是否有保圓小學已註冊的家長在此

hviy

agnes,

你好似緊張咗d喎...咁快就嬲到打仔,何不俾d鼓勵囝囝自己take over呢??佢而家仲適應新學校,新同學,新規舉等,不如試吓叫囝囝問同學仔囉電話咪可以多條線索去check佢d功課,唔好俾佢感覺小學係咁大壓力嘅.....
:idea:  :idea:

carchu12

亞囝話想借，但話唔夠時間，因他排最尾，所以他入去無幾耐就話走。真係藉口多多。

sweetjelly

Spiderman_mama ,

           我個仔都有話喺學校借咗書，但係佢好唔開心咁話俾老師收咗，我問佢係咪你曳所以無得帶走呀？佢話個個都有圖書証可以借書，但係只係有D人可以攞走喎！我都唔明佢講咩！

sweetjelly

agnes,

         唔好咁勞氣啦！我個仔嗰日都將書包裡面全部嘢留咗喺學校啦！尋日好彩帶番返嚟咋！之前問佢係咪留喺櫃筒，佢都話唔係，櫃筒剩係得幾舊廁紙啦！結果尋日咪話真係留咗喺櫃筒，尋日嗰三個詞語俾我擦晒再寫，即刻寫番啱同靚，都唔知佢喺學校攪乜鬼

carchu12

Hello 各位媽咪,

我想問下大家，請問你們在邊個位扣校章的，亞囝係第二日已經唔見咗，我估係咩書包時kick到。你們覺唔覺得扣校章有的"牙煙"呢﹖有甚麼方法可以又緊有安全呢﹖

另外，昨日校巴遲了半個鐘，請問你們的情況如何﹖如果問題仍然持續，有沒有需要反映下呢﹖

sweetjelly

carchu12 ,

             校章我都係扣响恤衫上袋附近，都係幾<牙煙>，不過就提醒個仔唔好手多多除出嚟玩，話會吉親手！尋日我由雅都行上去卓爾居等校車，原來都幾遠，因為要行到最入，不過就好準時到，但係真係有d唔守時嘅家長遲到，校車都有等咗一陣，不過好快就見佢開車，我見到車上都幾多小朋友，有D校服唔同，唔知係咪第二間學校定係圓玄D舊生呢？好似都幾大個喎！咁樣雖然行遠D但係可以慳番成個鐘，應該好D，不過我尋日都已經向黃主任投訴過校車問題，佢話會跟進！

Spiderman_mama

尋日放學就準時3:45, 前日工人接就話等到4:00.

返學就8:05-8:10, 比原定7:55遲十至十五分, 我打算完了這星期才向學校反映.

carchu12

Spiderman-mama,

上次24/8當日，因為要同校巴夾下時間，所以一早就走埋去同個何先生傾下，佢當時漏了口風，好似話會有何式南的學生一齊，不過佢都好醒，漏了一下口風跟著就沒有提了。

Spiderman_mama

但大家返放學時間未必相同, 好難安排wo!

-agnes-

Spiderman_mama,sweetjelly & carchu12

我囝坐藍地線校車,佢尋日返黎同我講朝早係返學係新興村佢地架校車有交通意外,不過唔嚴重,但佢地要坐私家車返學,真係好驚呀,我諗住晏d打返學校了解下,你地話咁樣會唔會唔係幾好呢?但亞囝日日咁搭校車又好擔心!

Spiderman_mama

agnes,

絕對要問清楚。 家長應該有知情權, 而且校車公司亦應該向學校/家長滙報任何特別事故。

sweetjelly

agnes,

          點解發生咗事都唔通知家長？究竟學校知唔知呢？好似4月份興趣班第一日，我個仔見到個同學仔喊話要搵媽咪，兩個就自己離開課室，落去操場、廁所、校長室等週圍搵媽咪，後來先被發現，由校方搵番佢個媽咪，我問個仔點解你哋兩個自己行來行去都無人鬧嘅，佢都話無，只係週圍掛住搵同學個媽咪，我叫咗我個仔以後無論發生咩事都唔可以離開大隊，同時我亦有問番校長、主任，佢哋話佢哋當時係知道有呢件事，仲話我個仔係出於好意去幫人，雖然係咁但係我都好驚，妳哋都知道佢哋大門長開，又對住馬路，萬一走咗出去點算呢？

YKFung

Hi 各位媽咪，
如果你哋唔知小朋友响手冊寫啲咩嘢家課的話，可以上保圓嘅網址裏面有Homework一欄俾家長睇噃佢地要做嘅家課。

carchu12

其實有一些小節，大家是可以sent email給校長。我上一次都有試過sent email比佢，佢第二日就回覆了。

作為家長的我們應該要齊心合力，當一有事時就要溝通一下，話晒間學校都算是新，而且有一半是舊、一半是新，可以想像在行政上一定有點混亂，我們必須要爭取機會去建立與學校溝通的渠道。大家同意嗎?

carchu12

Hello YKFung,

我剛上去看過，真的見到。Thanks a lot.

http://www.yyps.edu.hk/direct/index.htm

YKFung

Agree   

sweetjelly

carchu12,

         好讚成妳嘅講法！ 現在唯一要先改善嘅就係學校同家長要緊密聯繫，多溝通多了解，好似校車問題，如果我無同黃主任反映過，可能校方跟本唔知校車常有遲到嘅問題！     

carchu12

請問大家記唔記得枱墊一事，昨日問亞囝究竟有沒有用張枱墊，他幾攪笑地講我聽：『有用，首先係枱墊、然後上面有托盤、托盤上放有飯盒...』。咁究竟張枱墊作用是甚麼。另外我終於明白為什麼第一日就帶一卷廁紙番去做甚麼，原來係用來清潔個托盤同埋餐具。真特別。

sweetjelly

各位家長，

             請問妳哋交咗學費未呢？係交支票定現金呢？還是等佢俾付款通知書先交呢？ 係咪$800呀？

-agnes-

尋日搵唔到黃主任,但我已經係校長度了解左件事,佢話係一個踏單車0既婆婆突然間走出黎,好彩司機叔叔開車唔快先剎到掣,校車所有小朋友同個婆婆都冇事,不過安全起見,都要等警察同救護車黎同婆婆去醫院驗傷,所以d小朋友要坐私家車返學,聽完校長講個心都定d,我都有同校長反映校長經常遲到0既問題,佢話由於d小朋友仲未完全適應小學學習生活,好多時放學都未抄好手冊/執齊野,所以好多時都搞到晏左先放學,因此校車都要順延,遲d應該會好d喎!

swweetjelly,

學費我都未交喎,好似話等佢地confirm直接入plk a/c or plk hkta yuen yuen a/c先喎

carchu12,

乜原來要帶一卷廁紙丫??我都唔知呀,我個囝冇同我講呀,可能佢唔係好明老師講乜 /掛住傾計,好彩日日都有放包紙巾落佢書包乍