好想「讚」又一村學校！

Wisdomsfamily

Agree bbmylove09！ ckhmama, 大家有疑問都係正常，每間學校去面試前都唔會入過去參觀，身邊又無朋友讀緊就想知多些資料係正常者，好多都係新手父母同每個父母都緊張自己小朋友搵嘅學校，怕選擇錯誤者（唔好誤會講又一村唔好），而有疑問亦唔代表大家無其他學校收無得選擇先揀呢間，唔代表唔中意呢間學校，唔代表晤中意下午班（我就係選擇下午班），大家揀得呢間都係心目中所想嘅，我相信你都唔會只係報左呢間掛？EK裡其他topic都有講學校嘅優點同缺點（唔係講學校唔好），而大家收唔收同waiting大家都有update下交流下，唔收亦唔係啲咩瘀事，唔知你有無留意到呢？大家包括你都係為左小朋友者又何須甘激動呢？？？

kmmum

新一年, 大家和氣生財. ckhmama,bbmylove09 好好人,打咁多字.  (我好同意佢地既講法).
如果講到'彈' ,身邊讀名k既朋友便彈'課程淺', 小朋友上小一會辛苦. 學校少功課/無迫學生,無迫家長之類...  其實. 教導小朋友.(家長自己都有責任).記得開學時,校長講過, 要課程深有幾難 ?,每日派一大堆英文習作, 小朋友日日做.咪得. 但他們最著重是德育. 希望小朋友要有禮貌/有愛心..etc
我曾經都好擔心課程問題. 眼看其他朋友的仔囡做很多習作,看很多英文書. 學校有讀書會,k1 便有'小一選校簡介會'..., 還有學校要小朋友參加不同的公開比賽.   看似很好很多.  但自問.自己和囡囡受到這些壓力嗎 ? 始終每個小朋友的進度不一. 最清楚小朋友必定是父母.
現在. 每當囡囡話'我分享食物. 媽媽早晨,  唔該曬你, 唔洗客氣'..ETC. 我真的很開心很開心. 好感謝學校對囡囡的包容.   我試過唔記得交讀書報告.  老師無怪責我. 囡囡病愈後上學.  老師會致電給老師.  坦白說. 我很少聽到其他K .老師會主動致電家長 (除了開學時).

blowater

其實我都好鐘意呢間學校的優點,
但我 concern 既係地點問題,
我眼見呢度 d 家長又話自己住青衣呀, 荃灣呀....
都走來呢度返學,
就算間學校有幾好, 真的值得咁樣俾小朋友咁細個搭校車嗎?
車程應該都唔短的...  
車費也是其中一項我認為是額外的開支
有時返工等車的時候, 見到 d 小朋友咁細個就要搭車返學, 我都覺得好辛苦...
如果車程 guaranttee 在 20mins 以內, 我認為都可以接受
但校車既野真係好難預.....
我原本就不是 target 甚麼名校唔名校,
只想小朋友讀得開心無壓力
哪怕是屋企附近的屋邨幼稚園
但一來到又一村, 我和小朋友的 daddy 都十分喜歡,
只是被這個交通問題考起了....
車費一多多成差唔多 $1000 一個月..... 車程仲可能是要1小時....
來回2小時, 但在學校的時間只是3小時 (我沒有打算轉全日) 好似唔係好化算.......,
我想這是我選擇這間kg 的唯一缺點.... 但又似乎沒有解決方法.... right?

blowater

補充: 其實我好想俾個囡讀呢間學校的 只是交通方面好像違背了我最初報學校時的意願....

sweet_family

I am so grateful to see chkmama and bbmylove09 who have pointed out good constructive comments.  Nowaday, why do parents have so many worries and don't know what they are looking for?  只有人云亦云。。。

sweet_family

回復 blowater 的帖子

甘我想請問吓妳系住響邊區呢？返yyc（九龍塘區）都要超過1個鐘甘耐。。。。。。

MissMusic

回復 sweet_family 的帖子

其實唔一定係遠近的問題, 而係校車兜來兜去接學生, 而又一村的學生可能又住得散, 需時較多....

好似我咁, 我住鑽石山, 唔算遠, 過九龍塘三個地鐵站再轉小巴即到, 的士車程約20分鐘, 你知唔知上午班要幾點落到樓下等校巴?
。
。
。
。
。
。
。
係 7:50AM, 唉!

距離上課時間足足係1小時10分鐘。哩個問題我真係好關注。我原先預計8:10AM左右都可以接受的了。

唔係話考到先去懷疑佢, 而係獲知取錄先知個校車時間, 從來無諗過個車程耐得咁誇張, 我知道青衣都只是8點上車,。又一村樣樣都好, 係架校車時間好唔掂。

真係要了解多D, 再去決定值唔值得讀。所以我好喜歡又一村家長在這裏發表, 讓我都知多D學校的優劣。

但理性來看, 1小時10分鐘車程(小計真係一個鐘)真係太辛苦小朋友了~

blowater

MissMusic 發表於 12-1-12 19:48
回復 sweet_family 的帖子

其實唔一定係遠近的問題, 而係校車兜來兜去接學生, 而又一村的學生可能又住得散 ...

that's the point!!
u see??? diamond hill... somehow this is the nearest distance to YYCS i saw from this topic....
which still over an hour to the school~~~

i can't see there is a typical reason for me to choose it just because of it is the biggest kg i have ever seen~
for other adv. i saw, i think most of the kg near to my home are already included.

godbaby

hi ladies,
Dont' get this topic as an "argument" la, as the topic is 好想「讚」又一村學校！I believe every parents has the choice to choose the right kindergarten for their babies according to their backgrounds, different needs, wants and objectives.

There is no point  in arguing whether to choose this school or not. As long as u like it, u choose it. If you don't like it, don't choose it. There is no point in arguing, rite??

Wishing all mommies HAPPY always!

blowater

Yes, i don't want to argue anything, just want to discuss if there is any other point of view that i was missing in the process of my considerations.
now, i am very clear what i should choose for my child.

anyway, we did not regret on carrying my child to interview in this school, we have to thank all the teachers and workers in this school, all of them are really so nice and polite, we felt so impressed with those teachers.

MissMusic

MissMusic 發表於 12-1-12 19:48
回復 sweet_family 的帖子

其實唔一定係遠近的問題, 而係校車兜來兜去接學生, 而又一村的學生可能又住得散 ...

其實我都想要些意見, 7:50AM 要落到樓下等校巴, 你仲會唔會比小朋友讀?

又一村搭校車的家長, 請問小朋友平日幾多點返到學校? (上午班)

kmmum

如果講車程,希望大家唔好覺是'又一村問題', 很多九龍塘K 都是這樣.
我住青衣,返學是尾站, 上車時間是 8:15-20分.  但回家,真的是一小時車程, 因為要去完荃灣,才到青衣. 囡囡每次回程車,都會訓一陣.  我是非常心痛. 但囡囡非常喜歡坐校巴,會叫司機叔叔早晨, 又喜歡學校. 加上在家附近,無心水幼稚園.
學校老師話有時,校車早到學校. 小朋友在班房一起玩, 他們會煮食物給老師.  前陣子,囡囡玩煮飯時,問我[媽媽,請問食乜野 ?] . 我答[蛋]. 她便煮煮煮.再拿給我. 又煮給工人姐姐. DADDY.   然後. 自己CLEAN UP. 將所有食材/工具,擺好. 這些細節. 相信是學校教.
PS 始終每個家庭的環境/路程/觀點不同. 大家慢慢考慮.  

ckhmama

回復 bbmylove09 的帖子

HI~bbmylove09 你仲未決定到讀邊間牙? 之前你話kv都收左你架嘛..

首先我唔係唔體諒人地..我自己都係人地mama..自己選擇讀邊間幼稚園既時候都擔心過..所以自己不斷搵資料去了解間學校去比到信心我係呢度讀..上面幾位媽咪質疑係正常..但當佢地搵到資料..答案時又要搵第二d野黎推翻人地既讚..咁樣就算有8個十個topic係讚又一村既..佢地都只會覺得係假...因為佢更本就唔信呢度d人講既野..係..呢度係好多人講假話..但亦都好多人講真話既..如果唔能夠說服到自己係網上既資料有真既可能性..咁我諗佢都係唔好再係網上搵資料..就算搵多多野講到間學校幾好佢地都係唔會信..其實如果冇乜選擇既時候,即冇其實offer而要選擇呢間時..咁不如將質疑轉化為信心..咁唔係更好咩..因為老實講..剛剛in既媽媽都係話之前都未有學校收..或者係waiting既..咁即係到最後佢地會係冇更好既選擇之下會係又一村度讀..咁點解唔比d信心自己..比d信心自己個小朋友係度過3年既開心校園生活呢? 仲要帶住擔心..懷疑去讀嗎? 如果咁樣只會想不停去搵d唔好既野去推翻之前d媽咪講既野..咁又為乜呢? 其實到現階段..學校既收生結果都7788..我地緊張左成3,4個月..到而家先叫可以鬆一口氣既時候..其實最擔心既就係仲未有offer既媽媽..而家既然都有offer..就平常心去面對囉..因為而家更本唔係輪到我地選擇既..如果我地心儀既學校收左既..咁大家就唔駛再係度質疑同討論啦..所以隨緣啦..個天比邊間學校收你咪同邊間學校有緣囉..因為bbmylove09 你唔同佢地..你係有2間offer而你另外一間既口啤係絕對好過呢間既..所以你去煩惱係正常既..因為你既問題係唔想你既囡囡係咁大既壓力下成長..只係怕升小一問題..咁另說..而家邊個家庭唔擔心升小一問題呢? 係咪讀名幼就一定可以升到一間出名好既小學呢? 呢個世界係冇絕對既..只要你有付出就有收獲..小朋友讀到邊間小學唔係淨係關付佢讀邊間幼稚園既..都係睇家長比到d乜野佢地既小朋友同埋本身資質 ..
我只係想講出我既想法我絕對冇激動呢...可能打出黎每個人接收到既感覺唔同啦...同埋希望比到更多信心係度讀既媽媽啫..如果有乜得罪請見諒..

bbmylove09

ckhmama 發表於 12-1-13 09:14
回復 bbmylove09 的帖子

yes, 我絕對同意你架........ 從你我之間交流過幾次, 都覺得大家諗法相近, 真係俾到意見架.

而我唔係覺得你講得激動既, 亦明白你緊張大家, 想叫大家諗清楚/搞清楚D事情 啫.
人就係咁衰架啦, 無得揀時就埋怨無得揀, 有得揀時又唔知點揀...... 哈哈.
不過, 經過今次, 如我囡囡出年真的讀了又一村, 就一定同自己講, 揀左無得後悔, 入得去就一定要對學校有信心lor.
就即係好似你所講的.

另外, 正如你所講, 有d 仲未有學位的, 如又一村收, 會奇怪間間唔收, 得呢間收, 呢間學校得唔得架, 有無諗過 間間唔收既原因? 又一村 收左, 可能係 佢有方法令小朋友表試表現好左? 或佢真係以另一種睇法去收生呢.

不過, 我都會提醒, 又一村收左, 都應該看看自己小朋友既強弱項, 是否適合又一村.

bbmylove09

godbaby 發表於 12-1-12 23:05
hi ladies,
Dont' get this topic as an "argument" la, as the topic is 好想「讚」又一村學校！I believ ...

I dont think this is an argument ka.......
有野開心建成講 la......

ckhmama

bbmylove09 發表於 12-1-13 14:21
yes, 我絕對同意你架........ 從你我之間交流過幾次, 都覺得大家諗法相近, 真係俾到意見架.

而我唔係覺得 ...

認同你所講可能又一村真係另一種睇法收生..佢地基本上唔係睇個小朋友叻唔叻而去收生..
我諗如果學校有位..又或者除非真係唔係好合個老師眼緣啦..唔係既話基本上我諗應該都會收既,其實我
覺得幼稚園跟本係應該咁樣既..唔雖要理張白紙係乜型形狀..只要你畫d靓既圖畫同顏色上去,
就係你既成就...跟本唔需要介意將紙既質量係點..係事乎你點去整靓張紙...我覺得呢間學校做得到囉!
亦都好同意你所講..就算老師校長係假..(雖然我地而家唔知..到今年9月應該知架喇) 但係都好過連假都唔做,
就好似我去到培道交表時見到個主任..講野唔望住人..笑容就更加唔駛想佢有啦(唔係有心得失培道,我都係講番當日所見既野啫,不喜物插)..人地都係打份工啫..你會唔會對你老細黑面吖..你係咪要假假地個樣對住你老細吖..
所以我覺得呢個都唔係乜野關心既問題,最重要既真係佢地有冇做到野..有教到知識..禮貌同自理既野比小朋友先係我最想要既野~

bbmylove09

MissMusic 發表於 12-1-13 07:51
其實我都想要些意見, 7:50AM 要落到樓下等校巴, 你仲會唔會比小朋友讀?

又一村搭校車的家長, 請問小朋友 ...

hey........又唔係足足1hr10mins坐車既, d 上上落落, 排對呀, 都幾晒時間.

我都有問過學校, 我就住美孚, 去程在8:05, 回程 到12:30

去程我都覺得早左D, 但到學校好似早D架, 8:45/8:50am. 我考慮 坐唔坐校車, 因屋企附近有小巴, 15/20mins 到, 可以自己送番學..........

你睇下會否考慮自己送番學, or 呢段時間問下有無其他人一齊租車?? 仲有時間, 再諗諗辦法.  

我囡囡依家在屋企留下番N, 幾分鐘到學校, 平時成8點起身, 唔好話 番pm class要搞時間, 我阿女 如要番am class 都要搞時間.......

bbmylove09

ckhmama 發表於 12-1-13 14:58
認同你所講可能又一村真係另一種睇法收生..佢地基本上唔係睇個小朋友叻唔叻而去收生..
我諗如果學校有位.. ...

而名幼稚園就係咁, 一定係佢揀學生, 揀D最醒/最乖/最好既學生............ 但呢個世界上, 點會只得好人存在.
我想話, 幼稚園收生應該 咩類型既學生都收下, 有D 百厭/洩既都正常 ...... 但技術上, 又唔知係咪有困難, D名校可能好抗拒.

講到面試日, in 培正都係, 佢放個流動廁所出黎, 我都幾反感, 俾D 幼稚園生用, 佢地又like 四圍點, 感覺好污糟, 好唔體貼, 但無計, 鬼叫佢係名校, 佢收, 大把人爭住去........

blowater

".....因屋企附近有小巴, 15/20mins 到, 可以自己送番學.......... "

這點是很重要, 因我住九龍東, 我CHECK 左好耐,呢邊原來係無車去又一村的, 所以在一定要搭校巴的情況下, 我想我還是要決定放棄, 而且基督教學校才是我首選我學校

但我想講其實我也很欣賞又一村的老師們, 雖然只是面試, 已經令家長們咁 IMPRESSED.... 好成功~~ 再講, 我一D 都唔覺得又一村不是名校, 她在全港受歡迎幼稚園的 LIST 上是排第46名的, 排位相當高的~~

http://www.myschool.hk/2011_kindergarten_ranking.php

我是真心的喜歡此校的辦學方針.... 只是我不捨得我個女坐2小時校車 (來回)
而校巴的問題, 不只是又一村的問題, 我認為所有要坐校巴的小朋友都要面對同樣問題.....

lutang

我今日都啱啱交咗留位費,每次去到都有老師夾道歡迎,雖然令我唔多自然,但我都幾開心受到人地既尊重。老實講,如果連老師都冇禮貌對家長既話,佢地又點會教得好學生呢?

我個仔既同學係細女,佢都有全日班offer,因為佢知又一村係人都收,我知好多家長都會奇怪,唔通間學校冇人讀,又驚程度差?但係我想話你地咁問先奇怪,唔通間間學校唔收先為之正常?我會覺得依家既學校究竟收學生嚟讀書定係嚟教書,要求咁高既?又要識英文,又要識普通話,又要認顏色,又要這又要那,其實呢d野係應該學校教我地嘛,如果樣樣都識仲使乜嚟讀書呢?而且佢咁收生,至少俾到一d冇offer既小朋友一個機會,老實講,如果真係細b既話,就算俾你入到名校佢都未必跟得上啦!

而且依家d家長都好心大心細,口是心非囉,有offer又煩,冇offer又煩,心想入名校,口又話冇所謂,最緊要間學校啱小朋友,功課多又話辛苦又話深,功課少又話程度淺驚追唔上,莫非要度身訂造先叫啱。我知「虛榮感」呢樣野每個人都會有,不過最緊要量力而為啦,其實讀唔讀名校,我覺得最大取決係家長既心理關口囉!