激我地你會好開心咩?

annie40

除了相信他，別無選擇。已經是相信，就要信到底！反正當天不想上課，去到學校也是白走一趟了。

noplanner

回覆 Ahling2004 的帖子

「阿媽，我想你唔好理我，任得我 。我依家好肚餓，可唔可以 …」
阿Ling，
～整返熱的隔夜餸俾佢食，無聲無色(臉色)攞入去過佢食；
～俾佢覺得阿媽任得佢，最好令佢好奇: 「，點解阿媽呢期好似唔緊張我咁嘅？？？」
～唔好俾佢知你個心已對佢好灰
～繼續想完全唔理佢，不過唔好真係咁做；唔好俾佢成功迫到你當佢完全透明。

(以上係想象自己十年後的做法，完全未經真人測試，而且我未睇晒百幾個帖哦！不過如果阿Ling 你已經無計可拖，可以考慮吓做吓實驗。All the Best!)

bb560

原帖由 Ahling2004 於 14-02-20 發表
以上 我統統明白及理解
.
專家常說要去發掘他的興趣及培養佢的自信心. 但佢已封閉自已, 拒絕支援, 做父母 ...

唔好意思，睇咗你咁多帖，你話到個仔讀書咁差，佢有冇少少優點呢？你平時同個仔有冇共同話題架？你知唔知佢D死黨係咩野人？你可以唔答哩D問題，不過，如果你答咗可能會幫到你！

Zen

Ahling2004 發表於 14-3-5 12:41
依家又話唔舒服, 頭痛番唔到學要請假.
日日打機, 唔頭痛就有鬼啦. 做父母的明知佢係度玩野, 唔理都要理. 唔 ...

我囡一樣,頭痛,肚瀉,下學期病了幾天.過著如此不正常的生活,不病才怪.雖然心裏覺得她在逃避上學的責任,但社工說,信她吧,反正不信也得信,無謂與她爭論傷感情之餘,對整件事無幫助.假如是裝病,缺課,不溫習,就由她自己承擔留班的後果.

傷心呀! 但很無奈！

KKKK

也是因為打机？

Zen

KKKK 發表於 14-3-6 17:25
也是因為打机？

不是, 去街

洋蔥頭媽咪

原帖由 Zen 於 14-03-06 發表
我囡一樣,頭痛,肚瀉,下學期病了幾天.過著如此不正常的生活,不病才怪.雖然心裏覺得她在逃避上學的責任,但社 ...

如果留班可以令佢醒覺，就未嘗唔係一件好事，最怕係佢完全唔醒，如果佢自己唔肯行出第一步，真係好難幫佢。
好似我仔而家都勁沈迷打機，好彩佢從未諗過唔讀書，只係開始唔交功課，上星期家長日班主任問佢咁多時間用晒黎做乜？問佢究竟想唔想改，好彩佢仲識點頭，返黎终於肯做吓功課，不過班主任都講明再唔交功課唔比佢升班，叫佢自己諗结果，仲話好快有報應架，半年就見效 ，果刻我真係覺得好嬲又好笑，呀仔又好似醒左少少
佢同我講佢唔會留班架，因為一留可能冇晒d fd. 不過佢都有同我講有時控制唔倒，我而家都退後一步等佢自己醒，只要佢仲肯讀書唔學壞，我都少同佢對碰，或者有時真係要受下教訓先會學乖，父母急都急唔黎，我地唯有忍耐吓啦！

洋蔥頭媽咪

原帖由 Ahling2004 於 14-02-20 發表
以上 我統統明白及理解
.
專家常說要去發掘他的興趣及培養佢的自信心. 但佢已封閉自已, 拒絕支援, 做父母 ...

其實佢沈迷咗，係會封咗自己响佢地個圈入面，我地講咩都作用唔大，或者睇吓有冇老師、同學同佢有兩句嘅，試吓從果方面入手，有時老師、朋輩講佢地會易d接受，當然遇到好老師、師長，情況可能會好唔同。或者呢d係人生必經階段，就當係對孩子嘅考驗啦，唔好灰心。加油！

noplanner

「聽聽子女的心聲」今年也有提電玩，或許能帶來些少靈感。

Zen

洋蔥頭媽咪 發表於 14-3-7 00:19
如果留班可以令佢醒覺，就未嘗唔係一件好事，最怕係佢完全唔醒，如果佢自己唔肯行出第一步，真係好難幫佢。 ...

我都唔知留班對佢係好事(醒覺)或壞事(更加hea),但都已不到我控制,大權其實掌握係佢手,想升想留全在佢自己一念之差.



唉, 做父母既真係好無奈

noplanner

回覆 Zen 的帖子

我唔知呀，不過感覺上乜 teenage years 唔係主權移交個過程嘅全盛時期，大大細細都要立正企定嘅咩！

annie40

做父母既係好無奈也好, 有奈也好!

也许我们的父母也曾经很無奈啊, 今天大家还不是大步揽过吗?

最近常想孩子觉得父母最差行为是甚么, 'Distrust' 一定是头三位, 未犯严重错误前, 要信佢! 孩子们明白要对自己负有责任, 反而更加愿意认真思考才决择, 更努力学习!

Ahling2004

回覆 bb560 的帖子

優點: 佢正常時就好多優點. 最幣唔正常多過正常. 例如:  當長輩不在家時, 叫佢幫手煮飯, 佢都肯. 對佢認為值的尊重的人好有禮貌.   
共同話題:  一切睇佢心情, 好時, 大家會傾下各國政治, 社會話題, 學校話題, 時下青年話題, 大家想吃咩.   
死黨:  我識. 由小學到依家最好呢個朋友, 思想影響都好深. 打機又係好狂,不斷了仔一起ONLINE打機, 但人地讀的書,聰明. 仔成日只吸收人地唔好的思想信息. 例如: 唔同父母一起出去吃飯; 有朋友來屋企玩時, 叫父母唔好係屋企.;叫父母收聲唔好理佢打機; 最好父母常常不在家, 佢就自由.  呢些全部反映係我仔身上.   但人地有目標, 佢又唔學.  中學同學都有見過下面, 不過唔多識. 都係好宅男及打機類.
.

bb560

原帖由 Ahling2004 於 14-03-07 發表
回覆 bb560 的帖子

優點: 佢正常時就好多優點. 最幣唔正常多過正常. 例如:  當長輩不在家時, 叫佢幫手煮飯 ...

從你字裏行間，或者我估下你係佢小學嘅時候點對待佢:你应该都对佢幾照顧週到，佢未開口，你已經主動買野俾佢，你对佢無乜特別要求，你驚佢讀書辛苦，所以俾佢讀佐一間無乜功課嘅學校、、、、唔知我估得对嗎？

annie40

回覆 Ahling2004 的帖子

其實妳點知仔仔無目標。大部份孩子是隱隱然的有目標，只是覺得父母唔明白，唔信任，唔相信，才不會直接道出自己的可能性。這些隱隱然，會隨著光陰、隨著挫敗，隨著被人看扁而慢慢流逝，為了成就孩子，無論他是如何的不順眼，請嘗試把他看成「巨人」，給予無限量的包容和為他打氣。

他的特質，是大部份teenagers的特徵而已，找回理由覺得他十分可愛，才會愛得自然！

Zen

annie40 發表於 14-3-9 19:18
回覆 Ahling2004 的帖子

其實妳點知仔仔無目標。大部份孩子是隱隱然的有目標，只是覺得父母唔明白，唔信任 ...

那麼對著完全沒有學習動力的孩子，該如何是好？鼓勵／教導說話已講盡，依然故我，如何包容，如何打氣？







唉！真的是無從入手呀！

totheend

回覆 Ahling2004 的帖子

我有個朋友, 佢既仔都好喜歡打機, 但現在和幾個同學一起, 將自己打機過關的技巧製作成影片擺上youtube, 超過一定的點擊率, 好像是可以收費的.

科大兩個同學因為寫"神魔之塔"遊戲, 獲得大陸網游公司收購28%的股權, 收了5億, 也許對你仔有些啟示?

annie40

回覆 Zen 的帖子

放下一点, 等待一点!

家里明显是已经有位生活不怎么合意的孩子, 其实他也时刻想受同学爱戴, 老师赞赏, 爸妈爱护, 小时候没有做甚么已经拥有的各方宠爱, 现在要work hard了, work hard 了也未必学容易得到的认同. 也是十分徬徨无助助啊! 现在孩子是身处成年和孩子的gap 中, 新规矩未学懂, 旧规矩用不上. 给他们特别包容和空间是彼此之间生存之道.

在家中黑脸的人,一个已是太多了, 因此你不要跟他一般见识, 努力保持稳定的生活, 开心过日子, 他也很想做人开心的, 只是还在摸索中, 等他觉得阿妈又怪,又可爱, 又可敬, 会自动走埋呢跟您学. 不走过来也好, 河水不犯井水嘛!!!

试想想当年在BB nursery 的日子, 每天睡眠不够三四小时, 24小时没私人时间, 营营役役, 担担忧忧, 我们也熬过来了!
常想孩子来到世上的任务之一, 就是让父母发掘自己的内在无限潛能, 多难顶, 多忧虑, 多无助的路也走过了, 才惊觉原来我们是天生的'IRON MAN, IRON WOMAN'了.

关于功课, 请跟老师和孩子的同学保持良好沟通, 狩罗进修和前程等资料, 交给他, 看不看由他, 自己心中有个底便踏实多了.  总之是既然急不来之事, 放下一会当中场休息, 充点电, 再上路!

p.s 男孩子十七八岁后各方面行为会合理化, 如果底子和品格不差, 成绩亦可追回的.

      朋友和我不约而同的认为, 十六岁后我们的女儿比前数年soft 了, 有点旧日小可爱的影子.
   

Zen

annie40 發表於 14-3-10 12:54
回覆 Zen 的帖子

放下一点, 等待一点!

annie,

多謝妳的鼓勵和意見，我想現在我首要的是令自己開心，盡了力便放下，這是我要努力完成的的功課。

Zen

Zen 發表於 14-3-10 15:08
annie,

多謝妳的鼓勵和意見，我想現在我首要的是令自己開心，盡了力便放下，這是我要努力完成的的功課。

annie,

多謝妳的建議，我會嘗試進行。