有冇小朋友讀緊"公文式"入黎分享下啦

oo_happy_oo

高班一開學便需要考！

Aries媽咪

fanny,

今日in完, 一開始校長會同24個小朋友及家長講解考d咩, 之後就小朋友跟姐姐入房考, 校長就同家長交流, 跟住就有人叫家長面談, 內容大致對學校祈望, 平時小朋友會做咩呀? 有咩興趣呀?
考小朋友仲容易, 考佢合唔合群, 然後考英文及普通話, 囡囡話問佢顏色及水果, 跟住叫佢可唔可以表演d嘢, 我囡囡就唱歌, 其實校長話考小朋友, 唔係睇佢識唔識答, 係睇佢很唔很答, 想知小朋友夠唔夠主動喎.
好容易的, 放鬆心情就得

fanny_wong

Aries媽咪,

早晨呀, 因為我屋企部腦壞左, 今朝番工先有得上網 , 如果學校收左你囡囡咁你會唔會比佢讀呀?仲有我使唔使帶成績表正本等等?我問過幼稚園表演係上午, 因公文數老帥話可以1:30上課咁放學就要2:15, 但我面試要3:00你估d時問會唔會好趕呢?

Aries媽咪

fanny ,

妳知唔知要早3個字到呀?

所有文件都要帶正本比佢讀,  講到讀唔讀, 我真係唔知呀!
好多人都叫我比囡囡出去讀, 驚新學校無信心, 上次校長講到, 所有校董以前都係校長, 好有經驗的?????

妳會唔會比囡囡考陸慶濤呀?或其他學校呀?

fanny_wong

Aries媽咪,

其實如果學校收我囡囡我都會比佢讀, 因為近屋企又係一間英小, 係將軍澳區都比較少有, 佢雖係新校但如果做得唔好第時又邊有人會再讀收生就更加唔使講, 至於陸慶濤係津貼小學要抽先可以入同埋佢間學校都幾舊, 好似話讀保良局既幼稚園會機會大d, 我就覺得唔值得博, 咁你有冇考慮讀私小呀?

fanny_wong

Aries媽咪,

原來陸慶濤都轉左做直資?岩岩我問個朋友先知, 我個朋友話陸慶濤星期六會開簡介會你會唔會去呀?如果你有興趣不如去聽下都好架, 呢間學校係有一條龍, 好似係保良局羅氏基金中學, 不過就唔知好唔好law?咁你仲有冇其他心水呀?

Aries媽咪

fanny,

其實我鐘意出面d學校多d, 不過好多都係私校,  聖方濟, 宣小都係我鐘意的, 太名又驚囡囡讀唔掂, 瑪利諾及st. mary就唔使諗, 九龍塘聖家我都喜歡, 唔知點解自己好想比囡囡讀女校, 真心大心細, 今個星期六我會聽陸慶濤簡介會, 聽吓都無蝕低

fanny_wong

Aries媽咪,

我都好鍾意宣小呢間學校, 不過係九龍塘又要搭校車, 佢地派既中學都幾好架, 其實我都唔想個女讀得太遠, 我每天番工都見到d學生係d媽咪帶佢地番學, 雖然唔係搭校車, 但係見到佢地都好慘架, 番工番學時間特別多人搭車, 有d小朋友比人迫到跌底, 有d倦到訓著左, 睇到都心痛   , 如果小朋友大d升中一就可選較遠的學校, sorry, 純粹個人意見,希望你快d搵到間適合你囡囡的好學校  

Aries媽咪

Fanny,

大家都係到煩, 仲知現今做父母唔容易,我唔做嘢都係為咗囡囡, 做全職媽媽真係好多嘢煩, 妳點呀?
緊唔緊張, 放心啦!妳囡囡一定得架

fanny_wong

Aries媽咪,

係呀真係好煩, 選學校如果程度太深又驚跟唔上, 太淺又驚佢學唔到野, 我都好驚選錯, 你唔做野都好D可以放多D時間比囡囡同選校, 我覺得你做全職媽媽都做得好好, 因為你教得囡囡成績又好又聽話 , 你星期六聽完簡介會順便話埋比我知佢間學校好唔好呀

星期六就面試啦, 我同老公都好緊張 , 希望順利啦

Aries媽咪

fanny,

唔使驚啦 平常心就得, 個校長好好人的, (但其實這個唔係真係播道校長, 係校董 , 校長仲未落實)

記住佢地會問妳, 對學校有咩祈望,對小朋友有咩祈望呀????

聽日我老公或者會再去學校問問佢地d理念

妳睇我老公真係仲緊張過我

情情媽咪

各位媽媽,

我囡囡3歲 , 唔知好唔好比佢讀"公文式" , 會唔會太快呢? 請比些意見我 ?   

fanny_wong

Aries媽咪,

星期六終於面試完啦, 不過成個過程都要成兩個半鐘呀!   坐到我都"牛牛地"問我問題我都唔知自己答左D mud, 其實都好多人都唔係咁清楚間校學既野個個都好似我咁唔好理報左先咪走寶 , 聽完校董講完就清楚好多, 我果日見到都好似冇MUD新移民咁都好D, 咁你有冇去陸興濤聽簡介會呀!

Aries媽咪

fanny,

星期六我老公都有去聽, 仲由二點聽到三點半, 佢話今次好亂, 因地方大咗, 有d小朋友仲打架 , 可話七國咁亂      .

佢就話咗好多問題,  知道小學一定唔會好活動, 因有精英班, 同埋開頭一定會亂些 , 但係我地立場倒無所謂, 同陸慶濤比較, 環境一定係播道好, 課程"陸"應該會完善d, 仲有一人一樂器, 同佢地出面都攞唔少獎,  不過自己就鐘意播道多d, 一來近, 二來環境無咁雜,  妳又點睇呀?

直資小學好少有新移民(有錢除外), 所以妳可以放心, 讀得比錢的學校, 家長比較緊張小朋友, 就係我點解選私小及直資的主要原因.

fanny_wong

Aries媽咪,

係呀, 講得冇錯真係可以用七國咁亂黎形容, 又冇指示牌, 又冇人帶去邊間房, 我要兜來兜去先搵到, 我個囡囡話玩玩下玩具比小朋友槍左, 又有D小朋友係到喊, 你老公都幾好聽左成個半鐘咁有耐性 , 我都聽到冇MUD心機, 因為係重覆又重覆, 校董話應該會係呢兩次面試選晒所有合標準既學生wor, 至於陸慶濤係將軍澳黎講都係唔錯既學校, 不過有d人話呢間學校都谷得d學生好"衡", 小朋友都會讀得好辛苦, 我同你一樣都係鍾意播道多d, 我見到有d家長山長水遠都黎面試我想都唔錯掛

fanny_wong

Aries媽咪,

你呢排係咪好忙呀?你冇上黎bk既, 係咪忙緊同囡囡讀暑期班呀?

Aries媽咪

fanny,

呢兩日太熱, 咩心機都無, 亞囡返咗暑期班咪煲番之前睇過嘅韓劇, 所以少咗上嚟law     

妳囡囡點呀? 有無報暑期班呀? 平時係咪奶奶湊妳囡囡呀?

Clementmammy

Hi,

Can anyone help me to decide what kind of Math is better for a 5-6 years old boy(公文Or 珠算).
He studied in Kumon for more then a year. Nothing much improve, still need to count with finger sometimes.
If 珠is better, can somebody give me a contact near Kowloon Tong. Thank you!

fanny_wong

Aries媽咪,

我個女無報暑班, 因為奶奶果邊冇岩心水既課程太遠又怕奶奶湊唔掂, 係呀呢幾日我都覺得好熱公司冷氣壞左熱到頭暈暈唔想做野, 間唔中"蛇"下上網就過得快D  

你囡囡公文式英文讀成點呀?讀到6A未呀?