有冇讀康盛花園比華利國際幼稚園的媽咪?

PRESTONMOM

hi 各位,
唉!希希係車到見就呢返到學校..己經開始猛憎呀  
佢第１個返到課室,可能見無其他小朋友係到,放肆咁喊到七彩呀。好似越來越差咁     
昨日早上都無今咁勁！！

hi ruby,
你個仔都幾攪笑喎. ..食ｄ古老野...不過幾好呀..健康過d汽水薯片好多...
係呀...我個仔同 ivyho & garytai 個仔一班架......佢哋班４個男仔１個女仔....嘻嘻..希望唔好爭女仔啦...   

hi garytai,
謙謙今日開學開唔開心呀? 因為希希勁喊,所以要快快走人,見唔到你地添！

hi ivyho,
彥彥今日搭校車順利嘛？ 彥彥真係好叻仔 呀  

hi mangkwan,
睿珈今日好叻女..我見佢自己行入去老師到拖住入課室...好主動呀...希望希希快d學吓。

bye

ivyho

Hi all,

終於所有同學番哂學la.     

garytai,
係呀, 彥彥要搭校車la, 如果可以, 我都想接送加彥放學.  :cry:
我都諗住遲D(可能NCB班)俾佢讀全日, 我今日入去偷看仔仔時, 見到謙謙係到遊蕩, 我(裝)下(裝)下, 佢又(裝)下(裝)下我, 好攪笑! 不過我好快走咗, 驚整喊佢, 今日第一日番學, 順利嗎?

Prestonmon,
係呀, 我入去(裝)下仔仔時, 見到希希喊緊, 不過不是太厲害, 都想收聲, 但拖住唔放果隻, 佢應該好快適應架啦. 而彥彥今日搭校車係勁喊&叫媽媽(好淒厲果隻 ), 校車上面佢無個識, 梗喊啦, 無辦法下, 我唯有跟車law, 下星期靠佢自己la, 喊都要忍心d走.

ruby,
係呀, 彥彥座前面, 不過ee無閒特別看護, 佢要每站接小朋友, 幫佢地扣安全帶,又要點名, 又要數人數, 點完都到學校lu, 所以要靠佢自己扶實, 行山路時都有少少拋拋哋架.:cry:   :cry:

mangkwan,
唔知邊果係睿珈tim, 因有4個女仔, 下次有機會望真d先。

garytai

hello 各位,

今日第一日返番學, 我臨走時佢便哭了幾聲, 不過放學後 Ms 莊及何主任都話佢定左好多, 仲話小朋友大一個月都差好遠, 我估謙謙係呢班最大個的, 明天佢就足22個月, 還有兩個月便升n1....謙謙放學後仲好興奮, 見到我仲跳哂舞   

Prestonmon,

係呀, 小朋友初初返學都會見到學校好忟憎, 記得謙謙之前係未到就哭定先, 不過好快佢就適應過來, 雖然現在未叫做好喜歡返學, 但至少也樂意....慢慢來啦, 希希一定得 , 今日帶謙謙返班房見到一個小朋友, 得兩隻牙仔, 果個係咪希希? 我見莊老師抱住佢, 謙謙見到人地哭佢又哭, 一見我走就更加哭得厲害...  

ivyho,

我臨走時見到彥彥入到班房眼紅紅係咁叫媽媽, 好可愛...佢有冇俾謙謙蝦呀

其實謙謙上k1時都考慮俾佢返全日...

ruby

PRESTONMOM ,

係呀.. 我仔d性格好老餅架.... 食埋花生, 龜零膏果d...... 不過個樣仲係好bb... 真攪笑...

你地班4男1 女??? 嘩... 你地都好犀利喎.... 咁都可以o向bk 撞到    另外果個男仔, 唔知係咪其中一個老師既囝囝呢??


ivyho,

搭校車....... 乜有安全帶咩?? 我囝囝之前都轉過幾架校車喇... 不過架架都無安全帶喎......  唔洗擔心架... 小朋友好快習慣, 同之前返學一樣, 囝囝一上校車,  你就走喇... 唔好ee不捨.... 我囝囝第一日都喊到七彩... 之後就成日話搭校車好玩.... 我從囝囝口中知道, 校車ee要佢地一坐好就自己渣實前面個扶手.... 我囝囝而家同我地出街, 都會自動渣實架... 可能習慣左啦  


希望各位小朋友都有個好既開始啦    

Ravyma

-

PRESTONMOM

hi ruby,
花生對小朋友來講係好危險既食物..因為小朋友容易哽到,你最好睇住佢食喎!!..花生,及豆類遇到水會發大架，所以如果哽到會哽塞氣管。我都係之前睇報紙有小朋友哽到我先知。而家去酒樓見到花生都即刻拿開...最怕萬一。
..係BK真犀利...好多媽咪都上來heir 吓...  
另外果個男仔佢唔係老師既囝囝....

hi garytai,
係呀...個個就係希希啦.   佢共得10隻牙仔喳呢排唔知做嘜.    ..呢2個禮拜開始成日咋嬌呀....成日要我抱佢... 今日放學時...見到我都即刻冲過來想喊啊...
不過Ms Chong話佢上堂時就無扭...
謙謙認得ms chong 嘛? 而家謙謙係呢班既大哥啦.

hi Ivyho,
彥彥巳經好醒..祇是喊吓...如果係希希...一定扭到七晒彩呀..唔肯坐定係位架...  
得閒..真係要請教吓點教希希        

garytai

係呀, 謙謙係呢班的大哥 起bk可以識到哂d同學仔都覺得好犀利 不過, 我仲未見過女同學, 唔知下次返學可唔可以見到呢?

另外, 班中那個叫賢賢的是另一個老師的仔仔, 之前都有人講過, 我也多口問過是真的, 不過那個小朋友也很乖....

唔怪得之今日放學後何主任及莊老師不斷讚謙謙定左好多啦, 我估係因為佢係全班最大, 自然定d啦

ivyho

Hi all,

garytai,
mud有個小朋友叫賢賢咩?會唔會已經升咗班啦? 何主任話歲半班得5個小朋友咋wor, 仔仔既媽咪我哋都識晒la bor, 有謙謙, 希希, 培培 & 我個仔彥彥. 剩係唔識女同學既媽媽咋, 星期五果日我好似見唔到個女仔tim.
另外, 好似培培同謙謙都係同月出世架, 最細應該係希希(唔計女同學).

Prestonmom,
唔好咁講, 大家分享及交流下, 我仔仔係陌生環境時表演會中規中矩, 但係家中是小搗蛋, 如果係爺爺家, 直頭睬你都傻 (鬼咩, 我鬧呀仔時, mud都話’油’佢! )

ruby,
係呀, lee架有安全帶架, 不過無扶手wor , 所以我教仔仔扶窗側邊.

我覺得個個小朋友都好叻,有進步      

MANGKWAN

Hi all,

睿珈已經習慣學校生活，有時問佢學校啲事，呀女都有不同反應給我。每朝見呀女拖住爺爺返學時，都笑容滿臉，便知道了。今朝出門時，還跟在爺爺後面，拖住爺爺雙手排隊向前走路，好像放學排隊時那模樣。

ivyho,

今朝彥彥搭校車點呀！有無勁喊呀！

原本打算今朝 call 何主任問問校車有沒有安全帶，現在放心啦！不過無扶手架，行山路時都幾拋喎！等我同呀女講定先。

呢！有個爺爺拖住梳住兩邊孖辮加埋兩個細 Hello Kitty 夾夾就喺睿珈啦！

Bye!

PRESTONMOM

hi garytai,
謙謙今朝好叻仔喎....完全無開心喎...可能真係知道佢而家係大哥哥...要 show show quali...    ..
今朝我先生裝吓希希時..己經見到謙謙&1個妹妹係到自己玩緊啦....希希就無喊..但係扁住個嘴揾嘢玩！   

hi ivyho,
彥彥今朝係未無搭校車啊?因為校車到,見到老師點名時..問何主任點解無彥彥。

ivyho

Hi MANGKWAN,
真係好 , 睿珈喜歡返學, 我諗學嘢只是其次, 開心係最重要, 大個咗煩惱自然多, 而家比佢無憂無慮享受下先, 而家香港小朋友讀書好大壓力! :cry:
孖辮女(with hello kitty) ? 等我留意下先, 不過可能要等有親子活動先有機會見, 而家我只送仔仔搭校車咋.
有無勁喊 ? 唔知呀, 校車一到, 個ee即刻抱住佢, 問我攞埋書包, 佢同仔仔都未坐定, 校車就一枝箭走咗啦, 呀仔(同我)都仲未有反應 !

Hi PRESTONMOM,
咦, 咁即係希希已經開始習慣la, 叻叻!
唉, 今朝搭唔到原先果架校車, 好彩即刻call陳叔叔, 咁啱有另一架係附近, 所以搭咗另一架law. 都唔知佢有無係車到勁喊添? 但放學時就真係瞓咗, 抱佢返到屋企, 準備放落床, 突然醒返, 大喊話要去街街, 真係估佢唔到!

PRESTONMOM

Hi Ivy,

今曰放學去接希希...見到彥彥上校車時喊住叫媽媽呀....何主任一直拖住佢上車。不過佢唔係扭計個隻..只係用淒涼既聲音叫媽媽.     ..聽到接放學d媽咪都想去攬吓佢呀...包括我在內。

Ms Chong 話今日希希都幾好    ....祇係平時佢係屋企好情緒化...同埋出街次實我&我唔可以離開佢視線範圍外...

garytai

彥彥叫媽媽時的聲音是很可憐, 可能他比較怕羞, 連叫媽媽也份外淒涼...

希希也算叻仔, 返了幾日有咁既表現很好了, 他現在才18個月, 慢慢來, 他一定很快適應到, 不過見你們父母倆很緊張他, 尤其是爸爸想悄悄裝佢, 感覺很warm

謙謙定了是因為他對學校熟識, 老師, 主任, 嬸嬸都認識, 所以就啖啖定   佢仍然係唔定, 如果轉了地方一定很顛....

ivyho

Hi garytai & prestonmom

唉, 我知道, 今天他上校車時就係用這個淒涼(加少少尖叫)既聲音叫我,     我只可面帶笑容揮手看著校車離開, 其實如果我帶佢番學, 佢都ok, 但是搭校車就…
校車離開後心情有少少消沈 :cry: , 希望佢快d適應啦.

如果得閒, 請多d上黎報料比我聽有關加彥上學放學既情形, 我唔係幾好意思成日打電話問Ms Chong , 我想知佢幾時適應校車(唔喊), 如果長時間都係咁, 可能考慮自己送番, 唉) :cry:

昨天加彥無返學(去定期覆診), 打比Ms Chong傾, 聽講多左個小朋友叫康康wor (最細), 而且無左個女同班, 六個小朋友都係男仔(好陽盛bor), 原來除了柏希外, 仲有一個叫希希(唔知lee個係唔係老師既仔呢?)
有謙謙, 培培, 加彥, 柏希, 希希& 康康 (聽講既大細次序)
    

ivyho

Hi all,

我想問你地會唔會報其他幼稚園（07-08）？好煩！

:cry:

garytai

今日整魚粥俾謙謙食, 食食下佢無啦啦狂哭及用手抓個口, 我估佢哽到魚骨, 後黎咳咳下嘔左少少粥出黎, 不過都無理立即送去急症室, 攪左一輪又睇喉龍, 又照x光, 謙謙哭到c, 我個心又痛到c, 又內疚又肉赤  最後都照唔到條魚骨, 佢地仲話要留院, 可能要照內窺鏡, 講好恐怖, 最後我地兩公婆都決定自己在家觀察下, 因為要照內窺鏡實在太嚇人, 醫生話bb哽骨可大可小, 不容忽視, 不過我又唔肯定佢嘔時有冇連骨都嘔番出黎, 所以唔想謙謙受無謂的痛苦決定唔送佢人院, 經過呢次事件我估我都唔用d有骨的魚俾謙謙食  

garytai

ivyho ,

其實我個人覺得暫時你送佢返學好d, 一步一步黎(純粹個人意見), 因為一上到校車只有一個姐姐睇住咁多小朋友, 難兼顧彥彥, 好似謙謙初時返學時他都要哭, 不過好快就俾何主任抱左入課室, 仲一路行一路安慰佢, 與我分離的時間好短就可以到老師手上, 讓老師可以快快的安慰他, 而且我覺得謙謙最信任的人就是班主任莊老師(因為何主任告訴我謙謙初返學時都比較痴住老師, 這舉動反映佢只信任莊老師), 現在謙謙返了兩個多月學, 今天返學時他竟然擰轉頭揮手向我bye bye, 而我也想在下學期時才安排他搭校車, 如果你覺得暫時可以送他返學, 你帶他返學兩三個月, 待他適應學校生活才安排搭校車可以會比較好!

其實我是沒有見你彥彥的, 因為搭校車的同學仔是一早上了車走了, 我們接放學的是比校車的遲走, 所以我日日都見唔到彥彥, 而且我覺得初返學時日日打電話問情況都好正常, 老師應該明白及理解, 不用覺 得唔好意思...

老師的仔仔叫然然, 為什麼個女同學冇讀? 全男班? 真係有陽剛氣息呀

報k1? 我都不知道, 不知道仍然讀這間or讀其他學校? 你們有沒有其他意見?

PRESTONMOM

garytai,

謙謙無事吖嗎?    如果照唔到條魚骨，可能嘔左返出來..不過都要小心留意佢既情况..唉!我聽到都赤啦...更何妨
係你個仔    ..其實我以前都有整魚粥俾希希食...一定自己挑骨&以為好小心...但依然發現有骨:evil:  :evil: ....唉!!最后為免發生哽骨or 嚇自己  ..我剩係整白飯魚/龍脷柳粥被佢食。希希都幾like食...你可以試吓!!
今日我接希希時...謙謙都以為走得呀..自己行出課室..當然被Ms Chong 拖返啦   

PRESTONMOM

hi ivyho,

今朝見到何主任抱住彥彥入學校..彥彥無喊呀....不過放學佢上車時就勁     ..由校長抱住佢上校車。
我諗彥彥對返學已no problem..因為落車返學就無喊..不過上車就喊.....
讚同garytai既講法...如果你可以...考慮自己送番..待他適應左學校生活才安排搭校車可能會好d! 彥彥已經好叻仔咁怏返學就無喊...同時要佢習慣返學生活&搭校車..對1歲幾既小朋友來講...真係幾高難度!!!!

而家全班6個清一色男仔 唔知幾時可以中和吓d陽剛氣....   我未見過康康喎..另１個熙熙就見過(應該係呢個熙)。  

ivyho

Garytai & prestonmom,

謙謙有冇好番d呀? :cry:  如果無成日喊(因唔舒服), 而又照唔到, 應該無事. 多d問下謙謙有冇邊度唔舒服?叫佢話比你聽(或用另一方式問, 你係咪覺得好好, 好開心, 費時再比佢諗番起d可怕經驗). 不要自責la, 有時意外就係會發生, that’s 意外麻! 最緊要宜家無事.

加彥就唔食得到魚la,   :-| 佢喉嚨對魚極度敏感, 會將所有嘢吐番出黎, 飲魚湯都唔得, 會狂咳嗽, 所以無得食魚, 等大個d先再試.

我都知道要加彥搭校車是較艱難, 當然今朝又是勁喊啦!     佢已經唔抗拒番學, 什至喜歡添 (今朝我叫佢番學啦, 佢手上拿著車車, 我叫佢放低架車車過黎著鞋, 佢都欣然照做, 走時仲同表哥仔byebye, 但5分鐘前手上既車車是不肯給表哥仔的 ).

對!加彥每次都係上校車先喊, 佢見到架校車時都無喊, 但當佢發現佢坐係校車上而我無上去就大喊囉! 你地講得啱, 我諗佢太細la, 需要多d時間, 比多幾日佢嘗試, 唔得的話要再安排下. :cry:

係啦, 全男班!   唔知Ms Chong係未成日要分開佢地唔好爭嘢玩?   Ms Chong 話女同學讀讀下無讀啦(自然流失 ). 咦, 知唔知培培番全日未?適應未?

得閒再傾!