08/09 K1G am (Kent Rd) please chat here!

bjw

多謝你地幫永永祈禱,佢呢個星期都無返學,仲有小小燒,真係好彩無惹比細佬唔係都唔知點算,一個病我都無命,如果二個一齊病就死.永永加埋今日睇左三次醫生.

今日我都打過電話比miss yu,我仲問佢永永test點,佢話ok.其它都無咩點講.

我怕party完左公園黑蚊蚊無地方比d小朋友玩,而家冬天好快黑,如果有地方我都無所謂,我個日應該ok.

原帖由 Ng360 於 08-11-20 12:51 發表
我地今晚會祈禱永永快d好架, 你放心啦. 千祈唔好惹比細仔呀...

果日party完左可能都係黃昏左右lor, up to you啦, 因為我唔會比sheldon響果段時間zzz, 寧願佢玩多一陣, 8時左右先比佢一覺zzz到天光.

...

Ng360

永永好d未? 好擔心佢啊...

sheldon尋晚比佢老豆捉左去飲, 成11點幾先返屋企, 朝早起身返學又樓計, 又唔肯擦牙. 激死我. 午睡佢竟然由12點幾zzz到3點幾, 好怕佢今晚唔zzz.

原帖由 bjw 於 08-11-21 23:36 發表
多謝你地幫永永祈禱,佢呢個星期都無返學,仲有小小燒,真係好彩無惹比細佬唔係都唔知點算,一個病我都無命,如果二個一齊病就死.永永加埋今日睇左三次醫生.

今日我都打過電話比miss yu,我仲問佢永永test點,佢話ok.其它 ...

bjw

經過一個多星期的休息,永永終於好返.返左二日學仲好開心,有時佢係度扭計咁我同佢講如果再曳就唔返學跟住佢就乖一陣.

係咁,小朋友所以我星期日都唔咁同永永去街去到咁夜.

原帖由 Ng360 於 08-11-24 16:16 發表
永永好d未? 好擔心佢啊...

sheldon尋晚比佢老豆捉左去飲, 成11點幾先返屋企, 朝早起身返學又樓計, 又唔肯擦牙. 激死我. 午睡佢竟然由12點幾zzz到3點幾, 好怕佢今晚唔zzz.


...

Ng360

嘩, 即係無返一個星期wor, miss yu有無打比你問候下? 上次sheldon病左一日, 佢都有打比我. 話好掛住佢wor.

但好返就安樂哂啦, d小朋友要發下燒先會upgrade架.

我c6就係咁stubborn架喇, 明明第日要早起佢都可以去到咁夜. 我同佢講: 你攪到兩兄妹都無得zzz.

原帖由 bjw 於 08-11-25 21:33 發表
經過一個多星期的休息,永永終於好返.返左二日學仲好開心,有時佢係度扭計咁我同佢講如果再曳就唔返學跟住佢就乖一陣.

係咁,小朋友所以我星期日都唔咁同永永去街去到咁夜.

...

Ng360

尋晚返左church, 成10點先回家. 看手冊先知有棵小植物要種, 但個工人就無同我講, 又無同婆婆講, 日日響度day dreaming 今日我問起佢先如夢初醒話有, 我已經不下數十次叫佢將sheldon既事一一report我. 佢都仲係咁, 真係無符.

Ng360

hi, 又一個新既月份, 你地d小朋友點呀? 有無自動做功課呀? 星期六我問佢鍾意咩興趣班, dancing, singing, recitation, drawing佢都擰哂頭, 只係鍾意playgroup. 唯有同佢報. 希望playgroup d綜合活動arm佢啦.

sheldon尋晚有少少running nose, 唔通我又冷親佢?

bjw

好慘,哥哥病完而家又到細佬,細佬又發燒,又病左幾日今日先好返d,就黎攞我命,搞到我同c6都有小小病,累死所以呢幾日都無上綱.

miss yu有打比我,我都有問佢永永test點佢話ok.我都有問佢成個星期教過咩,佢叫我唔使怕,佢地講完都會搵返,所以永永都應該追得返,不過我問完miss yu都有教返永永.都係趕快幫哥哥打針,到細佬半歲都要快d同佢打,而家天氣咁唔好d小朋友好易病,同永永校車都有個小朋友幾日無返學.

我都有問過永永想返咩,佢答我彈琴,都唔知係咪,我費事佢返返下又唔返.

講到工人真係無符,我個好幾日然後又嚟,唔可以比我安落d.成日同佢講完d野都唔記得.叫佢做d野又做唔到是非識聽,我叫佢做野又唔識聽,比佢激死.

Ng360

唔怪得之無見你啦, 完全明白, 希望佢兩個快d好返, 你同老公要多d休息呀, 你99有無過黎幫你?

呢排d flu真係好勁, 我個fd個女, 2歲幾3歲, 星期六燒到入左院, 尋晚出左院又燒返, 唉... 神呀! 求你保守我地d小朋友! 唔好比d病毒侵害佢地!

既然永永無事, miss yu又話可以pick up返, 咁你就唔好操心啦, sheldon星期日都冷親, 幸好而家無事, 可以照返學. 佢仲唔zzz午睡, 我mommy都有煲d粥仔比佢, 你地都食清d啦.

我個工人都係咁上下, 就係欠主動, 又like問無厘頭既野, 真係睇少陣都出事. 而家唯有我mommy, 99輪住響我屋企照顧sheldon, 睇頭睇尾lor.

祝身體健康, 百病不侵! 快d好返迎接聖誕!

原帖由 bjw 於 08-12-1 17:51 發表
好慘,哥哥病完而家又到細佬,細佬又發燒,又病左幾日今日先好返d,就黎攞我命,搞到我同c6都有小小病,累死所以呢幾日都無上綱.

miss yu有打比我,我都有問佢永永test點佢話ok.我都有問佢成個星期教過咩,佢叫我唔使怕,佢 ...

Ng360

BJW,

有d mommy唔得閒呀, party你唔使做waiting list喇, 而家你係正選, 到時見!

今日miss yu打黎同我講, 工人放左d可樂糖比sheldon帶返去食, 因為sheldon有少少咳同痰, 唔可以食住, 真係比個工人激死.

順便我問下miss幾時再有assessment同report, 佢話下次, 但係唔講幾時wor.

ng360

bjw

因為呢幾日連我自己都病左,所以都無上黎,但party我己經入左錢,到時見!今次呢個病毒好勁,我都未時過病咁多日,呢二個先好d.真係要保重身體先得.

d工人真係,所以永永的點心我自己搞費事d工人亂黎.

我都有問過miss yu佢話上次那個唔會有report,下次先有.

我問永永同佢去party好唔好,佢話比我知sheldon係學校用黃色杯,唔知佢有無講錯,係咪真係識sheldon?

原帖由 Ng360 於 08-12-5 16:19 發表
BJW,

有d mommy唔得閒呀, party你唔使做waiting list喇, 而家你係正選, 到時見!

今日miss yu打黎同我講, 工人放左d可樂糖比sheldon帶返去食, 因為sheldon有少少咳同痰, 唔可以食住, 真係比個工人激死.

順便我問 ...

Ng360

咁你見好d未呀? d菌真係好勁, 我d同事都輪流病, 好在我大住個肚有抗體, 真係感謝神!

唔好講個工人喇, 佢好唔識做, 成日做錯野, 又駁咀, 今晚要搵agent同佢傾下先. 上次我搵agent響電話教下佢, 佢都好左一陣, 今次佢竟然響電話度數我! 但當面我同佢講, 佢態度又好似軟化d. 呢d咁既人真係養唔熟.

係呀, sheldon係用黃色蓋的杯架, 永永同你講架? 佢好叻叻bor. 我而家都有quote佢d同學名, 因為佢有時唔肯zzz, 我就話 nicholas 瞓左未? 瞓左! 佢就會好開心, 要跟住瞓.

而家sheldon係橙組, miss yu話要佢識多d同學仔.

黎緊聖誕假, 我打算比sheldon上d phonics, letterlans學下英文咁. 如果佢返得好, 我打算比佢繼續學. 今個星期六有試堂, 免費的, 可以睇下點.

p.s. 而家我都要睇返sheldon既茶點喇, 真係睇少眼都唔得.  

星期日見!

原帖由 bjw 於 08-12-9 10:16 發表
因為呢幾日連我自己都病左,所以都無上黎,但party我己經入左錢,到時見!今次呢個病毒好勁,我都未時過病咁多日,呢二個先好d.真係要保重身體先得.

d工人真係,所以永永的點心我自己搞費事d工人亂黎.

我都有問過miss yu ...

bjw

你自己都要小心身體! d菌真係好勁我自己都未試過病咁耐!你朋友個女有無話咩事咁勁要燒到入院,好彩我二個都係小小燒,我都好怕佢地發燒架,老公成晚唔使訓.

sheldon調左去橙組,永永無講,係咪sheldon唔多出聲所以miss yu調佢等佢識多d小朋友呢?我估永永都唔使佢咁多野講!

你地有無種三色堇,我地個盤好似就黎死咁,唔知仲救唔救到呢?

我都想比永永上英文班,但而家仲睇緊都唔知邊間好.

原帖由 Ng360 於 08-12-2 15:03 發表
唔怪得之無見你啦, 完全明白, 希望佢兩個快d好返, 你同老公要多d休息呀, 你99有無過黎幫你?

呢排d flu真係好勁, 我個fd個女, 2歲幾3歲, 星期六燒到入左院, 尋晚出左院又燒返, 唉... 神呀! 求你保守我地d小朋友! 唔 ...

Ng360

你老公真係好, 我隻c6一定唔會幫手.

miss yu話d小朋友係調來調去既, 其實我自覺Sheldon而家講野已經好左好多, 只不過響學校可能怕羞d.

我個fd個女無事喇, 上星期日都有返church添, kv收左佢下年讀k1. 不過我估佢未必選kv係1st choice, 因為佢哥哥考kv都收, 但都係讀左耀中.

唔好講果棵野, 比我工人整死左喇, 我去公司附近d花鋪睇過, 都有得賣, 個老細話係專for交功課, 不過如果未需要交住就叫我唔好買住, 費事又死過. 咁究竟要幾時交呢?

真係好喇, 星期日我地可以見下面, 再談.

原帖由 bjw 於 08-12-12 11:07 發表
你自己都要小心身體! d菌真係好勁我自己都未試過病咁耐!你朋友個女有無話咩事咁勁要燒到入院,好彩我二個都係小小燒,我都好怕佢地發燒架,老公成晚唔使訓.

sheldon調左去橙組,永永無講,係咪sheldon唔多出聲所以miss y ...

Ng360

尋晚sheldon行行下, 爬響地下扮趺親, 佢仲講 celine, 無事麻? 痛唔痛呀? 如是者幾次. 佢扮野咁叻, 真係笑死我. 不過, 我諗尋日可能有小朋友仆親.

bjw

個日party永永玩得好開心,成日仲掛住問我幾時再有party,我話比佢知星期五,如果佢有咩唔乖我就同佢講星期五無得返學,咁佢就乖乖.

噚日永永同我講話老師叫學校點心帶生果食就有大奬,跟住永永就即刻要我去街市幫佢買生果,仲叫我小心唔好整濕對鞋,真係比佢笑死.

我見而家好多花舖都有三色堇買,老板話入黎比小朋友交功課,但係我見佢地個d全部都開左花,如果自己種個盤都無咁快,係幾時要交相,都無講!

[ 本帖最後由 bjw 於 08-12-16 14:23 編輯 ]

Ng360

尋日開PARTY我見到永永, 同佢打招呼, 不過佢好懷疑咁, 可能唔認得我.

棵三色槿MISS YU話唔使交架. 所以我都無打算買lor.

phonics堂果度今日同佢試, 不過佢唔like, 唔肯上, 真係比佢激死.

星期四放學返黎, sheldon已經自己做咁d假期功課, kv真係train到佢地自己做架. 但我影印唔切wor. 唉.... 而家諗緊, 佢唔like上phonics, 咁2個星期假期做咩好呢?

bjw

唔見幾日我以為妳生得.

佢應該認得妳,不過可能佢唔識應妳,早幾日我問永永sheldon有無返學,佢話有,我話佢媽咪生左妹妹未,佢答我未咁快要過幾日,笑死我!

妳係學校見到永永佢係咪成日係學校怪晒乖.永永星期四放學都係一返到去差唔多做晒功課,有時佢見到我件衫同佢老豆見衫有d虛線,佢就話好似佢d功課,佢要攞顏色筆嚟畫我件衫.

原帖由 Ng360 於 08-12-20 12:14 發表
尋日開PARTY我見到永永, 同佢打招呼, 不過佢好懷疑咁, 可能唔認得我.

棵三色槿MISS YU話唔使交架. 所以我都無打算買lor.

phonics堂果度今日同佢試, 不過佢唔like, 唔肯上, 真係比佢激死.

星期四放學返黎, shel ...

Ng360

我日日都有上網架, 不過近日掛住msn, 好少post lor. 話時話, 我仲有3個星期先放, 仲有成5個星期先係預產期.

而家個肚好大, 食飽左好頂胃, 落左隔又好快餓... 好辛苦...

kv真係train得d小朋友好乖, 我mommy都話sheldon乖左好多, 佢而家定時定侯自己拿習作出黎做. 唔使叫.

永永原來認得我, 真係好, 不過太多小朋友, 我一轉頭都睇唔到佢坐邊. k1g個個小朋友都坐定定. 11-12月生日果幾個可能係2004年的, 因為我覺得佢地好大件頭, 哈哈...

原帖由 bjw 於 08-12-23 15:54 發表
唔見幾日我以為妳生得.

佢應該認得妳,不過可能佢唔識應妳,早幾日我問永永sheldon有無返學,佢話有,我話佢媽咪生左妹妹未,佢答我未咁快要過幾日,笑死我!

妳係學校見到永永佢係咪成日係學校怪晒乖.永永星期四放學都係 ...

bjw

忙完一個聖誕假明天就要返學,睇黎永永聽朝要鏟先起身.

不個5個星期好快過,好好享受一個,第日妹妹出左世有排妳忙.sheldon有無好開心知道妹妹要出世?

原帖由 Ng360 於 08-12-24 11:45 發表
我日日都有上網架, 不過近日掛住msn, 好少post lor. 話時話, 我仲有3個星期先放, 仲有成5個星期先係預產期.

而家個肚好大, 食飽左好頂胃, 落左隔又好快餓... 好辛苦...

kv真係train得d小朋友好乖, 我mommy都話sh ...

bjw

激死!星期三永永坐校車隔離同學仔嘔到佢個身上,到星期四永永又發燒,同佢睇醫生話佢流感,上星期日先同佢打完針,又二日無返學,星期一都唔知好返未,上次病都成日星期先好返,點解d菌咁勁架!原本今日同佢地去廸士尼,而家又唔使去lu.