精裝Train女仔

edu_father

sbux 發表於 13-10-11 19:19
皇上，如果女兒在人前較怕醜，唔願打招呼或答問題，可以點處理?  我引導佢一兩次都唔出聲就停，費事太怪獸 ...

唔知幫唔幫到你，但可以同大家研究一下，朕o既囡囡Ｋ２前都係同你個小公主一樣咁怕醜。朕同皇后彩用o既方法係帶佢去多啲唔同o既地方，同見多啲唔同o既人，每次都提佢同人打招呼或答問題，佢唔肯答時記住唔好鬧佢，而事後先至再次鼓勵佢，而每當佢有少少進步都要大讚佢。剛才果招係柔招，其實朕地仲有一招硬招，就係如果佢想食麥當當時，你可以帶佢入去示意會出錢買，但叫野食果個係佢。如果佢唔肯就唔買囉，又或只買少少。假如佢肯叫買，就算蚊芝咁細聲講得唔太清楚都好，你都要大讚佢，仲會買多一兩樣野比佢當奬勵。其實佢地係信心不足，只要佢地試過一兩次有成功感後，佢地會慢慢大膽起嚟。但記住唔好太急進，如太急進會有反效果，佢地更加唔敢講野就慘慘啦。

家長們有冇其他o既方法呢？講出嚟分享下啦。　

edu_father

Obiepapa 發表於 13-10-11 19:34
對女皇都好似有用。

金毛B媽

Obiepapa

原帖由 edu_father 於 13-10-11 發表
真係咁經典咩？出年你會提名朕參選諾貝爾文學奬嗎？

我向板主提名此貼為年度金貼奬。同意就幫手舉下手

sbux

原帖由 edu_father 於 13-10-12 發表
唔知幫唔幫到你，但可以同大家研究一下，朕o既囡囡Ｋ２前都係同你個小公主一樣咁怕醜。朕同皇后彩用o既方法 ...

多謝分享。另想問如果想練膽量，你覺得參加故事或朗誦比賽會唔會適得其反嚇親佢?

karen55407

我練膽量方法唔同啲！去到公園，我會叫佢自己揾人同佢玩，我唔會幫佢，採取就手旁觀嘅方法；去到勞當當，我會好忙咁整理食物，慢不經意地叫佢幫我去攞茄汁、飲筒等，做到我都唔會讚佢，讓佢覺得這樣是一種平常事。

karen55407

責任心一歲就可以培養，好多老人家在孩子跌親大喊時都會拍打地下，其實這樣就是推卸責任的良好典範。我會清楚告訴孩子係佢自己嘅責任，佢應該小心啲，唔好亂跑，或者拖住大人等。

chloeyiyi

sbux

原帖由 karen55407 於 13-10-12 發表
我練膽量方法唔同啲！去到公園，我會叫佢自己揾人同佢玩，我唔會幫佢，採取就手旁觀嘅方法；去到勞當當，我 ...

係喎，如果讚佢仲顯得件事尤突，多謝分享。

karen55407

回復 sbux 的帖子

多謝你認同

karen55407

首先自己唔會主動同人打招呼，就唔好冀望孩子會主動叫人。如果我孩子唔肯叫人，我會表現唔開心，事後告訴孩子因為自己的孩子無禮貎而傷心；別的孩子叫自己，我就會大讚孩子；自己孩子肯叫人，我的臉就掛喜悅；人家讚我的孩子有禮貌，我會告訴孩子今天有一件我好高興的事情⋯

homeuser

edu_father 發表於 13-10-12 09:05
唔好口輕輕呀，你唔記得咗朕有個小公主咩？

你個小公主小一，我個k3, 升左小學仲有冇時間玩啊？尋日同朋友出去玩，d小朋友玩得好開心，小朋友最緊要有伴玩，係邊，玩咩都唔緊要，見到佢同朋友仔玩得咁開心，覺得佢平時一個好可憐，

babychinglok

皇上，超好笑又有道理，我都叫我老公睇去配合下我TRAIN 女，你用左好多心機時間去TRAIN 女，真係唔懶得，你個女本身係好聽話定比你順服左？你真有心寫甘大段文同大家分享，超讚

sharon805

kwuom

edu_father

Obiepapa 發表於 13-10-12 20:34
我向板主提名此貼為年度金貼奬。同意就幫手舉下手

朕依然係想劍指出年諾貝爾文學奬喎。

edu_father

sbux 發表於 13-10-12 21:59
多謝分享。另想問如果想練膽量，你覺得參加故事或朗誦比賽會唔會適得其反嚇親佢?



  ...

如一開始要你小朋友去做個人表演，可能會產生反效果喎。

朕o既小公主以前都係極怕醜再衰細膽，而經朕對佢o既多年觀察，發現同學或朋友仔對佢會產生好大感染力。例如：佢以前去遊樂場玩時，有啲地方個位高少少，佢打屎都唔敢跳。但有一次同啲同學仔一齊去同一處地方玩時，成班友仔周圍喪跳，小公主突然好似上咗身咁諗都唔諗就跟住跳。自此之後，就算佢自己一個去玩時已習慣跳果處。另外，佢以前完全唔肯個人表演，但參加咗跳舞班後，有一大班小朋友陪佢一齊跳，佢亦肯去表演。當佢慣咗上台表演後，膽量大咗自信心返哂嚟，再叫佢自己表演時，已變成絶冇難度。你可考慮一下用朕o既方法，比你小朋友先參加一大班人o既表演活動，睇下work唔work啦，唔work咪找朕悔氣呀！

edu_father

karen55407 發表於 13-10-12 22:11
我練膽量方法唔同啲！去到公園，我會叫佢自己揾人同佢玩，我唔會幫佢，採取就手旁觀嘅方法；去到勞當當，我 ...

其實訓練小公主一啲都唔易，因為佢比一般怕醜o既小孩子更異常。以前朕都試過迫小公主喺遊樂場時，要佢自己搵其他小朋友玩，而佢亦好快適應同做得到。但當朕叫小公主同其他大人打招呼同講野時，情況就好唔同，佢唔敢同大人溝通，尤其係男士佢會躲喺朕身後，當時朕真係好頭痛。另外，平日朕一家去麥當當時，朕叫小公主自己去攞飲筒時，佢都肯去攞。但當一有朋友在場，又或佢知道附近有其他人注視佢時，情況就好唔同，佢打屎都唔肯去攞，所以之前訓練佢時真係好嘔血架。最大鑊係，以前佢細個時，如果佢身邊o既人較大聲講野或大笑，佢都會即大喊，仲要係唔收聲果隻。記得佢一同兩歲時屋企人同佢慶祝生日，都唔敢大聲唱生日歌，要蚊芝咁聲唱，問你死未！

edu_father

karen55407 發表於 13-10-12 22:28
責任心一歲就可以培養，好多老人家在孩子跌親大喊時都會拍打地下，其實這樣就是推卸責任的良好典範。我會清 ...

萬分贊同責任心要自小培養，亦非常認同你所講，好多人一見小朋友跌親就過份緊張，咁做法只會訓練到個小朋友，只懂依賴同推卸責任。

從你依幾篇留言中，可見你對訓練小朋友十分有心得，亦真係好用心去思考點樣去Train好子女內涵，朕極欣賞你，亦好多謝你分享保貴o既調教子女心得。

edu_father

karen55407 發表於 13-10-15 07:58
首先自己唔會主動同人打招呼，就唔好冀望孩子會主動叫人。如果我孩子唔肯叫人，我會表現唔開心，事後告訴孩 ...

好正