旺角基督教服務處雋匯幼兒學校

waiwaichu2003

fionkwok,

註冊時,我地已經比左買書包既錢,後來老師話因coming會轉護脊書包和要繡埋幼兒園嗰名係書包度,所以攞被套嗰日要交多8元和要到開學先至有得攞!----下次記得留心聽書la!

嘩!你咁快就洗定d被套,我仲未呀!我諗住開學前一個星期至洗,感覺上"新鮮"d!

註冊時,我問過老師,佢話d被套可選擇自取回家洗,然後星期一再帶返去幼兒園;或可留底比佢地group埋一齊洗(要收費),洗完直接送回幼兒園,慳番唔少力水~~

講開d被套,我昨晚至拆出看,d車工和款式做得比我想像中好.昨晚一開,阿囝已急不及待係張被度碌離碌去,成個"腸仔飽"咁,好搞笑!希望開學後,佢一樣咁鍾意張被la!

fionkwok

waiwaichu2003,
嘻嘻!!! 我係一個冇記性既人來架, 生完阿女之後就更加啦! 不過我老公叫我唔好成賴個女喎!   

下午打咗去學校訂多咗兩套運動服啦! 你打咗去問schedule未呀?

waiwaichu2003

fionkwok,

我昨日已打咗去學校訂多一套運動服啦! 不過,要開學至有得攞! 個schedule老師話會按情況而改,佢話每朝會同家長講解番個日既情況喎!

fionkwok

waiwaichu2003, twins & yenchan,
想問吓咁多位媽咪, 讀邊間幼稚園同升小學有冇關係呢? 以我所知, 係同自己住邊一區而去選擇及派位, 但呢兩日睇小學雜談, 好多名幼稚園d學生都好似唔係派得幾好, 咁讀名校又有什麼用呢? 我有諗過俾阿女讀私小, 但要俾足六年學費又唔係咁想, 大家認為如何呢 ?

cherly

請各位家長賜教：
為何選讀基教？語言學習(中、英)程度如何？會給孩子讀到n4嗎？
Thank you！
cherly

waiwaichu2003

YENCHAN,

你最近係咪好忙呀? 有時間上離傾下計la! 係喎! 我同fionkwok和Twins已"相睇"完,幾時到你呀?

fionkwok & Twins,

你地有冇發覺被套少左個"枕頭仔"? 咁開學時,係咪要自備帶埋返學校呢?

仲有,你地諗住幾時交autopay張form呀?

Twins

Fionkwok, waiwaichu2003,
好開心果日可以同你地相認呀. O拿,以後既日子我地
要好好保持聯絡啦.

我都仲未洗果set床單, fionkowk你真係快手.
不過如第時要比學校洗,好似$10/week既.
至於你話選幼稚園同升小學有冇關係, 其實讀名校唔
一定派到好既小學校, 主要都係你既隨機number,
亦可以講係運氣, 同埋亦要睇下你果區多唔多小學比
你地選擇lor. 所以讀得名校幼稚園就要諗定比$讀邊間
小學啦. 而你問讀名校好唔好呀,有$就梗係讀啦, 起碼
師資一定有番咁上下, 同埋英文抵子亦唔差. 所以好視
乎每個家庭既經濟能力.

你好攪笑呀waiwaichu2003,話你個囝似”腸仔”
喎, 等我諗起d腸仔包tim.
我問過我果friend啦,係冇枕頭仔架. 我估唔洗用掛,
因學校d床又矮又薄.
而autopay form我諗唔好咁遲交啦, 點知bank要攪
幾耐喎!

係哩,你地現在一共買左幾多套運動服呀? 校服又幾多套?
請問需時幾耐可以取校服?


YENCHAN,
你係咪工作好busy而冇上BK呀? 我地有好多野要你指教.

YENCHAN

all mami!!我好慘呀~~早幾日我見到fionkwok以下既問題已經即刻回應.......點知係我按[確定送出]既時候...系統竟然話[Busy].....激死我喇 之後幾日都真係幾忙...所以先至冇上黎law!!

我記得我個日係想同fionkwok講:
我好開心你地相認左呀!! 我又要相認呀~(遲d一定有機會既!!)同埋想話比你地知d被套有代洗law!!(遲左講lu)

仲有想同你地講今日又係親子日呀,我請唔到假,所以我老公去,今日主題係~~包粽~~哈哈!!我老公好驚...因為冇我係身邊,佢話全部都係媽咪呀!!佢仲同我講,一去到,師生就問佢:咦?爸爸你都識包粽呀?咁我老公就好無奈咁話:唔識架!!      隻愛心粽都未食,(食唔食得架?) 不過點都要蒸左佢黎食下既~~話晒兩仔爺一齊整喎!!

係呀~冇枕頭架!!

我覺得讀邊間唔係最重要既,最緊要都係小朋友讀得開心,大人放心,其實間間學校都有一定會有d唔好既師生&學生,都一樣會影響小朋友架喇,所以最緊要都係家教最重要,平時管教得好,養成習慣既話,我諗小朋友都唔會曳得去邊既!!當然,如果有得選擇,當然會搵間好d既比小朋友啦!!

好喇~~遲d再見啦!!

fionkwok 寫道:
Hi all mama,
幾日都上唔到嚟, 好掛住你地呀! 好開心家長會果日相認到, 請以後多多指教!

尋日已經幫阿女去買咗校服啦! 套校服又真係幾有形, 阿女試咗覺得佢大個女咗又幾靚女喎!

係啦! 想問吓果日攞d被套及運動衫, 係咪冇書包架? 返到屋企同佢洗咗套被, 要分開兩機先洗得曬, 以後個個星期都要洗都幾煩, 係咪學校有得代洗呢?

YENCHAN

仲有呀~想同你地講,我記得小朋友o岩o岩開學會唔習慣,由其是訓教o個陣,所以新生好似可以帶d佢平時最意既枕頭/公仔/玩具比佢地帶返學一齊訓架!!仲有帶張家庭照係書包,因為有時小朋友掛住你地,師生就會拎張相出黎安慰下佢地架喇!!

fionkwok

YENCHAN,
好開心你終於返來啦! 不知幾掛住你呀! 如果冇咗你係度做盲公足, 我呢個大頭蝦都唔知點算? 我諗我地要到開學至可以同你相認啦! 你會唔會陪阿仔開新學期呀?

洗完套被我尋日俾咗阿女用, 佢不知幾開心, 成日攬住, 我諗住俾佢用吓先, 等佢有d安全感, 第日係學校訓會容易d訓呱!

twins,
我果日買咗兩套校服裙及一件外套, 另外再同學校定多兩套運動服(一套4碼, 一套6碼) 加之前定果套共3套. 我都係諗住會早d交autopay form, 費事趕唔切要去銀行掛隊交學費就麻煩啦!

fionkwok

呀, 仲有, 想問吓咁多位, 知唔知油尖旺區有冇邊個好既兒料醫生呢?

cherly

信和中心 - 梁子正醫生(兒科)

fionkwok 寫道:
呀, 仲有, 想問吓咁多位, 知唔知油尖旺區有冇邊個好既兒料醫生呢?

Twins

fionkwok,

Please check PM la.

waiwaichu2003

YENCHAN,

嘩嘩嘩,見到你再上黎傾計,真係好開心呀!
我一諗起你老公包粽個樣,雖然大家未見過,但應該非常搞笑,加埋你囝囝,好溫馨,好warm呀!有冇拍底留起做紀念呀?

吓!冇枕頭架,咁阿囝真係唔知瞓唔瞓得著喎!

你講得好岩呀!家教真係好緊要,我見到都盡量教,但有時真係教極都唔聽,唉.....

fionkwok,

唔...我覺得以現在既教育制度黎講,除"一條龍"外,幼稚園同升小學係冇關係ga! 但仍然有好多家長送子女去名校,原因係普遍家長認為普通幼稚園d課程太淺,驚小朋友升上小學後應付唔到; 而名校既課程出名係深d,學習氣氛比較濃厚,相對小朋友係咁樣既環境下成長,既可打好學術上底子,亦可培養小朋友自小養成學習習慣,但當然家長既付出(金錢-學費貴,時間及精神-同小朋友溫書)亦相對地提高! 我既睇法就係"順其自然"la,會幫小朋友報幾間自己可應付($)到,然後到收左先至諗轉定唔轉...

Twins,

我總共買左2件白色外套,2套校服,3套運動衫(因星期一,三係運動日,我驚阿囝星期一"lai"濕左2套後,洗唔切!)   

waiwaichu2003

fionkwok,

唔好意思,我好少係lee區睇醫生,沙田區岩唔岩?

fionkwok 寫道:
呀, 仲有, 想問吓咁多位, 知唔知油尖旺區有冇邊個好既兒料醫生呢?

fionkwok

首先多謝咁多位媽咪幫手, 但係有冇電話可以提供到呢? 等我可以打個電話去問吓! thanks! 因為個女咳咗成個星期, 睇極都唔好, 今朝又同佢去覆診來, 好鬼煩, 仲要係成日訓至咳得緊要, 成日咳醒, 一咳醒就cry到拆樓咁, 半夜三更都係咁, 所以諗住今次再睇唔好, 就同佢轉醫生試吓! 最怕就係佢咳, 試過有一晚咳到要同佢換3次被單, 因為咳到嘔奶, 你地話煩唔煩!!!     

fionkwok

yenchan & waiwaichu2003
你地講得好岩呀!家教真係好緊要, 但我女又係咁,話極都唔聽, 所以有時都要打吓手板, 已經係自己教啦, 都係咁唔聽話, 點算? 不過, 講開又講, 我就最怕返奶奶到, 成日有野就俾阿女食, 好似咳咁, 話咗唔可以食糖, 唔可以食涷野, 佢一家人都係照俾, 好似驚佢唔死咁, 我話佢咳呀唔好食啦, 就話你個突別巴  , d堂阿哥都係咁食啦! 你地話死未? 唔好意思, 要咁多位聽我係度申!   

waiwaichu2003

fionkwok,

Please check pm.

Twins

fionkwok 寫道:
首先多謝咁多位媽咪幫手, 但係有冇電話可以提供到呢? 等我可以打個電話去問吓! thanks! 因為個女咳咗成個星期, 睇極都唔好, 今朝又同佢去覆診來, 好鬼煩, 仲要係成日訓至咳得緊要, 成日咳醒, 一咳醒就cry到拆樓咁, 半夜三更都係咁, 所以諗住今次再睇唔好, 就同佢轉醫生試吓! 最怕就係佢咳, 試過有一晚咳到要同佢換3次被單, 因為咳到嘔奶, 你地話煩唔煩!!!     

幾咁BUSY都要覆下你先, 我家陣冇電話係身, 要返屋企
睇下先至話到你知. 如你好急住去睇可以打去電話公司
CHECK號碼架.

waiwaichu2003

fionkwok,

lee排可唔可以唔去你奶奶度先呀!等你囡囡好番至去la!一路咳,一路食糖和涷野,真係好難好番ga喎!

贈你: 加油!加油!FIGHTING!
         加油!加油!FIGHTING!
         加油!加油!FIGHTING!