K1 民生 VS K2LH 點揀好

slingbb

我小朋友是讀LH，剛經歷完小一面試，亦有幸獲神校取錄。

當初身邊PN同學仔一個個跳船轉龍校，大家都覺得LH很好，但龍校的保障是家長一大枝強心針，有誰抵得過這份誘惑？

他們都跳去大家講的最common 4-5間龍校，這幾年亦一直保持聯絡，他們都忙學術外補、面試班，反而我小朋友要在公海浮沉是最少外補，因我信任LH、和喜歡身教自教（我都要返工），而且我絕對是有播道就心滿意足的家長。

大家一直聯絡，有的家長都會後悔離開LH，再㨂未必會選擇手上的龍（老師質素、學校教學方法、學術深淺程度等等原因）；而亦有些K3 LH家長，小朋友考小未如理想，都會後悔當初無報龍，唔想再玩呢個遊戲。

我以上分享純粹好片面的經歷，有時家長亦要行過一次先知甚麼是best choice，但童年好寶貴，不要太著眼於升小率、值博率，無忘初心純粹從小朋友角度㨂對佢最好的決定，我自己㨂幼稚園是只從教學理念出發。

hapiqwerty

slingbb 發表於 20-4-17 23:45
我小朋友是讀LH，剛經歷完小一面試，亦有幸獲神校取錄。

當初身邊PN同學仔一個個跳船轉龍校，大家都覺得LH ...

完全同意！我黎緊幫小朋友揀左一間我無諗過自己會揀既龍幼...最主要竟然係
因為嗰間學校，係我女面試唯一讚過既學校

有時都係膽粗粗憑感覺去做架咋～

Dollys

slingbb 發表於 20-4-17 23:45
我小朋友是讀LH，剛經歷完小一面試，亦有幸獲神校取錄。

當初身邊PN同學仔一個個跳船轉龍校，大家都覺得LH ...

正正係有選擇，才會苦惱。小囡而家尚未考完pn。
正想了解龍既心態。
如果到最後入龍係要互相撕殺。
哪麼情願不報龍，起碼不會互相差度，亦都目標明確。

slingbb

朋友讀Good X 龍有此情況，其他龍就係普遍擔心偏淺。

不過互唔互相撕殺係家長取向和心態主導，如果清楚自己想小朋友條路點走，就要堅定，如果唔係好易殺埋一份。

Chuchumin

為何龍校的升小機會要理解成「互相撕殺」？在公海一起浮浮沉沉考小，起不是又係終有一日互相撕殺？

Chuchumin

其實大部分龍都係有傳統的學校，自己有自己的教育理念，有的偏淺因為它們認為德育行先，加上若小朋友在龍會讀9年丶甚至15年，學術可以慢慢栽培，甚至你陰謀地去想它們可能不希望train 好你小朋友3年，最後你跳去別校。
但大部分龍校只是你小朋友沒大問題，不會生事，進度跟得上，通常也很大機會順利升上，這樣開開心心Happy School 3年可以上唔錯的直私小學，跟著B1A的中學，相信一定比在公海要面對一round 又一round 的小一interview 舒服。
不要忘記每年報名考出名的直私小的是上千計。

hapiqwerty

Chuchumin 發表於 20-4-18 02:38
為何龍校的升小機會要理解成「互相撕殺」？在公海一起浮浮沉沉考小，起不是又係終有一日互相撕殺？
...

本帖最後由 hapiqwerty 於 20-4-18 09:17 編輯
揀私幼某程度上都係預左入去撕殺

nman0802

回覆 Dollys 的帖子

首先我唔認為係龍入面就叫互相廝殺，基本上同一年入學既，全香港既小朋友都係對手。
入龍心態係，就算唔係100%包升小，都係200人爭150個位(例子only), 唔係4000人爭150個位.

當然每個父母都覺得自己小朋友最叻最醒，但天外有天，再加上小一面試唔同N班呀，唔係指下蘋果橙跳跳舞就完，閒閒地2-3round 見埋家長，你點敢包小朋友（或者家長自己）臨場發揮得到。

而且重點係：好似樓上講，龍幼升既龍小唔會差，再升b1中學，除非你好堅定一定要考到神校或者新派直資類型既學校。

monodad

nman0802 發表於 20-4-18 10:04
回覆 Dollys 的帖子

首先我唔認為係龍入面就叫互相廝殺，基本上同一年入學既，全香港既小朋友都係對手。

其實讀龍幼攞咗直升offer之後有時間剩都可以出去廝殺埋一份，不過係零心理壓力，大人小朋友都輕鬆好多。不過我見好多係攞咗直小offer就計劃緊畢業旅行，聖誕新年開開心心玩完之後迎接小一新學年，唔駛擔憂收信收call唔喺香港。

mamakarena

monodad 發表於 20-4-18 11:13
其實讀龍幼攞咗直升offer之後有時間剩都可以出去廝殺埋一份，不過係零心理壓力，大人小朋友都輕鬆好多。不 ...

Agree no more.

MissMissMiss

rickyhohoho 發表於 20-4-17 23:21
本帖最後由 rickyhohoho 於 20-4-17 23:21 編輯

龍幼當中的幸福感，親身體會就感受到。

超級認同！在龍幼的幸福感，只有身在其中先感受到(emoji)小朋友唔洗谷唔洗外補唔洗考cert唔洗比賽，基本上平平穩穩就可以入返間校風唔錯嘅小學，平時得閒周圍玩，擁有真正快樂的童年

nman0802

回覆 MissMissMiss 的帖子

如果家長有心挑戰，其實都一樣可以外補，照樣可以考其他更上一層樓既直私，不過考到當bonus 再諗，考唔到都無所謂。
係龍幼同私幼之間，我曾經都好掙扎過，始終龍幼較淺，語境欠奉（我有offer 既2間都真心係無語境可言），點解唔讀私幼裝備好？但EK 家長講得好岩，龍幼講緊既係15年既栽培，唔係急於要3年內achieve d 咩，反而重視德育培養；私幼無小學back-up, 2文3語考小成績就係幫佢地做靚招牌。兩者難以並存，視乎家長自己取捨。

Dollys

nman0802 發表於 20-4-18 22:04
回覆 MissMissMiss 的帖子

如果家長有心挑戰，其實都一樣可以外補，照樣可以考其他更上一層樓既直私，不過 ...

培道百份百收生，真正做到這個「安全」效果！但MS，不能升上小學就聽得多，確實無呢個安全效果。
只收小學學額85%遠少於民幼人數，呢點好難解釋！如果真的15年培育，又何解只會official收民幼6成人，要其他人waiting，而且數量上仲要咁多。
升到的人一定話開心快樂童年，升不到的就選擇錯誤。

monodad

Dollys 發表於 20-4-18 22:56
培道百份百收生，真正做到這個「安全」效果！但MS，不能升上小學就聽得多，確實無呢個安全效果。
只收小學 ...

哦⋯⋯咁搏晒命讀私幼又外補又面試班又比賽攞cert到最後考唔到心儀直私之後大抽奬中寶應該係無怨無悔嘅......讀LH中寶我都聽好多。

Dollys

monodad 發表於 20-4-18 23:03
哦⋯⋯咁搏晒命讀私幼又外補又面試班又比賽攞cert到最後考唔到心儀直私之後大抽奬中寶應該係無怨無悔嘅... ...

睇返LH website，邊一間係寶？聽完有無求證？
並不是其他人講，就要信十足，
透明公開是十分重要。

況且，本人不是LH家長，客觀分析很重要！

民生，禮幼，宣幼，救恩等龍，正式升小率低於65%，
以上每一間都有人說安全，但事實並非如此！

monodad

總之大把龍幼80-90% 考到B1直私offer，又揸住B1直小位出去同果幾百人畢業私幼爭神校位又要爭贏你，條路又輕鬆又舒服，EK大把人係咁......鍾意去衝去闖無人會阻止你，但你亦唔需要理人點諗，入得龍幼就知99%直升都可以係你升唔到，遊戲規則係咁大家一早預咗，無咩人會怨，會怨學校嘅人讀邊間學校、最終咩結果都會怨，無咩好講。

monodad

Dollys 發表於 20-4-18 23:05
睇返LH website，邊一間係寶？聽完有無求證？
並不是其他人講，就要信十足，
透明公開是十分重要。

本人都唔係MS畢業家長，又唔喺LH讀N班，我覺得自己相當中肯。唔知大家覺唔覺得我中肯？

monodad

Dollys 發表於 20-4-18 23:05
睇返LH website，邊一間係寶？聽完有無求證？
並不是其他人講，就要信十足，
透明公開是十分重要。

我諗係你唔知個事實咋？

Dollys

monodad 發表於 20-4-18 23:10
總之大把龍幼80-90% 考到B1直私offer，又揸住B1直小位出去同果幾百人畢業私幼爭神校位又要爭贏你，條路又輕 ...

如何爭贏人？請提供數據？

monodad

Dollys 發表於 20-4-18 23:13
如何爭贏人？請提供數據？

總之我間龍幼就係6，7個人揸住B1A直小offer爭贏咗LH 572人減果13個（即係559）入咗果間直資囉⋯⋯我間龍幼百零人啫⋯⋯