聖羅撒小學

cameo

查實,,,,轉左新校車後,返學可遲30分鐘上車,放學重要係頭站比而家早5分鐘落車,,,,
車費貴10蚊!!

cooyee

我就遲 10 分鐘上車, 不過放學就搭唔同校車, 可以早 15分鐘. 如果搭同一校車, 就要遲 45 分鐘......車費都係貴10蚊.

amuro411

請問聖羅撒小學壓力大唔大? 功課多唔多?

cameo

壓力大唔大真係好睇個別小朋友o架,,,
但話輕鬆又一定唔算嘞!!!因為佢都係一間傳統小學!

hayamama

心心媽 & cameo,
其實我個女仲係K2,照理就未關事住,不過都想join你地傾吓攞啲鈄,始終第時都係預備上聖羅撒小學...
小學時,啲校車係咪真係咁差?會唔會係因為同一間公司嘅車唔夠而manage唔到中,小,幼嘅返學同放學時間呢?長此下去,呢個問題都係解決唔到,而且,啱啱聽你地講,間新車公司啲人好似態度唔好,上次新車公司啲人打嚟叫我地trial run時,都係唔多友善又無耐性,所以我最後只好用番原本架校車,等捱埋呢個K2先再算啦...

cameo

其實係其中一個媽咪暫時未得到新校車公司答實個時間,但係咪真係會改又未知,不過佢又無話新公司態度差!!
反而而家搭緊呢一間,我係覺得學期初,同我聯絡通知時間時真係令我有所不滿.......同另一個媽咪個case好唔同,前者係時間上有所不滿,但新公司都肯改善,只係未答實前要先收車資,,,,但我個case係當時舊公司聯絡人多次強調唔會幫我改!
你幼稚園部有冇派車程表呀?我地小學有派呀,我自己相比新校車時間好左好多添,只於服務及溝通就未知,因為佢地都係差唔多二月頭先正式通知時間啊!!!
其實我又無乜特別原因下都會跟學校校車,因始終可以學校特別放學時間上都夾得到嘛,而且我估喺時間安排及日常服務又好難一齊計,聯絡人的態度我覺得重要,但更重要我都係擔心校車上安全,呢點我會等新校車開始後多同個女溝通!!

hayamama

cameo,
我地稚園部都有派車程表,而且上車時間仲好到難以置信! 我地住將軍澳翠林,而且係第一個站上車,原來上車係07:50,但新校車公司話將來就08:15上車!本來好似唔錯咁,但我計過,之後仲要去多5個站,而最後嗰個站仲係油塘!根本就趕唔到09:00前返到學校,我都agree,如果跟學校校車係好啲,但而家嘅安排真係唔係太穩當,所以我最後決定跟番舊車先,因為呢架車只得4個站總共5個細路,感覺上人小啲易控制啲,舊車司機同EE又好好,我都唔想佢地就咁就失業,如果捱到下學期,至少佢地都可以吸納一啲新同學orK1仔

Daisy媽咪

我都有頭痛過校車問題, 但我最後都係用番新校車公司. 因為我同負責老師傾過, 佢話同時係會等新校車公司接哂d 妹上車, 開哂車至比媬母車入去接d 妹, 所以我相信舊校車公司一定冇可能好似依家咁早返到屋企 (雖然舊校車話一均冇變). 至於新校車公司, 我reply 時貼左張ｓｔｉｃｋｅｒ　講明新校車公司應承左既時間我至搭. 我只係諗, 如果新校車公司有乜唔好, 我都可以同老師傾, 由學校比壓力佢地, 但用媬母車就冇得傾啦 !  

cameo

hayamama
唔好諗真係得幾個小朋友佢地都開條線呀,莫講話人工,佢地連油錢都維唔番啦,佢地一定有其他途經收學生,而且你係指舊車公司嗎?佢地咁大間公司唔會攪唔掂,因聽過我女提過,假日佢地d車係重有其他用途,包括接大陸旅客啊(事後架校車比平時dirty).........daisy媽咪提到的問題亦係大問題,因除學校校車學生可優先放學上車外,其他的都要等,,,我記得有一日我去學校接個女,因上車時間唔夠,咁係要媬姆車等到家長接送的人散左d先再上車,,,你諗吓用左幾多時間呢????而且我收到一個媽咪講呢間公司曾犯左一個好大錯誤,大到我都嚇一嚇,不過未有事實證據我又唔想講太多,而且既然而家轉校車我反而心安理得添啊,,,,,,而呢件事好似係幼稚園部的啊!!
daisy媽咪,
咁佢地係咪都係二月頭先覆到你時間呀????
阿女考試點呀,我個女就激死我啦,同測驗掉轉,好的變差,差的變好,,,,我都唔知點教了...ahahahha

Daisy媽咪

我都唔知佢幾時覆, 總之如果佢不能對現佢既承諾, 我就同老師講 ! 老實講, 冇理由要佢幾早上車, 幾遲落車者, 佢既時間, 比起人地住將軍澳, 大埔仲早上車, 又遲落車, 但係我住觀塘咋, 我坐巴士都係半個鐘返到學校啦 !

至於考試, 可能佢上次test 成績唔係咁好, 所以考試我對佢冇乜奇望, 我問佢分數, 佢又話老師冇派 (都唔知係咪知自己低分唔肯講 ! ) 所以都要等parent day 至知啦 !

心心媽

心心媽

講起考試,我又要入來呻下!我見呀女平時d普通話習作都做得幾好,又諗住個補習姐姐會幫佢溫晒la,所以放工後只幫佢再溫數學,點之就出事,原來個補習姐姐無溫音標,個女考普通話時唔記得點mark d音標,得59分咋,死喇,今次又要計成績,希望佢唔駛考尾la!

hayamama

cameo,
幼稚園嘅情況應該無小學咁嚴重...據我所知現在啲舊車已經變晒媬姆車,暫時上落無大改變,其實我有諗,舊校車之所以咁差會唔會因為要同時接送中,小,幼,而handle唔到呢?
事實上呢兩年我地條綫一直都係接送5個小朋友,原因係因為:舊校車公司等同一個大判:我地條綫嗰個係二判,佢一共開咗兩架車A,B綫去做將軍澳區連埋藍田汇景;一條有十幾個小朋友;另一條就得我地5個小朋友,呢個就係佢地manage到開支嘅原因,當我知道要換校車公司都曾經決定跟隨學校嘅選擇去改,但最後發覺學校係處理呢件事上面表現得十分被動又奇怪:間新校車公司係學校公開投標選擇嘅,理應有足夠憑據去選間公司,但係中學部開家長會當日,學校完全提拱唔到中標嘅校車公司有何優勝之處,又表示家長應該直接聯絡新公司查詢,學校咪嘢都唔清唔楚,咁究竟佢地base on咪嘢選擇間新校車公司? 我唔係要against 學校or搗亂,我只覺每個媽媽可以的話,都盡力安排最好嘅比自己嘅孩子,而且我地個司機話呢條綫最多都係做埋今年7月,下年就變成正式嘅媬姆車,如果現在連我地呢5個小朋友都唔搭呢架車,佢架車就要'接埋'及失業,我都好替佢難過,最後權衡過,似乎捱埋個K2都無咩嘢問題啫,何樂而不為呢?至於下年,咪等到時聽吓你地對坐完新校車公司嘅feedback先再慢慢揀過囖!

心心媽

我覺得新的校車麻麻地,上次試路線又車出唔車入,等我報左名試都唔試,我對他們的印象真係唔太好,但如果唔跟學校轉,現時的校車就變左媬姆車,有事學校唔負責架!其實我都唔鍾意學校成日轉校車公司,好麻煩呢!

我細女讀K2(低信),校車要佢7:30分上車,我覺得太早,所以前2個月已唔搭校車,叫賓賓送她返學,E+細女可以瞓到7:30先起身,D時間差好遠!

cameo

hayamama,
咁會唔會要轉車呀???因以前聽過其他學校係有轉車但家長都唔知實情的,,,(我女舊校的家長,搭左幾年先知)
daisy媽咪,
佢地係唔俾派返屋企呀,但可以自己寫低分數,我每日都問個女,第二日開始要佢寫低因為佢唔記得,暫時得常識未派囉!
心心媽,
乜普通話都計??計去中文科???其實我都想搵番之前家長日都資料,因家長日學校將考試成績表sample post左上校網,但又搵唔番lu,因我都唔太記得點計,淨係記得總分係計中英數常4科,但每一科個比率點計又唔記得喎,,,,,
daisy 媽咪,心心媽,
你地小朋友咁成績可以嗎?我個女一般啦,我總係覺得佢又係錯處九成九都係唔小心,佢當份試卷係功課咁做,但我女近期掉左位,而家身邊幾個同學我都唔太熟悉,間中聽到阿女講某同學d分數真係好低,,,,今日阿女話隔離位個同學份卷得25分...,早幾日又話某個鄰近同學份卷得5.3分????
我真係r晒頭..........
不過我覺得個女相比上次測驗佢真係無咁上心,只少上次佢都同我講過佢好驚丫....今次派卷,我見佢高分又唔見得開心,低分又唔見得失望,,,,我覺得最緊張o個個只係我囉,唉.......

amuro411

Cameo,

Thx for your advice!

請問是否大部分學生也要補習? 每日有幾多功課?

vickycheung36

HI 心心媽咪,

想問下如果好好彩我個女入到聖羅撤我個女要幾點起床,
校車到唔到.如果你是我是43校綱你會唔會第一志願協思?

羨妮媽咪.

Daisy媽咪

以我記得普通話係唔計分, 只有grade (同好多學校一樣), 所以亞女話佢 100分 (唔知真定假), 都冇用.

以我個女既描述, 佢既成績一般, again, 經過上次test, 我都知佢d 資質係點啦 !

我冇搵人補習, 我唔想佢依賴呀 ! 我試過開學時搵個姐姐同佢溫功課, 點知d 功課一樣係錯 ! 所以我依家等佢自己做, 我淨係check 佢有冇做, 對與錯就留比老師改 !

我當初第一志願係協恩, 但依家入左st.rose 我個人暫時都好滿意, 暫時佢地唔係好谷, 等小朋友adapt 左小學生活至慢慢谷, 我覺得依個安排比較合理同比較健康 ! d人話 (不過唔知係真定假), st.rose d 程度係好過 協恩, 但協恩就勝在體育都要好, 所以小朋友要讀書叻, 體育又要叻, 唔係點代表學校出賽呀 !
至於 st.rose, 佢地比較低調同保守, 可能係修女學校, 所以比較著重學業成績 (況且佢校園細, 都冇地方 train d 小朋友啦)
要 pick 邊間, 你可以自己選擇.  一般協恩既小朋友係活d, st.rose 就斯文d (我個女除外 )

cameo

我又係揀協恩第一,st.rose第二...hehehehehe
不過事實係協恩學位真係少得多,加上佢地完全無叩門位,即使幼稚園生都未必有機會叩門成功添啊,,,,我自己覺得因為學位少所以點都會先放協恩在前（除非無諗住揀佢啦），我個女入左st.rose都有一個學期,整體上都幾好,成績我唔太迫佢,而學校都唔算得上谷,品行又ok啦...因我個女都係"活"....hahahah.....所以算係咁!!!
至於補習我係一星期有一日上門補英文文法,但唔係溫課文,而係約1.5至2小時全程個姐姐同佢以遊戲方式溫習,例如係姐姐同佢猜拳,嬴就發問,輸就答,,因為問同答都要以英文,所以個女真係用個心去諗點講"一個問題",或"一個答案",所以今次考試英文成績好左d....但平日的功課我都好似daisy媽咪咁,只會睇佢有冇做,除左英文科會留意多d外,其他都等佢自己攪掂,...其實家長係放手少少,佢地責任感會好少少,但真係要忍到手囉,,,,我個女間中都會漏交功課o架(我知有時家長都幾介意手冊上寫左欠功課,包括我自己呢)!!我睇左個女一個學期,覺得都無乜要特登請補習跟功課的啊,除非家長工作上忙到連對功課都夾唔到時間又另計呢~~
至於校車,小學預左時間未必太理想,因為即使學校無幼稚園部都好,佢地校車都會先接小學生,再接多一轉幼稚園生(幼稚園多數晏少少先上堂),咁相對小學返學上車時間未必咁好,好似我個女咁,學校係7:55打鐘,我車程原本都只係約15分鐘,但而家都朝朝6:45上車,上左車都未天光o架,,所以搭唔搭係自己去考慮呢!!!

cameo

我又唔覺大部分學生要補習,其實我都唔係識好多家長,但可以講個事實係,當一次我同英文老師傾開電話提到個女一星期補一次英文,.,,佢當時反應係覺得"洗唔洗呀???",係我再解釋係以遊戲方式去溫文法佢先明白!!!重教左我一d遊戲方式添,所以我覺得唔太需要搵補習日日跟,,,,,
每日功課都唔一定,我個女平均5至7樣,但都睇佢有冇心機做,因我唔會幫佢對功課,佢無心機做自然做得慢,做錯左咁下一次又要做corr,,hahah,,但實際佢係自己做得嚟的!!!

amuro411 寫道:
Cameo,

Thx for your advice!

請問是否大部分學生也要補習? 每日有幾多功課?