英文伴讀手冊徵求意見稿

iababy

我仲有少少問題想請教各位前輩:

1. 我知道有些家長每日可以同小朋友大量閱讀, 例如2-4小時。想請教下D時間點擠出黎? 因為我仔上上午班, 中午放學食飯瞓完晏覺已4-5點, 食完生果就去遊樂場放電, 6:30-7:30食飯, 之後又要沖涼, 就算之後全部時間用來伴讀, 都好難做到2-4小時啊. 而且, 我地己經無上任何興趣班架啦。咁我想請教每日大量閱讀的家長, 你地小朋友平時會唔會係屋企玩玩具(例如積木, 泥膠)或遊戲(煮飯仔, 捉迷藏)? 因為我自己覺得其實玩遊戲/玩具及出去做些體能活動對咁細個的小朋友, 尤其男仔都好重要. 所以想請問你地係點樣安排時間. 我有時會諗, 其實除左閱讀之外, 適量的遊戲及活動時間對小朋友的全面發展都好重要, 定係我呢個諗法未必啱? 因為我係新手媽媽, 好多野都係邊做邊學, 我無意 challenge 任何人的做法, 只係真心想知而已. 謝謝!

2. 另一個問題, 請問自細大量閱讀的小朋友, 會唔會好快就近視? 如會, 大家有咩方法可以早D預防? 係唔係要不斷提佢地坐好, 對眼離開本書遠D, 睇20分鐘就暫停一下俾對眼休息下?

3. 如果每日只是伴讀半小時, 是否不能稱得上大量閱讀? 要起碼一個鐘或以上先可以叫大量閱讀? (前提是伴讀的質量保持一樣)

唔好意思, 我都知我D問題係離左題. 但難得呢個POST 雲集咁多位資深閱讀派家長, 所以想借機係度請教各位. 請見諒!

little_yolky

iababy 發表於 18-4-10 11:14
我仲有少少問題想請教各位前輩:

1. 我知道有些家長每日可以同小朋友大量閱讀, 例如2-4小時。想請教下D時間 ...

因為唔會瞓晏覺瞓到4-5點。食晏只食30-45分鐘。同埋, 唔會伴讀2-4小時, 家長都要返工, 係小朋友自己睇幾小時, 晚上瞓覺前伴讀30分鐘(計學前及幼稚園)。

我兩個本來都無近視, 最近阿大近視只因為偷偷用手機响被竇入面睇youtube, 同睇書無關。睇咗9年書都無近視, 睇咗幾個月youtube就100度近視了。阿妹光明正大咁睇youtube, 所以都無近視。

iababy

IloveJJ 發表於 18-4-10 11:29
我好隨意的，套書一課教一個字，你仔咁細，可能一日教一課就得啦！我仔當時已4歲幾，本身已認到啲字，所以 ...

同意啊! 或者我等我仔三歲半時先試下認下字先. 其實我自己就覺得唔需要太早認字, 但有時又好容易受到影響而動搖!

如果係關於交通工具 (車, 火車, 飛機, 船) 的書就唔需要繪形繪聲伴讀. 其他就視乎佢對本書的封面及內容有無興趣啦. 英文書就要多D繪形繪聲伴讀, 佢先比較投入同吸收.

iababy

little_yolky 發表於 18-4-10 11:46
因為唔會瞓晏覺瞓到4-5點。食晏只食30-45分鐘。同埋, 唔會伴讀2-4小時, 家長都要返工, 係小朋友自己睇幾小 ...

咁又係, 我地放學返到屋企12:30, 食埋飯 1:30, 抖30分鐘就午睡2小時. 所以D時間唔見駛! 不過佢而家仲細, 我暫時都想佢瞓多D先。
你小朋友係幼稚園階段已可以每日用幾小時自己閱讀中英文書啦? 好好好厲害啊!我記得你好似分享過你地大人都很喜歡閱讀, 以身作側之下, 所以小朋友都好喜歡閱讀.但你地平時要返工架嘛, 所以只係放工後及假期多D係小朋友面前睇書?因為我地放工唔早, 星期六日又多數帶佢出戶外玩, 所以比較難做到身教 (當然都會盡做, 但時間唔會長).
所以, 除左身教之外, 你有無其他法寶可以詳細分享下. 謝謝先.

bobbob

retriever 發表於 18-4-9 16:26
我就係覺得而家D 細路對社會早有見解...

得嗰幾歲人會有乜嘢高見？只不過原來佢睇嘅重點同我唔同啫。
講開，你會唔會比仔女睇聖經或新聞？對比呢類fables可能更加需要家長指引？

bobbob

little_yolky 發表於 18-4-9 14:26
撕爛D書????? 我真係一次都無見過。 我阿女細個時用pat pat 坐住本書, 或用腳踩到本書, 都俾C6話喎 ...

我仔細個啲書無一本係完整，到而家都唔少dogeared, 從來無『尊重』過本書，你老公見到應該會好傷心

little_yolky

iababy 發表於 18-4-10 12:09
咁又係, 我地放學返到屋企12:30, 食埋飯 1:30, 抖30分鐘就午睡2小時. 所以D時間唔見駛! 不過佢而家仲細,  ...

我哋兩老都沒有特別鐘意睇書, 只係平時睇下咁囉。不過C6有鋪癮, 佢好鐘意買書。我家已經沒有吉牆了, 全部都係書架..................一枱都係, 一地都係.....................好煩............


我小朋友好細時都瞓好多架, 佢幼稚園返全日, 所以放學唔會瞓晏覺同去公園玩。返到屋企無嘢做, 我又唔俾睇電視, 佢哋咪玩、畫畫或者睇書囉。我家玩具都無乜的。



我C6 anytime都會有本書响身邊的, 而且我好深歸, 我唔鐘意出街。同埋, 我做錯咗, 佢哋細個時係好少睇英文書的, 主要係睇中文書。其實無乜法寶, 佢哋兩個自自然然就鐘意睇書而已, 可能係C6犀利, 揀D書好睇掛。

bobbob

MrBeast 發表於 18-4-9 19:33
介唔介意分享下佢有乜見解呢？

其實無咩嘢，佢梗係唔知影射緊乜嘢政治嘢啦，亦知道班豬仔係奸角，不過佢話班豬唔係完全係衰人，其實響故事初期個農場好混亂，因為佢哋訂立制度，令個農場productivity提高咗，成班動物唔駛捱餓，不過之後就。。。

retriever

bobbob 發表於 18-4-10 12:42
得嗰幾歲人會有乜嘢高見？只不過原來佢睇嘅重點同我唔同啫。
講開，你會唔會比仔女睇聖經或新聞？對比呢類f ...

聖經仍然係止於故事加金句... 你指既輔導在於?


我屋企近排有人好鍾意開 CCTV 睇新聞聯播, 裡面係咁 LOOP 什麼 "美國單邊主義, 中國為大家站出來維護多邊主義", 又話 "美國違反契約精神", 呢D 我仲諗緊點消化!

retriever

iababy 發表於 18-4-10 10:54
多謝你的回覆!

佢而家學校開始教少少PHONICS, 但我仔對英文興趣麻麻, 平時我地又無同佢溫習學校教過既野。 ...

"方方圓圓" 係青田出既一本入門書. 字體大但字數少! 後面有字卡可玩遊戲!

到現在我仍然覺得先英後中, 係走對路.

英文書, 無論印刷或題材都較多選擇. 特別男仔對攪笑, 科學, 大空等等有濃厚興趣, 較易找對口味. 反而中文繪本多係言情作品, 父母看很感動有意思, 但男仔未必有興趣...


ORT 係很多開始, 題材圍繞小孩生活, LEVEL 分得細, 慢慢昇呢, 公共圖書館亦有大量供應. 睇到差唔多可睇佢地CHRONICLE 系列, TREE TOP, MAGIC TREE 系列...

ORT 仲有樣野好, 就係字詞重覆, 人物有連貫, 睇睇下就識, 唔駛查字典或要人教.

retriever

iababy 發表於 18-4-10 11:14
我仲有少少問題想請教各位前輩:

1. 我知道有些家長每日可以同小朋友大量閱讀, 例如2-4小時。想請教下D時間 ...

伴讀好難做到2-3 小時吧.

我地係睡前果15-30 分鐘. 伴讀記緊要誇D!!!

到有一定字量, 帶佢去公共圖書館. 好快佢會嫌你伴讀太慢, 佢寧願自己攞書睇. 呢個可能就係佢飛躍既時候!

bobbob

retriever 發表於 18-4-10 13:01
聖經仍然係止於故事加金句... 你指既輔導在於?

如果你有睇開聖經，會發現唔少內容其實幾殘暴，尤其係舊約，有信徒為咗悍衛宗教而受盡折磨，情節都幾explicit，耶穌被釘十字架亦十分殘忍。我仔到而家都唔明點解亞伯拉罕/亞巴郎會劏個仔作奉獻（當然最後無做），有無諗過個仔嘅感受？
至於新聞就更多不合情理嘅事發生，加上係真人真事，其實仲難解釋。為咗接受各方訊息，可能要睇埋cnn戥勻下

MrBeast

bobbob 發表於 18-4-10 12:55
其實無咩嘢，佢梗係唔知影射緊乜嘢政治嘢啦，亦知道班豬仔係奸角，不過佢話班豬唔係完全係衰人，其實響故事 ...

較interesting question 是朱仔點解變奸（n年前，我都唔係好記得d details），若佢係其他animal，會點做

bobbob

MrBeast 發表於 18-4-10 13:57
較interesting question 是朱仔點解變奸（n年前，我都唔係好記得d details），若佢係其他animal，會點做 ...

作為中學生或以上就梗係要睇得深入啲（因為要交功課），小朋友邊知咩係利慾燻心

LeeCC

iababy 發表於 18-4-10 11:14
我仲有少少問題想請教各位前輩:

1. 我知道有些家長每日可以同小朋友大量閱讀, 例如2-4小時。想請教下D時間 ...

近視好受遺傳影響，我地兩個和兩邊家人都有好深近視（最淺的系800度），仔五歲時見視光師，話佢未有近視已經系好叻仔，估計佢如果保養得好最遲三年級都會有近視，如果保養得唔好，隨時開始有近視

仔系升三年級暑假開始需要戴眼鏡了

retriever

bobbob 發表於 18-4-10 14:03
作為中學生或以上就梗係要睇得深入啲（因為要交功課），小朋友邊知咩係利慾燻心 ...

未必...

最佳引導, 應該係多問佢問題, 問佢睇法.

如果佢係 XXX 會係點....

MrBeast

bobbob 發表於 18-4-10 14:03
作為中學生或以上就梗係要睇得深入啲（因為要交功課），小朋友邊知咩係利慾燻心 ...

既然小學生可以睇中學書，點解唔可以引導埋深層次思考？

edutm

iababy 發表於 18-4-10 11:14
我仲有少少問題想請教各位前輩:

1. 我知道有些家長每日可以同小朋友大量閱讀, 例如2-4小時。想請教下D時間 ...

每天2-4小時太嚇人了吧。我覺得幼兒至初小階段重點是培養閲讀興趣，建立習慣。閲讀時數多少不需要太在意。我小朋友幼稚園時都是每天睡前15-30mins 伴讀，剛開始的半年甚至每天只有5-10mins，到上了小學會自己主動借書看，平時出街如果知道車程長或要等待，都會自己帶本書看。
建立閲讀習慣除了每天伴讀，還有生活環境配合。例如父母伴讀時會否投入，平時放假有沒有帶小朋友逛書店或圖書館，有沒有談論圖書内容，家中有沒有擺放圖書，小朋友是否可以隨時拿到，或者想看書時太多規矩例如一定要坐在書桌前，一定要在椅子上坐直等等。
總括而言，培養閲讀沒有3-5年都看不到成果。