區英中，　我個女一樣係 "開學以來,  在英語授課各科上都適應, 英文數學科成績中上，也得到老師讚賞"　其他科也有不及格，　我都為免給她壓力，　所以功課溫習，　除了比點溫習技巧外，　一切都由她自理，　雖然好多同學都係未一時適應過渡問題，　但係依家過左一個月，　個個同學都好輕鬆地談英文，但係家長會時校長都比左支強心針我地，　話雖然中學 5 band 轉3band制，　令學校收生可能質素未及以前好，　但係整體合格率只降少於0.5% 但係優良比率郤上升,　而全校超過99%係全科包括中英數合格既

最重要係，　呢所學校係　”不收外來學生”既，　即係話全部學生，　若果成績達標　都係原校過渡到中五，　所以會考成績大部份反映到學校既功勞.

同應同 ”學校好重要，　傳統這本經適合我較為散漫的女兒”呢二句，　我覺得學習氣氛好重要，　而唔係中中定英中重要，　各位家長一齊努力啦

judy

我最近患了抑鬱症, 仔仔上了高中, 明顯和我斷絕了90%"母子關係", 很失落, 以我的例子, 是學校的影響力比家庭的大很多很多, 亦同意stccmc 所說, 由小學到中學, 家庭的影響力續步下降.

wunma,

你比我啲，仔仔上了高中才和你斷絕了90%"母子關係", 我和阿大去年起已少了來往，他有沒有功課，有沒有測驗，多少分，我都不太清楚，他興起就跟我說，佢同我說時我要把握機会，留心聽。我同佢講嘢也要找對時機，有時他會說:"你又要發表你嘅偉論啦，不過我唔得閒噃"，跟住將我推出門。

阿二豆丁咁細，同佢去学校見先生，佢會係路上千叮萬囑:"唔使同先生講我平時啲嘢知唔知，如果先生講我啲嘢，最好就啊啊咁就算啦"。

好彩仲有阿三比我任點。

sorlo

傾傾下就傾到變左家庭問題，　雖然我漸漸接受左小朋友去到中學，　個圈字都唔會只係痴住父母，但係都好無奈，開家長會時老師再三叮囑我地唔好同子女響初中時關係變差，　所以我依家就變左天使，　真係唔知岩唔岩~~~

judy

sorlo 寫道:
傾傾下就傾到變左家庭問題，　雖然我漸漸接受左小朋友去到中學，　個圈字都唔會只係痴住父母，但係都好無奈，開家長會時老師再三叮囑我地唔好同子女響初中時關係變差，　所以我依家就變左天使，　真係唔知岩唔岩~~~

sorlo,

到咗初中，朋輩之影響比家庭大好多。所以對此題目:"子女讀英中好還是中中好"，我真係冇idea。

但如果改一改題目："用甚麽教育語言更能令孩子得益最大？" 我估我一定會話係母語教学。

mothershares

Eviepa,
我重未睇神鵰呀．

一路有看此topic，對我好有幫助和啟發，多謝各位好爸媽．

本人比較認同囝囝爸的意見．

由於在育兒上自知不治，所以近日修讀了一個兒童成長發展心理學課程．導師係一位資深的社會科學心理輔導學碩士，現職有關幼兒工作�治療師．提及他的背境不是想吹噓佢幾咁猛料，只想話佢講既嘢係有理據，有值得參考的價值．有一天有同學問到類似"孟母三遷"的問題,引伸到區域選校的困擾，導師提到將軍澳係一個比較高危但被忽略的地區（因為此區比較中產，家長教育程度一般較高）原因有４：１．但凡一個無歷史包袱的地區，都係社團可以埋手的地方，２．由於此區人口正急速澎漲，又多小家庭，是青少年聚居之地，亦係社團有興趣的發展地，３．該區社工與人口比例目前係全港最少的，因此支援較慢，輔導工作較困難．４．學校較新，基礎較薄弱．社署亦有密切留意該區發展．最後佢話做父母的要小心孩子青春期的交友，成長．學習環境不容忽視，孩子青春期有許多不能預計的事情會發生，朋友是佢地溝通的首要對像，父母往往是最後的援助，因此同學的質素係好重要．孩子由０－３歲係無律期，以自我為中心，４－６歲為他律期，亦係家庭教育能發揮最好效用的時期，要好好把握將正確人生觀，學習態度等灌輸比孩子，７歲後是自律期，基本上小朋友巳發展了一套個人價值觀及自我形像，父母的影響力將會愈來愈下降．即係唔聽你支笛．因此要常常保持與孩子溝通，學習接納佢地既意見，成為佢地既朋友之一（例如選校上都要問下佢地意見，喜歡與否，當然父母不是放手不理，兩者情況不同，不必再在此問題上糾纏）．

如果只在教學語言上選校，真係無得講下去，尤其對一些好閱讀，語文基礎打得堅固的小孩子而言，讀中中還是英中更加問題不大．

名校之所以成為名校，實在有許多因素，名校的師資，學生質素，教學理念都係成為名校因素之一．當中以英中佔多數，而當中以教會所辦的學校為表表者．

建議選校前實地觀察該校學生之裝扮，言行舉止，亦不防厚顏地訪問該校家長，問佢地對學校之評價等．

sorlo

mothershares 你講既野好鬼正，　我曾經為教導小女既問題而煩惱，　但係上左bk傾下傾下，　發覺好多問題都解決得到，效果亦好好，　多謝大家   

TWMa

到咗初中，朋輩之影響比家庭大好多。所以對此題目:"子女讀英中好還是中中好"，我真係冇idea。
但如果改一改題目："用甚麽教育語言更能令孩子得益最大？" 我估我一定會話係母語教学。

冇錯, 揀學校, 考慮的不只是教學語言問題.

October.

wunma 寫道:
如果佢唔係咁乖, 讀書又唔使我粗心  

wunma

我求神拜彿, 都係望lee兩樣野, 仔女漸漸大漸漸獨立, 阿媽好失落架, 齺鳥終有離巢的一天.我地點都要慢慢適應. 我朋友個仔仲誇張, 小六時, 佢阿媽第一日送細佬返學校(同一間小學),  佢同阿媽講係學校見到,千祈唔好同佢打招呼., 激到我朋友彈起. 我覺得囡比較貼身,可能會好小小掛.

eviepa

[quote]
wunma 寫道:
離了題, 對不起eviepa, 借個位呻

eviepa

mothershares 寫道:
將軍澳係一個比較高危但被忽略的地區（因為此區比較中產，家長教育程度一般較高）原因有４：１．但凡一個無歷史包袱的地區，都係社團可以埋手的地方，２．由於此區人口正急速澎漲，又多小家庭，是青少年聚居之地，亦係社團有興趣的發展地，３．該區社工與人口比例目前係全港最少的，因此支援較慢，輔導工作較困難．４．學校較新，基礎較薄弱．社署亦有密切留意該區發展．最後佢話做父母的要小心孩子青春期的交友，成長．學習環境不容忽視，孩子青春期有許多不能預計的事情會發生，朋友是佢地溝通的首要對像，父母往往是最後的援助，因此同學的質素係好重要．

mothershares,

這專家言之有理，小女會在將軍澳就讀中學，真的要小心了。

Eviepa

nichola~css

我係啟思中學的學生家長,係英文中學,band 1尾至 band2, 今年係第一年,有好多活動架,我覺都好好,有得考慮!!