考小一對家長的壓力大到不能形容

5tgb

回覆 hkpapa852 的帖子

又唔可以講無準則的，一般學校都鼓勵努力學習及多元發展的。捉住此2點已大把野準備啦！收左個D一定準備得好架！唔收果D，咪話人收生無準則羅！收左唔會甘講架！

魚兒小寶貝

我唔知人地做d咩為之準備，我自己就咁既：

1）囝囝一歲前已開始同佢睇軟淋淋果d BB書，之後沒有間斷的伴讀直至佢自己識睇書後仍會間中伴讀。。。；
2）教禮貌、規矩、講道理。。。；
3）數數、捉棋、玩家家酒、買賣、cards game。。。；
4）出街行到邊講到邊，搭車玩接龍、食野時比餐牌叫佢揀食物、在大街上介紹木棉樹。。。；
5）接觸好玩既興趣班，如整甜品、溜冰、畫畫、珠心算。。。；
6）一星期溫一次學校教既野；因應小朋友程度及進度，耐不耐在家教佢學術性既野；
7）K1開始上網睇及問其他家長有關小學既種種問題，開始硏究囝囝適合邊d小學（有條件限制下的所有種類），早一年開始聽簡介會及參觀學校我覺得好輕鬆；
8）有睇過果d面試題目，深果d太深冇諗過要教囝囝，淺果d太淺唔駛理。

講真，這是一個好普通既成長歷程，事實上就算唔係因為考小學，我既做法亦唔會有變。K1前我冇諗過考小學既事，難道我就唔伴讀? 唔教佢禮貌? 唔同佢玩? 唔報興趣班? 父母唔准教佢學術性既事?

種種條件及因素下我只報了3間直資，考到就讀，考唔到就抽，抽唔中就叩，叩唔到咪照返囉。唔係話我好樂意囝囝讀d個個都唔想入既學校，只係我盡量樂天知命，到真正遇到困難時咪勇敢面對囉。

5tgb

回覆 魚兒小寶貝 的帖子

極度贊同有樂天知命的心態就會快樂。自已在孩子KG時，特意選是一間非主流，勁hea KG，報直、私時，全軍覆沒，個時都是靠樂天知命去崖過去。之後幸運扣到心儀小學，現時成績叫做唔使好擔心。面對現時的競爭，無樂天知命心態，隨時要跳樓。

ANChan59

魚兒小寶貝 發表於 14-4-4 21:26
我唔知人地做d咩為之準備，我自己就咁既：

1）囝囝一歲前已開始同佢睇軟淋淋果d BB書，之後沒有間斷的伴讀 ...

你的第二點，不單升小，升中升大學及出來社會做事都十分重要！
到高中我放心了，他合格了！

魚兒小寶貝

N年前，有位朋友戀上有婦之夫，令到自己痛苦不堪，我諗極都唔明，朋友又叻又靚女，做乜要攪到自己咁! 另一朋友話有乜唔明吖，來來去去得幾個理由庶，錢、好勝、自尊心強\弱。。。
我唔明白既係 - 幸福，唔係喺自己手咩? 做乜要等人施予?
朋友話佢咪用緊自己對手爭取囉!
但需要咁痛苦嗎? 仲有好多男人吖!
哦~咁呢d就係性格問題喇!

當年我力勸果位朋友，但結果當然係嘥氣!
我知道性質唔同，兩件事唔可以咁樣比較，我問點解，可能答者可以舉出好多原因，呢d原因當事人梗係覺得重要。。。但。。。可否唔好睇得咁重呢? 係咪性格問題呢?

瑩瑩老豆

3pigmama 發表於 14-3-28 00:22
連不是神校的簡介會都即時冇晒位, 學位方面幾千人收100個, 點算?

你都未見識過考中一
當年我囡報小一, 是旦搵間近屋企的, 自行就入左, 唔覺有乜壓力, 但到今天考中一, 才知乜野叫壓力.

bartsimpson0317

個個都報十幾間。 救命。

py84ko

我自T
己從來冇想過為自己小朋友報直資或私小，因我住嗰區只得11間津小選擇，但算自行入唔到，到了統一派位派是但一間都唔會差。

但因有朋友經驗話我知，如果你小朋友讀書成績好與否，要上到小學才知道，上到考中一嘅時候，成績好就唔担心冇好中學收，但成績唔好，做家長的到時又煩多一樣嘢，所以建議我幫自己小朋友考直資或私小，最好一條龍兼會呈分，如果成績好咪考番官津中學。

jadeklleung

之前想去摘士多啤梨，去到先知連場大雨浸爛晒，冇得食。
想到做農夫望天打卦，好多野都控制唔到，但仲有好多野可以做，總可以有收成。
做父母，一樣。終於釋懷了。各位加油。