張堅庭：為何我會選擇送子女到英國留學?

Vanadium

越從小睇住一班人成長發展越耐，我就對教育能改變一個人既想法越少，透過教育去改變一個人空間係好細，教育係發揮一個人既特質而唔係改變，而人既特質，天生係佔唔少因素。

一個無空間感、無藝術細胞既人，你點樣可以透過教育令佢畫野靚? 最多只係無咁差。

一個無數感既人，可以透過教育令佢數學超班? 其實佢大部份既數只係背數(背steps去做)，即使做到都唔會諗到，一要應用或轉彎又即死。

如果話國際學校教育可以令一個無創意既人變成有創意....我會wow一聲，完全改變我多年既總結。

可能有人會話: 唔係喎，我見邊個邊個真係因為間學校令佢改變好大喎。我會咁回應: 其實佢不嬲係咁，只係之前既環境未有讓佢呢個特質發揮出黎，並加以培育。

nkd

Vanadium 發表於 19-5-9 18:18
就當所謂創意無共識，其實我心裡都有幾個問題:

1) 唔好講個學習過程，講個product，大家真係覺得外國讀書/ ...

你無指明問邊個，我試下答：

1) 大家真係覺得外國讀書/國際學校畢業生就有創意過香港本土或亞洲教育既畢業生?

外地畢業，當(假設)包當地人，你可以比較荷李活，西歐歌曲，小說文學，iOS...

2) 亞洲人創意普遍差過西方人?


日本人唔錯，南韓台灣都越來越好，尤其民主自由之後。大陸呢，「學」得快啦。

3) 創造既人係傳統教育出黎定咁啱大都係讀國際學校?

如果你睇埋國際學校人數同傳統學校相比，直接比較不公道。

nkd

Vanadium 發表於 19-5-9 18:33
越從小睇住一班人成長發展越耐，我就對教育能改變一個人既想法越少，透過教育去改變一個人空間係好細，教育 ...

真係估唔到，你咁悲觀。

希望S兄可以啟發到你。

Vanadium

nkd 發表於 19-5-9 18:43
真係估唔到，你咁悲觀。

希望S兄可以啟發到你。

我絕對唔係悲觀，唔好搞錯。我反而悲觀既係香港家長同教育，睇野好窄，唔識欣賞子女既長處。

我再講清楚，每個人都有長處，教育主要係發揮加培育佢既長處，而唔係改變佢既長處。

我欣賞外國教育多元化，國際學校或較接受各小朋友不同特質，但香港，對小朋友既欣賞好單一，簡單得只要坐唔定，就好似講到個小朋友係"唔乖"，但其實坐唔定既人好多係天才。

Vanadium

我想講一個重點，香港小朋友係傳統學校唔係無創意、唔係唔識批判、唔係無思想，若佢天生有，你係好難令到佢無。香港學生主要問題而係無自信!

國際研究發現，香港小朋友成績好好，但學習興趣、自信心好低，但外國卻相反。

點解香港小朋友無興趣無自信去學? 想想香港個教育制度，同家長既無聊追趕比較吧!

但當釋放返佢地既興趣及自信出黎，加上佢地有豐厚既知識基礎，相比外國教育真唔輸蝕，要佢地點創新、點批判天南地北都得。大家咁鐘意送仔女去外國，應知道佢地一去到外國就容易名列前茅，讀書甚至做人既自信心返晒黎。

nkd

Vanadium 發表於 19-5-9 18:48
我絕對唔係悲觀，唔好搞錯。我反而悲觀既係香港家長同教育，睇野好窄，唔識欣賞子女既長處。

我再講清楚， ...

\\而人既特質，天生係佔唔少因素。\\

天生係無得變？要睇係乜野，天生畸形都可以整形；天生白癡，我認輸。

***

\\一個無空間感、無藝術細胞既人，你點樣可以透過教育令佢畫野靚? 最多只係無咁差。
一個無數感既人，可以透過教育令佢數學超班? 其實佢大部份既數只係背數\\


呢個係放棄論，放棄學生，無得救。有病，醫得遲，係無得救；用錯藥開錯刀，係無得救。

邊個天生識畫唔使學？學得慢就唔使學？
你知你幾時開始有數感？

***

\\每個人都有長處，教育主要係發揮加培育佢既長處，而唔係改變佢既長處。\\

長處係好似手指生出來的？係發掘出來的。掘井掘到一半無水，你可以放棄，起碼你掘過。你第日返轉頭再掘，可能掘到。井水唔會因你掘而多了，但長處是可以因你有信心，有進步而越來越「長」。

***

各人有自己人生態度，明的。
信運氣、緣分、命運、主宰，人係會舒服D。

Vanadium

我今晚都係繼續追下套倚天屠龍記。

家長若夠信心同勇氣，唔使搞咁多野，比空間小朋友自由睇書自由想像自由去做，會發覺佢地識既野，可以想到做到既野，係超乎想像。

咩係創意? 金庸自小唔知有無受西方教育? 但佢既小說，貫穿歷史既創作，相信並唔係任何教育系統既結果。

講多句: 香港小學搞全日制，真係對小朋友成長最失敗既野，小朋友小小自由學習空間都無，真正填鴨式教育。

planetearth

Vanadium 發表於 19-5-8 21:02
我覺得太強調學校既教育效果了。

我經歷既年青人，無論講獨立思考、批判性、分析力等，同天資、性格都有關 ...

V兄在大學班房內見到的外藉學生及本地學生是什麼科目？你是大學教職員？還是經常去大學課室觀課？

planetearth

nkd 發表於 19-5-9 18:34
你無指明問邊個，我試下答：

1) 大家真係覺得外國讀書/國際學校畢業生就有創意過香港本土或亞洲教育既畢 ...

大家講傳統學校及國際學校的不同教育模式其實是中國文化及西方文化的分別。宏觀上看，西方文化一定是比較有創意，我們現在活著的modern world全部來自西方文明，高樓大厦，電力系統，汽車，飛機大炮，電腦，西醫，抽水馬桶，火箭，所有數學公式， 邊一忽唔係來自西方文明，當中國仍在背四書五經， 漏夜趕考科舉時，歐洲人 船堅砲利, 統治全世界。
所有發明都是 人類創意的結晶品
創意不會是無中生有, 人在學習知識過程中 會不斷創新，知識會不斷累積。 牛頓說他的成就是站在巨人的肩膊上。即是他的成就也 要靠前人 累積 下來的知識寶藏。
為什麼 西方文明有咁多創新， 因為他們喜歡探索， 追求未知世界， 會不斷打倒前人的權威， 發明新的事物。
教養文化一定有分別。
當然而家中國/東方急起直追是好事。但要講根底的創新，仍不是歐美文化那種。 東方社會暫時是應用科技 多於 創新科技， 經濟效益暫時也是多出於應用科技，不是西方那種創新科技。

Vanadium

planetearth 發表於 19-5-9 21:30
V兄在大學班房內見到的外藉學生及本地學生是什麼科目？你是大學教職員？還是經常去大學課室觀課？
...

其實我真係好奇，呢個討論區無人讀過大學，讀大學時無國際學生?

講課堂有討論有present，我當然係講business或social subjects，由undergrad至postgrad，有咩野，外藉學生一定最踴躍發言，好肯俾意見，但至少我覺得，佢地肯講唔一定講得好到point，而我反見內地生都好肯講，分享不時仲有見地，不過，國內生黎得香港既應係相當精英，相反英美藉既，勁人相信唔會黎香港。

以上有人可能唔會同意，事實經歷亦好主觀，但總的，我經驗係個人重要過個教育系統。

Vanadium

planetearth 發表於 19-5-9 21:51
本帖最後由 planetearth 於 19-5-9 21:53 編輯
當然而家中國/東方急起直追是好事。但要講根底的創新，仍不是歐美文化那種。 東方社會暫時是應用科技 多於 創新科技， 經濟效益暫時也是多出於應用科技，不是西方那種創新科技。

有機會你去深圳科技園睇下，雖然我都唔太鐘意大陸，但了解下你可能會對內地創意產業改觀。

其實好似讀書咁，未讀大學當然係先讀大學，讀既時候都係讀下背下人地既理論，當大學畢業，咪可以做下研究，研發自己既野。

當中國或亞洲大學畢業，再做研究研發到新野，你估西方國家唔抄咩，一樣抄，蘋果咁自負都被迫出6吋大機啦。

nkd

planetearth 發表於 19-5-9 21:51
本帖最後由 planetearth 於 19-5-9 21:53 編輯

大家講傳統學校及國際學校的不同教育模式其實是中國文化 ...

講得好。

你總結是：西方創新文化是由於喜歡探索、打倒權威。

除了文化外，有沒有其他重要因素？

shadeslayer

nkd 發表於 19-5-9 14:32
創意怎樣教，仍是一個值得看的問題。
你說如何避免抑壓孩子創意，任他們自己爆出來，是假設了創意是不能教 ...

只是從常識講，相信創意是不簡單。

有創意，先夠膽試，不怕失敗，沒有過多標準，有時間多作償試。

在快靚正超前學習的氣氛下，好多學校沒有這樣的空間發展創意。

nkd

planetearth 發表於 19-5-9 21:51
本帖最後由 planetearth 於 19-5-9 21:53 編輯

大家講傳統學校及國際學校的不同教育模式其實是中國文化 ...

如果論大環境，對創新，我相信比文化更重要的因素有：

自由。比較宗教世俗化前後、獨尊儒術前後、東西德、南北韓。這些要政治制度維護。

市場。有創新有需求，方能生存、壯大，即是所謂迫出來。

利益，這是最直接。研究發表有名譽，教席有保障；發明有專利，不容抄襲侵權；作品有版稅。這些要法律保障。

我初時問S兄的，是：創意怎樣教，這是我做家長最感興趣的。他否定，我懷疑。

shadeslayer

Vanadium 發表於 19-5-9 18:18
就當所謂創意無共識，其實我心裡都有幾個問題:

1) 唔好講個學習過程，講個product，大家真係覺得外國讀書/ ...

不討論金庸等個人層次，看社會：

Apple vs Xiaomi
Google vs Baidu
eBay/Amazon vs Taobao
Facebook vs wechat
Twitter vs wexin
GoPro vs 山狗
Hummer vs Dongfeng Hanma
西方電影電視題材 vs 東方電影電視題材
西方音樂題材 vs 東方西方音樂題材

答案呼之欲出。

shadeslayer

Vanadium 發表於 19-5-9 18:33
越從小睇住一班人成長發展越耐，我就對教育能改變一個人既想法越少，透過教育去改變一個人空間係好細，教育 ...

可能有人會話: 唔係喎，我見邊個邊個真係因為間學校令佢改變好大喎。我會咁回應: 其實佢不嬲係咁，只係之前既環境未有讓佢呢個特質發揮出黎，並加以培育。

Xxxxx


你明唔明，你呢句即係你自打嘴巴，係學校影響好大。因為這學校有這樣環境，以前學校無。

到我唔明學校咁無用，你為乜以前反直資反到咬牙切齒？

shadeslayer

Vanadium 發表於 19-5-9 19:00
我想講一個重點，香港小朋友係傳統學校唔係無創意、唔係唔識批判、唔係無思想，若佢天生有，你係好難令到佢 ...

我想講一個重點，香港小朋友係傳統學校唔係無創意、唔係唔識批判、唔係無思想，若佢天生有，你係好難令到佢無。香港學生主要問題而係無自信!

Xxxxx

要創意夠實際、批判不亂咁嚟、思想要確當，孩子是雖要透過實踐，透過不斷失敗和嘗試，受師長輔導。

實踐，嘗試和輔導，和家庭／學校環境當然有重大關係。

nkd

shadeslayer 發表於 19-5-9 22:54
只是從常識講，相信創意是不簡單。

有創意，先夠膽試，不怕失敗，沒有過多標準，有時間多作償試。

試是很好的答案。

“I have not failed. I’ve just found 10,000 ways that won’t work.” - Thomas Edison


其實我們把創新捏得太緊，根本上大部分創新都是改良，改少少但很重要，他就是把前1000個錯誤改正過來，第1001個嘗試成功了。

改自己的，不是抄；改別人的，除是無關痛癢，就算一成是自己，那一成就是原創、創新。

所以，我們要經過學習，先模仿別人，再加上自己的原素、改進別人的誤區、集合各家之所長。

記得有位EK前網友分享他孩子的英文故事，很精采，相信他讀過不少類似小說，再加上自己對事物的細心觀察，自己腦海的想像，不斷創作經驗的累積而來。另一位分享女兒的中文短篇小說，文筆可知她讀過不少言情小說，一篇一篇地寫，一年又一年的進步。

創新不是一味的改良，也有橫空出世的天才，創翻天覆地之作，但他們畢竟是少數中的少數，而他們背後的努力，外人也未必知道。

讀才氣洋溢的李白，馬上感受他黃河之水天上來；讀沉鬱頓挫的杜甫，卻會與他歎息腸內熱。李白一吐而出，杜甫千錘百鍊，而杜詩更雋永耐讀。

planetearth

nkd 發表於 19-5-9 23:09
如果論大環境，對創新，我相信比文化更重要的因素有：

自由。比較宗教世俗化前後、獨尊儒術前後、東西德 ...

對呀，自由非常重要，看看改革開放前後是兩個怎樣不同的世界？看看北韓的 封閉及南韓的開放是怎樣的兩個世界.

我們是否給孩子有足夠的自由去 發揮創意? 日日綁住他們操練，點會發展到創意？

學校營造創意環境,孩子的腦部成長過程當然不同。學校環境絶對影響思維。

創意怎樣教？我們在經歷體會到孩子的學校教育，也學習了西方文化怎樣教育創意，怎樣教育孩子從探索學習過程對學習的追求。

Vanadium

shadeslayer 發表於 19-5-9 23:26
你明唔明，你呢句即係你自打嘴巴，係學校影響好大。因為這學校有這樣環境，以前學校無。

到我唔明學校咁無用，你為乜以前反直資反到咬牙切齒？

直資已唔單係教育問題，係社會問題，我之前已講過好多次。

我唔係話學校無影響，係話我個人經驗下學校影響並唔係你地講到咁大，社會、家庭、環境、學校，學校其實只係其中一個角色，而一啲內在特質，如性格、部份能力，父母都改變唔到，學校更唔容易改變。

可能有人會覺得，香港教育咁填鴨，小朋友點可能有創意有思想? 但咁講，大家就係忽略學校以外，其實小朋友係好多學習機會，從父母、閱讀、電視、報刊、互聯網.....學到仲多過學校。

香港上一代讀書雖填鴨，但自由活動時間機會多，反而出不少創作名人，而呢一代，可能真係太少自由空間，父母將小朋友既日程迫得密密，表現好呆下。

我對香港教育都好不滿，不過係因為個學制同課程，大堆死板硬知識、欠缺多元化、強迫無選擇、只有適者才可生存，而你其實就係支持呢種教育，要用考試(TSA)去評核學校、要強制必修ABCD，要識呢樣果樣，唔達咩標就唔應該升大學，你更認為教育衰係因為老師，呢啲都係我不能認同。