將軍澳富康德寶(DEBORAH)

janetlam74

各位媽咪,

你們小朋友讀國際班.....到上小學會比他們讀本地小學嗎?

wing530

喂~ 各位媽咪,

你地買左鞋仔未呀? 我買左啦~ 不過, 我發現一樣野呀! 夏天著白鞋, 冬天就著黑鞋, 咁對白鞋著3~4個月就唔著啦, 等再轉季, 到時對鞋都唔知o岩唔o岩著啦, 好似好浪費咁既, 大家有無同感呀~

係呢, 有無人知幾時有書包呀? 係咪番學果日先派呀? 咁咪"兩手fing fing"囉~     

homingm

wing530>>你或者買大少少囉，書包印象中好似係返學第一日派o架。係bor，我都未幫細仔買鞋o添，多謝提醒

fifi

我已經睇好o左D鞋仔﹐不過想行多幾間﹐買就買對’青見‘D
o既。原來冬天係著黑鞋﹐咁玩野。

你D有冇見到另一個topic講德寶學費好似唔同我D交o既﹐主流$20XX﹐國際$2900﹖

書包好似係家長日果日派呱。

wing530

>>homingm,

我都係得fifi提醒咋!      我昨日仲買左一個毛巾盒tim呀, 好似要帶手巾仔番學架~

>>fifi,

係呀! 冬天係著黑鞋仔, 灰色襪架! 我係Dr. Kong買左鞋啦, 都無咩款, 因為阿仔係咩前腳厚肉, 要搵d闊少少既, 所以, 都無得選擇啦~

你講咩呀? 我唔明喎! 你係咪話有另一個topic講"得寶"d學費唔同我地呀? 我唔知喎, 我地主流而家交$2017呀!

書包我都有唸過家長日派, 但係, 如果個日有d人唔得閒出席, 咁開學果日, 咪有d有書包, 有d無囉, 我估唔會咁混亂掛~    

HALAHA

你們好似個個都做好準備開學啦,我都未幫我囡囡買鞋tim,呢個禮拜都差不多要買啦.
fifi講另一個topic講"得寶"d學費唔同我地呀?我都有睇過,咩國際班不是$2900咩,是幾多啊?
我們主流班,書包是返學第一日才派,所以我都買咗毛巾盒,希望到時用不著啦.

fifi

唔使唸啦﹐今日收到信﹐話D學費定左國際班$2900﹐叫我D去交多$100。我返來仲打左去問﹐話之前的學費係臨時的﹐教署沒批落來﹐而家批左落來$2900。主流好似$2300。係唔係沒變啊﹐上年去interview果陣話主流$2500﹐國際$2800。已經夠晒貴﹐仲要加。我朋友的女讀St Catherine, 一個月都係$3300﹐交10期﹐書雜費同我D差唔多。德寶交12期仲貴過人。 唉﹐唔係為左個女唔使騰來騰去出九龍塘真係覺得唔值。而家真係唸下轉第間出名D o既﹐凡定都要用咁多$

HALAHA

fifi,
我們主流班的學費不變都是$2017,其實我都好贊成你的說法,無理由我們要交12期學費,同埋我們主流班的書雜費仲要咁貴.我都有睇過其他媽媽討論將軍澳的幼稚園,有討論出面的名校幼稚園,我都心郁郁,可能k2轉出去讀,等小學有個保障.有心水幼稚園,記得報料給我.

sally^o^

哎呀…過左「沙士」，大家都唔知幼稚園學費係計成年架咩！然後每個月分期付款架！唔信問下教統局啦！
我有 d 朋友行家的學校係收緊十一期，九月至開課，呵呵…，查實人地已經收左 d 家長成年學費架啦，有 d 學校仲收十期，唔好以為仲要多謝學校添呀！如果個間園收十二期未仲好，個個分期付款都唔使咁重皮呀嘛！
(死喇！爆左 d 學校的數字遊戲出黎添！)
幼稚園老師的Sally ^o^

nora

書包係開學第一天先有呀,
家長日仲會見到自己個班的老師,
毛巾仔就自己帶,但毛巾盒就好似係學校供應o喎,
而我就買左返學鞋比囡囡,我係係尚德村商場買平D,
因為著唔到2,3個月又換季唔需要買太貴,等冬天先買靚D
我個對好似係7,80蚊呀!

fifi

sally^o^,
多謝你﹗其實我都知係D數字游戲﹐因為之前都同學校主任傾過。不過真係覺得收得太貴。最唔抵係仲貴過好多名校。雖然話貴的學費有時變向保證左D學生的質素﹐但都應該有個限度﹐係名校﹐對小學升學有D保障就話比多D都值。但哩間又唔係。哩幾年又話經濟唔好﹐小朋友越來越少﹐但學費就係咁加﹐唔怪得人D唔敢生多幾個啦﹗ :evil:

hinhinmom

wing530,
你仔仔升k1呀?? 我仔仔都係呀~
我8月7日都請左假返學校開家長會,
頭先問左deborah, 佢地話開學日先至派書包,
同pre-nur一樣, 你地會唔會8月7日去deborah開家長會呀?? 可以有伴呀~~

sally^o^

fifi,
好開心呀)))))，多謝你的回應呀…！我仲驚住大家會話我幫住晒d行家添！驚驚呀！其實我只係想將一d大家唔知或誤解的野同大家講下架咋！例如…收幾多 $ 學費係由教統局批架！唔係學校話幾多就收幾多，唔…學校應該有d批學費的文件擺係到架，嘻嘻！講多左lu~~~~~！
仲有呀，你地唔好唔生仔呀，唔生仔我地就冇工返架啦！見到d中､小學老師咁慘，我都好驚遲早消到埋我地幼稚園到呀！生啦…生啦…生多d啦！
生仔…生仔…生仔…生仔…生仔…生仔…生仔…生仔…

twokidsmum

我都覺得德寶主流班貴，我見國際班比主流班只是貴了HK$200-300，所以就替兒子報了國際班．雖然未知教得好不好，但我覺得在全英語環境下學習英語會遠比上英文班快．我希望可省下參加英文班的費用，以便宜得多的價錢讓他學普通話和其他興趣班．

fifi

twokidsmum,
國際班比主流班貴唔只$200-300啊﹐主流$20XX﹐國際$2900﹐真係貴好多。我上年去interview 時﹐佢D又係寫比我主流$2500﹐國際$2800﹐咁真係差$300。

starfishting

我覺得讀國際班與否，視乎你想小朋友將來升讀傳统小學或國際小學，因為始終主流班接觸中文的機會大很多，而國際班則主要英文，我的女兒最初是讀國際班，後來升上K1轉回主流班。

hinhinmom

starfishting,
我贊成你o既講法,
唔係學費貴唔貴o既問題,
而係小朋友升p. school時會唔會讀國際學校或本地小學,
我上年同仔仔報名時, d主任都係o甘講,
本地小學都會視付小朋友可否適應中文教學.
我想仔仔p. school時讀本地小學, 所以比仔仔讀主流班,
宜家仔仔返左半年pre-nur, 識左好多野,
英文班又有外籍老師教, 仔仔有時都會"彈" d英文比我~~

HALAHA

其實德寶主流班的學費,我覺得OK啦.因為比較我屋企附近嗰間翠茵幼稚園(之前有topic講過),德寶就平啲,翠茵幼稚園,學費$2380.00,但校舍和口啤都不及德寶,所以雖然遠,但我都選擇咗德寶.
各位媽咪可不可以交流一下選擇德寶的原因,和對你的小寶寶將來升上P1的打算.

fifi

HALAHA﹐
如果主流班學費係$20xx﹐咁都ok, 唔算貴﹐之前我一路以為係$2500﹐所以話貴。

我同你一樣﹐屋企旁邊都有幾間幼稚園﹐eg, 綠茵﹐翠茵﹐天主教xx.....但因為唯有聽各位對德寶的討論評價都好﹐校舍都ok﹐D 人又好nice, 所以雖然遠些小﹐都選擇左佢。
我幫女報國際班﹐咁係想佢學好D英文﹐至少聽講要完全無問題。因為我D遲早都要比佢返出去讀書。其實好矛盾﹐我D想佢係哩度學好D中文﹐但哩度又少左英文環境﹐如果我D係屋企同佢講英文﹐又好難做到﹐因為仲有其他屋企人。所以選擇左係屋企講中文﹐係學校講英文。至於中文書寫﹐K2開始如果學校唔教﹐我D都準備下D功夫。(而家佢都係屋企作D線條練習)

講到P1﹐而家都沒決定﹐到時睇情況先定﹐但多數唔會讀國際﹐咁真係學唔好中文啦。

我個人覺得學語言哩樣野﹐好難分先後﹐但中文會更難學同接受﹐所以我的原則係儘量平衡佢的語言環境。

各位媽咪﹐你D有麼主意啊﹖為左小朋友返學的野﹐真係幾頭痛。

wing530

Hello, hinhinmom

係呀! 阿仔讀K1呀, 不過, 佢唔係升K1喎, 佢無讀n1架, 唸住慳d麻~     你仔仔讀主流還是國際班呀? 有機會做同學仔喎~

家長會, 我都會請假去, 睇下有咩要知道/注意囉! 你地會唔會帶埋小朋友去架? 啊~ 書包原來係開學日派呀! 唔該哂~

開頭我都有唸過比仔仔讀國際班架, 果時學費話相差幾百蚊, 好似覺得國際班抵d喎, 但係一問之下, 原來無中文既, 我又無咁多彈藥比仔仔出去讀國際學校, 無中文? 咁點上小學呢?  唯有讀主流班囉~

其實除左德寶之外, 我就鐘意梁省德幼稚園架! 留位費都交左, 最後都覺得環境, 有外籍老師, 又話小學既校長都鐘意呢間幼稚園, 就算K2轉出去讀, 好多都話收架喎, 所以, 就讀呢間啦, 至於K2會唔會轉出去讀, 仲未知之數啦~

聽講"遁道衛理小學"唔錯喎, 係直資喎, 你地有無唸過呢間呀?