到底 St Catherine International 有什麼好 ?

chowhui97

原帖由 DaisyDaisy 於 10-12-5 20:06 發表


我都好少寸人，但樓主言詞及言論實在........犀利

Hehe.. 我都唔係 SC 的 fans. 不過有時 even 係 internet, 都要對自己的言論負責!

Mcdondon123

Agree agree!

一開始用詞已經輸左風度,輸左個人修養!

In左成個月,出左result先黎"分享感受"?

如果真係咁赤D小朋友,一in完已經要"分享感受",消下氣喇,仲可以忍到而家?

笑話一個~

karen55407

我大女今年啱啱喺St. Cat畢業，佢一直在St. Cat都是最底批，家姐讀緊仲唔收我個細仔！不過喺我心目中，St. Cat係Best of the Best，點好法？唔需要多講。我經歷過兩次揾幼稚園及一次揾小學經歷，唔好嘅學校，我唔會考，如果學校唔收，我只會覺得我哋未夠好，唔會怪學校。況且我兩次去St. Cat面試，兩次準時去到，等咗唔夠五分鐘，就可以入去，整個過程唔使50分鐘（當年見民生，等咗105分鐘），小朋友在等候面試時，其實己經被老師監視其表現，家長如果咁不滿面試流程，當時表現咗出嚟，多數都唔收。

yoyobb

ESF反而咁先好, 唔係esf policy priority既學生擺明唔IN, 費事勞民傷財! 好過好多local school灑一大輪!!

原帖由 chowhui97 於 10-12-4 23:35 發表

SC 唔算"Cap"水啦, 我報ESF in 都無得 in 就收咗我 $300 大元!

yoyobb

其實每年每一間學校都有人踩同讚, 平常心去睇會舒服D~

chowhui97

原帖由 yoyobb 於 10-12-6 13:07 發表
ESF反而咁先好, 唔係esf policy priority既學生擺明唔IN, 費事勞民傷財! 好過好多local school灑一大輪!!

咁又為乜要收 $300 呢??

yoyobb

其實每份收到既申請表, 佢地都會過濾係咪priority cat?? 先會出到結果, 咁都有做過野既!!

原帖由 chowhui97 於 10-12-6 14:04 發表


咁又為乜要收 $300 呢??

csmc88

如果你係CAT 2，個$300米買個chance唔係好多cat 1報,你又有機會囉。
This is their rules. It states clearly on the website.
PS. Anyway, we shouldn't discuss ESF here, lets focus on SC.

[ 本帖最後由 csmc88 於 10-12-6 14:14 編輯 ]

aplbb

I want to share this article with all caring parents.

【明報專訊】直資名校被揭發一大堆混帳，那部古老幻燈片機就在我的腦袋開動不斷重播我的中學校園片段，晃眼已是十多年前的泛黃舊事。

我的母校，是港島區一家有逾百年歷史的女校，人稱「老牌名校」、「貴族學校」。我曾經為自己能夠入讀這樣的名校感到無比自豪，因為我們一班女生，既能說流利英語、又懂得吃西餐禮儀、亦能夠淡定自信於人前表現自己，根本唔將隔籬學校著旗袍紮孖辮的四眼妹放在眼內。

直至我做了記者，我才發現，所謂名校生獨有的自信、傲氣，還有世故、現實，跟那隻只懂呱呱叫的井底之蛙，沒太大分別。

八九六四    那年，我在鰂魚涌一間街坊中文小學讀小五。我是班長，自發貼了大堆剪報，發起同學手纏黑布。翌年六四1周年如是，我還記得我們和班主任一起哭。

1991年，我被派到那所名女校升中一，班主任比我更興奮，我卻戰戰兢兢。

我被編入全級最top的A班，噩夢開始——老師上課全講雞腸我聽唔明、英文堂默生字我無個寫得出、原校小學升上來的個個都已埋堆唔受我玩，和我一樣的外來生全班只有五六人，她們不是半唐番就是英文小學出身，來自中文小學的好像只我一個。

同窗：我唔想自己中文咁叻

中文堂，成為我的避難所，也是我唯一找回點點信心的課堂。可惜，我的同學都看不起中文，反而為自己中文成績遜於英文而感「自豪」。我很記得，中二那年我的同窗中文測驗全班最高分，她放學時卻苦瓜乾面口道﹕「我唔想自己中文咁叻，我要英文勁呀。」

不單我的同學，後過渡期年代的修女校長，也不將中文放在眼內。中三起我加入中文辯論隊，校方對我們的重視遠不及英文辯論，我的大師姐隊員都是高材生，閒談時笑道﹕「校長唔理我口地仲好，輸咗都無壓力。」據說，修女校長的臉孔在回歸後180度轉變，小師妹通風報訊，Sister近年經常強調要向北望學好普通話，轉直資後又花大筆錢裝修    搞個什麼孔子學堂，希望girls都要學好中國文化。

名校，就是如此現實。它貫輸的價值觀是七個字——識時務者為俊傑。不單校長，老師、同學，都很懂得做人——做一個成功的主流香港人，當然離不開一個錢字。

名校價值：識時務者為俊傑

我的同學，家住干德道司徒拔道，每天司機駕著勞斯萊斯定時定候接送。中二那年，富家女邀請我到她的大潭複式洋房，我到今天仍記得那個無敵大海景。那晚，我回到數百方呎的舊樓——我的家，感到前所未有的自卑。

同學雖然有錢，但她們不算show off——應該說，她們由開口講英文到言談間展現個人長處，是骨子裏自然流露的自信，外人覺得她們「寸」、「扮口野」，但那其實是她們是獨有的上流社會溝通方式、貴族間的溝通密碼。午飯鐘響，校園是中英夾雜的喧鬧、好動女生在球場打英式netball而非籃球羽毛球、貪靚的討論暑假去歐洲買什麼名牌。沒有人會談六四，也懶理香港回歸將至。

我當年自覺格格不入，這幾天我不停思考，這個年代獲獎學金的窮學生，入到直資學校後，可有當年我的自卑、孤單？

年輕的我用了半年時間，流了很多淚水、開了多晚通宵，就全程投入校園生活，學懂說美國    口音英文、不怕在堂上舉手答問題、在同學面前不再害羞，我學會了如何做個presentable的名校生。我的成績由包尾變成中等，更獲頒全年進步獎。我開始享受校園生活，和我的富家同學一起溫習看戲談天說笑。我享受自己被標籤成「A班精英」，有名人來校探訪，校長只會把他帶到我們A班；朗讀話劇跳舞我們A班都拿冠軍；老師最疼惜的又是我們A班。

勝王敗寇的遊戲規則

名校的遊戲規則是「精英制」，你入了A班、拎到獎，就是精英中的精英，如盛放牡丹成眾人焦點，其他班別的同學，只是你的綠葉。名校精英制，簡單來說是套用職場遊戲規則——勝者為王敗者為寇，職場的上位伎倆，名校生早在少年十五二十時就學懂——懂得識時務、懂看人眉頭眼額、懂把握機會表現自己長處。但少女含苞待放的天真純情，去了哪兒？年輕人對社會的熱血，為什麼丁點都不見？

中六那年，我被同學選了當Head Girl（雖然我不是會考狀元）。那年我18歲，成年了，看到所謂名校生、我的同學師妹，很多人雖然表面自信家境富裕，但其實心靈空虛，有的放學流連百貨公司不願回家、有的故意不穿整齊校服引人注意。我將我的發現告訴校長老師，希望他們多花時間關心同學，而非一味叫她們參加比賽幫學校拎獎。

結果我被大駡，更被視為最不聽話的Head Girl。

10多年了，如今，我不少中學同學都很有成就，有的是某某大公司主管、有的嫁了有錢人錦上添花。數月前，在婚宴重遇昔日的A班同學，她們說起自己的職業、老公、子女，當年班房裏的自信又再呈現，表現自己似乎是名校生的終身任務。

可是，我已不再是A班那個小薯仔，我不想再追隨A班大隊了。

離開名校投身記者工作後，我看到世界之大，不是只有干德道豪宅、生活也不是只有名牌拎獎、做人的價值也不是只懂得看人眉頭眼額。世界之大、胸襟之廣，是即使我們家住干德道，也知道香港有個地方叫深水埗有很多板間房；即使我們追逐名利，也關心世界大事懂得分辨是非黑白，而非趨炎附勢。

倒模生產典型香港人

教育的終極目標，是訓練每個人的獨立思考、批判思想。但名校在這方面做到幾多？名校最成功的，是它大批倒模生產一個個典型香港人——實際、精叻、識上位、識表現自己。但更深層的價值——真、善、美，名校又教了幾多？

這個每個名校生都應思考的問題。

後記

我不憎恨我的母校，畢竟它教曉我很多實際的。到今天我最好的朋友，都是和我背景類近的中學同學。雖然她們不讀報、不關心時事，但都有一顆溫柔的心。我預科時的中文老師是我最尊敬的人，也是我的死黨。

寫這篇文章，是希望香港人不要盲目貪慕名牌。所謂名校的教育理念，你作為家長是否認同？更重要的，是你希望學校教曉你的子女什麼？

而我最希望，香港出色的窮學生與富學生，都有平等機會入讀優質學校，這卻是我對直資概念的最大質疑。

文 蘆葦

HoHeiBB

我大囝現在係SC讀K2, 他每日返學都好開心, 好肯溫習和寫字.  SC 由K2開始課程就開始加深, 但覺得學校可以令囝囝有興趣和愉快地學習, 建立到自信心就心滿意足.  當然, 入了SC後都不可以只倚賴學校, 我覺得如果父母不跟進的話,  就算你入了間好好的學校, 成績亦未必會好.
今年我細囝都有考SC, 亦收了am class. 我係在05Nov interview 的, 那天我一個人抱細囝及擔傘, 真的超辛苦.  但是下雨天學校都控制不了的, SC的老師都好辛苦, 好似企門口控制人群的Mr. Stan (光頭的)一直在淋雨.  可是正如其他家長所講SC都可以做得好D, 小朋友不需要在校外等那麼久.  不過, 希望某些家長可以寬容一D, 不要發表一些不實的激烈言論.

karen55407

即係成績差囉！成績表唔靚囉！點解畫公仔要畫出場嘅？你滿意嗎？

原帖由 BeBeMa1012 於 10-12-6 13:26 發表

"佢一直在St. Cat都是最底批" ---- 這是指什麼? 不明白啊?!?

pandabonita

interesting article, thanks for sharing.

原帖由 aplbb 於 10-12-6 14:13 發表
I want to share this article with all caring parents.

【明報專訊】直資名校被揭發一大堆混帳，那部古老幻燈片機就在我的腦袋開動不斷重播我的中學校園片段，晃眼已是十多年前的泛黃舊事。

我的母校，是港島區一家有 ...

chu__chu

原帖由 karen55407 於 10-12-6 12:18 發表
小朋友在等候面試時，其實己經被老師監視其表現，家長如果咁不滿面試流程，當時表現咗出嚟，多數都唔收。

True! This is exactly what I was told by my elder one's class teacher.

samsam88

Hi HoHeiBB,
Does your son study in E/P class or E/C class? May I know how many children study in the E/P class ?  My son was accepted by the school and I would like to know it is a big class or small class.  Thanks in advanced.

原帖由 HoHeiBB 於 10-12-6 14:26 發表
我大囝現在係SC讀K2, 他每日返學都好開心, 好肯溫習和寫字.  SC 由K2開始課程就開始加深, 但覺得學校可以令囝囝有興趣和愉快地學習, 建立到自信心就心滿意足.  當然, 入了SC後都不可以只倚賴學校, 我覺得如果父母不 ...

fishballbaby

絕對讚同，我是YORK的準家長，時不時都見有人踩，所以都慣哂。總之，自己小朋友讀的學校是最好，人哋讀的學校就是草。

我有個朋友，成日覺得自己個囡好勁，但最後入唔到SC，就即刻响我面前勁彈SC，唉!  人就係咁，如果佢囡囡入到SC，相信她的講法完全相反了。

我囝囝依家係SC既WAITING LIST，希望有機會加入你哋的大家庭喇......

原帖由 yoyobb 於 10-12-6 13:10 發表
其實每年每一間學校都有人踩同讚, 平常心去睇會舒服D~

sharon26788

睇左咁耐,都係唔抵得頸講句:各花入各眼,咸魚白菜各有所愛,都唔知嘈黎做乜.我今日岩岩交左KV既留位費,放棄左SC AM,可能有人話我傻,但係我知邊樣野更加岩我既囡囡.我相信各位係得家長都緊張自己仔女既將來,唔好再為呢件事而相"挨"唔好口啦.

chowhui97

原帖由 fishballbaby 於 10-12-6 18:29 發表
絕對讚同，我是YORK的準家長，時不時都見有人踩，所以都慣哂。總之，自己小朋友讀的學校是最好，人哋讀的學校就是草。

我有個朋友，成日覺得自己個囡好勁，但最後入唔到SC，就即刻响我面前勁彈SC，唉!  人就係咁，如果佢囡囡入到SC，相信 ...

花C9, 你記唔記得我呀? 你個仔唔係讀方方咩?