屯門幼兒園介紹

sophyma

Carmenbeta, Candybarhk, Denise_Chan,

我轉唔到上午班呀! :cry: 今早致電學校我話有家長說可轉到一三五上午班, 是否仍有位, 佢話其寳已full, 只是昨日那位老師誤以為仲有位才應承了那位家長. 都唔知係咪?

另外, 老師說現時上午班有10位學生, 下午班有6位學生, 同樣由2位老師帶領, 最多每班可收12位學生, 但怕小朋友初次上課不適應, 故不會收盡12位, 以方便照顧.
老師話如果到時開學一個月後情況許可的話都可以轉, 但我都不寄厚望.

平時囡囡早上7:00就起床, 下午1:00多睡午覺, 我想囡囡讀上午班多D, 所以St Peter得番下午班我唔報, 4:30p.m放學坐車返到屋企已經5:00p.m. 好晏了.
點知報拔臣又係得番下午班, 諗住3:15p.m放學都唔算好晏先報, 希望囡囡到時唔好"hop"眼瞓啦!

sophyma

统計吓9月將會讀拔臣1,3,5上午如下:

1)carmenbeta-----------知行
２）ｃａｎｄｙｂａｒ--------------番薯仔(皓然)
3)Denise_Chan----------世桓

得我一個讀拔臣1,3,5下午
1) sophyma--------淳淳(Richelle)

sophyma

niklaus903,

洪寶仔記性好, 我諗佢將來讀書實好叻!
我的囡囡現在都認得26個英文字母, 及識clock, bird, tree, blue...但讀的時候發音都係差D.

句子就未識講, 最多都係講: BB覺覺, 俾BB等3-4個字的說話.
好羨慕妳請了個好工人, 我2年唔夠換3個工人, 而家呢個做咗5個月話嫌湊BB辛苦唔做, 我巳經去揀第4個工人了. :cry:

sophyma

CarmenBeta,

我報Jennifer的playgroup, 佢係send email給我通知入HSBC的account, 而KK的playgroup, 佢就p.m我入HSBC 的account.
其實KK就係BabyKingdom 屯門區媽媽會->自組playgroup Topic 內的corinnax.
KK話27/8的playgroup會有造型比賽.

CarmenBeta

sophyma,

其實讀下午班都幾好, 小D學生老師照顧得好D, 但上午班時間好用D, 不用擔心, 希望開學時學校批淮妳轉番上午班囉!

sophyma

CarmenBeta,

我諗好難可以轉到上午班, 我覺得老師只是氹我.
唔記得講, Baby sky的playgroup係可以Daddy & Mammy一起出席的.

Denise_Chan

sohpyma,
我都係因為亞仔下午1點幾睡午覺,所以唔報st peter 既n.1. 當初連拔臣都無上午班,所以啟思貴d都想報.
你唔使擔心,我唸到時d小朋友習慣左,老師易handle,你就可以轉上上午班啦 :wink:

Denise_Chan

niklaus903,
你就好啦,個姐姐咁好,要搵個好姐姐真係唔容易架.
我屋企人就係擔心d姐姐唔好,所以不停叫我自己湊小朋友.

gogoblue

all mami,

你地仔仔囡囡好叻...識得A-Z, 我個囡一個字都唔識,連動物都係識一兩樣ja.就連生果都唔多,最叻係"食橙",乜都加個"食"字係前面.不過佢就識講好多野囉..有問有答.但係問佢叫咩名,幾多歲,呢d最基本就唔識. 反而問佢食唔食飯飯,佢會答"唔食,飽飽呀". 問佢d野係邊,就話"無呀,唔見咗呀".
睇黎我都要開始教佢認吓字先得勒...我呢排都有教佢認color,不過佢紅,橙,黃,綠,藍都唔識,全部都係"色色". 我買咗好多書同a-z既玩具,我應該點教佢好呢? 我諗住去bb展買phonics kingdom 比bb聽,唔知佢聽唔聽呀.

Denise_Chan

gogoblue,
我都係比phonics kingdom亞仔睇架,我覺得亞仔都幾肯睇.佢最鐘意係教寫字嗰d "do~~do~~~"聲     

gogoblue

Denise,

我個囡唔鍾意睇tv架...係佢唔鍾意坐定定先岩.不過一做15,16,佢會好大聲咁講15,15. 做神鵰個時,又會講"姑姑".我買過d兒歌vcd比佢...佢無興趣睇,我叫佢唱歌歌..佢係到dadadadada咁囉.都唔知佢唱乜.

all mami,

我今日打咗去約新一代參觀,但係我唔記得問佢有冇n1tim...請問你地知唔知呀? thx~!

Denise_Chan

gogoblue,
佢地有n1架 :wink:  :wink:

gogoblue

denise,

thx ar~! 但係我唔見有人講新一代既n1....最多人講都係啟思&聖彼得... 我打算參觀完覺得ok都會報呢間.不過我諗多數ok..因為我乜都唔識.

niklaus903

sophyma, denise,

我都自覺lucky, 第一次就請到個好工人 (so far ), 佢在外地做左10+年工人, 所以比較smart (我估呢個係原因), 加上佢既性格都好好, 其實請工人真係好講彩數, 揾到個好既, 可能開心過中六合彩

洪寶仔睇phonics kids (phonics kingdom既舊版 ~ 平好多, $2xx only), 佢好鍾意睇, 成日跟住讀, 佢而家都識a-z, 姐姐教曉佢one-ten, 我地就教1-10, 而家學緊11-20.  我地除左教佢講自己個名, 仲教曉佢講爸爸媽媽個名同埋住係xx花園, 有媽咪話原來  in k1時會問

你地講既拔臣同新一代係咪都係n1 or playgroup

gogoblue,
聽人講啓思真係太"creative", 三年都唔需要學寫字, 程度比較淺 但活動教學既又會適合d坐唔定既小朋友

sophyma

niklaus903,

洪寶仔好叻呀！我個囡教極都未識講自己個名, 莫講話識答幾多歲, 住邊度等更深的句子.
每次問囡囡妳叫咩名, 無論用中文or英文問, 佢只答My 或者My Name, 跟住就講唔到. :-|

我都驚到時考K1佢唔識答問題, 又或係小朋友一group的形式考試, 佢鬧/打其他小朋友就幣啦! 佢好惡, 以前返啓思playgroup時曾經同大佢半歲的男孩子打交.

我哋講緊拔臣幼稚園辦的學前遊戲班, 家長不能陪同, 一星期返二四 or 返一三五, 每次2個鐘, 好似返學咁, 要帶書包, 手冊, 杯, 毛巾盒等, 但不需穿校服及沒有書本.
我哋幾位都係報了一三五班, $950←個月, 另外每學期$430材料費.
我諗住囡囡返得好的話就11月不插班讀N1, 一直返到出年.

niklaus903

All mami, call me nik 簡單d

我以前都冇唸過比阿仔番全日, 但老公想佢多d時間係學校學野, 好過番黎對住姐姐

candybarhk

我個菲傭都係外地做過女傭(在黎巴嫩三年), 捱得苦, 我專登簡個出過國的, 唔洗點教佢, 淨係教佢煮餸(一個月就掂), 不過"醒"得滯又驚, niklaus903講得很對, 揾到個好既, 可能開心過中六合彩

今日囝囝發燒 , 剛剛帶佢睇完夜診, 本來諗住星期六帶佢打水痘針, 又要延遲一個星期啦

請問各媽咪知道幼稚園的報名日期未呀?  面試會否星期六的?

candybarhk

nik,

今日終於收到st.peter 的通告, 8月29日家長會我又要請假, 我囝囝出年一月會插班讀半日n1, 好彩一月時都會有適應期,我已交了學費$1515(留位費), 未有通告交書簿費, 到時見啦!

gogoblue

NIK,

我個囡真係坐唔定,我呢幾日開始攞本書出黎比佢睇,教佢認生果,動物,條友仔淨係攞本書黎"揭",無耐性,跟住走黎走去.結果一個都認唔到.不過我梗係想佢做功課,學寫字啦.雖然活動教學係好,但係唔學寫字&讀書係唔得架.

ALL MAMI,

你地對新一代N1有咩意見呀??

Denise_Chan

candybarhk,
你唔係唸住繼續讀st peter咩? 你唸住報邊幾間?