玫瑰崗PN

GCG

回復 bobo101^*^ 的帖子

bobo101, 唔好意思, 我唔係有惡意, 不過你看來似乎RHS甚麼都是美好, 但我相信每間學校一定有不足之處, 例如York學費貴但質數好, 北角民生活動空間細但老師有愛心課本質數好, 明慧比人咁覺too commercial地方舊但課程夠深銜接小學無問題, 迦南K3只有下午班但老師有愛心, 衛理堂課程淺英文少但扣門衛理小學好, 明我老師太嚴厲但扣門基灣好好早寫字仲要加埋測驗.. 但又唔覺你對RHS有絲毫不滿, 你說東區返學唔遠南區又話唔遠(我反而覺得幾遠, 最主要係校舍位於半山地區, 雖然大家30分鐘, 但平坦路30分鍾同九曲十三灣上山30分鐘差好遠, 只不過大人唔覺), 你又肯定小學換黃校長後一定好, 有人說黃校沒有愛心你又說成因為這樣對學校好, 有人話RHS中學有學生在校內吸毒, 你都將佢說成因為學校為學生好, 讚佢及時報警透明度高, 又暗示其他學校都有呢D程況, 只不過佢地不報警… 連web page 中文變英文都話好, 可不可以真係用D客觀分析你小朋學習程況, 有甚麼不太滿意, 比大家自己衝量呢間好與不好, 我個人好哀架, 我返而鍾意聽吓D衰野甚至黑暗一面, 等大家家長可以真正了解多D接唔接受到。

bobo101^*^

GCG 發表於 12-11-6 11:46
回復 bobo101^*^ 的帖子

bobo101, 唔好意思, 我唔係有惡意, 不過你看來似乎RHS甚麼都是美好, 但我相信每間 ...

GCG, 如果有睇我發言既文章, 我沒有說其他學校不好。
我小朋友在RHS讀緊, 有家長想了解及查詢, 我只是按照實際情況回答。如有差的一面，我也會在此答，但真的未遇到，我又點可以說大話呢?
至於黃校長有冇愛心, 好多K2-K3的父母接觸過也很了解，不想再多說。
小學部有改革是一件好事, 如果私小多一間好的學校, 來年大家也可以選擇。 所以家長們期待及昐望乃是正常!
中學校風不好，我們不應該要抺黑學校，更加不應該戴有色眼鏡去讀緊的學生, 難道學校差, 沒有機會可以翻身? 一世就是差? 作為學校, 老師同家長梗加要聯手討論, 極力改善學校的弱點，而不是在這裡說中學部"垃圾", 唔掂, 等用語。
我明白這裡是討論區，可以談論好與不好，但用詞不應該那麼偏激!
(不便之處，請見諒!)

iamiris

做咩咁有火药味？討論下啫，唔好玩針對

cmycat

回復 GCG 的帖子

我都同意你既觀點, 每間學校都有佢既優點同缺點, 所以做家長要衡量再決定入讀那一間學校...
至於RHS, 最大既缺點就係佢既地點, 位於半山真的嚇怕很多家長, 但另一角度睇, 如果佢不是位址不便, 那有環境優美既優點, 接受與否真係每個人不同... 當初我最擔心既都是這一點, 東區去中半山, 對2歲小朋友真的很遠, 但當我知道我同事囡囡讀K1同區學校都要坐大半個鐘校車, 我便覺得不用40分鐘既校車便沒問題了.
第二個缺點便是佢既中小學, 但如果當她是一所沒有中小既幼稚園, 那便不用擔心.
另一個缺點, 呢個係我有個朋友同我講既, RHS 太多瑣碎野, 有好多通告, 好多時有好多捐款, 獎卷之頖... 家長處理學校既野都唔少, 工作繁重都幾麻煩.
ＰＮ學費比一些幼稚園貴些, 但佢既課本工作紙亦相當多....

feiji

很多家長不明白RHS「兩日全日英文、兩日全日普通話、一日Montessori 」的意思，其實全日英文或普通話，實際只有少於半日，因為它的主題書課、數學課、寫字、做教具、體能、茶點、音樂活動都是主要由班主任帶領的（正副班主任都一定是廣東話人）。而那半小時的Montessori堂，也不是每個星期都有。玫幼其實上是一間廣東話為主的學校，輔以英普教學。大部分高、低班的家長都有在外面再上英文和普通話班的。

seeker.email

Glad you posted this.  Never knew this though I did wonder about their claims on the languages used in class.

twllc

多謝你的講解，因為我一直都有疑問，點解有學卷學校可以安排咁多英文同普通話堂

sasiuman

同意Bobo101一直以來所寫的內容，沒有特別誇大，作為玫記家長，一直沒有覺得學校有誤導，每日上堂得3個鐘，唔好諗住學校會train到你哋仔女識飛啦，信你哋唔出去補習，我都有同亞仔補啦！如果真係有一間完美嘅學校，又收我個仔，我真係想見識下，我buy玫記，係佢比到我想要嘅野，你哋buy你仔女嘅學校，係佢比到你想要嘅野，你哋覺得玫記係半山唔方便，咁點解咁多人想往半山，我鍾意學校係playground唔係在馬路邊囉。有人有疑問，有個咁熱心家長解答，真係好囉！大家係成人，有分析力啦！不喜勿插，真係好無耐！

iamiris

我嗰日交完表參觀學校，个miss有講唔係全日講英文or普通話，講解得好清楚，唔明點解有误会。

karman888

我都好疑惑，佢究竟係全日英文，全日普通話，定係主要中文？

bobo101^*^

今年報名日學校印製了2200份學校簡介，但超出預期人數，故此在2200籌號後是取不到這份簡介。從學校資料提供，好清楚註明幼稚園有四種語言：英文，西班牙語，國語及廣東話！他們說兩天英文，意思個三個鐘內，針對教英語及廣東話，不會夾雜國語。同樣地，兩天國語也不會有英語。讓幼兒不會在半天內又英又國語。今年學校邀請了蒙特梳利持牌老師，所以逢星期五是蒙特梳利及西班牙老師同小朋友唱遊。學校從來沒有誤導家長，只是部份家長不了解學校罷了！詳細可自行上RHS 網站睇到各老師照片及資料！

12-11-7 13:50 上傳

下載附件 (178.58 KB)

sasiuman

原帖由 bobo101^*^ 於 12-11-07 發表
今年報名日學校印製了2200份學校簡介，但超出預期人數，故此在2200籌號後是取不到這份簡介。從學校資料提供 ...

Well done.

bobo101^*^

我知當日有部分家長拎不到簡介，再分享給大家！

12-11-7 14:19 上傳

下載附件 (161.3 KB)

bobo101^*^

再來

12-11-7 14:20 上傳

下載附件 (138.83 KB)

bobo101^*^

最後一張。

12-11-7 14:21 上傳

下載附件 (138.49 KB)

catcle

bobo101, 我想問你小朋友係大B定細B. 你小朋友面試時係唔係全部答啱晒. 我個係細B, 考時都係啱一半, 但我B得14個月大, 老師問BB識唔識講單字, 同考BB講個水果名, 我都好SURPRISE佢問BB呢D問題, 好似唔應該問細B, 反而我對面個大B (明顯大好多)就叫佢餵媽媽食. 如果佢問我BB, 我bb都識揀水果同餵媽媽食.  你個時考係點架? 我都好like間學校, 所以好緊張啊!

LEUNG2858

OH....即係有OVER 2200位小朋友INTERVIEW, 真係好擔心, 自問小朋友面試表現幾好, 但機會率可能30：1 , 上午班多人報......機會率仲低...WUWU....

nlj1216

My daughter born in Dec...not even a year old.....can't understand the instruction to give fruits, can't pull the toy....and can't expect much from her seriously.  I don't think my daughter will be admitted.......

mama530

我很少在BK留言,不過見很多家長想對RHS有多些了解,當中或許有些存在誤解…所以也來分享一下自己個人的感受:

我有一對小朋友(twins)自PN開始在RHS就讀於不同的班,現在K1了,
一年多來說,我對學校是非常滿意的, 老師有經驗,盡責及有愛心, 非常清楚小朋友在校的情況, 會晚上致電家長告訴我們子女的情況, 又會給她們的手機號我們, 方便跟我們以 whataspp 溝通 (當然我明白老師們並不一定需要這樣做,不過我遇到的兩位也有這樣,我真的很 appreciate 的)

學校課程算是深的, 英普方面,我記得學期開課前回校聽簡介會, 校長逐一介紹幼稚園部老師, 單是英, 普教師都各有4-5位, 作為有學卷的幼稚園, 學校資源的確是比較充裕,…另外, 由於學校採用分小組制的方式援課 (即老師全班教完主題, 再分輪流細組進行不同圍繞主題的活動), 所以學校兩日英兩日普的授課日中, 主題會由英或普老師負責, 但到分組活動 (唱遊, 做手工等) 會由其他老師共同負責,我們家長是知道這樣安排的, 在我所見, 小朋友在 PN時已可跟英語老師溝通,回答問題, 當然我相信大部分父母也有自己教, 英文程度算是很不錯的, 普通話就相對比較個別, 我見有些小朋友比較好, 我的小朋友就只懂一些簡單的問候,名詞等等, 對答還未可以, 當然這亦是跟我們在家沒有培養有點關係吧…

另外學校配套充足, 行政有系統, 亦即是話多規矩,通告和活動的確是多的, 由於我小朋友還小, 現在功課量還算合理, 不過聽講K2, K3 會比較多, 校車方面,車程的確是不短的,我的小朋友上/下課車程也花了每程差不多50mins, 不過PN 時是用 H 的安全帶的, 加上返學那程有老師跟車, 所以我是放心的!

至於校長,我個人跟她沒有什麼接觸, 不過在學校的活動,開學簡介會等看出她是有魄力,有能力又進取的人, 平時的活動經常見她巡課室等等…

最後, 老套的說句: 沒有完美的學校, 最重要是要找合適的學校配對自己小朋友的特點…..坊間有著重學術的, 有著重關顧的, 有著重宗教的…自己多了解吧…

最最後, 我想幫bobo101 打打氣, 真的 appreciate 你肯花時間解答各家長的問題 (我就自愧不如了,打這篇文就花了我半個鐘!!!) , 可以看得出你真的很熱愛學校, 你的小朋友才PN, 開學只不過2個多月,你可以如此愛學校,我相信學校對你來說一定有可取的地方吧…..相信你的小朋友在RHS一定可以在RHS好好學習, 享受學校的生活! 加油~

sasiuman

原帖由 mama530 於 12-11-07 發表
我很少在BK留言,不過見很多家長想對RHS有多些了解,當中或許有些存在誤解…所以也來分享一下自己個人的感受: ...