從高中傾到Dse

YmOra

洋蔥頭媽咪 發表於 21-11-10 17:00
我都未聽過有人修讀全理科可以話好輕鬆，淨係科  chem 同  bio 已經可以用會你唔少時間， 如果科科都兼顧 ...

無錯呀！辛苦ＤＤ，牌面有成８科，無論Ｂｅｓｔ５、Ｂｅｓｔ６、４Ｃ＋２Ｘ．．．邊種配搭都會有好多好多種，ｊｕｐａｓ選課程簡直係無往而不利呢！

洋蔥頭媽咪

hihihi 發表於 21-11-10 17:13
回覆 洋蔥頭媽咪 的帖子

其實選3X+1 (現在應該叫4X?) 係預左辛苦。 當時有叫佢考慮第3科揀ICT 或 Econ, 但 ...

唔好諗咁多，既然揀咗就比心機，真係兼顧唔到先 drop ，而家M科大學已經計為一科，有7科響手其實已經好足夠，加油


我仔今年S6，佢讀8科時間管理上真係要好小心，我仔性格已經係快手快腳嘅人，但其實S5同今年都非常忙。好似今日學校上半日堂，放學後另一科仲要補課，補完趕到返屋企已經2點4有多，3點鐘仲要響屋企趕住另一堂 zoom，得半個鐘食飯，手腳慢啲都攪唔掂。

呢個帖樓主好似講高中，不過見部份網友講開中三選科，我又借位分享下。我仔選科時當然都會以興趣同能力行先，但其實都有考慮過邊啲科可以用最少時間獲得最大效益(簡單啲講即係邊啲會讀得比較慳力慳時間)。
我仔係理科人所以理科行先，中三時佢覺得 Bio 非常多嘢背佔用時間比較多，而且佢完全無興趣讀醫護，所以一早可以 skip，phy 同數都係佢強項用嘅時間不多，而 econ 只要明 concept 亦不用花太多時間，所以最後揀咗 phy+chem+econ+M2，结果如佢所料，到現時為止用得佢最多時間就係 chem，其他科都可以兼顧得好好。

入大學係鬥高分， 揀科時除了考慮興趣及能力之外，亦可以一拼考慮時間效益，揀咩科唔係問題，諗下邊啲對自己最有利，希望幫到大家

YmOra

洋蔥頭媽咪 發表於 21-11-10 18:52
唔好諗咁多，既然揀咗就比心機，真係兼顧唔到先 drop ，而家M科大學已經計為一科，有7科響手其實已經好足 ...

"時間管理"真係不能缺

mbpro

多謝大家嘅意見，我個仔做嘢唔係快手嘅人，所以我自己原意想佢揀三科，同埋聽講佢學校係揀三科，不過都要聽埋今個星期嘅升四講座先至知。

我都認同洋蔥頭媽咪話會考慮邊啲科可以用最少時間獲得最大效益，我都有從呢方面諗，不過大前提當然依小朋友嘅意願

chanwendy

請問有冇人讀M2又用中大書? 通常數學書都係比晒 example 後就一堆題目.  但中大套M2書, 我發現好多題目係之前冇example 的, 咁實唔識做喎? 你哋有冇同樣的問題?

YmOra

chanwendy 發表於 21-11-11 09:30
請問有冇人讀M2又用中大書? 通常數學書都係比晒 example 後就一堆題目.  但中大套M2書, 我發現好多題目係之 ...

去到高中好少會跟足"教科書"嚟教，多數用教師備用資料學習，教科書反而係"副助書"，應用得最多係書裏頭嘅練習。

hihihi

回覆 洋蔥頭媽咪 的帖子

謝謝洋蔥頭媽咪& YmOra 的鼓勵

我都非常同意選科要考慮時間效益, 所以建議佢至少夾一科讀得冇咁"甘" 嘅科目。


現在佢讀得最辛苦係中文及CS。可惜兩科都係Core, 冇得避。 中文科正在補習, 如果DSE俾佢搏到4 我已經偷笑。佢喺學校成績只算中等, 唔敢期望將來有得摘星 , 但求佢考到自己想讀嘅大學學科。 Best 6 如果扣除中文及CS, 咪要佢唔drop科先夠數?

chanwendy

YmOra 發表於 21-11-11 10:32
去到高中好少會跟足"教科書"嚟教，多數用教師備用資料學習，教科書反而係"副助書"，應用得最多係書裏頭嘅 ...

就係做書裡面的練習, 有啲題目唔識做, 但係本書係完全無相關題目的例題參考. 我覺得好奇怪, 唔知係咪呢個出版社先係咁, 定係高中多數係咁.

YmOra

chanwendy 發表於 21-11-11 14:44
就係做書裡面的練習, 有啲題目唔識做, 但係本書係完全無相關題目的例題參考. 我覺得好奇怪, 唔知係咪呢個出 ...

其他學校我唔知，我校的數學老師自備的教材好豐富，阿女主要都係溫老師的資料，遇到唔識做嘅都係睇老師的筆記咋！學校指定嘅教科書真係好少用，學期尾都仲係好新淨。

LingChiBaBa

chanwendy 發表於 21-11-11 14:44
就係做書裡面的練習, 有啲題目唔識做, 但係本書係完全無相關題目的例題參考. 我覺得好奇怪, 唔知係咪呢個出 ...

其實可以買埋坊間另一套教科書(Pearson)，多Ｄ examples同當係By topics嘅exercise。

Chung Tai喺HKCEE年代 已經出版 Additional Maths嘅textbook。

洋蔥頭媽咪

chanwendy 發表於 21-11-11 09:30
請問有冇人讀M2又用中大書? 通常數學書都係比晒 example 後就一堆題目.  但中大套M2書, 我發現好多題目係之 ...

我仔都係修M2，不過佢哋係用 Maths in Action本書，又好似冇乜問題，我仔反而覺得唔夠練習，所以有叫我幫佢揾下。

教科書後面練習通常只會有簡單答案，沒有詳盡 solution. 除非係教師用書。如果 example 唔夠，試下去返出版商佢都有本 supplementary excreise ，可以另外買睇下有冇幫助。

洋蔥頭媽咪

hihihi 發表於 21-11-11 12:10
回覆 洋蔥頭媽咪 的帖子

謝謝洋蔥頭媽咪& YmOra 的鼓勵  

其實如果目標唔係神科，大學好多都係計 Best 5，部份 Best 6。你女兒而家修8科，唔計中文同 CS 得6科，當然唔 drop 就鬆動啲，不過如果真係讀得太辛苦或攪唔掂，到時再考慮 drop 一科，集中火力考好啲仲好。

ladysasa

初來報到，我囡今年中三，未開始選科。哥哥已升大學，他中學讀九龍城男校，最好成績那批主要修Phy/Chem/Bio/M2. 全級有7班。

ladysasa

學校數理成績好好，M1   M2 有140 位。但我仔不喜歡Science 科目，後來選修M1, Econ, BASF, Phy. 到中五下學期，drop 了 Phy，他希望放多些時間在其他科目。當時我們也有些疑慮，既然他不喜歡，唯有支持他的決定。DSE 放榜成績不錯，有Global Business Offer.

ladysasa

哥哥報英國大學時，大部份大學主要看electives 成績，如要修讀Econ, 最好有M1/M2 elective.

YmOra

ladysasa 發表於 21-11-11 20:03
學校數理成績好好，M1   M2 有140 位。但我仔不喜歡Science 科目，後來選修M1, Econ, BASF, Phy. 到中五下 ...

你囝囝的選擇好明智呢！我識得一些組合都有（Ｍ１＋Ｅｃｏｎ＋ＢＡＦＳ）嘅都係為求有好ＤＤ成績ｄｒｏｐ走第四科選修科剩下這三科，時間多咗，多數都可以考到更好的成績，這３科的組合，其實幾匹配幾配合。

妹妹頭

YmOra 發表於 21-11-11 20:54
你囝囝的選擇好明智呢！我識得一些組合都有（Ｍ１＋Ｅｃｏｎ＋ＢＡＦＳ）嘅都係為求有好ＤＤ成績ｄ ...

我女都係修Geog，Econ，Bafs，M1，佢目標都係讀Business 。

YmOra

妹妹頭 發表於 21-11-11 21:25
我女都係修Geog，Econ，Bafs，M1，佢目標都係讀Business 。

如果堅持到，保持４ｘ真係著數Ｄ。努力！

妹妹頭

YmOra 發表於 21-11-11 21:35
如果堅持到，保持４ｘ真係著數Ｄ。努力！

我依家都擔心緊，樣樣都話好難

YmOra

妹妹頭 發表於 21-11-11 21:46
我依家都擔心緊，樣樣都話好難

初初係咁，始終高中學習又與初中的不同嘛！先要"適應"，再係"信任"老師的教導，高中老師會一步一步帶領孩子由難掌握去到習慣新的學習模式再到熟練。