九龍禮賢幼稚園K3家長請進！

yuiyuibb

各位媽咪,
請問知唔知出年(05年9月)nursery幾時可以報名??請指教
thx....

littleeva

yuiyuibb

九龍禮賢學校暨幼稚園  
二零零五至二零零六年度
申請幼稚園幼兒班入學須知


http://www.krs.edu.hk/kinder/page8d1k.html

yuiyuibb

littleeva,
thx, 我都有上佢地個網睇過, 但係我想報n1, 因我個囝係03年3月出世. 咁九龍禮賢學校暨幼稚園係未無n1架???唔該哂

littleeva 寫道:
yuiyuibb

九龍禮賢學校暨幼稚園  
二零零五至二零零六年度
申請幼稚園幼兒班入學須知


http://www.krs.edu.hk/kinder/page8d1k.html

littleeva

yuiyuibb

OIC. 禮賢是幼稚園. 是沒有 N 班 . 只有 K1, K2, K3.

您可以先在家附近讀完N班再考禮賢. 不過我呀仔係慢熱形. 他仍然掛念N班 學校的情況,老師.同學.  所以轉校時對我都有很大的掙扎. 因為經過1 年. 仔仔已適應原校生活. 再次轉校,真係要從新來過.

ANYWAY 個個小朋友性格不同.  這只是我小小的分享.

yuiyuibb

littleeva,
多謝你解答, la間學校都係我心水之一, 所以比較緊張左, 希望係nursey入倒咁就     

Tiffany

請問各位禮賢的媽咪，
我想請問禮賢的英文程度如何？
謝謝。

KiuKiu媽媽

littleeva

唔使擔心, 小朋友好快适應的, 好似我個囡您知道佢K1返學時坐校車系完全無問題, 但返到學校就唔除低書包, 一直背住, 老師都用左一個星期先可以叫佢除低個書包咋, 您話呀, 我都估唔到佢坐校車好掂(我地都要一個鐘架), 但返到學校就無安全感, 好在佢都好快适應到, 一來佢系細囡, 可能真系爭小小, 唔夠大仔叻, 不過佢學習上系完全無問題, 相信您仔仔系無安全感, 再過一段時間在車上結識到朋友仔, 有傾有講, 好快到站, 咁佢地就唔會喊架啦, 比多少少時間佢啦, 或者您叫EE找個高班的小朋友同佢坐, 同佢傾下計, 咁佢感到有人關心, 相信好快過渡到, 放心啦!

littleeva

KiuKiu媽媽

謝謝您.  我真希望再過D 時間. 仔仔能夠適應到 獨自坐校車.
也希望直此鍛鍊他的獨立.

您囡囡好叻. 自己坐校車完全沒有問題.  而背住書包這個行為. 我朋友的囡囡在初初上學都係咁. 老師話小朋友想有D 安全感.

校車EE 話 她們是會安排 K1 坐 窗口位. 而找個高班/低班坐在隔離. 希望仔仔會和車友仔熟左, 冇咁怕.

littleeva

bosze

我都唔知點解我仔架校車冇安全帶. 下次再去問清楚先.

不用羨慕我啦. 中午老師來電說仔仔昨天放學哭著要媽咪接放學. 而校車ee 都係咁講. 仔仔回家後打電話比我, 大哭著說點解我唔接他放學……
老師話暫時唔好接他住, 等他適應先. 所以接放學都唔係一件好事. 原想另他開心點. 誰知破壞了他的適應期.

至於鐘意唔鐘意返學.  老師話不用直接問小朋友鐘意唔鐘意返學. 只是問他今日學校玩了什麼新遊戲, 唱了什麼歌. ……

其實我而家都唔會直接問仔仔鐘意唔鐘意返學, 我都係間接問他當天學校發生了什麼事 eg  婷婷有冇返學, 有冇小朋友沒有返學. 有什麼遊戲玩, 有冇油顏色, 有沒有出花園, 唱什麼歌…..etc
如果直接問他鐘唔鐘意返學. 他一定話唔鐘意, 掛住爸爸媽咪. 但間接問他. 他又好開心講學校d事比我知. 他話好busy, 好多野學. 老師講好多書……

KW

請問禮賢有没有国語班呢?

朱古力

bosze,
如果你仔仔唔想返學,你試下寫張字條比老師,等老師了解下,我覺得佢地會聽老師話多過父母話.

penpen

各位媽咪,
我女今天終於病了, 昨午食完野就嘔, 沒有痾,下午約6時忽然發燒, 好辛苦咁! 咳有痰, 之前未試過咳到咁既聲, 我聽到好心痛呀! 今朝同佢睇醫生話係感冒, 我諗應該係有人傳染左俾佢, 之前果日佢講過有個同學搞佢水壺, 飲佢D水, 我唔知係唔係咁傳染定係有其他同學傳染到, 今朝都冇發燒, 下午睡醒又忽然發燒, 都係低燒37.X度, 不過都好精神, 食得玩得, 明天冇發燒都會俾佢返學, 始終唔可以咁多日唔返學嘛~ 不過當然一定會戴口罩!! :cry: 學校都有打過俾我問佢因甚麼事請假! 今日佢等緊睇醫生果陣話要返學校唱歌!

KW,
記得第一次開家長會時,園長講過唔會有國語課, 但都會教少少!!    (我仲記得你之前賣左4隻得得B俾我, 我個女到現在仍然好鍾意呀, THX!   )

朱古力

penpen,

希望你囡囡快d好番喇.

我囝囝都開始流鼻水呀!仲有幾聲咳,所以我入左暖水比佢帶返學校飲.

車厘子

不好意思，我想問下各位家長，這間學校會在幾時招收2005幼稚園學生呢，因本人想幫仔仔報讀此間學校呀

penpen

朱古力,

thx! 我都想妹豬快d好番呀~ 我寧願佢傳染左俾我之後佢冇事! 我辛苦好過佢辛苦, 我辛苦祇係我自己, 佢辛苦就好多人都心痛, 第一晚聽到佢咳到有痰果d聲(低幾度)我真係好心痛, 因為佢以從來未試過咁! 但睇了醫生食了藥已好了好多, 好彩既係佢係果d肯乖乖食藥的小朋友! 就算佢瞓著左叫醒佢食藥都唔會扭計, 妳留意下仔仔之餘妳自己都要小心會傳染到!!  近排轉天氣係容易d中招
:-|

車厘子,
CLICK HERE!!

KW

Hi PenPen,

我記得啦!原來你囡囡讀呢間．我都打算報名、我想知如果禮賢小學收左係咪一様可以中央派位?我其實担心由馬鞍山出來車程太長、你遠不遠?學校程度点呢?

你女女好長情喎!Good girl!

朱古力

bosze,

係喇!真係無咩計.

昨日囝囝話比我聽XXX唔好打人喎,我話嚴老師知唔知呀?佢話知.佢開始講到小朋友D名喇!

GraceMami

littleeva,
咦, 我囡囡校車都有腰間安全帶喎.

我跟你接放學的情況有些類同, 上個星期連續幾天校車回程到站時間遲了十多分鐘, 我剛好返到樓下還見菲傭姐姐在等, 於是我就接連幾日接她校車.  星期一, 她上學前打電話給我, 要求我接她校車, 但我沒答允, 只告訴她上幾次是校車回程遲到我才接到.  她回家後便打電話給我, 哭得天也要塌下來似的, 終於要我一直跟她傾電話至家門.

中秋節, 我和蝦子餅打算一起接她放學, 給她一個大大的驚喜.


penpen,
我囡囡也有少少傷風, 有些鼻水, 有些痰, 吃了藥好得七七八八了.  希望你囡囡早日康復.  


bosze,
你囝囝說寧願留在家, 會否在學校有些甚麼事發生令他不開心呢, 我想, 最好還是向老師瞭解一下情況.

GraceMami

上次你們提過的 "有困難要克服, 唔識就要學", 我囡囡昨日回家後唸, 她說昨天李老師教的.  我還加了第三句 "唔明就要問", 囡囡連我加上的一句也一起說.

早陣子, 我囡囡常說 "誠心所願", 因為我禱告習慣在"誠心所願"之後說 "阿門", 我晚上跟她睡前禱告的話, 就會這樣說, 她就問 "嚴老師淨係誠心所願, 點解無阿門嘅", 我就說 "如果你有疑問, 下次返到學校就問下老師點解啦".   第二晚, 她突然對我說 "誠心所願即是阿門, 嚴老師說的", 她還說是她主動問嚴老師為什麼誠心所願之後沒阿門.  我贊她懂得發問, 她高興得很.

最近, 她除了放學歌, 經常唱著一首詩歌 "....我要唱, 我要唱, ....大衛王...", 我聽不清其他的歌詞, 但看著她邊唱邊做動作, 很開心享受.

penpen

KW,
中央派位, 之前聽講過就可以, 唔知有冇改到?   
呢間學校既程度應該係普通,唔會太難, 我女返學算好近, 因為我住sham shui po,所以不會搭好耐車, 我見好多人住好遠都會報呢間學校!

bosze,
係呀!我女都係響學校傳染返黎! 我平時已經好注意佢d飲食盡量增強佢d抵抗力, 點知都係頂唔住, 唯有希望其他家長知道自己小朋友病既時候都會幫小朋友戴返個口罩啦~

朱古力,
我妹豬前排放學話俾我知有同學推佢, 佢都話有話俾嚴老師知, 都未講得出名, 直至上星期, 佢忽然間問我同學叫咩名?! 我同佢講話我唔知, 叫佢返學問同學, 到左第二日佢話俾我知唔記得問, 第3日佢話記得同學叫陳子軒喇~  

GraceMami,
thx! 妹豬得黎都好精神!!  仲精神過我
有困難要克服..., 我上星期接妹豬放學時聽到嚴老師唸, 到左星期2妹豬已經識唸喇~ 我同佢等緊校車果時將 唔識就要學講左唔識就要做, 佢仲即刻糾正我添~  
我妹豬架校車都有安全帶架! 不過我見佢一上校車就兩隻手扶住前面個扶手, 其他同學都係咁!  
昨天我好矇, 將個銀包放左響妹豬個書包, 直至佢上左車開走左先發現自己兩手空空才醒起, 即刻打電話俾司機姐姐, 要佢返轉頭, 幾唔好意思呀! 最好笑係妹豬以為落車!  :