富安威寶的家長, 入黎交流吓啦

ktmama

Hi, Giann728
放咗三日假, 仔仔同我講話今日喺星期一唔駛返學喎   , 小朋友都會有 holiday mood     , 跟住我同佢講第二個話題, 費事佢扭計  

點呀, 你搵返女女本 phonics 書未呀?

ktmama

HI, QKHUI
你近來點呀, 仔仔功課多唔多呀, 就黎評估啦, 唔知 d 問題難唔難呢  

今個星期五中秋節, 你會俾仔仔帶嘜食物返學校呀?

giann728

ktmama,
我仲未搵到本phonic書呀，今朝寫左紙仔比Miss Wong啦，問吓佢學校會唔會有，又或者可唔可以補購﹗

係啦，仲有兩個星期就做評估，我都未開始同個女溫書添，都唔知佢識唔識﹗

你仔仔好叻呀，知道邊日係星期一，我個女唔識架，我地叫佢返學就返，唔叫佢就唔翻架啦﹗  佢上星期六竟然問我駛唔駛返學，顯然佢都唔知邊日打邊日﹗

giann728

ktmama,
咁你又會帶咩返學校呀??  你知唔知要帶幾多份量呀??

ktmama 寫道:
今個星期五中秋節, 你會俾仔仔帶嘜食物返學校呀?

ktmama

Hi, Giann728
我諗住俾佢帶個月餅同火龍果返學校同 d 同學仔一齊食囉. 月餅應節o麻, 不過或者會買低糖 ga, 因為健康 d 麻.

話咁快又中秋節, 再過多二個月又聖誕節, 跟住又農曆年, 時間真喺過得好快. 人都老快 d  

littleppooo

Hi, Ktmama

妳o既小朋友係唔係都係讀幼兒園ga?讀緊咩班ga?佢讀得開唔開呢?

可唔可以同我分享多d幼兒園入面0既0野呀?學習環境...老師...活動...學習...我都好想知多d呀...thx!!!

giann728

Ktmama,
我尋晚問女女想攞咩野翻學校，佢話要月餅喎，不過，我都打算比多個洋桃佢﹗

尋日我女女又有新歌仔，咩你一個時我一個，叫佢唱多d又唔肯唱，你仔仔最近又同你唱左咩歌仔呀??

giann728

Hi littleppooo,
其實我女女上年都係響威寶讀幼兒園架，我覺得d老師比起幼稚園細心好多，有時我女女響屋企撞親頭仔瘀左，老師都會打黎問我發生咩事架﹗  

不過，可能幼稚園要訓練小朋友獨立，所以先無咁照顧周到。翻左幼稚園後，我係覺得初初開學時有少少混亂，依家上左軌道都ok架，我女女仲日日提住班主任個名，仲話鐘意依家個班主任多過以前果個添喎﹗

ktmama

Hi, Littleppooo
我個小朋友上年讀佢哋 ga 幼兒園主流班.  佢讀得好開心, 好鐘意個班主任 ms chow, 成日都會提住班老師的名.  

佢哋好有耐性, 愛心同細心.  因為仔仔本身好怕羞又好痴身, 但佢都好跟 ms chow 同聽 ms chow話囉.

佢哋個班房好大, 好清潔.  廁所都好衛生好清潔.

每日都會有英文堂, 而英文就由外籍老師教囉.   平時都教佢哋 d 中文字的讀音同字義, 數學方面都有教 1 -10 的數同量, 圖形同顏色都有教.  亦會教佢哋一 d 自理能力如著衫褲鞋襪, 刷牙, 自己去廁所, 亦會教一 d 關於德育的觀念, 講真, 佢真喺喺度學到好多嘢.

活動方面, 可能始終都喺幼兒園, 所以唔喺太多, 上年學校的親子旅行就去咗音樂農莊玩. 不過我又覺活動多唔多都唔緊要, 最緊要喺小朋友真正 ga 得著.

佢哋幼兒園同幼稚園都有自己 ga playground. 呢點我都好鐘意, 因為佢哋可以有多 d 活動 ga 空間麻.

佢哋今個月有開放日, 你可以試吓帶小朋友去參觀吓, 睇吓個小朋友鐘唔鐘意都好呀.

ktmama

hi, giann728
我都有同感, 就喺幼兒園 ga 老師細心好多.  而幼稚園就比較嚴謹.  不過都不失為一件好事, 始終小朋友都要學習獨立, 對佢哋 ga 將來會好 d, 同上到小學都易適應些.  


我仔仔呢二日都喺度唱造房子 ga 歌仔. 有時又會學吓 d 老師講嘢, 但都喺唔自動自覺去溫書 , 所以間中播吓學校買返黎 d vcd 俾佢聽吓, 希望有幫助啦.

你俾女女帶楊桃呀, 都好呀, 始終生果都健康 d.

giann728

ktmama,
你隻係咩vcd黎架??  學校有得買咩??  我個女都無溫書架，係肯做功課架咋，問親佢老師教左咩都話唔知﹗   

我個女無唱過造房子喎，今晚翻去問吓佢先﹗   

ktmama

Hi, Giann728
咪就喺開學時同學校訂的 longman 的 vcd 碟囉.  嗰二套我都買咗返黎, 每日都會論流播俾佢睇.  其實都幾好, 我特別鐘意嗰套 phonics, 因為順英文字每教發音, 小朋友較易掌握.

有時 d 小朋友喺唔肯講 ga, 好似仔仔咁, 佢有時都喺咁 ga. 都要睇佢心情, 好就講多d, 唔好就問都唔準問  

個確實歌名都唔喺太記得, 但就同造房子有關 ga.

點呀, 本 phonics 書搵唔搵到呀 ?

littleppooo

HI, giann728 and ktmama,

多謝您0地0既分享呀...我始終覺得家長們0既分享先係最真實...最實實在在...thx a lot!!!

聽到您0地兩位都分享話幼兒園d老師細心...咁我都安心d...因為始終囡囡都好細...我希望老師會可以細心咁照顧佢...

um...對於個playground...我同囡囡都好鍾意...成日經過0既時候都會同囡囡望0下d小朋友玩...d 小朋友都好得意...會主動同囡囡打招呼...say hello...而且我仲見到有外籍老師同小朋友一齊玩...佢0地玩得咁開心...連囡囡都好想去玩呀...

不過對於校舍入面0既情況我就唔係好知...因為真係未入去睇過...所以如果可以...我都會帶囡囡去開放日...不過會係邊日呢!?如果您0地知道0既話...可唔可以都話俾我知呀...我希望有機會入去睇0下...

嘩...原來0係幼兒園入面仲可以訓練咁多自理能力...e...咁都幾好喎...起碼小朋友都可以學得獨立d...由於我0地要返工...好少有機會陪囡囡...都主要係傭人帶住囡囡...所以我希望佢可以返全日制...可以識多d朋友仔...又可以學得多d 0野...因為我有朋友都同我講話佢個小朋友都係返幼兒園...雖然少功課...但返學返得好開心...同其他小朋友同埋老師d關係都好好...

我睇見話幼兒園d老師見到小朋友瘀0左...會打電話俾家長問候...咁都好似幾好...好負責任...而且都好關心小朋友喎...
係呢...我想知點解會認為幼兒園d老師會比幼稚園d老師好呢?

thx for ur reply...!!

ktmama

Hi, littleppooo
佢哋 ga 老師都好好, 只喺幼兒園 ga 老師需要特別小去照顧班小朋友, 因為佢哋 ga 年紀全部都好細, 所以無事無大小都會同學生家長聯絡.  而幼稚園 ga 老師亦好好, 只喺佢哋需要俾返 d 紀律班小朋友, 所以唔會好似幼兒園嗰邊咁寛鬆囉. 因為要教識班小朋友守紀律麻.  同埋要教識點同人相處.

我知佢哋今個月有開放日, 你可以打電話去問吓佢哋呀. 都時有問題, 亦可以問吓 d 老師麻

tel : 2642 6033

littleppooo 寫道:

我睇見話幼兒園d老師見到小朋友瘀0左...會打電話俾家長問候...咁都好似幾好...好負責任...而且都好關心小朋友喎...
係呢...我想知點解會認為幼兒園d老師會比幼稚園d老師好呢?

thx for ur reply...!!

giann728

Ktmama,
哦~~  我知邊隻VCD啦，因為我屋企有套phonic kids同埋leapfrog phonic，所以我無買到呀﹗

原來你仔仔都係咁，真係唔知佢地幾時心情靚﹗   

我尋晚無問到我個女有無唱首歌呀，佢尋日又無訓晏覺，有少少扭，我一早趕左佢上床訓啦，故事書都無睇呀﹗

本phonic書無左下文，Miss Wong都無覆我呀，唔知點呢??   

尋日女女攞左份禮物翻黎，原來我地個親子燈籠攞左優異獎，好想返學校睇吓影吓相，不過要返工﹗

giann728

Hi littleppooo,
我女女上年返幼兒園，老師日日都打電話黎同我報告架，都打左幾個月先慢慢減少，所以我覺得幼兒園比教關心小朋友，起碼佢有留意我個小朋友先可以日日同我報告﹗  而且，老師好錫我個女，成日會私底下用手機同我個女影相，跟住email翻比我架﹗  上星期，我地響沙田一城離遠見到以前個老師，老師叫住我個女個名好開心咁衝上黎，好似久別重逢咁，幾攪笑架﹗

而幼稚園，我女女返左兩個月啦，我只係收過老師兩次電話，仲要兩次都係因為話我個女唔見左本書而打比我，有本就已經搵翻啦，另一本到依家都無左下文﹗不過，我知道好多學校都係咁，因為要訓練小朋友既獨立能力，小朋友要自己執書包，有時可能會比其他小朋友攞左本書都唔出奇﹗不過，我個女又好buy呢位老師，成日提住佢，最緊要係個女返學開心者，所以我都覺得唔係大問題﹗

bigbighei

hi hi 各位mami,

明日學校開party, 老師話要帶d小食物學校, 因為仔仔剛剛先開始返幼兒園, 所以都唔知帶d咩好, 有冇好提議呢?    

giann728

Hi bigbighei,
我幫女女準備左冰皮月餅同埋洋桃，不過個洋桃好似幾重吓，睇吓佢聽日攞唔攞到先，攞唔到可能帶個梨﹗

bigbighei

hi giann728

我諗楊桃都幾好喎, 起碼冇核! 我本想諗買提子,但係又怕有核,水晶梨又怕涼!

ktmama

Hi, Giann728
我琴日返咗去睇佢上次開 birthday party 既相, 但無影到我仔仔, 聽其中一個家長話可能只喺幫嗰 d 生日 ga 小朋友影相, 其他嗰 d 就無. 講真有少少失望,  不過諗落都啱 ga, 佢哋幼稚園有咁多班, 可能真喺唔夠時間影, 只喺可以幫生日的小朋友影相都唔奇.

我仔仔又喺攞奬呀, 我琴日都返去睇吓, 順便睇吓其他小朋友 d 作品, 跟住我發現咗原來你女女都有奬呀, 真喺開心.  唔怕啦, 雖然返唔到學校睇, 但你明晚可以黎新港城附近個公園, 即喺新港城三期海皇魚港對面個公園睇呀, 因為佢哋會俾文康處黎展覽麻  

琴日收到老師通知, 話要帶 5 個 芋仔返學, 所以今朝仔仔就攞咗 2 個迷你冰皮月餅, 5 個芋仔同一個火龍果. 都幾重, 所以我同佢攞住, 到課室先俾佢攞去交俾 ms wong.

我個仔仔琴日又喺唔瞓覺, 因為去咗婆婆度做節, 結果未到 8:00pm 就喺婆婆度瞓咗. 攪到 d 舅父返到黎都無得同佢玩.